1 Korénte 11
11
1Byɔɔnɔ́no eheyá yámé ámó noó mbɔɔnɔmó eheyá yá Kirítu.
Onómótó na okótó na aŋgísó rá Okí
2Ŋgo nó támanámó, esene éyé no mbuŋganámó táma iŋgimé, kó nó béeryámó ehoóhona éyé ŋgo ma nó cékíyé. 3Wó je rií anáá mbaŋgámó anáá no jembe anáá na wusó wa onómótó Kirítu ójó ámó na ucé, na wusó wá okótó uŋgimé ómó onómótó kójo a ámó na ucé kó na wusó wá Kirítu, Irɔŋgɔ kójo a ámó ucé. 4Ará onómótó a vá soóriyámó ítɔɔ ará a húmíyámó maró má Irɔŋgɔ na vato ucé húwáné húwáné, a ta mítyé njwé raá. 5Vedá okótó a vásóóríyé ítɔɔ ará a húmíyámó maró má Irɔŋgɔ ká húwána ucé ráá, a ta mítyé njwé raá. A ámó amó okótó ójó vá mó mwá ucé ráá. 6Ŋgé okótó a ríi ka húwé ucé ráa, ómwané ovámwá kító. Vedá ámó wó ámó wuswéni na wusó wá okótó anáá a timbe kító mwémwé ítɔɔ sómbé sómbé, ómwané ohúwé ucé ráa. 7Onómótó a ta gérémena ohúwé ucé, esene éyé anáá a ámó potá kó niimí na Irɔŋgɔ, vedá okótó ómwané a ámó niimí ná onómótó. 8Esené éyé anáá okótó a urámó na onómótó, até onómótó kójó a urámó na okótó, 9Kó onómótó a ta ma hendewena na wusó wa okótó, veda okótó kójó a má hendewena na wusó wa onómótó. 10Wandá mwáné kówo na wuso wá va éŋgerese, okótó a geremenamó ovétééna ucé ráa húwáné húwáné ukú ójó anáá a tíhíye anáá a vásísyámóna na aŋgísó rá njwé raá.
11Wó je rií anáá na Okí okótó a ta sɔ́tɔ́ ka na onómótó, kó onómótó a ta sɔ́tɔ́ ka na okótó, 12esene éyé ŋgé okótó urámó na onómótó, onómótó hónó a byánávenámó na okótó, kó wimé wó urámó na Irɔŋgɔ. 13Vinó maté no enámó twiiŋí: Yé wó ámó wusi ará okótó a vásoóriyámó ka húwána ucé? 14Esɔ́tɔ́ e só yéérámó anáá wo ámó woswéní anáá onómótó a timbe virehíyé vyá kító, 15okótó ómwané owámó visaŋgena na kító ráá. Esené vá ma erééná okótó kító íjí í ráhámó ukú ójó anáá a timbaana nijí ámó ntómó. 16Kó ŋgé moto a diŋgé anáá a enda na wusó na opetaana na ndɔ́ŋɔ́ mwané, a geremenamó ojembe anáá visó to ta timbé púrú mwané, ítɔɔ mowónjámwá vatɔ́wɔ mwá Irɔŋgɔ honó.
Manyá má Okí
17Amó ndo ámó na o nó túre ówó etú, ta hítí o nó támana, esene éyé mukwááná mwá vinó mó nó eŋgámó wobé otómbá wusi. 18Wá makésyé wó ámó anáá táma éjé no váwonjáanámó, cená í ámó ra raaté wa vinó. Vá máŋgojáná kó ŋgo enámó anáá wandá mwané wó ámó teta vatɔ́ɔ́tɔ́. 19Wó súsámó maté honó anáá cená í rií na raaté wa vinó ukú ójó anáá to jembe ava vá ámó na mpaŋá ra pé. 20Ará no váwonjáanámó, wó ta ámó manyá má Okí káma no wɔ́rɔ́mó. 21Esené na itíndíkáná ra onyányá, ámó moto a endámó kwakwa na onyá ówó manyá máa maté, ɔ́wɔ́ wó etá anáá avámó vá ová njeŋge, avámó jéví jéví na mɔwɔ́. 22Ye no ta timbé byanje vyá vinó íví no ámó onyá no vényú ɔ́wɔ́? Kee no byendyámó iwónjá rá vatɔ́wɔ rá Irɔŋgɔ no wunde ovaá ava vá ta timbé wandá wuswéní? No diŋgámó anáá njárá até na vinó? Ye ŋgeremenámó o nó támana? Mbéndɔ́ na mpáá eméje ta nó támáná.
23Esené noó ehoóhona éyé ŋgo ma timbé na Okí éyé ŋgo ma nó cékíye honó kéeyé: Wutúú ówó Okí a ma kavávéná, a ma wɔ́rɔ́ beréte, 24kó na wéŋga ówó anáá a mana otéŋgyé Irɔŋgɔ, a ma cécéná ayáá: «Owó wó ámó nótó rame, éjé e ámó na wusó wá vinó. Ŋgáno até eyé anáá no mbuŋgáná.» 25Na nimé ra manyá, Okí a ma eŋgá sɛ́ɛm wa wandá owɔ́rɔ́ ndeya ra mɔwɔ́ ayáá: «Ndeyá ra mɔwɔ́ ejé e ámó mkpámáká ra iretye ra Irɔŋgɔ, esene éyé miné mamé má utúwámó na wusó wá vinó. Itíndíkáná iŋgímé íjí no né támó vényú mɔwɔ́ amá, vinó weŋga wandá mwané anáá no mbuŋgana.» 26Esené táma iŋgimé éjé no nyámó beréte ojó, no vényú honó mɔwɔ́ amá, no ojámó nugwé ná Okí hwɔs ará a né endámó uré. 27Wandá mwané kówo ojo a nyámó beréte wa Okí a wunde ovényú mɔwɔ́ maá etéŋgé etéŋgé, moto mwané a eŋgámó nyéŋgé na nótó kó na miné má Okí. 28Wandá mwané kówo ámó moto a geremenamó omana néména cɔ́téná raá, kaá ómwané o je nyá beréte omójo, owunde ovényú mɔwɔ́ amáma. 29Esené ojo a nyámó beréte a wunde ovényú mɔ́wɔ́ ka je jemberana anáá wó ámó nótó ra Okí a nyámó kó a vényámó jósi waá maté. 30Wandá mwané kówo ombunu na raaté wa vinó ó nɔ́mó, avámó ka na ŋguru, kó ombunu honó ó ma maná ogwaána. 31Wó a ríi anáá to katámó mana onéména cɔ́téná ra visó, Irɔŋgɔ ka só jósyé. 32Vedá Okí a só jósyámó kó a só pwénísyámó ukú ójó anáá to rií ka jósyévena orɔŋgɔ na cí ra ndono. 33Kaá tetee ojó sɔ́ va mbísó, ará no váwónjéenámó anáá no nyá manyá má Okí, vinó ovágíráana vinó na vinó. 34Ŋgé moto a ová njeŋge, ómwané omana nyányá na edɔŋgɔ yáa ukú ójó anáá táma éjé no váwónjéenámó, Irɔŋgɔ ka nó jósyé. Na até éyé é néménámó mamba amámó, ŋgo héndámó ará ŋgo né urámó.
လက္ရွိေရြးခ်ယ္ထားမွု
1 Korénte 11: tii
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL
1 Korénte 11
11
1Byɔɔnɔ́no eheyá yámé ámó noó mbɔɔnɔmó eheyá yá Kirítu.
Onómótó na okótó na aŋgísó rá Okí
2Ŋgo nó támanámó, esene éyé no mbuŋganámó táma iŋgimé, kó nó béeryámó ehoóhona éyé ŋgo ma nó cékíyé. 3Wó je rií anáá mbaŋgámó anáá no jembe anáá na wusó wa onómótó Kirítu ójó ámó na ucé, na wusó wá okótó uŋgimé ómó onómótó kójo a ámó na ucé kó na wusó wá Kirítu, Irɔŋgɔ kójo a ámó ucé. 4Ará onómótó a vá soóriyámó ítɔɔ ará a húmíyámó maró má Irɔŋgɔ na vato ucé húwáné húwáné, a ta mítyé njwé raá. 5Vedá okótó a vásóóríyé ítɔɔ ará a húmíyámó maró má Irɔŋgɔ ká húwána ucé ráá, a ta mítyé njwé raá. A ámó amó okótó ójó vá mó mwá ucé ráá. 6Ŋgé okótó a ríi ka húwé ucé ráa, ómwané ovámwá kító. Vedá ámó wó ámó wuswéni na wusó wá okótó anáá a timbe kító mwémwé ítɔɔ sómbé sómbé, ómwané ohúwé ucé ráa. 7Onómótó a ta gérémena ohúwé ucé, esene éyé anáá a ámó potá kó niimí na Irɔŋgɔ, vedá okótó ómwané a ámó niimí ná onómótó. 8Esené éyé anáá okótó a urámó na onómótó, até onómótó kójó a urámó na okótó, 9Kó onómótó a ta ma hendewena na wusó wa okótó, veda okótó kójó a má hendewena na wusó wa onómótó. 10Wandá mwáné kówo na wuso wá va éŋgerese, okótó a geremenamó ovétééna ucé ráa húwáné húwáné ukú ójó anáá a tíhíye anáá a vásísyámóna na aŋgísó rá njwé raá.
11Wó je rií anáá na Okí okótó a ta sɔ́tɔ́ ka na onómótó, kó onómótó a ta sɔ́tɔ́ ka na okótó, 12esene éyé ŋgé okótó urámó na onómótó, onómótó hónó a byánávenámó na okótó, kó wimé wó urámó na Irɔŋgɔ. 13Vinó maté no enámó twiiŋí: Yé wó ámó wusi ará okótó a vásoóriyámó ka húwána ucé? 14Esɔ́tɔ́ e só yéérámó anáá wo ámó woswéní anáá onómótó a timbe virehíyé vyá kító, 15okótó ómwané owámó visaŋgena na kító ráá. Esené vá ma erééná okótó kító íjí í ráhámó ukú ójó anáá a timbaana nijí ámó ntómó. 16Kó ŋgé moto a diŋgé anáá a enda na wusó na opetaana na ndɔ́ŋɔ́ mwané, a geremenamó ojembe anáá visó to ta timbé púrú mwané, ítɔɔ mowónjámwá vatɔ́wɔ mwá Irɔŋgɔ honó.
Manyá má Okí
17Amó ndo ámó na o nó túre ówó etú, ta hítí o nó támana, esene éyé mukwááná mwá vinó mó nó eŋgámó wobé otómbá wusi. 18Wá makésyé wó ámó anáá táma éjé no váwonjáanámó, cená í ámó ra raaté wa vinó. Vá máŋgojáná kó ŋgo enámó anáá wandá mwané wó ámó teta vatɔ́ɔ́tɔ́. 19Wó súsámó maté honó anáá cená í rií na raaté wa vinó ukú ójó anáá to jembe ava vá ámó na mpaŋá ra pé. 20Ará no váwonjáanámó, wó ta ámó manyá má Okí káma no wɔ́rɔ́mó. 21Esené na itíndíkáná ra onyányá, ámó moto a endámó kwakwa na onyá ówó manyá máa maté, ɔ́wɔ́ wó etá anáá avámó vá ová njeŋge, avámó jéví jéví na mɔwɔ́. 22Ye no ta timbé byanje vyá vinó íví no ámó onyá no vényú ɔ́wɔ́? Kee no byendyámó iwónjá rá vatɔ́wɔ rá Irɔŋgɔ no wunde ovaá ava vá ta timbé wandá wuswéní? No diŋgámó anáá njárá até na vinó? Ye ŋgeremenámó o nó támana? Mbéndɔ́ na mpáá eméje ta nó támáná.
23Esené noó ehoóhona éyé ŋgo ma timbé na Okí éyé ŋgo ma nó cékíye honó kéeyé: Wutúú ówó Okí a ma kavávéná, a ma wɔ́rɔ́ beréte, 24kó na wéŋga ówó anáá a mana otéŋgyé Irɔŋgɔ, a ma cécéná ayáá: «Owó wó ámó nótó rame, éjé e ámó na wusó wá vinó. Ŋgáno até eyé anáá no mbuŋgáná.» 25Na nimé ra manyá, Okí a ma eŋgá sɛ́ɛm wa wandá owɔ́rɔ́ ndeya ra mɔwɔ́ ayáá: «Ndeyá ra mɔwɔ́ ejé e ámó mkpámáká ra iretye ra Irɔŋgɔ, esene éyé miné mamé má utúwámó na wusó wá vinó. Itíndíkáná iŋgímé íjí no né támó vényú mɔwɔ́ amá, vinó weŋga wandá mwané anáá no mbuŋgana.» 26Esené táma iŋgimé éjé no nyámó beréte ojó, no vényú honó mɔwɔ́ amá, no ojámó nugwé ná Okí hwɔs ará a né endámó uré. 27Wandá mwané kówo ojo a nyámó beréte wa Okí a wunde ovényú mɔwɔ́ maá etéŋgé etéŋgé, moto mwané a eŋgámó nyéŋgé na nótó kó na miné má Okí. 28Wandá mwané kówo ámó moto a geremenamó omana néména cɔ́téná raá, kaá ómwané o je nyá beréte omójo, owunde ovényú mɔwɔ́ amáma. 29Esené ojo a nyámó beréte a wunde ovényú mɔ́wɔ́ ka je jemberana anáá wó ámó nótó ra Okí a nyámó kó a vényámó jósi waá maté. 30Wandá mwané kówo ombunu na raaté wa vinó ó nɔ́mó, avámó ka na ŋguru, kó ombunu honó ó ma maná ogwaána. 31Wó a ríi anáá to katámó mana onéména cɔ́téná ra visó, Irɔŋgɔ ka só jósyé. 32Vedá Okí a só jósyámó kó a só pwénísyámó ukú ójó anáá to rií ka jósyévena orɔŋgɔ na cí ra ndono. 33Kaá tetee ojó sɔ́ va mbísó, ará no váwónjéenámó anáá no nyá manyá má Okí, vinó ovágíráana vinó na vinó. 34Ŋgé moto a ová njeŋge, ómwané omana nyányá na edɔŋgɔ yáa ukú ójó anáá táma éjé no váwónjéenámó, Irɔŋgɔ ka nó jósyé. Na até éyé é néménámó mamba amámó, ŋgo héndámó ará ŋgo né urámó.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024, CABTAL