Marcos Atipũ abiro tiro ojayoyu
Atipũ abiro tiro ojayoyu
Atipũ ojarigʉre cʉ̃rã niyi ĩhericapetacãrã sʉgueripʉmacãrã ĩcãrã Jesucristore wedewõrĩbumacãrã nirũpãrã niriara cʉ̃jãcã wederiguepʉmena ĩñanirã nirõrã Marcora ojayi ĩmasĩyo. Cʉ̃ Jesúcã cʉ̃yere buedotigʉ beseyorigʉ Pedromenamacʉ̃ niyugʉ. Tairora cʉ̃rã Jesúcã tiriguere wedeyi Pedrocã buerere cʉ̃cã tʉoriawãmerã abirora ĩ wãcũyo. Pedrobasurupera Cristomenarẽ tigʉ cʉ̃rẽ “cʉ̃ macʉ̃rã” abiro ĩñayugʉ (1Pe 5:13). Nomiõ María wãmecʉtigo macʉ̃ diamacã niyi ĩ masĩyo Hechos 12:12 wederora abiro. Wi cʉogo Jesúre wedewõrãcã Pedrore ñubuebosara nirĩwimacõ ĩñerõcã Pedrocã peresupʉ niãrigʉ witiwʉmʉã eariawimacõ macʉ̃ niyi ĩ masĩyo. Marcora apewãmerẽ Juan (hebreoyemena) wãmecʉtiyugʉ o aperore pʉawãmepʉ Juan Marcos wãmecʉtiyugʉ (Hch 12:12, 25; 15:37). Cʉ̃ Bernabéya wedegʉ (Col 4:10) ĩñerõcã Jesúcã cʉ̃ye quetire buedotigʉ beseyorigʉ Pablomenamacʉ̃ niyugʉ (Hch 12:25; Col 4:10; 2Tm 4:11; Flm 1:24).
Marcocã ojariapũ apeye bapubisaripũrĩ Jesucristoye quetire ojariapũrĩ docapere yoaheripũ ojayoriasiro nicapetacãrã nipetiresãñurõpʉra birigue, buerigue Mateocã ojariapũpʉcãrẽ, Lucacã ojaripũpʉcãrẽ bʉayo. Bicapetacãrã Mateopʉre, Lucapʉre ojayoya maniriguere Marcopʉre bʉayo (3:7-12; 4:26-29; 7:32-37; 8:22-26; 14:51-52). Atipũrẽna apepũrĩsʉguero ojasocoyoyu ĩ wãcũyo. Ĩñerõcã tipũmenape Mateore, Lucare ojara ĩñayoyu ĩ wãcũyo.
Tipũcã wedero yoarocãrõ Jesúcã cʉ̃ye tutuarere, dotimasĩrẽrẽ eñorẽrẽ bʉajeayo 1:27; 3:34-35; 5:1-20; 7:24-30 ĩñerõcã 9:14-29 nirẽpʉre. Watĩãsotoare cʉ̃cã tutuarere eñorẽpere 1:29-34. Diare cʉorapere cʉ̃cã tutuaremena ñujeañerõcã tirepere 6:30-44 ĩñerõcã 8:1-10. Basocacã borere cʉ̃cã tutuaremena cʉ̃cã nʉnirẽpere 4:35-41. Cʉ̃ buerare cuwioro doca nirãrẽ camewitiñerõcã tirepere 1:27. Dotimasĩrẽmena cʉ̃cã buerepere 2:5. Cʉ̃cã ñañarẽ tirere acõborepere 2:2. Yerisãrĩbʉrecore cʉ̃cã dotimasĩrẽ nirẽpere 7:1-23; 10:1-12; 12:18-27, 28-34. Moisécã dotire cũriguere queoro nirĩwãme wederiguere ĩñerõcã 13:1-27pʉrena siropʉ biate maquẽrẽ wederiguere bʉajeayo.
Marcocã Jesucristoye quetire ojarigue
လက္ရွိေရြးခ်ယ္ထားမွု
Marcos Atipũ abiro tiro ojayoyu: yui
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2026, SIL Global. All rights reserved.