Mateo 6
6
Jesúcã ñurõ tirecʉtire maquẽrẽ buerigue
1Siro Jesús cʉ̃jãrẽ wedenemoyugʉ: “Mʉjã ‘Manigʉ̃ye ñurẽrẽ tirecʉtira ña’ ĩrã ‘ñurã ñawã’ ĩñerõcã bora tiere basoca ĩñacoropʉ wado tiẽñoherimocãña. Mʉjãpere ‘basoca ʉseapeoaro’ ĩrã cʉ̃jãcã ĩñacoropʉ wado Manigʉ̃ye ñurẽrẽ tirecʉtira, Manigʉ̃ ʉmʉãwesepʉ nigʉ̃rẽ icãta ñurẽrẽ mʉjã nʉniyoheriga. 2Tairo tira mʉjã bopacarare titamurã nipetira tʉocoropʉ tiritoribasocara abiro neãporiwiseripʉ basocacã warucũrõpʉ basocare ‘ñurã ñawã’ ĩñerõcã bora ‘ʉ̃sã abiro tira ya’ ĩ tirecʉtiranorã abiro wedebateherimocãña. Mʉjãrẽ diamacãrã wede. Cʉ̃jã merẽ basocacã cʉ̃jãrẽ ‘ñurã ñawã’ ĩrẽ wapamena wapatare cʉosiawa. 3Mʉjã bopacarare apeyeno nʉnirã mʉjãmenamacãrã diamacãrẽ icãta wedero manirõ 4yajioropʉ nʉniña. Mʉjãcã tora abiro tiñerõcã mʉjã Pacʉ ĩñaheropʉ apeyeno nʉnirere ĩñagʉ̃pe mʉjãrẽ wapatare nʉnigʉagawi.
Jesúcã “Manigʉ̃rẽ ñubuera abiro ñubueya” ĩ buerigue
(Lc 11:2-4)
5”Manigʉ̃rẽ ñubuera tiritoribasoca neãporiwiseripʉ nucũnirã ñubuepeñarãrã abiro basoca pajʉ nirẽpʉ ‘cʉ̃jãrẽ ĩña wedewõãro’ ĩrã pajʉ ĩñacoropʉ ñubuerecʉtirara abiro mʉjã niherimocãña. Mʉjãrẽ diamacãrã wede. Basocacã cʉ̃jãrẽ ĩña wedewõrẽ wapamena wapatare cʉ̃jãcã cʉocapetacã buri Manigʉ̃pe cʉ̃jãrẽ icãta wapatare nʉniherigawi. 6Buri mʉjãpe ñubuera ĩcʉ̃rã mʉya tatiapʉ biasãwa ĩñaheropʉ mʉjã Pacʉre ñubueya. Tora abiro tiñerõcã mʉjã Pacʉ ĩñaheropʉ mʉjãcã tirere ĩñagʉ̃pe mʉjãrẽ wapatare nʉnigʉagawi.
7”Manigʉ̃rẽ ñubuera mʉjãcã ñubuera ĩrẽrẽ masĩhericaperacãrã tierena upatuti ñubuepʉtʉarucũherimocãña Manigʉ̃rẽ wedewõherara abiro. Cʉ̃jã ‘Tora abiro paje wederucũ ñubuepãmarẽmena ʉ̃sãrẽ tʉogʉagawi’ ĩ wãcũwã. 8Mʉjã cʉ̃jãrã abiro niherimocãña. Merẽ Manigʉ̃ marĩ Pacʉ mʉjãcã borere cʉ̃rẽ ñubue sãĩãto sugueropʉra masĩsiawi. 9Mʉjãrẽ abiriwãmepe ñubuero bo:
Ʉ̃sã Pacʉ ʉmʉãwesepʉ nigʉ̃ mʉrẽ ñañarẽ cʉohegʉre nipetira mʉya wãmerẽ cuwiopesaremena wedewõrãda.
10Mʉ watinigʉ̃ nipetira basocare Nirũpʉ̃ nigʉ̃ watiya.
Atidita macãrã mʉcã boriwãme tiaro ʉmʉãwesepʉ macãrã mʉcã boriwãmepe tirora abiro.
11Ʉ̃sãrẽ bʉrecoricãrõ ʉ̃sãcã yatere nʉniña.
12Ʉ̃sãrẽ ʉ̃sãcã ñañarẽ cʉorere acõboya, ãpẽrãcã ʉ̃sãrẽ ñañarẽ tiriguere ʉ̃sãcã cʉ̃jãrẽ acõborora abiro.
13Ʉ̃sãrẽ ñañarẽ tirugare ñapeañerõcã acutaya.#6:13 Manigʉ̃ cʉ̃yarare nipetire ñañarẽrẽ ĩñerõcã ĩdocasãrẽrẽ cametʉañerõcã yawí. Buri Santiago 1:13 pʉre atie maquẽrẽ queorora wede. Cʉ̃ icãta ĩcʉ̃norẽ ĩdocasã ĩñerõcã ñañarẽrẽ tiñerõcã tiheriwi.
Ĩñerõcã ñañagʉ̃ ʉ̃sãrẽ ĩdocasãrugañerõcã acutaya.
Mʉcã dotigʉ nirẽ, tutuacametʉanʉcãgʉ̃ nirẽ ĩñerõcã ñucametʉanʉcãgʉ̃ nirẽ ‘tairo nirucũmocãro’ ĩ ñubueya.
14”Ãpẽrãcã mʉjãrẽ ñañarẽ tiriguere mʉjãcã cʉ̃jãrẽ acõboñerõcã Manigʉ̃ mʉjã Pacʉ ʉmʉãwesepʉ nigʉ̃cã mʉjãrẽ acõbogʉagawi. 15Buri ãpẽrãcã mʉjãrẽ ñañarẽ tiriguere mʉjãcã acõboheriñerõcã Manigʉ̃ mʉjã Pacʉcã mʉjãrẽ acõboherigawi.#6:15 Manigʉ̃ cʉ̃cã marĩrẽ maĩrẽ cʉocametʉanʉcãrẽmenarã marĩcã ñañarẽ tirigue nipetirere cʉ̃ marĩrẽ acõbopetiwi. Tiwãmerã marĩcãrẽ marĩye maĩrẽmenarã ãpẽrãrẽ maĩtutiacoro bo (Ef 4:32). Manigʉ̃ cʉ̃yara nirãmena ĩcãrõmena ñurõ nirugawi; tairora marĩ cʉ̃yamacã macãrãcãrẽ ãpẽrãmenarẽ ĩcãrõmenarã ñurõ nirẽcʉtiñerõcã bowi (Jn 17:20-23). Marĩbasurupe tora abiro came acõbora, ĩcãrõmena ñurõ came nirẽcʉtiroacu. Mateo 18:21-35 pʉre acõbore maquẽrẽ queoremena bueriguere ĩñaña.
Jesúcã beti, ñubuere maquẽrẽ buerigue
16”Mʉjã beti ñubuera, tiritoribasocara abiro mʉjãya wãnimacãrĩpʉre wãcũpasʉti pũniyorara abiro eñoherimocãña. Cʉ̃jã basocare tiẽñorã cʉ̃jãrẽ ‘Beti ñubuera yawa’ ĩ ñurõ ĩñaro ĩrã tairo yawa. Mʉjãrẽ diamacãrã wede. Basocacã cʉ̃jãrẽ tairo ñurõ ĩñarẽmena cʉ̃jãcã wapatare cʉocapetacã buri Manigʉ̃pe cʉ̃jãrẽ icãta wapatare nʉniherigawi. 17Mʉjãpe beti ñubuera ñurõ peñarã niña yarigue yatuwa nirãrã abiro. 18Tairo tiñerõcã ãpẽrã mʉjãcã betirere ĩñamasĩherigawa. Marĩ Pacʉ baunihegʉ wado masĩgʉagawi. Tairo tigʉ cʉ̃ wado mʉjãcã ãpẽrã ĩñaheropʉ tirere ĩñagʉ̃ mʉjãrẽ wapatare nʉnigʉagawi.
Jesúcã “Ʉmʉãwesepʉ maquẽ bʉerepere neõcũyueya” ĩ buerigue
(Lc 12:33-34)
19”Atiditapʉre atidita maquẽ bʉerere mʉjãye niãte neõcũherimocãña.#6:19 Jesúcã “atibʉrecopʉre paje bʉere cʉorugaherimocãña” ĩ dotire “apeyenorẽ cʉoherimocãña” ĩrõmerã ya. Buripe “marĩya yeripũnarĩpʉre paje bʉere cʉorugaremenape o apeyenorẽ cʉorugaremenape wãcũnʉnʉ nirẽcʉtiherimocãña” ĩrõ ya. Marĩcã wãcũnʉnʉ nirẽcʉtire Manigʉ̃yepere tiquetaturugare nirõ bo. O Manigʉ̃cã boriwãmepe tirecʉti nirucũrõ bo. Ʉmʉãwesepʉ Manigʉ̃cã cʉ̃yarare dotiropʉ maquẽpere tirucũrõ bo. Tie cʉtawiditi cõãrĩbutua yayore ña. Tiere yajaribasoca sãwa yajacõãmocãgawa. 20Buripe ʉmʉãwese maquẽ ñurẽ bʉañerõcã tiatepere neõcũyueya Manigʉ̃cã boriwãmepe tirucũrẽmena. Mʉjãcã topʉ neõcũrẽ icãta cʉtawiditi, cõãrĩbutuacã yamasĩherigawa. Tiere yajaribasoca sãwa yajamasĩherigawa. 21Atidita maquẽpe mʉjãrẽ wapacʉtire nicametʉanʉcãñerõcã mʉjãya yeripũnacã tiwãmerã atiyepa maquẽpere boroacu. O mʉjãrẽ ʉmʉãwese maquẽpe wapacʉtire nicametʉanʉcãñerõcã mʉya yeripũnacã ʉmʉãwese maquẽperena boroacu.
Jesúcã “Cape ũpʉ̃rẽ sĩãworigara abiro ña” ĩ buerigue
(Lc 11:34-36)
22”Caperi ũpʉ̃rẽ sĩãworipaga tirora abiro ña. Tairo tiro ñurõ ĩñabʉaricaperi niñerõcã niãria ũpʉ̃pʉra ñurõ bowerere cʉoroacu. Atiera abiro mʉya yeripũnapʉre ñurẽrẽ tirugari yeripũna cʉogʉ mʉ Manigʉ̃cã boriwãmepe tirucũrugagʉacu. 23Buri caperi ñurõ ĩñabʉahericaperi niñerõcã niãria ũpʉ̃pʉra naĩtĩãrẽpʉ nirõãcu. Atiera abiro mʉya yeripũnapʉre ñañarẽrẽ tirugariyeripũna cʉogʉ mʉ atibʉreco maquẽ ñañarẽpere tirucũrugagʉacu. Mʉya yeripũnapʉre ñañarẽ wado cʉogʉ mʉya catiremena ñañarẽpere ticametʉanʉcãgʉ̃ nigʉacu naĩtĩãcametʉanʉcãrẽpʉ nigʉ̃rã abiro.
Jesúcã “Niyerure maĩrã Manigʉ̃pere maĩmasĩherigawa” ĩ buerigue
(Lc 16:13)
24”Icãta ĩcʉ̃no padedecoteribasocʉ pʉ̃ãrã nirũpãrãpʉre padedecotemasĩherigawi. Ĩcʉ̃ nirũpʉ̃rẽ maĩgʉ̃ ãpĩ nirũpʉ̃pere maĩherigawi. Ĩcʉ̃ dotirere yʉgʉ ãpĩcã dotirepere yʉherigawi. Ãnirã abiro niyerupere maĩcametʉanʉcãrã Manigʉ̃pere maĩmasĩheriga.#6:24 Jesúre quetaturugagʉ, nipetiri cʉ̃ya yeripũnamena, cʉ̃ya catire nirĩwãmemena quetaturo bo. Atibʉreco maquẽpere ĩñacõãquetaturo manirõ “cʉ̃cã dotiriwãmepe queoro yʉquetatugʉacu” ĩtuwanigʉ̃pʉ quetature ña.
Jesúcã “Manigʉ̃ cʉ̃ pũnarẽ ĩñanʉõwĩ” ĩ buerigue
(Lc 12:22-31)
25”Tairo tigʉ yʉ mʉjãrẽ diamacãrã abiro ĩ: Mʉjã atiditapʉre nirã ‘ñeno yaragari o ñeno sĩnirãgari; tairora ũpʉ̃ maquẽcãrẽ ñeno sãñarãgari’ ĩ wãcũnʉnʉherimocãña. Mʉjãye catirepe yariguesotoape wapacʉti. Ĩñerõcã mʉjãya ũpʉ̃cã sutisotoape wapacʉti. 26Miniã emʉãrõ wʉrare wãcũña. Cʉ̃jã oteheriwa, tie dicare seheriwa, cʉ̃jã yare quenoriwipʉ quenoheriwa. Cʉ̃jãcã tairo nicapetacã mʉjã Pacʉ Manigʉ̃ ʉmʉãwesepʉ nigʉ̃pe cʉ̃jãrẽ yarigue nʉnirucũmocãwĩ. ¿Mʉjãpe doca cʉ̃jã miniãsotoape wapacʉticametʉanʉcãrãmerã ñarĩ? 27¿Noãno mʉjã watoare bʉtoro wãcũnʉnʉrẽcʉtiremena pẽrõ ĩcã horano cʉ̃ya catirore catinemocoñerõcã timasĩbogari?
28”¿Topʉare tora abiro timasĩhericaperacã dairo tira suti mʉjãcã sãñatepere wãcũnʉnʉrĩ? Cori macãrʉ̃cʉ̃ maquẽrẽ wãcũña. Tie boro wiga tie padedehericaperocãrã, suahericaperocã, suti ñurẽ sãñarõrã abiro bau. 29Mʉjãrẽ wede. Nirũpʉ̃ Salomón bʉere cʉocametʉagʉ, suti ñurẽ peñarẽ sãñarigʉ nicapeicã, tie corira abiro bauresotoape sãñaheririgʉ niwĩ.#6:29 Nirũpʉ̃ Salomón ĩcʉ̃ nirũpʉ̃ masĩrẽ cʉocametʉanʉcãrigʉ ĩñerõcã paje bʉere cʉorigʉ niyugʉ judío basoca watoapʉre (1Re 3:12-13; 10:23; 1Cr 29:25). 30Manigʉ̃ anorã abiro tiecã ĩcãbʉrecora cati, apebʉrecope ʉsaduiwa, pecamepʉ soecõãyoate nicapetacã ñurẽ peñarẽ bauñerõcã tirucũmocãwĩ. ¿Topʉare mʉjãpe docare tie corisotoa wapacʉtirare ñurõ tigʉ suti mʉjãcã borere nʉnimasĩhegʉagari mʉjãcã cʉ̃rẽ pẽrõgã wedewõrẽ cʉora nicapetacã? 31Tairo tira ‘¿ñenorẽ yaragari o ñenorẽ sĩnirãgari o ñenorẽ sãñarãgari?’ ĩ wãcũnʉnʉrucũherimocãña. 32Atibʉreco macãrã Manigʉ̃rẽ wedewõherara abiro tiere wãcũnʉnʉrẽmena amarucũherimocãña. Merẽ mʉjãpe ĩcʉ̃ mʉjã Pacʉ Manigʉ̃ ʉmʉãwesepʉ nigʉ̃rẽ cʉo nipetire mʉjãcã borere masĩpetigʉre. 33Buri mʉjãpe nipetiresʉguero Manigʉ̃cã cʉ̃yarare dotire mʉjãpʉre niãtemaquepere ĩñerõcã cʉ̃ye diamacã maquẽmena nirucũrẽrẽ amasʉgueya cʉ̃cã mʉjãrẽ tiepere tirecʉtiñerõcã boriwãmerã abiro.#6:33 Jesús anorẽ ĩcʉ̃ basocʉ Manigʉ̃yamacã macʉ̃rã abiro cʉ̃cã niboriwãmerẽ ĩgʉ̃ yawí. Manigʉ̃yamacã macʉ̃ nigʉ̃ earugagʉcã nirugariwãmepere ĩgʉ̃merã yawí. Mʉjãcã tairo tiñerõcã atie mʉjãcã bore dʉsaro manirõ nʉnisotoapeoyore nirõãcu. 34Tairo tira menameno maquẽ niãtepʉre wãcũnʉnʉherimocãña. Tibʉreco maquẽcã apeye wãcũnʉnʉrẽ nirõãcu. Bʉrecoricãrõ wãcũnʉnʉrẽ neãti” ĩyugʉ Jesús.
လက္ရွိေရြးခ်ယ္ထားမွု
Mateo 6: yui
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2026, SIL Global. All rights reserved.
Mateo 6
6
Jesúcã ñurõ tirecʉtire maquẽrẽ buerigue
1Siro Jesús cʉ̃jãrẽ wedenemoyugʉ: “Mʉjã ‘Manigʉ̃ye ñurẽrẽ tirecʉtira ña’ ĩrã ‘ñurã ñawã’ ĩñerõcã bora tiere basoca ĩñacoropʉ wado tiẽñoherimocãña. Mʉjãpere ‘basoca ʉseapeoaro’ ĩrã cʉ̃jãcã ĩñacoropʉ wado Manigʉ̃ye ñurẽrẽ tirecʉtira, Manigʉ̃ ʉmʉãwesepʉ nigʉ̃rẽ icãta ñurẽrẽ mʉjã nʉniyoheriga. 2Tairo tira mʉjã bopacarare titamurã nipetira tʉocoropʉ tiritoribasocara abiro neãporiwiseripʉ basocacã warucũrõpʉ basocare ‘ñurã ñawã’ ĩñerõcã bora ‘ʉ̃sã abiro tira ya’ ĩ tirecʉtiranorã abiro wedebateherimocãña. Mʉjãrẽ diamacãrã wede. Cʉ̃jã merẽ basocacã cʉ̃jãrẽ ‘ñurã ñawã’ ĩrẽ wapamena wapatare cʉosiawa. 3Mʉjã bopacarare apeyeno nʉnirã mʉjãmenamacãrã diamacãrẽ icãta wedero manirõ 4yajioropʉ nʉniña. Mʉjãcã tora abiro tiñerõcã mʉjã Pacʉ ĩñaheropʉ apeyeno nʉnirere ĩñagʉ̃pe mʉjãrẽ wapatare nʉnigʉagawi.
Jesúcã “Manigʉ̃rẽ ñubuera abiro ñubueya” ĩ buerigue
(Lc 11:2-4)
5”Manigʉ̃rẽ ñubuera tiritoribasoca neãporiwiseripʉ nucũnirã ñubuepeñarãrã abiro basoca pajʉ nirẽpʉ ‘cʉ̃jãrẽ ĩña wedewõãro’ ĩrã pajʉ ĩñacoropʉ ñubuerecʉtirara abiro mʉjã niherimocãña. Mʉjãrẽ diamacãrã wede. Basocacã cʉ̃jãrẽ ĩña wedewõrẽ wapamena wapatare cʉ̃jãcã cʉocapetacã buri Manigʉ̃pe cʉ̃jãrẽ icãta wapatare nʉniherigawi. 6Buri mʉjãpe ñubuera ĩcʉ̃rã mʉya tatiapʉ biasãwa ĩñaheropʉ mʉjã Pacʉre ñubueya. Tora abiro tiñerõcã mʉjã Pacʉ ĩñaheropʉ mʉjãcã tirere ĩñagʉ̃pe mʉjãrẽ wapatare nʉnigʉagawi.
7”Manigʉ̃rẽ ñubuera mʉjãcã ñubuera ĩrẽrẽ masĩhericaperacãrã tierena upatuti ñubuepʉtʉarucũherimocãña Manigʉ̃rẽ wedewõherara abiro. Cʉ̃jã ‘Tora abiro paje wederucũ ñubuepãmarẽmena ʉ̃sãrẽ tʉogʉagawi’ ĩ wãcũwã. 8Mʉjã cʉ̃jãrã abiro niherimocãña. Merẽ Manigʉ̃ marĩ Pacʉ mʉjãcã borere cʉ̃rẽ ñubue sãĩãto sugueropʉra masĩsiawi. 9Mʉjãrẽ abiriwãmepe ñubuero bo:
Ʉ̃sã Pacʉ ʉmʉãwesepʉ nigʉ̃ mʉrẽ ñañarẽ cʉohegʉre nipetira mʉya wãmerẽ cuwiopesaremena wedewõrãda.
10Mʉ watinigʉ̃ nipetira basocare Nirũpʉ̃ nigʉ̃ watiya.
Atidita macãrã mʉcã boriwãme tiaro ʉmʉãwesepʉ macãrã mʉcã boriwãmepe tirora abiro.
11Ʉ̃sãrẽ bʉrecoricãrõ ʉ̃sãcã yatere nʉniña.
12Ʉ̃sãrẽ ʉ̃sãcã ñañarẽ cʉorere acõboya, ãpẽrãcã ʉ̃sãrẽ ñañarẽ tiriguere ʉ̃sãcã cʉ̃jãrẽ acõborora abiro.
13Ʉ̃sãrẽ ñañarẽ tirugare ñapeañerõcã acutaya.#6:13 Manigʉ̃ cʉ̃yarare nipetire ñañarẽrẽ ĩñerõcã ĩdocasãrẽrẽ cametʉañerõcã yawí. Buri Santiago 1:13 pʉre atie maquẽrẽ queorora wede. Cʉ̃ icãta ĩcʉ̃norẽ ĩdocasã ĩñerõcã ñañarẽrẽ tiñerõcã tiheriwi.
Ĩñerõcã ñañagʉ̃ ʉ̃sãrẽ ĩdocasãrugañerõcã acutaya.
Mʉcã dotigʉ nirẽ, tutuacametʉanʉcãgʉ̃ nirẽ ĩñerõcã ñucametʉanʉcãgʉ̃ nirẽ ‘tairo nirucũmocãro’ ĩ ñubueya.
14”Ãpẽrãcã mʉjãrẽ ñañarẽ tiriguere mʉjãcã cʉ̃jãrẽ acõboñerõcã Manigʉ̃ mʉjã Pacʉ ʉmʉãwesepʉ nigʉ̃cã mʉjãrẽ acõbogʉagawi. 15Buri ãpẽrãcã mʉjãrẽ ñañarẽ tiriguere mʉjãcã acõboheriñerõcã Manigʉ̃ mʉjã Pacʉcã mʉjãrẽ acõboherigawi.#6:15 Manigʉ̃ cʉ̃cã marĩrẽ maĩrẽ cʉocametʉanʉcãrẽmenarã marĩcã ñañarẽ tirigue nipetirere cʉ̃ marĩrẽ acõbopetiwi. Tiwãmerã marĩcãrẽ marĩye maĩrẽmenarã ãpẽrãrẽ maĩtutiacoro bo (Ef 4:32). Manigʉ̃ cʉ̃yara nirãmena ĩcãrõmena ñurõ nirugawi; tairora marĩ cʉ̃yamacã macãrãcãrẽ ãpẽrãmenarẽ ĩcãrõmenarã ñurõ nirẽcʉtiñerõcã bowi (Jn 17:20-23). Marĩbasurupe tora abiro came acõbora, ĩcãrõmena ñurõ came nirẽcʉtiroacu. Mateo 18:21-35 pʉre acõbore maquẽrẽ queoremena bueriguere ĩñaña.
Jesúcã beti, ñubuere maquẽrẽ buerigue
16”Mʉjã beti ñubuera, tiritoribasocara abiro mʉjãya wãnimacãrĩpʉre wãcũpasʉti pũniyorara abiro eñoherimocãña. Cʉ̃jã basocare tiẽñorã cʉ̃jãrẽ ‘Beti ñubuera yawa’ ĩ ñurõ ĩñaro ĩrã tairo yawa. Mʉjãrẽ diamacãrã wede. Basocacã cʉ̃jãrẽ tairo ñurõ ĩñarẽmena cʉ̃jãcã wapatare cʉocapetacã buri Manigʉ̃pe cʉ̃jãrẽ icãta wapatare nʉniherigawi. 17Mʉjãpe beti ñubuera ñurõ peñarã niña yarigue yatuwa nirãrã abiro. 18Tairo tiñerõcã ãpẽrã mʉjãcã betirere ĩñamasĩherigawa. Marĩ Pacʉ baunihegʉ wado masĩgʉagawi. Tairo tigʉ cʉ̃ wado mʉjãcã ãpẽrã ĩñaheropʉ tirere ĩñagʉ̃ mʉjãrẽ wapatare nʉnigʉagawi.
Jesúcã “Ʉmʉãwesepʉ maquẽ bʉerepere neõcũyueya” ĩ buerigue
(Lc 12:33-34)
19”Atiditapʉre atidita maquẽ bʉerere mʉjãye niãte neõcũherimocãña.#6:19 Jesúcã “atibʉrecopʉre paje bʉere cʉorugaherimocãña” ĩ dotire “apeyenorẽ cʉoherimocãña” ĩrõmerã ya. Buripe “marĩya yeripũnarĩpʉre paje bʉere cʉorugaremenape o apeyenorẽ cʉorugaremenape wãcũnʉnʉ nirẽcʉtiherimocãña” ĩrõ ya. Marĩcã wãcũnʉnʉ nirẽcʉtire Manigʉ̃yepere tiquetaturugare nirõ bo. O Manigʉ̃cã boriwãmepe tirecʉti nirucũrõ bo. Ʉmʉãwesepʉ Manigʉ̃cã cʉ̃yarare dotiropʉ maquẽpere tirucũrõ bo. Tie cʉtawiditi cõãrĩbutua yayore ña. Tiere yajaribasoca sãwa yajacõãmocãgawa. 20Buripe ʉmʉãwese maquẽ ñurẽ bʉañerõcã tiatepere neõcũyueya Manigʉ̃cã boriwãmepe tirucũrẽmena. Mʉjãcã topʉ neõcũrẽ icãta cʉtawiditi, cõãrĩbutuacã yamasĩherigawa. Tiere yajaribasoca sãwa yajamasĩherigawa. 21Atidita maquẽpe mʉjãrẽ wapacʉtire nicametʉanʉcãñerõcã mʉjãya yeripũnacã tiwãmerã atiyepa maquẽpere boroacu. O mʉjãrẽ ʉmʉãwese maquẽpe wapacʉtire nicametʉanʉcãñerõcã mʉya yeripũnacã ʉmʉãwese maquẽperena boroacu.
Jesúcã “Cape ũpʉ̃rẽ sĩãworigara abiro ña” ĩ buerigue
(Lc 11:34-36)
22”Caperi ũpʉ̃rẽ sĩãworipaga tirora abiro ña. Tairo tiro ñurõ ĩñabʉaricaperi niñerõcã niãria ũpʉ̃pʉra ñurõ bowerere cʉoroacu. Atiera abiro mʉya yeripũnapʉre ñurẽrẽ tirugari yeripũna cʉogʉ mʉ Manigʉ̃cã boriwãmepe tirucũrugagʉacu. 23Buri caperi ñurõ ĩñabʉahericaperi niñerõcã niãria ũpʉ̃pʉra naĩtĩãrẽpʉ nirõãcu. Atiera abiro mʉya yeripũnapʉre ñañarẽrẽ tirugariyeripũna cʉogʉ mʉ atibʉreco maquẽ ñañarẽpere tirucũrugagʉacu. Mʉya yeripũnapʉre ñañarẽ wado cʉogʉ mʉya catiremena ñañarẽpere ticametʉanʉcãgʉ̃ nigʉacu naĩtĩãcametʉanʉcãrẽpʉ nigʉ̃rã abiro.
Jesúcã “Niyerure maĩrã Manigʉ̃pere maĩmasĩherigawa” ĩ buerigue
(Lc 16:13)
24”Icãta ĩcʉ̃no padedecoteribasocʉ pʉ̃ãrã nirũpãrãpʉre padedecotemasĩherigawi. Ĩcʉ̃ nirũpʉ̃rẽ maĩgʉ̃ ãpĩ nirũpʉ̃pere maĩherigawi. Ĩcʉ̃ dotirere yʉgʉ ãpĩcã dotirepere yʉherigawi. Ãnirã abiro niyerupere maĩcametʉanʉcãrã Manigʉ̃pere maĩmasĩheriga.#6:24 Jesúre quetaturugagʉ, nipetiri cʉ̃ya yeripũnamena, cʉ̃ya catire nirĩwãmemena quetaturo bo. Atibʉreco maquẽpere ĩñacõãquetaturo manirõ “cʉ̃cã dotiriwãmepe queoro yʉquetatugʉacu” ĩtuwanigʉ̃pʉ quetature ña.
Jesúcã “Manigʉ̃ cʉ̃ pũnarẽ ĩñanʉõwĩ” ĩ buerigue
(Lc 12:22-31)
25”Tairo tigʉ yʉ mʉjãrẽ diamacãrã abiro ĩ: Mʉjã atiditapʉre nirã ‘ñeno yaragari o ñeno sĩnirãgari; tairora ũpʉ̃ maquẽcãrẽ ñeno sãñarãgari’ ĩ wãcũnʉnʉherimocãña. Mʉjãye catirepe yariguesotoape wapacʉti. Ĩñerõcã mʉjãya ũpʉ̃cã sutisotoape wapacʉti. 26Miniã emʉãrõ wʉrare wãcũña. Cʉ̃jã oteheriwa, tie dicare seheriwa, cʉ̃jã yare quenoriwipʉ quenoheriwa. Cʉ̃jãcã tairo nicapetacã mʉjã Pacʉ Manigʉ̃ ʉmʉãwesepʉ nigʉ̃pe cʉ̃jãrẽ yarigue nʉnirucũmocãwĩ. ¿Mʉjãpe doca cʉ̃jã miniãsotoape wapacʉticametʉanʉcãrãmerã ñarĩ? 27¿Noãno mʉjã watoare bʉtoro wãcũnʉnʉrẽcʉtiremena pẽrõ ĩcã horano cʉ̃ya catirore catinemocoñerõcã timasĩbogari?
28”¿Topʉare tora abiro timasĩhericaperacã dairo tira suti mʉjãcã sãñatepere wãcũnʉnʉrĩ? Cori macãrʉ̃cʉ̃ maquẽrẽ wãcũña. Tie boro wiga tie padedehericaperocãrã, suahericaperocã, suti ñurẽ sãñarõrã abiro bau. 29Mʉjãrẽ wede. Nirũpʉ̃ Salomón bʉere cʉocametʉagʉ, suti ñurẽ peñarẽ sãñarigʉ nicapeicã, tie corira abiro bauresotoape sãñaheririgʉ niwĩ.#6:29 Nirũpʉ̃ Salomón ĩcʉ̃ nirũpʉ̃ masĩrẽ cʉocametʉanʉcãrigʉ ĩñerõcã paje bʉere cʉorigʉ niyugʉ judío basoca watoapʉre (1Re 3:12-13; 10:23; 1Cr 29:25). 30Manigʉ̃ anorã abiro tiecã ĩcãbʉrecora cati, apebʉrecope ʉsaduiwa, pecamepʉ soecõãyoate nicapetacã ñurẽ peñarẽ bauñerõcã tirucũmocãwĩ. ¿Topʉare mʉjãpe docare tie corisotoa wapacʉtirare ñurõ tigʉ suti mʉjãcã borere nʉnimasĩhegʉagari mʉjãcã cʉ̃rẽ pẽrõgã wedewõrẽ cʉora nicapetacã? 31Tairo tira ‘¿ñenorẽ yaragari o ñenorẽ sĩnirãgari o ñenorẽ sãñarãgari?’ ĩ wãcũnʉnʉrucũherimocãña. 32Atibʉreco macãrã Manigʉ̃rẽ wedewõherara abiro tiere wãcũnʉnʉrẽmena amarucũherimocãña. Merẽ mʉjãpe ĩcʉ̃ mʉjã Pacʉ Manigʉ̃ ʉmʉãwesepʉ nigʉ̃rẽ cʉo nipetire mʉjãcã borere masĩpetigʉre. 33Buri mʉjãpe nipetiresʉguero Manigʉ̃cã cʉ̃yarare dotire mʉjãpʉre niãtemaquepere ĩñerõcã cʉ̃ye diamacã maquẽmena nirucũrẽrẽ amasʉgueya cʉ̃cã mʉjãrẽ tiepere tirecʉtiñerõcã boriwãmerã abiro.#6:33 Jesús anorẽ ĩcʉ̃ basocʉ Manigʉ̃yamacã macʉ̃rã abiro cʉ̃cã niboriwãmerẽ ĩgʉ̃ yawí. Manigʉ̃yamacã macʉ̃ nigʉ̃ earugagʉcã nirugariwãmepere ĩgʉ̃merã yawí. Mʉjãcã tairo tiñerõcã atie mʉjãcã bore dʉsaro manirõ nʉnisotoapeoyore nirõãcu. 34Tairo tira menameno maquẽ niãtepʉre wãcũnʉnʉherimocãña. Tibʉreco maquẽcã apeye wãcũnʉnʉrẽ nirõãcu. Bʉrecoricãrõ wãcũnʉnʉrẽ neãti” ĩyugʉ Jesús.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2026, SIL Global. All rights reserved.