Yohani 6
6
U Yesu akubalisya abandu fayivi sabuzani
(Matayi14.13-21; Maliko6.30-44; Luka9.10-17)
1Panyuma pake u Yesu akaloboka pakubuka kwisila inine ilya nyanja ya Galileya (yo yikaba nyanja ya Tibeliyasi.) 2Po ichilundilo ichikulu icha bandu chikamukonga, pakuti bakatesya ifiswigho fyo akabombagha pa babine. 3Po u Yesu akakwela pighamba nu kwikala pasi na bamanyili bake. 4Akabalilo ka pa Lusekelo lwa Pasaka ulwa ba Yuda kakaba papipi. 5Bo u Yesu akelengannya akachitesya ichilundilo ichikulu icha bandu chikwisa ku kwake, po akayugha kwa Filipu akati, “Imba tungaghula kwighi ichakulya icha kubalisya abandu bosi aba?” 6Akayugha ichi akamughela bubu u Filipu pakuti akamanya nganila isyakubomba.
7U Filipu akamwamula akati, “Napo amalipilo gho ghangalipila ukukila pakati pa chinja ghatangaghula ichakulya icha kukwana ukuti umundu wesi alyepo papala.”
8Weka uwa bamanyili bake, u Andeleya uwamwabo wa Simoni Pitala akayugha nawe akati, 9“Alipo yumo umulumyana pano, yo ali ni fibama fayivi ifya bufu bwa malesi nu tuswi tubili. Imba ifi fingakwana abandu bosi bababa?”
10U Yesu akababusya akati, “Mubabusye abandu bikale pasi.” (Pala pala pakaba isote ilingi) Po abandu bosi bakikala pasi. Abanalume bakabapo fiyivi sabuzani. 11U Yesu akasenya ifibama akamupalisya u Chala nukubagabannya abandu bo bakikala pasi pala pala, akasenya sona bububu niswi sila, po bosi bakalya ukuyana namo bakalondelagha. 12Bo balya bikuta, u Yesu akababusya abamanyili bake akati, “Bunganika utubulubusya ukuti katakabepo nakamo akakutaghiwa.” 13Po bakabunganika utubulubusya tosi, bakisusya ifitundu twelovu nu tubulubusya twa fibama fayivi ifya bufu bwa balale, fyosi fyo fikasyala bo abandu balya.
14Bo abandu batesya ichiswigho cho u Yesu akabomba, bakati, “Naloli musololi yula, yo akwisa mu chisu chapasi!” 15Bo u Yesu asyaghannya ukuti bakulonda pakumukakamisya, ukuti bamwimike pakuba we Malafyale, akafumapo sona nukubuka pakwikala mwene pighamba.
U Yesu akwenda pamisi
(Matayi14.22-33; Maliko6.45-52)
16Bo Kwanda pa kwila, abamanyili ba Yesu bakikagha ukubuka ku nyanja, 17nukukwela mubwato. Bakanda pakuloboka inyanja nukubuka mu Kapelenamu. Ipano kwila kale, loli u Yesu bo akali atafikite kukwabo. 18Amayigha ghakanda pakukoma panyanja chifukwa cha kukuka kwa mbepo iya maka. 19Bo benda ubutali bwa ma kilomita fiyivi pamo sikisi bakamutesya u Yesu akwenda pamisi akapalamila ku bwato, po ubogha bukabakola ngani. 20Loli u Yesu akababusya akati, “Mutakoghopaghe! Nene.” 21Po bakahoboka nukumukwesya mubwato, sona papapo na papapo ubwato bukafika pabwima po bakabukagha.
Abandu bakumulonda u Yesu
22Ilya ningelo lyake ichilundilo cha bandu cho chikasyalikila kwisila inine ilya nyanja chikasyaghannya ukuti bukabapo ubwato boka pabuyo bula, sona u Yesu atakakwela nabamanyili bake, loli ukuti bakenda bene 23amabwato aghangi gho ghakafumila mu Tebeliya, ghakafika papipi nubuyo bo abandu bakalilaghapo ifibama bo u Malafyale afisaya. 24Bo ichilundilo cha bandu chikatesya ukuti u Yesu pamo abamanyili bake bosi batalipo, chikakwela mu bwato nukubuka mu Kapelinamu pakumulonda u Yesu.
U Yesu chibama icha bumi
25Bo abandu bakamwagha u Yesu kwisila ilingi ilya nyanja, bakamulalusya bakati, “We Labi, imba ukisa lighi kuno?”
26U Yesu akamula akati, “Naloli ngubabusya ukuti umwe mutakandonda chifukwa chakuti mukatesya ifiswigho, loli chifukwa chakuti mukalya ifibama nukwikuta. 27Mutakabombaghe imbombo ukuti mube ni chakulya cho chinganangika, loli bombela ichakulya cho chingakupa ubumi bwa bwile na bwile. Ichi chakulya cho u Mwana wa Mundu akwisa pakubapa pakuti u Chala u Wise weyo abikitepo papake ichimanyilo icha kusimikisya.”
28Po bakamulalusya bakati, “Imba tubaghile tubombe choni ukuti tubombe imbombo ya Chala yo akulonda?”
29U Yesu akamula akati, “Imbombo ya Chala yo iyi, ukuti mumusubilaghe yo akamutuma.”
30Bakamulalusya sona bakati, “Imba chiswigho chiki cho ungabomba ukuti tuchitesye nukukusubila? Imba akwisa pakubomba choni? 31Abanyenya bitu bakalyanga ichakulya bakachitisyagha ukuti mana mungolongo mula ukuyana na Masimbo aghakuti, ‘Akabapa ifibama fya kumwanya ukuti balye.’”
32U Yesu akayugha nabo akati, “Naloli ngubabusya ukuti atakaba we Mozesi yo akabapa ichibama icha ichakufuma kumwanya awe, Loli we Tata wangu yo akabapa ichibama icha bwanaloli ukufuma kumwanya.” 33Pakuti ichibama cho u Chala akupa chocho chikwika ukufuma kumwanya nukuchipa ichisu chapasi ubumi. 34Bakayugha nawe bakati, “Malafyale, utupe bwile ichibama chichichi”
35U Yesu akababusya akati, “Une ne chibama ichipela bumi.” Umundu wesi yo akwisa kukwangu atakubapo lumo lumo nisala, sona umundu wesi yo akusubila une atakwisa ukuba lumo ni nyota. 36Loli ngababusya ukuti napo mwandesya, pope mukali mutakusubila. 37Bosi bo u Tata wangu akumba une bakwisa ku kwangu, sona bosi bo bakwisa ku kwangu. Ndakwisa pa kubatagha panja, 38pakuti ndikite ukufuma kumwanya pakubomba ubwighane bwangu, loli nisile pakubomba ubwighane bwa yo akanduma. 39Po ubwighane bwa yo akanduma bwakuti ndakataghepo nayumo mu bandu bo ambile, loli mbasusye bosi pisiku ilya bumalilo. 40Pakuti ubu bobo bwighane bwa Tata wangu akulonda ukuti, wesi yo akumutesya u Mwana nukusubila mu mwake, abe nu bumi bwa bwile na bwile. Po une ngwisa pakumususya pisiku lyabumalilo.
41Po aba Yuda bakanda pakwilumbusya chifukwa u Yesu akati, “Une ne chibama cho chikika ukufuma kumwanya.” 42Po bakati, “Imba uyu te we Yesu u Mwana wa Jozefu, yo uwise nu ng’ina tubamenye? Imba akuyugha buli buli ukuti akika akufuma kumwanya?”
43U Yesu akabamula akati, “Mutakilumbusyaghe mwebene bene. 44Atalipo umundu nayumo yo angisa ku kwangu pene po u Tata wangu yo akanduma, amughusila ku kwangu, sona nune ngwisa pakumususya pisiku lyabumalilo. 45Sisimbiwe nabasololi ukuti, ‘Bosi bakwisa pakumanyisiwa nu Chala.’ Wesi yo akwifwa syo u Chala akuyugha nukumanyila ku kwake, weyo akwisa kukwangu. 46Nayumo yo amutesisyepo u Tata, loli yo afumite kwa Chala, weyo amutesisyepo u Tata. 47Naloli ngubabusya umwe ukuti yo akusubila une ali nabo ubumi bwa bwile na bwile. 48Une ne chibama cha bumi. 49Abanyenya binyu bakalyanga amana mungolongo, loli bakafwa. 50Loli ichi cho chibama cho chikwika ukufuma kumwanya ukuti umundu wesi yo akulya ichibama atakafwange. 51Une ne chibama ichipela bumi cho chikika ukufuma kumwanya. Pala umundu wesi yo akulya ichibama chichichi, akwisa pakubangako bwile na bwile. Ichibama cho ngwisa pakupa gho mubili wangu, ukuti ichisu chapasi chibe nu bumi.”
52Po abalongosi aba Yuda bakanda pakudalingana bene bene. “Imba umundu yuyuyu akutupa buli buli umubili wake ukuti tulye?”
53U Yesu akayugha nabo akati, “Naloli ngubabusya ukuti pala mutakulya umubili wa Mwana wa Mundu, sona mutakung’wa ibanda lyake, mutakwisa pakuba nu bumi mumwinyu. 54Umundu wesi yo akulya umubili wangu nu kung’wa ibanda lyangu, yo ali nubumi bwa bwile na bwile, po une ngwisa ukumususya pisiku lyabumalilo. 55Pakuti umubili wangu cho chakulya chanaloli, sona ibanda lyangu cho chakung’wa chanaloli. 56Umundu wesi yo akulya umubili wangu nukung’wa ibanda lyangu, akwikala mumwangu, po une ngwikala mumwake. 57Ngati mo u Tata umumi akandumila, po une indi nubumi chifukwa cha Tata, po umundu wesi yo akundya, akwisa pakuba nu bumi chifukwa cha une. 58Ichi cho chibama cho chikika ukufuma kumwanya. Chitayanite ni chibama cho abanyenya binyu bakalya nukufwa panyuma pake. Loli bosi bo bakulya ichibama ichi bakwisa pakubako bwile na bwile.”
59U Yesu akayugha sisisi bo akumanyisya munyumba ya kwiputilamo mu Kapelenamu.
Amasyu agha bumi bwa bwile na bwile
60Abamanyili bake abingi bakifwa sisisi nukuti, “Ubumanyisi ubu bupala pala ngani. Imba we wenu yo angitikisya?”
61Loli u Yesu akamanya ukuti abamanyili bake bakwilumbusya pa sisisi, akayugha nabo akati, “Imba isi sikubafulasya umwe? 62Po sikwisa pakuba buli buli bo mukutesya u Mwana wa Mundu akukwela ukubuka ko akabanga pabwandilo? 63U mbepo mwene weyo akutupa ubumi, umubili gho ghute nimbombo nayimo. Amasyu gho mbabusisye ghogho ghakubapa u mbepo nu bumi. 64Loli balipo bamo mumwinyu bo batakusubila.” (Pakuti u Yesu akasimanya nganila ukwandila ku bwandilo bo batakwisa pakusubila, sona na yo akwisa pakumubika munyobe sya balughu.) 65Po akati, “Ichi cho chifukwa ngubabusya ukuti nayumo umundu yo akwisa ku kwangu pene po u Tata amwitikisya.”
66Ukufuma akabalilo kala, Abamanyili bake abingi bakanyokelela kunyuma nukuleka pakwenda sona nawe. 67U Yesu akabalalusya abamanyili bake twelovu bala akati, “Imba numwe bubu mukulonda pakubuka?”
68U Simoni Pitala akamwamula akati, “We Malafyale, imba tungabuka kwa wenu? Uwe uli nagho amasyu amapela bumi agha bwile na bwile. 69Po utwe tukusubila nukusyaghannya ukuti, uwe we mwikemo wa Chala.”
70U Yesu akabamula akati, “Imba ndakabasala umwe twelovu? Loli weka mumwinyu mumyasi!” 71Akayughagha u Yudasi, umwana wa Simoni Sikaliyoti. Pakuti u Yudasi akaba wa bamo mu bamanyili twelovu bala, akaba wa kumubika u Yesu munyobe sya balughu.
လက္ရွိေရြးခ်ယ္ထားမွု
Yohani 6: SSTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Yohani 6
6
U Yesu akubalisya abandu fayivi sabuzani
(Matayi14.13-21; Maliko6.30-44; Luka9.10-17)
1Panyuma pake u Yesu akaloboka pakubuka kwisila inine ilya nyanja ya Galileya (yo yikaba nyanja ya Tibeliyasi.) 2Po ichilundilo ichikulu icha bandu chikamukonga, pakuti bakatesya ifiswigho fyo akabombagha pa babine. 3Po u Yesu akakwela pighamba nu kwikala pasi na bamanyili bake. 4Akabalilo ka pa Lusekelo lwa Pasaka ulwa ba Yuda kakaba papipi. 5Bo u Yesu akelengannya akachitesya ichilundilo ichikulu icha bandu chikwisa ku kwake, po akayugha kwa Filipu akati, “Imba tungaghula kwighi ichakulya icha kubalisya abandu bosi aba?” 6Akayugha ichi akamughela bubu u Filipu pakuti akamanya nganila isyakubomba.
7U Filipu akamwamula akati, “Napo amalipilo gho ghangalipila ukukila pakati pa chinja ghatangaghula ichakulya icha kukwana ukuti umundu wesi alyepo papala.”
8Weka uwa bamanyili bake, u Andeleya uwamwabo wa Simoni Pitala akayugha nawe akati, 9“Alipo yumo umulumyana pano, yo ali ni fibama fayivi ifya bufu bwa malesi nu tuswi tubili. Imba ifi fingakwana abandu bosi bababa?”
10U Yesu akababusya akati, “Mubabusye abandu bikale pasi.” (Pala pala pakaba isote ilingi) Po abandu bosi bakikala pasi. Abanalume bakabapo fiyivi sabuzani. 11U Yesu akasenya ifibama akamupalisya u Chala nukubagabannya abandu bo bakikala pasi pala pala, akasenya sona bububu niswi sila, po bosi bakalya ukuyana namo bakalondelagha. 12Bo balya bikuta, u Yesu akababusya abamanyili bake akati, “Bunganika utubulubusya ukuti katakabepo nakamo akakutaghiwa.” 13Po bakabunganika utubulubusya tosi, bakisusya ifitundu twelovu nu tubulubusya twa fibama fayivi ifya bufu bwa balale, fyosi fyo fikasyala bo abandu balya.
14Bo abandu batesya ichiswigho cho u Yesu akabomba, bakati, “Naloli musololi yula, yo akwisa mu chisu chapasi!” 15Bo u Yesu asyaghannya ukuti bakulonda pakumukakamisya, ukuti bamwimike pakuba we Malafyale, akafumapo sona nukubuka pakwikala mwene pighamba.
U Yesu akwenda pamisi
(Matayi14.22-33; Maliko6.45-52)
16Bo Kwanda pa kwila, abamanyili ba Yesu bakikagha ukubuka ku nyanja, 17nukukwela mubwato. Bakanda pakuloboka inyanja nukubuka mu Kapelenamu. Ipano kwila kale, loli u Yesu bo akali atafikite kukwabo. 18Amayigha ghakanda pakukoma panyanja chifukwa cha kukuka kwa mbepo iya maka. 19Bo benda ubutali bwa ma kilomita fiyivi pamo sikisi bakamutesya u Yesu akwenda pamisi akapalamila ku bwato, po ubogha bukabakola ngani. 20Loli u Yesu akababusya akati, “Mutakoghopaghe! Nene.” 21Po bakahoboka nukumukwesya mubwato, sona papapo na papapo ubwato bukafika pabwima po bakabukagha.
Abandu bakumulonda u Yesu
22Ilya ningelo lyake ichilundilo cha bandu cho chikasyalikila kwisila inine ilya nyanja chikasyaghannya ukuti bukabapo ubwato boka pabuyo bula, sona u Yesu atakakwela nabamanyili bake, loli ukuti bakenda bene 23amabwato aghangi gho ghakafumila mu Tebeliya, ghakafika papipi nubuyo bo abandu bakalilaghapo ifibama bo u Malafyale afisaya. 24Bo ichilundilo cha bandu chikatesya ukuti u Yesu pamo abamanyili bake bosi batalipo, chikakwela mu bwato nukubuka mu Kapelinamu pakumulonda u Yesu.
U Yesu chibama icha bumi
25Bo abandu bakamwagha u Yesu kwisila ilingi ilya nyanja, bakamulalusya bakati, “We Labi, imba ukisa lighi kuno?”
26U Yesu akamula akati, “Naloli ngubabusya ukuti umwe mutakandonda chifukwa chakuti mukatesya ifiswigho, loli chifukwa chakuti mukalya ifibama nukwikuta. 27Mutakabombaghe imbombo ukuti mube ni chakulya cho chinganangika, loli bombela ichakulya cho chingakupa ubumi bwa bwile na bwile. Ichi chakulya cho u Mwana wa Mundu akwisa pakubapa pakuti u Chala u Wise weyo abikitepo papake ichimanyilo icha kusimikisya.”
28Po bakamulalusya bakati, “Imba tubaghile tubombe choni ukuti tubombe imbombo ya Chala yo akulonda?”
29U Yesu akamula akati, “Imbombo ya Chala yo iyi, ukuti mumusubilaghe yo akamutuma.”
30Bakamulalusya sona bakati, “Imba chiswigho chiki cho ungabomba ukuti tuchitesye nukukusubila? Imba akwisa pakubomba choni? 31Abanyenya bitu bakalyanga ichakulya bakachitisyagha ukuti mana mungolongo mula ukuyana na Masimbo aghakuti, ‘Akabapa ifibama fya kumwanya ukuti balye.’”
32U Yesu akayugha nabo akati, “Naloli ngubabusya ukuti atakaba we Mozesi yo akabapa ichibama icha ichakufuma kumwanya awe, Loli we Tata wangu yo akabapa ichibama icha bwanaloli ukufuma kumwanya.” 33Pakuti ichibama cho u Chala akupa chocho chikwika ukufuma kumwanya nukuchipa ichisu chapasi ubumi. 34Bakayugha nawe bakati, “Malafyale, utupe bwile ichibama chichichi”
35U Yesu akababusya akati, “Une ne chibama ichipela bumi.” Umundu wesi yo akwisa kukwangu atakubapo lumo lumo nisala, sona umundu wesi yo akusubila une atakwisa ukuba lumo ni nyota. 36Loli ngababusya ukuti napo mwandesya, pope mukali mutakusubila. 37Bosi bo u Tata wangu akumba une bakwisa ku kwangu, sona bosi bo bakwisa ku kwangu. Ndakwisa pa kubatagha panja, 38pakuti ndikite ukufuma kumwanya pakubomba ubwighane bwangu, loli nisile pakubomba ubwighane bwa yo akanduma. 39Po ubwighane bwa yo akanduma bwakuti ndakataghepo nayumo mu bandu bo ambile, loli mbasusye bosi pisiku ilya bumalilo. 40Pakuti ubu bobo bwighane bwa Tata wangu akulonda ukuti, wesi yo akumutesya u Mwana nukusubila mu mwake, abe nu bumi bwa bwile na bwile. Po une ngwisa pakumususya pisiku lyabumalilo.
41Po aba Yuda bakanda pakwilumbusya chifukwa u Yesu akati, “Une ne chibama cho chikika ukufuma kumwanya.” 42Po bakati, “Imba uyu te we Yesu u Mwana wa Jozefu, yo uwise nu ng’ina tubamenye? Imba akuyugha buli buli ukuti akika akufuma kumwanya?”
43U Yesu akabamula akati, “Mutakilumbusyaghe mwebene bene. 44Atalipo umundu nayumo yo angisa ku kwangu pene po u Tata wangu yo akanduma, amughusila ku kwangu, sona nune ngwisa pakumususya pisiku lyabumalilo. 45Sisimbiwe nabasololi ukuti, ‘Bosi bakwisa pakumanyisiwa nu Chala.’ Wesi yo akwifwa syo u Chala akuyugha nukumanyila ku kwake, weyo akwisa kukwangu. 46Nayumo yo amutesisyepo u Tata, loli yo afumite kwa Chala, weyo amutesisyepo u Tata. 47Naloli ngubabusya umwe ukuti yo akusubila une ali nabo ubumi bwa bwile na bwile. 48Une ne chibama cha bumi. 49Abanyenya binyu bakalyanga amana mungolongo, loli bakafwa. 50Loli ichi cho chibama cho chikwika ukufuma kumwanya ukuti umundu wesi yo akulya ichibama atakafwange. 51Une ne chibama ichipela bumi cho chikika ukufuma kumwanya. Pala umundu wesi yo akulya ichibama chichichi, akwisa pakubangako bwile na bwile. Ichibama cho ngwisa pakupa gho mubili wangu, ukuti ichisu chapasi chibe nu bumi.”
52Po abalongosi aba Yuda bakanda pakudalingana bene bene. “Imba umundu yuyuyu akutupa buli buli umubili wake ukuti tulye?”
53U Yesu akayugha nabo akati, “Naloli ngubabusya ukuti pala mutakulya umubili wa Mwana wa Mundu, sona mutakung’wa ibanda lyake, mutakwisa pakuba nu bumi mumwinyu. 54Umundu wesi yo akulya umubili wangu nu kung’wa ibanda lyangu, yo ali nubumi bwa bwile na bwile, po une ngwisa ukumususya pisiku lyabumalilo. 55Pakuti umubili wangu cho chakulya chanaloli, sona ibanda lyangu cho chakung’wa chanaloli. 56Umundu wesi yo akulya umubili wangu nukung’wa ibanda lyangu, akwikala mumwangu, po une ngwikala mumwake. 57Ngati mo u Tata umumi akandumila, po une indi nubumi chifukwa cha Tata, po umundu wesi yo akundya, akwisa pakuba nu bumi chifukwa cha une. 58Ichi cho chibama cho chikika ukufuma kumwanya. Chitayanite ni chibama cho abanyenya binyu bakalya nukufwa panyuma pake. Loli bosi bo bakulya ichibama ichi bakwisa pakubako bwile na bwile.”
59U Yesu akayugha sisisi bo akumanyisya munyumba ya kwiputilamo mu Kapelenamu.
Amasyu agha bumi bwa bwile na bwile
60Abamanyili bake abingi bakifwa sisisi nukuti, “Ubumanyisi ubu bupala pala ngani. Imba we wenu yo angitikisya?”
61Loli u Yesu akamanya ukuti abamanyili bake bakwilumbusya pa sisisi, akayugha nabo akati, “Imba isi sikubafulasya umwe? 62Po sikwisa pakuba buli buli bo mukutesya u Mwana wa Mundu akukwela ukubuka ko akabanga pabwandilo? 63U mbepo mwene weyo akutupa ubumi, umubili gho ghute nimbombo nayimo. Amasyu gho mbabusisye ghogho ghakubapa u mbepo nu bumi. 64Loli balipo bamo mumwinyu bo batakusubila.” (Pakuti u Yesu akasimanya nganila ukwandila ku bwandilo bo batakwisa pakusubila, sona na yo akwisa pakumubika munyobe sya balughu.) 65Po akati, “Ichi cho chifukwa ngubabusya ukuti nayumo umundu yo akwisa ku kwangu pene po u Tata amwitikisya.”
66Ukufuma akabalilo kala, Abamanyili bake abingi bakanyokelela kunyuma nukuleka pakwenda sona nawe. 67U Yesu akabalalusya abamanyili bake twelovu bala akati, “Imba numwe bubu mukulonda pakubuka?”
68U Simoni Pitala akamwamula akati, “We Malafyale, imba tungabuka kwa wenu? Uwe uli nagho amasyu amapela bumi agha bwile na bwile. 69Po utwe tukusubila nukusyaghannya ukuti, uwe we mwikemo wa Chala.”
70U Yesu akabamula akati, “Imba ndakabasala umwe twelovu? Loli weka mumwinyu mumyasi!” 71Akayughagha u Yudasi, umwana wa Simoni Sikaliyoti. Pakuti u Yudasi akaba wa bamo mu bamanyili twelovu bala, akaba wa kumubika u Yesu munyobe sya balughu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ