Yohani 3
3
U Yesu nu Nikodemu
1Kukabako umundu yumo umu Falisayi, yo ilita lyake we Nikodemu, umulongosi wa Bayuda. 2Akabuka kwa Yesu pa busiku nukumubusya ukuti, “Wee Labi, tusimenye ukuti uwe we mumanyisi yo afumite kwa Chala, pakuti ataliko umundu yo angabomba ifimanyisyo fyo uwe ukubomba, pala u Chala ate nawe.”
3U Yesu akamula akati, “Naloli ngubabusya ukuti nayumo umundu yo angabutesya u Bunyafyale bwa Chala u kusita ukupapiwa sona.”
4U Nikodemu akamulalusya akati, “Imba umundu usongo angapapiwa buli sona? Angingila sona mukati mulufukwe lwa ng’ina nukupapiwa ulwa bubili?”
5U Yesu akamula akati, “Naloli ngukubusya ukuti, nayumo umundu yo angingila mu Bunyafyale bwa Chala, ukusita kupapiwa sona kumisi na kwa Mbepo. 6Cho chipapiwe ku mubili gho mubili, nacho chipapiwe mwa Mbepo we Mbepo. 7Utakaswighaghe chifukwa ngukubusya ukuti ubaghile pakupapiwa sona. 8Imbepo yikukuka kosi ko yikulonda, ukwifwa bubu ichongo chake, loli utangamanya ko yikufuma pamo ko yikubuka. Momo sibelile na wesi yo apapiwa mwa Mbepo.
9“U Nikodemu akalalusya akati, “Imba chingaba buli sisisi?”
10U Yesu akamwamula akati, “Uwe we mumanyisi mu Isilayeli, imba utasimenye sisisi?
11Naloli ngukubusya ukuti, uswe tukuyugha syo tusimenye, tukusimikisya syo twasibona, loli nayumo yo akupokela ukusimikisya kwitu. 12Pala mutakusubila ifindu fya mu chisu chapasi ichi fyo ngubabusya, po mungasubila buli pala ngubabusya ifindu fya kumwanya? 13Nayumo umundu yo afikitepo kumwanya, loli mwene u Mwana wa Mundu yo akafuma kumwanya.
14Ngati mo u Mozesi akinulila injoka mungolongo mula, wepe u Mwana wa Mundu abaghile ukwinuliwa, 15ukuti wesi yo akusubila abe nu bumi bwa bwile na bwile. 16Pakuti u Chala akachighana ngani ichisu chapasi, leka akachipa u Mwana wake mwene, ukuti wesi yo akusubila atakafwe loli abe nu bumi bwa bwile na bwile. 17Pakuti u Chala atakatuma u Mwana wake muchisu cha pasi ukuti achilonge ichisu, loli ukuti ichisu ichapasi chipokiwe nawe.
18Wesi yo akumusubila u mwana atakulongiwa, loli yo atakumusubila alongiwe kale, chifukwa atasubile u ilita lya Mwana mwene uwa Chala. 19Ubu bo bulongi ubwa kuti, ubwelu bwisile muchisu ichapasi, loli abandu bachighanite ngani ichisi ukukinda ubwelu, pakuti imbombo syabo sikaba mbibi. 20Pakuti wesi yo akubomba ifibibi abenganite nubwelu, po atangisa pa bwelu pakuti akoghopa ukuti imbombo syo akubomba singaboneka pa bwelu. 21Loli wesi yo akubomba ubwanaloli akubonekela pabwelu, sona isya kubombiwa syake sikumanyikwa ukuti abomba umwakumwifwila u Chala.
U Yesu nu Yohani
22Panyuma pasisi, u Yesu na bamanyili bake bakabuka ku buyo bwa mu Yudeya, ko akikalako nabo akabalilo akapala bubu nu kosya abandu. 23U Yohani wepe akosyagha mu Enoni papipi nu Salimu, pakuti pakabapo amisi amingi ngani pala pala. Abandu bakabukagha kukwake, po akabosyagha. 24(Isi sikabombiwa bo nu Yohani atabikiwe mujela.)
25Abamanyili bamo aba Yohani bakanda pakususannya numu Yuda Yumo pa muteto wa kwiswepesya. 26Bakabuka kwa Yohani nu kuyugha ukuti, “We Labi, umundu yo ukaba nawe kwisila ilingi ilya lusoko lwa Yolodani, yo ukusimikisya nisyake, wepe akosya, sona abandu bosi bakubuka ku kwake.”
27U Yohani akabamula akati, “Ataliko nayumo umundu yo angapokela chimo, pala atapeghiwe ukufuma kumwanya. 28Umwe mwe mukusimikisya ukuti, une ngayugha ngati, ‘Une tene Kilisitu, loli ngatumiwa bubu mundasi mu mwake.’ 29U mukolo yo akusenyiwa weyo mwenecho wa mwanalume, loli usindisi wa mwene nyegha weyo akwimilila papipi nukuteghelesya, akuhoboka ngani bo akwifwa amasyu gha mwene nyegha, pakuti ulusekelo lwangu lula lwakwanilisiwa. 30Umwene abaghile abe wa pamwanya, loli une mbaghile pakuba wapasi.”
Yo akufuma kumwanya
31Yo akufuma kumwanya, yo wapamwanya ukukinda bosi. Yo akufuma muchisu chapasi wa muchisu, sona akuyugha ngati wa muchisu chapasi, loli yo akufuma kumwanya weyo wapamwanya ukukinda bosi. 32Umwene akusimikisya syo akusitesya nu kwifwa, loli nayumo yo akulupokela ulusimikisyo lwake. 33Yo akulupokela ulusumikisyo lwake, akusimikisya ukuti u Chala wabwanaloli. 34Pakuti u Chala yo amutumite akuyugha amasyu gha Chala, pakuti u Chala akumupa u Mbepo ukusita ukumamilisya. 35U wise amughanite u Mwana sona abikite ifindu fyosi munyobe syake. 36Po wesi yo akumusubila u Mwana ali nu bumi bwa bwile na bwile, sona wesi yo atakumusubila u Mwana atakwisa pakubutesya ubumi, loli ubukalale bwa Chala bukwisa pa pake.
လက္ရွိေရြးခ်ယ္ထားမွု
Yohani 3: SSTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Yohani 3
3
U Yesu nu Nikodemu
1Kukabako umundu yumo umu Falisayi, yo ilita lyake we Nikodemu, umulongosi wa Bayuda. 2Akabuka kwa Yesu pa busiku nukumubusya ukuti, “Wee Labi, tusimenye ukuti uwe we mumanyisi yo afumite kwa Chala, pakuti ataliko umundu yo angabomba ifimanyisyo fyo uwe ukubomba, pala u Chala ate nawe.”
3U Yesu akamula akati, “Naloli ngubabusya ukuti nayumo umundu yo angabutesya u Bunyafyale bwa Chala u kusita ukupapiwa sona.”
4U Nikodemu akamulalusya akati, “Imba umundu usongo angapapiwa buli sona? Angingila sona mukati mulufukwe lwa ng’ina nukupapiwa ulwa bubili?”
5U Yesu akamula akati, “Naloli ngukubusya ukuti, nayumo umundu yo angingila mu Bunyafyale bwa Chala, ukusita kupapiwa sona kumisi na kwa Mbepo. 6Cho chipapiwe ku mubili gho mubili, nacho chipapiwe mwa Mbepo we Mbepo. 7Utakaswighaghe chifukwa ngukubusya ukuti ubaghile pakupapiwa sona. 8Imbepo yikukuka kosi ko yikulonda, ukwifwa bubu ichongo chake, loli utangamanya ko yikufuma pamo ko yikubuka. Momo sibelile na wesi yo apapiwa mwa Mbepo.
9“U Nikodemu akalalusya akati, “Imba chingaba buli sisisi?”
10U Yesu akamwamula akati, “Uwe we mumanyisi mu Isilayeli, imba utasimenye sisisi?
11Naloli ngukubusya ukuti, uswe tukuyugha syo tusimenye, tukusimikisya syo twasibona, loli nayumo yo akupokela ukusimikisya kwitu. 12Pala mutakusubila ifindu fya mu chisu chapasi ichi fyo ngubabusya, po mungasubila buli pala ngubabusya ifindu fya kumwanya? 13Nayumo umundu yo afikitepo kumwanya, loli mwene u Mwana wa Mundu yo akafuma kumwanya.
14Ngati mo u Mozesi akinulila injoka mungolongo mula, wepe u Mwana wa Mundu abaghile ukwinuliwa, 15ukuti wesi yo akusubila abe nu bumi bwa bwile na bwile. 16Pakuti u Chala akachighana ngani ichisu chapasi, leka akachipa u Mwana wake mwene, ukuti wesi yo akusubila atakafwe loli abe nu bumi bwa bwile na bwile. 17Pakuti u Chala atakatuma u Mwana wake muchisu cha pasi ukuti achilonge ichisu, loli ukuti ichisu ichapasi chipokiwe nawe.
18Wesi yo akumusubila u mwana atakulongiwa, loli yo atakumusubila alongiwe kale, chifukwa atasubile u ilita lya Mwana mwene uwa Chala. 19Ubu bo bulongi ubwa kuti, ubwelu bwisile muchisu ichapasi, loli abandu bachighanite ngani ichisi ukukinda ubwelu, pakuti imbombo syabo sikaba mbibi. 20Pakuti wesi yo akubomba ifibibi abenganite nubwelu, po atangisa pa bwelu pakuti akoghopa ukuti imbombo syo akubomba singaboneka pa bwelu. 21Loli wesi yo akubomba ubwanaloli akubonekela pabwelu, sona isya kubombiwa syake sikumanyikwa ukuti abomba umwakumwifwila u Chala.
U Yesu nu Yohani
22Panyuma pasisi, u Yesu na bamanyili bake bakabuka ku buyo bwa mu Yudeya, ko akikalako nabo akabalilo akapala bubu nu kosya abandu. 23U Yohani wepe akosyagha mu Enoni papipi nu Salimu, pakuti pakabapo amisi amingi ngani pala pala. Abandu bakabukagha kukwake, po akabosyagha. 24(Isi sikabombiwa bo nu Yohani atabikiwe mujela.)
25Abamanyili bamo aba Yohani bakanda pakususannya numu Yuda Yumo pa muteto wa kwiswepesya. 26Bakabuka kwa Yohani nu kuyugha ukuti, “We Labi, umundu yo ukaba nawe kwisila ilingi ilya lusoko lwa Yolodani, yo ukusimikisya nisyake, wepe akosya, sona abandu bosi bakubuka ku kwake.”
27U Yohani akabamula akati, “Ataliko nayumo umundu yo angapokela chimo, pala atapeghiwe ukufuma kumwanya. 28Umwe mwe mukusimikisya ukuti, une ngayugha ngati, ‘Une tene Kilisitu, loli ngatumiwa bubu mundasi mu mwake.’ 29U mukolo yo akusenyiwa weyo mwenecho wa mwanalume, loli usindisi wa mwene nyegha weyo akwimilila papipi nukuteghelesya, akuhoboka ngani bo akwifwa amasyu gha mwene nyegha, pakuti ulusekelo lwangu lula lwakwanilisiwa. 30Umwene abaghile abe wa pamwanya, loli une mbaghile pakuba wapasi.”
Yo akufuma kumwanya
31Yo akufuma kumwanya, yo wapamwanya ukukinda bosi. Yo akufuma muchisu chapasi wa muchisu, sona akuyugha ngati wa muchisu chapasi, loli yo akufuma kumwanya weyo wapamwanya ukukinda bosi. 32Umwene akusimikisya syo akusitesya nu kwifwa, loli nayumo yo akulupokela ulusimikisyo lwake. 33Yo akulupokela ulusumikisyo lwake, akusimikisya ukuti u Chala wabwanaloli. 34Pakuti u Chala yo amutumite akuyugha amasyu gha Chala, pakuti u Chala akumupa u Mbepo ukusita ukumamilisya. 35U wise amughanite u Mwana sona abikite ifindu fyosi munyobe syake. 36Po wesi yo akumusubila u Mwana ali nu bumi bwa bwile na bwile, sona wesi yo atakumusubila u Mwana atakwisa pakubutesya ubumi, loli ubukalale bwa Chala bukwisa pa pake.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ