Yohani 12
12
U Yesu akupakasiwa amafuta mukaya ka Betaniya
(Matayi26.6-13; Maliko14.3-9)
1Bo ghasyala amasiku sikisi ukuti u Luselo lwa Pasaka lubombiwe, u Yesu akisa mu Betaniya ko akikalagha u Lazalo, yo u Yesu akamususya kubufwe. 2Bakamupiyila ichakulya cha pamasuba, u Malita weyo akababombela, u Lazalo akaba wa bamo bo bakalyanga poka nu Yesu. 3Po u Maliya akasenya amafuta agha pamutengu aghakunungila gho ghakapangia ku chibwaliwa cha nalidi, akamupakasya u Yesu mufinama fyake nukumupuputa ni ching’wili chake mufinama, munyumba mosi mukisula numunusi wa amafuta. 4Loli yumo wa bamanyili bake, u Yudasi Sikaliyoti, yo akaya pakumubika u Yesu munyobe sya balughu, akalalusya akati, 5“Imba choni cho amafuta agha ghatakaghulisiwa namalipilo agha kuyana nichinja?” Ukuti mubape abapina indalama. 6Akayugha isi, te chifukwa chakuti akabapakisyagha abapina, loli chifukwa chakuti akaba mwifi akasunga inyambi ya ndalama nu kwibamo.
7U Yesu akati, “Muleke umukolo uyu mwene, pakuti akasungila amafuta mupaka pisiku lya kusilila. 8Pakuti mukuba nabo abapina akabalilo kosi, loli mutakuba nune akabalilo kosi.”
Ulubatiko lwa kumughoghela u Lazalo
9Bo ichilundilo ichikulu cha ba Yuda chasimanya ukuti u Yesu ali ku Betaniya, bakisa, batakisila chifukwa cha Yesu, loli bakisa pakumutesya u Lazalo, yo u Yesu akamususya ku bufwe. 10Loli abalongosi ba baputi bakitikana sona nisya kumughogha u Lazalo wepe, 11chifukwa cha yuyo aba Yuda abingi bakafumako kukwabo, nukumusubila u Yesu.
U Yesu akwingila mu Yelusalemu nu bupoti
(Matayi21.1-11; Maliko11.1-11; Luka19.28-40)
12Ilya ningelo lyake ichilundilo bandu abingi chikisa ku lusekelo, bo bifwa ukuti u Yesu akwisa mu Yelusalemu. 13Po bakasenya utusamba twa mabale bakafuma nu kubuka pakukomana nawe, bakakolelagha ukuti, “Hosana! Musayiwa uyu yo akwisa mwilita lya Malafyale! Musayiwa u Malafyale wa Isilayeli!”
14U Yesu akamwagha umwana wa mbunda nu kukwelapo, ngati samo sisimbiliwe,
15“Mutakoghopaghe mwe bandu ba mu Ziyoni,
u Malafyale winyu akwisa,
bo akwelite pa mwana wa mbunda.”
16Abamanyili bake batakasyaghannya hagha pabwandilo, loli bo aghindikiwa po bakakumbukila ukuti isi sikasimbiwa nisya yuyo, nu kumubombela sisisi.
17Po ichilundilo cho chikaba poka nawe bo akumwitisya u Lazalo ukuti fuma mwipumba, sona nukumususya kubufwa chikabukilila pakufumusya amasyu. 18Chifukwa chakuti abandu abingi bakifwa ukuti abomba ichiswigho chila, bakabuka pakomane nawe. 19Po aba Falisayi bakayughisannya bene bene ukuti, “Mukutesya, tutakukabapo nachimo, tesya abandu bosi kakumukonga.”
Aba Giliki bamo bakumulonda u Yesu
20Aba Giliki bamo bo bakaba mu bandu bo bakabuka pakwiputa mu Yelusalemu ku lusekelo. 21Abene bakabuka kwa Filipu yo akaba wa mukaya ka Betisayida mubuyo bwa Galileya bakati, “Malafyale, tukulonda tumutesye u Yesu.”
22U Filipu akabuka nu kumubusya u Andeleya, po bakabuka poka pakumubusya u Yesu. 23U Yesu akabamula akati, “Akabalilo kafika ukuti u Mwana wa Mundu apokele ubughindikiwe. 24Ngubabusya ubwanaloli ukuti imbeyu ya ngano yikuba yoka, pene po yitawilile pilongwi nu kufwa. Loli pala yafwa, po yikwela iseke inyingi. 25Yo abughanite ubumi bwake akwisa pakubutagha, yo abubengite ubumi bwake mu chisu chapasi ichi akwisa pakubusunga ubumi bwa bwile na bwile 26Pala yo akumbombela une, abaghile pakungonga une, sona ko indi une koko wepe akwisa pakuba mubombi wangu, pala yo akumbombela une, u Tata akwisa pakumughindika.
U Yesu akuyugha nisya kufwa kwake
27“Ipano umoyo wangu ghukutamiwa ngani, imba ngwisa pakuyugha choni? Tata, mboka ku kabalilo aka? Awe, cho chifukwa nisile akabalilo kaka. 28Tata, ghindika ilita lyako.”
Po isyu likafuma kumwanya likati, “Nalighindika kale, po ngwisa pakulighindika sona.”
29Po ichilundilo cho chikimilila pala pala chikifwa isyu, po bamo bakayugha bakati ko kupaya kwa fula. Abangi bakati, “Wandumi akuyugha nawe!” 30U Yesu akababusya akati, “Isyu ili litakifwika chifukwa cha nene, loli likifwika chifukwa cha umwe. 31Ipano kabalilo ka kulongiwa kwa chisu chosi ichapasi, ipano umulaghili wa chisu chapasi akwisa pakutaghiwa kusi. 32Une bo nguyakwesiwa ukufuma muchisu chapasi, ngwisa pakughusila abandu bosi kukwangu.” 33Akayugha isi pakubonesya mo akwisa pakufwila.
34Po ichilundilo chikamwamula ukuti, “Tukifwa utwe indaghilo ukuti u Kilisitu akubako bwile. Po umwe mukuyugha buli, ukuti u Mwana wa mundu akwesiwaghe? Po u Mwana wa mundu we wenu?” 35U Yesu akababusasya akati, “Ubwelu bukali buli numwe papala bubu. Endagha bo mukali muli nabo ubwelu, ukuti ichisi chitakabaghe, yo akwenda muchisi atakumanya nako akubuka. 36Musubile mu bwelu po muli nabo, ukuti mube bana ba bwelu.”
Ukusita kusubila kwa bandu
Bo u Yesu ayugha isi, akafumapo nu kubwama. 37Napo akabomba ifiswigho ifingi ngati ifi pamaso ghabo, loli pope batakamusubila, 38pakuti amasyu gha musololi u Yisaya ghakwanilisiwe gho ghakuti,
“Malafyale, we wenu yo akusubila ukulumbilila kwitu?
Pamo we wenu yo amaka gha Malafyale ghamubonekela.
39Chifukwa ichi batakamusubila. Pakuti u Yisaya akayugha sona akati,
40“Akabighalila amaso ghabo nukukasya imyoyo yabo,
ukuti amaso ghabo ghatakatesyaghe ukuti ukwifwisya ni nyinong’ono yabo,
batangisa ku kwangu ukuti imbaposye.”
41U Yisaya akayugha isi chifukwa bo akabutesya ubughindikiwa bwa Yesu, nukuyugha nisyake. 42Napo sikaba bubu, abalongosi aba Chiyuda abingi bakamusubila u Yesu, loli chifukwa cha ba Falisayi batakitikisya pa bwelu, pakuti bakoghopagha ukuti bangisa babafumyemo munyumba sya kwiputilamo, 43pakuti bakighana pakupaliwa na bandu, pakukila ukupaliwa nu Chala.
Amasyu gha Yesu ghakwisa pakubalonga abandu
44Po u Yesu akakolela ngani akati, “Yo akusubila une, atakusubila une nemwene, loli akumusubula nayo akanduma. 45Yo akundesya une, amutesya sona nayo akanduma. 46Une ngisa ngati bwelu pa chisu chapasi, ukuti yo akusubila une atakikale muchisi. 47Pala yo akwifwa amasyu ghangu loli atakwifwila, yo ndakwisa pakumulonga, pakuti ndakisa pakulonga ichisu cha pasi loli ngisa pakuchipoka. 48Umulongi alipo kuyo akungana une, sona atakughapokela amasyu ghangu, amasyu gho nayugha ghakwisa pakumulonga pisiku lya bumalilo. 49Ndakuyugha ubulaghili bwangu, loli ubwa Tata yo akanduma une, yo akandamula une ukuti ningayugha, sona namo ngwisa pakuyughila. 50Po simenye ukuti indaghilo syake sikutupa ubumi bwa bwile na bwile. Chifukwa syo nayugha, nayugha ngati mo u Tata akumbusikisya”
လက္ရွိေရြးခ်ယ္ထားမွု
Yohani 12: SSTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Yohani 12
12
U Yesu akupakasiwa amafuta mukaya ka Betaniya
(Matayi26.6-13; Maliko14.3-9)
1Bo ghasyala amasiku sikisi ukuti u Luselo lwa Pasaka lubombiwe, u Yesu akisa mu Betaniya ko akikalagha u Lazalo, yo u Yesu akamususya kubufwe. 2Bakamupiyila ichakulya cha pamasuba, u Malita weyo akababombela, u Lazalo akaba wa bamo bo bakalyanga poka nu Yesu. 3Po u Maliya akasenya amafuta agha pamutengu aghakunungila gho ghakapangia ku chibwaliwa cha nalidi, akamupakasya u Yesu mufinama fyake nukumupuputa ni ching’wili chake mufinama, munyumba mosi mukisula numunusi wa amafuta. 4Loli yumo wa bamanyili bake, u Yudasi Sikaliyoti, yo akaya pakumubika u Yesu munyobe sya balughu, akalalusya akati, 5“Imba choni cho amafuta agha ghatakaghulisiwa namalipilo agha kuyana nichinja?” Ukuti mubape abapina indalama. 6Akayugha isi, te chifukwa chakuti akabapakisyagha abapina, loli chifukwa chakuti akaba mwifi akasunga inyambi ya ndalama nu kwibamo.
7U Yesu akati, “Muleke umukolo uyu mwene, pakuti akasungila amafuta mupaka pisiku lya kusilila. 8Pakuti mukuba nabo abapina akabalilo kosi, loli mutakuba nune akabalilo kosi.”
Ulubatiko lwa kumughoghela u Lazalo
9Bo ichilundilo ichikulu cha ba Yuda chasimanya ukuti u Yesu ali ku Betaniya, bakisa, batakisila chifukwa cha Yesu, loli bakisa pakumutesya u Lazalo, yo u Yesu akamususya ku bufwe. 10Loli abalongosi ba baputi bakitikana sona nisya kumughogha u Lazalo wepe, 11chifukwa cha yuyo aba Yuda abingi bakafumako kukwabo, nukumusubila u Yesu.
U Yesu akwingila mu Yelusalemu nu bupoti
(Matayi21.1-11; Maliko11.1-11; Luka19.28-40)
12Ilya ningelo lyake ichilundilo bandu abingi chikisa ku lusekelo, bo bifwa ukuti u Yesu akwisa mu Yelusalemu. 13Po bakasenya utusamba twa mabale bakafuma nu kubuka pakukomana nawe, bakakolelagha ukuti, “Hosana! Musayiwa uyu yo akwisa mwilita lya Malafyale! Musayiwa u Malafyale wa Isilayeli!”
14U Yesu akamwagha umwana wa mbunda nu kukwelapo, ngati samo sisimbiliwe,
15“Mutakoghopaghe mwe bandu ba mu Ziyoni,
u Malafyale winyu akwisa,
bo akwelite pa mwana wa mbunda.”
16Abamanyili bake batakasyaghannya hagha pabwandilo, loli bo aghindikiwa po bakakumbukila ukuti isi sikasimbiwa nisya yuyo, nu kumubombela sisisi.
17Po ichilundilo cho chikaba poka nawe bo akumwitisya u Lazalo ukuti fuma mwipumba, sona nukumususya kubufwa chikabukilila pakufumusya amasyu. 18Chifukwa chakuti abandu abingi bakifwa ukuti abomba ichiswigho chila, bakabuka pakomane nawe. 19Po aba Falisayi bakayughisannya bene bene ukuti, “Mukutesya, tutakukabapo nachimo, tesya abandu bosi kakumukonga.”
Aba Giliki bamo bakumulonda u Yesu
20Aba Giliki bamo bo bakaba mu bandu bo bakabuka pakwiputa mu Yelusalemu ku lusekelo. 21Abene bakabuka kwa Filipu yo akaba wa mukaya ka Betisayida mubuyo bwa Galileya bakati, “Malafyale, tukulonda tumutesye u Yesu.”
22U Filipu akabuka nu kumubusya u Andeleya, po bakabuka poka pakumubusya u Yesu. 23U Yesu akabamula akati, “Akabalilo kafika ukuti u Mwana wa Mundu apokele ubughindikiwe. 24Ngubabusya ubwanaloli ukuti imbeyu ya ngano yikuba yoka, pene po yitawilile pilongwi nu kufwa. Loli pala yafwa, po yikwela iseke inyingi. 25Yo abughanite ubumi bwake akwisa pakubutagha, yo abubengite ubumi bwake mu chisu chapasi ichi akwisa pakubusunga ubumi bwa bwile na bwile 26Pala yo akumbombela une, abaghile pakungonga une, sona ko indi une koko wepe akwisa pakuba mubombi wangu, pala yo akumbombela une, u Tata akwisa pakumughindika.
U Yesu akuyugha nisya kufwa kwake
27“Ipano umoyo wangu ghukutamiwa ngani, imba ngwisa pakuyugha choni? Tata, mboka ku kabalilo aka? Awe, cho chifukwa nisile akabalilo kaka. 28Tata, ghindika ilita lyako.”
Po isyu likafuma kumwanya likati, “Nalighindika kale, po ngwisa pakulighindika sona.”
29Po ichilundilo cho chikimilila pala pala chikifwa isyu, po bamo bakayugha bakati ko kupaya kwa fula. Abangi bakati, “Wandumi akuyugha nawe!” 30U Yesu akababusya akati, “Isyu ili litakifwika chifukwa cha nene, loli likifwika chifukwa cha umwe. 31Ipano kabalilo ka kulongiwa kwa chisu chosi ichapasi, ipano umulaghili wa chisu chapasi akwisa pakutaghiwa kusi. 32Une bo nguyakwesiwa ukufuma muchisu chapasi, ngwisa pakughusila abandu bosi kukwangu.” 33Akayugha isi pakubonesya mo akwisa pakufwila.
34Po ichilundilo chikamwamula ukuti, “Tukifwa utwe indaghilo ukuti u Kilisitu akubako bwile. Po umwe mukuyugha buli, ukuti u Mwana wa mundu akwesiwaghe? Po u Mwana wa mundu we wenu?” 35U Yesu akababusasya akati, “Ubwelu bukali buli numwe papala bubu. Endagha bo mukali muli nabo ubwelu, ukuti ichisi chitakabaghe, yo akwenda muchisi atakumanya nako akubuka. 36Musubile mu bwelu po muli nabo, ukuti mube bana ba bwelu.”
Ukusita kusubila kwa bandu
Bo u Yesu ayugha isi, akafumapo nu kubwama. 37Napo akabomba ifiswigho ifingi ngati ifi pamaso ghabo, loli pope batakamusubila, 38pakuti amasyu gha musololi u Yisaya ghakwanilisiwe gho ghakuti,
“Malafyale, we wenu yo akusubila ukulumbilila kwitu?
Pamo we wenu yo amaka gha Malafyale ghamubonekela.
39Chifukwa ichi batakamusubila. Pakuti u Yisaya akayugha sona akati,
40“Akabighalila amaso ghabo nukukasya imyoyo yabo,
ukuti amaso ghabo ghatakatesyaghe ukuti ukwifwisya ni nyinong’ono yabo,
batangisa ku kwangu ukuti imbaposye.”
41U Yisaya akayugha isi chifukwa bo akabutesya ubughindikiwa bwa Yesu, nukuyugha nisyake. 42Napo sikaba bubu, abalongosi aba Chiyuda abingi bakamusubila u Yesu, loli chifukwa cha ba Falisayi batakitikisya pa bwelu, pakuti bakoghopagha ukuti bangisa babafumyemo munyumba sya kwiputilamo, 43pakuti bakighana pakupaliwa na bandu, pakukila ukupaliwa nu Chala.
Amasyu gha Yesu ghakwisa pakubalonga abandu
44Po u Yesu akakolela ngani akati, “Yo akusubila une, atakusubila une nemwene, loli akumusubula nayo akanduma. 45Yo akundesya une, amutesya sona nayo akanduma. 46Une ngisa ngati bwelu pa chisu chapasi, ukuti yo akusubila une atakikale muchisi. 47Pala yo akwifwa amasyu ghangu loli atakwifwila, yo ndakwisa pakumulonga, pakuti ndakisa pakulonga ichisu cha pasi loli ngisa pakuchipoka. 48Umulongi alipo kuyo akungana une, sona atakughapokela amasyu ghangu, amasyu gho nayugha ghakwisa pakumulonga pisiku lya bumalilo. 49Ndakuyugha ubulaghili bwangu, loli ubwa Tata yo akanduma une, yo akandamula une ukuti ningayugha, sona namo ngwisa pakuyughila. 50Po simenye ukuti indaghilo syake sikutupa ubumi bwa bwile na bwile. Chifukwa syo nayugha, nayugha ngati mo u Tata akumbusikisya”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ