Maliku 7
7
Mavulo kuhuma kwa mambuyi
Matayu 15:1-9
1Wamonga wa Mafalisayo na Wavula wa ulaghililo wavile wakihuma Yelusalemu walikungulile kuulongolo gha Yesu. 2Walolile wamonga wa wayitikila ghaki wakilyegha mulyo kwa mawoku ghao, kwa ng'ogha kughulula mawoku handa ipalilwi na ulaghilo wa Wayahudi. 3Kwa ikiva Mafalisayo na Wayahudi wogha wangukola mavulo wayapokilile kuhuma kwa wagogolu wa weni. Walyegha ng'ogha mulyo mbaka waghululi mawoku mbaka mkihughulumbi maha. 4Kangi, wangulyegha ng'ogha kindu chochosi kuhuma kusoku, mbaka kughulula mawoku. Vilavila na mavulo ghangi wapokelile kuhuma dahile handa vila kughulula vikombi na kivigha na kyombu kya shaba. 5Hinu, Mafalisayo na wavula wa malaghililo wakamkonya Yesu, “Ghuli wayitikila ghako wakovikela ng'ogha mavulo tupokelile kwa wagogolu wa twenga, ikiva wangulyegha mulyo kwa mawoku gha kughulula ng'ogha”
6Yesu akawayanga, “Mngujighola wandu wamaha mwenga! Mlota Isaya alongile yaulongolo maha kwa mwenga handa ayandikile, Sapanga angulonga, ‘wandu hagha, wangutundamila kwa milandu hela, ila mmioyu gha weni, wavile kutali na nenga.
7Kuyupa kwa weni ni kwa hela, ikiva mighalu wanguvula ni mavulo gha kiwandu hela handa vila ni mavulo gha sapanga.’
8Mwenga mnguleka malaghililo gha Sapanga na kukamula malaghililo gha wandu.”
9Yesu akayendelela kulonga, “Mwenga mngumanya kuhyeta kwa ukalamuka malaghililo gha Sapanga ili mkovekeli malaghililo gha mwenga.
10Kwa ikiva Musa alaghilile, ‘Muwatundamili tati ghako na nyongo ghako,’ ‘Na mundu amligha tati ghaki au nyongo ghaki, angudahilwa ahovi.’ 11Ila mwenga mnguvula, ‘Ikiva mundu avile na hindu kiewesa kumtanga tati ghaki au nyongo ghaki, akotoho kuwatanga na amyegheli Sapanga handa hupo, 12Hinu, adahiliwi ng'ogha kangi kumtanga tati ghaki au nyongo ghaki.’ 13Nagha mngupughanya lilando lya Sapanga kwa ikiva gha mavula mngupeghana. Kangi mngughola mighalu itangala gha nagha.”
Mihalu imghola mundu akotoho kuwoneka maha kuulongolo gha Sapanga
Matayu 15:10-20
14Yesu aukemilili kangi hula upinga wa wandu, akawalongela, “Mniyoghanile wogha, mkamanyi. 15Kwahela kindu kinguyingila mghati gha mundu kuhuma panji ndiwa kingumghola mundu akotoho kudahilwa na Sapanga. Ila kihumili mghati gha mundu kyeni ndiwa kingumghola mundu akotoho kudahilwa kuulongolo gha Sapanga.” 16Mweni mapulikilo gha kuhyoghanila na ahyoghanile. 17Pa auleka hula upinga wa wandu na kuyingila mlighuta, wayitikila ghaki wakamkonya awalongeli hula mlandano ni kyani.
18Na mweni akawalongela, “Ghuli, hata mwenga mmanya ng'ogha? Ghuli, mmanya ng'ogha yiwa kindu kimyingila mundu kuhuma panji, kiwesa ng'ogha kumghola mundu akotoho kudahilwa kuulongolo gha Sapanga, 19Kwa ikiva kimyingila ng'ogha mmoyu, ila mumtima, na kuulongolu huyeghwa mchowu?” Kwa kulonga nagha, Yesu kalekesela milyo yogha ni maha kulyegha. 20Akayendelela kulonga, “Kihumilile mghati gha mundu ndiwa, kingumghola akotoho kudahilwa na Sapanga.
21Kwa ikiva, mmoyu mwa mundu huhuma mawachilo mahakata na ungongola na uwihi na kukomana, 22Ughoni na umwimi na uhakata na uhwangi na lumatamata na wifu na malighu na ukwinakwina na usihisihi. 23Mahakata hagha hyogha yahumila mghati gha mundu, na yeni yangumghola mundu akotoho kudahilwa kuulongolo gha Sapanga.”
Kukwinila kwa nyongo mmonga
Matayu 15:21-28
24Yesu ahukili pala, akayenda mlima uvile pabehi na Tilo. Haku kayingila ku lighuta monga na adaghilile ng'ogha mundu amanyi yiwa, kamula, ila iwesekana ngogha kwa mweni kujihigha. 25Pala mdala mmonga avile na mwana mweni mahoka, ahyoghanilile milandu gha Yesu, hinu, akahika akatundamila kwa kutova manung'una kuulongolu ghaki. 26Nyongo yula avile ng'ogha Myahudi, mweni kaya wa Silofoiniki. Akamluwa Yesu amhumisi mahoka biti ghaki. 27Ila Yesu akamyanga, “Uleki mtumbula wana wayukuti, kwa ikiva ng'ogha maha kutola mulyo wa wana na kuwadangila ghalu”
28Ila yula nyongo akalonga,“Ni nagha, Bambu; ila hata ghalu wavile pahi gha mesa hulyegha yasyelili gha wana”
29Yesu akamlongela, “Kwaikiva uyanga nagha, uyendi ukaya ghako. Lihoka limhuka kala mhinja ghako.”
30Hinu, yula mdala akayenda ukaya ghaki, akamlola mwana kawonja mkindanda, na lihoka lihumilile kala.
Yesu angumlamisa mweni kigugumila kikalipa na majogo
31Hinu Yesu akahuka kula ku mlima uvile pabehi na Tilo na akapitila Sidona na paghati gha Dekapoli kumanyika mlima uvile na mamuji ikumi na hata akahika ku lihiwa lya Galilaya. 32Wakamyeghela mundu mmonga avile majogo na kigugumila kikalipa hilahila. Wala wamyeghiti wakamluwa Yesu amvikili mawoko. 33Hinu Yesu amuhumisilile yula mundu paghati gha lila lipinga, akayenda na mweni mahala kutali mayaghani, akamvika vyala ghaki mmapulukilo, akahunya mata na kumyavisa lulimi kwa mata yala. 34Hinu Yesu akalola kunani kundumba, akapumula kwa makakala na kumlongela yula mundu,“Ifata” Ingumanyika,“Wopoleka.” 35Bwitu mapulikilo ghaki ghakawopoka, na lulimi lwake lukalelehuka, akatumbula kulonga maha.
36Yesu akawalongela wakotoho kumlongela mundu lilando lila. Ila kwa vila awakanilile ndiwa wayendilelile kulongela lilando lila. 37Wandu wogha walikangasilile nesu, wakalonga, “Agholile yogha maha, amewapegha majogo kuyughanila, na wangali kulonga wakalonga.”
လက္ရွိေရြးခ်ယ္ထားမွု
Maliku 7: NTMbBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.
Maliku 7
7
Mavulo kuhuma kwa mambuyi
Matayu 15:1-9
1Wamonga wa Mafalisayo na Wavula wa ulaghililo wavile wakihuma Yelusalemu walikungulile kuulongolo gha Yesu. 2Walolile wamonga wa wayitikila ghaki wakilyegha mulyo kwa mawoku ghao, kwa ng'ogha kughulula mawoku handa ipalilwi na ulaghilo wa Wayahudi. 3Kwa ikiva Mafalisayo na Wayahudi wogha wangukola mavulo wayapokilile kuhuma kwa wagogolu wa weni. Walyegha ng'ogha mulyo mbaka waghululi mawoku mbaka mkihughulumbi maha. 4Kangi, wangulyegha ng'ogha kindu chochosi kuhuma kusoku, mbaka kughulula mawoku. Vilavila na mavulo ghangi wapokelile kuhuma dahile handa vila kughulula vikombi na kivigha na kyombu kya shaba. 5Hinu, Mafalisayo na wavula wa malaghililo wakamkonya Yesu, “Ghuli wayitikila ghako wakovikela ng'ogha mavulo tupokelile kwa wagogolu wa twenga, ikiva wangulyegha mulyo kwa mawoku gha kughulula ng'ogha”
6Yesu akawayanga, “Mngujighola wandu wamaha mwenga! Mlota Isaya alongile yaulongolo maha kwa mwenga handa ayandikile, Sapanga angulonga, ‘wandu hagha, wangutundamila kwa milandu hela, ila mmioyu gha weni, wavile kutali na nenga.
7Kuyupa kwa weni ni kwa hela, ikiva mighalu wanguvula ni mavulo gha kiwandu hela handa vila ni mavulo gha sapanga.’
8Mwenga mnguleka malaghililo gha Sapanga na kukamula malaghililo gha wandu.”
9Yesu akayendelela kulonga, “Mwenga mngumanya kuhyeta kwa ukalamuka malaghililo gha Sapanga ili mkovekeli malaghililo gha mwenga.
10Kwa ikiva Musa alaghilile, ‘Muwatundamili tati ghako na nyongo ghako,’ ‘Na mundu amligha tati ghaki au nyongo ghaki, angudahilwa ahovi.’ 11Ila mwenga mnguvula, ‘Ikiva mundu avile na hindu kiewesa kumtanga tati ghaki au nyongo ghaki, akotoho kuwatanga na amyegheli Sapanga handa hupo, 12Hinu, adahiliwi ng'ogha kangi kumtanga tati ghaki au nyongo ghaki.’ 13Nagha mngupughanya lilando lya Sapanga kwa ikiva gha mavula mngupeghana. Kangi mngughola mighalu itangala gha nagha.”
Mihalu imghola mundu akotoho kuwoneka maha kuulongolo gha Sapanga
Matayu 15:10-20
14Yesu aukemilili kangi hula upinga wa wandu, akawalongela, “Mniyoghanile wogha, mkamanyi. 15Kwahela kindu kinguyingila mghati gha mundu kuhuma panji ndiwa kingumghola mundu akotoho kudahilwa na Sapanga. Ila kihumili mghati gha mundu kyeni ndiwa kingumghola mundu akotoho kudahilwa kuulongolo gha Sapanga.” 16Mweni mapulikilo gha kuhyoghanila na ahyoghanile. 17Pa auleka hula upinga wa wandu na kuyingila mlighuta, wayitikila ghaki wakamkonya awalongeli hula mlandano ni kyani.
18Na mweni akawalongela, “Ghuli, hata mwenga mmanya ng'ogha? Ghuli, mmanya ng'ogha yiwa kindu kimyingila mundu kuhuma panji, kiwesa ng'ogha kumghola mundu akotoho kudahilwa kuulongolo gha Sapanga, 19Kwa ikiva kimyingila ng'ogha mmoyu, ila mumtima, na kuulongolu huyeghwa mchowu?” Kwa kulonga nagha, Yesu kalekesela milyo yogha ni maha kulyegha. 20Akayendelela kulonga, “Kihumilile mghati gha mundu ndiwa, kingumghola akotoho kudahilwa na Sapanga.
21Kwa ikiva, mmoyu mwa mundu huhuma mawachilo mahakata na ungongola na uwihi na kukomana, 22Ughoni na umwimi na uhakata na uhwangi na lumatamata na wifu na malighu na ukwinakwina na usihisihi. 23Mahakata hagha hyogha yahumila mghati gha mundu, na yeni yangumghola mundu akotoho kudahilwa kuulongolo gha Sapanga.”
Kukwinila kwa nyongo mmonga
Matayu 15:21-28
24Yesu ahukili pala, akayenda mlima uvile pabehi na Tilo. Haku kayingila ku lighuta monga na adaghilile ng'ogha mundu amanyi yiwa, kamula, ila iwesekana ngogha kwa mweni kujihigha. 25Pala mdala mmonga avile na mwana mweni mahoka, ahyoghanilile milandu gha Yesu, hinu, akahika akatundamila kwa kutova manung'una kuulongolu ghaki. 26Nyongo yula avile ng'ogha Myahudi, mweni kaya wa Silofoiniki. Akamluwa Yesu amhumisi mahoka biti ghaki. 27Ila Yesu akamyanga, “Uleki mtumbula wana wayukuti, kwa ikiva ng'ogha maha kutola mulyo wa wana na kuwadangila ghalu”
28Ila yula nyongo akalonga,“Ni nagha, Bambu; ila hata ghalu wavile pahi gha mesa hulyegha yasyelili gha wana”
29Yesu akamlongela, “Kwaikiva uyanga nagha, uyendi ukaya ghako. Lihoka limhuka kala mhinja ghako.”
30Hinu, yula mdala akayenda ukaya ghaki, akamlola mwana kawonja mkindanda, na lihoka lihumilile kala.
Yesu angumlamisa mweni kigugumila kikalipa na majogo
31Hinu Yesu akahuka kula ku mlima uvile pabehi na Tilo na akapitila Sidona na paghati gha Dekapoli kumanyika mlima uvile na mamuji ikumi na hata akahika ku lihiwa lya Galilaya. 32Wakamyeghela mundu mmonga avile majogo na kigugumila kikalipa hilahila. Wala wamyeghiti wakamluwa Yesu amvikili mawoko. 33Hinu Yesu amuhumisilile yula mundu paghati gha lila lipinga, akayenda na mweni mahala kutali mayaghani, akamvika vyala ghaki mmapulukilo, akahunya mata na kumyavisa lulimi kwa mata yala. 34Hinu Yesu akalola kunani kundumba, akapumula kwa makakala na kumlongela yula mundu,“Ifata” Ingumanyika,“Wopoleka.” 35Bwitu mapulikilo ghaki ghakawopoka, na lulimi lwake lukalelehuka, akatumbula kulonga maha.
36Yesu akawalongela wakotoho kumlongela mundu lilando lila. Ila kwa vila awakanilile ndiwa wayendilelile kulongela lilando lila. 37Wandu wogha walikangasilile nesu, wakalonga, “Agholile yogha maha, amewapegha majogo kuyughanila, na wangali kulonga wakalonga.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.