Matayu 28
28
Kuhinduka kwa Yesu
Maliku 16:1-10; Luka 24:1-12; Yohana 20:1-10
1Hinu paliyendili lichuwa lya kupumulila, na paihikile malawila pee, lichuwa lya ijumapili, Maliya ahumili mmbwani wa magidala na yula Maliya ghangi wayendili kulola lila limambi. 2Bwitu kukahumila na mhihimilu mkulunga wa mlima, Mtumikila wa kundumba wa Sapanga akahuluka kuhuma kundumba, akalibilibisa lila liganga na akalikala kunani ghaki. 3Awonekanili handa umemi na nguu zyaki ziwelili mbulete pee handa sufi. 4Wagholokela wa lila limambi wakahihimila kwa holu ngulu, hata wakawela handa wahova.
5Ila yula mtumikila wa kundumba wa Sapanga akawalongela wala Wadala, “Mwenga mkotoho kutila! Ningumanya yiwa mngumhaka Yesu yula awambilwi. 6Kabaha ng'ogha kahinduka handa ailongili. Hinu mhiki mloli mahala paawelili kawonja. 7Hinu, myendi kwa kuloposela mkawalongeli wavulwa ghaki yiwa kahinduka, na hinu anguwalongolela ku Galilaya, haku mtemlola. Mkumbwiki niwalongilile.”
8Hinu wala wadala wakahuka pala kulimambi kunu wamema holu, ila wakiwela na luheku nesu, wakahuka kwa kuloposela mlimambi, wakatula mbilu kuyenda kuwalongela wavulwa ghaki.
9Bwitu, Yesu akakongana na weni akalonga, “Kayimuka.” Wala wadala wakamyendela pabehi, wakamtundamilila manung'una kuulongolo ghaki, wakakamula maghulu ghaki. 10Hinu Yesu akawalongela, “Mkotoho kutila! Myendi mkawalongeli walongu ghangu wayendi Galilaya, na haku ndiwa watenilola.”
Wagholokela wanguyenda kwa wakulu ghao kuwalongela ghala wayalolile
11Hinu wala wadala lipindi pawawelili mnjila wakiyenda zyau, wamonga wa wagholokela wa lila limambi wayendili kumbwani kulongela ghala wayalolile kwa watambika wakulu. 12Hinu, wakulu wa watambika wakakongine na vilongosi wa Wayahudi wakayandala njila kwa kuwapegha mapesa yatangala wala wagholokela, 13wakiwalongela, “Mwenga mngupalwa kulonga nagha, ‘Wavulwa ghaki wahika uhiku, wakamuhija twenga patuwonjili.’ 14Na paikawela kilongosi wa mbwani kamanya mghalu hau, twenga tutelongela na mweni na mwenga mteghaswa ng'ogha.”
15Wala wagholokela wakatola hila migwala, wakaghola handa wavulilwi. Habali hila ikalandala kwa Wayahudi mbaka lelu.
Yesu anguwahumila wavulwa ghaki
Maliku 16:14-18; Luka 24:36-49; Yohana 20:19-23; Matendu 1:6-8
16Wala wavulwa ikumi na mmonga wakayenda ku Galilaya handa vila awalaghilili Yesu. 17Pawamlolili wakamtundamila, ila na amonga gha weni wakawela wangukwinila ng'ogha yiwa ndiwa Yesu. 18Yesu akahika pabehi, akawalongela, “Mbokela uweso wogha kundumba na kumlimawogha. 19Hinu myendi, mkawaghole wandu wa mlima wogha waweli wavulwa, mkiwabatisa kwa lihina lya Tati, na lya Mwana, na lya Mpumulo wa Sapanga. 20Muwavuli kukola malaghililo hyogha niwapeghili. Na nenga niwela pamonga na mwenga machuwa hyogha, ena mbaka mwihu wa lipindi lyogha.”
လက္ရွိေရြးခ်ယ္ထားမွု
Matayu 28: NTMbBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.
Matayu 28
28
Kuhinduka kwa Yesu
Maliku 16:1-10; Luka 24:1-12; Yohana 20:1-10
1Hinu paliyendili lichuwa lya kupumulila, na paihikile malawila pee, lichuwa lya ijumapili, Maliya ahumili mmbwani wa magidala na yula Maliya ghangi wayendili kulola lila limambi. 2Bwitu kukahumila na mhihimilu mkulunga wa mlima, Mtumikila wa kundumba wa Sapanga akahuluka kuhuma kundumba, akalibilibisa lila liganga na akalikala kunani ghaki. 3Awonekanili handa umemi na nguu zyaki ziwelili mbulete pee handa sufi. 4Wagholokela wa lila limambi wakahihimila kwa holu ngulu, hata wakawela handa wahova.
5Ila yula mtumikila wa kundumba wa Sapanga akawalongela wala Wadala, “Mwenga mkotoho kutila! Ningumanya yiwa mngumhaka Yesu yula awambilwi. 6Kabaha ng'ogha kahinduka handa ailongili. Hinu mhiki mloli mahala paawelili kawonja. 7Hinu, myendi kwa kuloposela mkawalongeli wavulwa ghaki yiwa kahinduka, na hinu anguwalongolela ku Galilaya, haku mtemlola. Mkumbwiki niwalongilile.”
8Hinu wala wadala wakahuka pala kulimambi kunu wamema holu, ila wakiwela na luheku nesu, wakahuka kwa kuloposela mlimambi, wakatula mbilu kuyenda kuwalongela wavulwa ghaki.
9Bwitu, Yesu akakongana na weni akalonga, “Kayimuka.” Wala wadala wakamyendela pabehi, wakamtundamilila manung'una kuulongolo ghaki, wakakamula maghulu ghaki. 10Hinu Yesu akawalongela, “Mkotoho kutila! Myendi mkawalongeli walongu ghangu wayendi Galilaya, na haku ndiwa watenilola.”
Wagholokela wanguyenda kwa wakulu ghao kuwalongela ghala wayalolile
11Hinu wala wadala lipindi pawawelili mnjila wakiyenda zyau, wamonga wa wagholokela wa lila limambi wayendili kumbwani kulongela ghala wayalolile kwa watambika wakulu. 12Hinu, wakulu wa watambika wakakongine na vilongosi wa Wayahudi wakayandala njila kwa kuwapegha mapesa yatangala wala wagholokela, 13wakiwalongela, “Mwenga mngupalwa kulonga nagha, ‘Wavulwa ghaki wahika uhiku, wakamuhija twenga patuwonjili.’ 14Na paikawela kilongosi wa mbwani kamanya mghalu hau, twenga tutelongela na mweni na mwenga mteghaswa ng'ogha.”
15Wala wagholokela wakatola hila migwala, wakaghola handa wavulilwi. Habali hila ikalandala kwa Wayahudi mbaka lelu.
Yesu anguwahumila wavulwa ghaki
Maliku 16:14-18; Luka 24:36-49; Yohana 20:19-23; Matendu 1:6-8
16Wala wavulwa ikumi na mmonga wakayenda ku Galilaya handa vila awalaghilili Yesu. 17Pawamlolili wakamtundamila, ila na amonga gha weni wakawela wangukwinila ng'ogha yiwa ndiwa Yesu. 18Yesu akahika pabehi, akawalongela, “Mbokela uweso wogha kundumba na kumlimawogha. 19Hinu myendi, mkawaghole wandu wa mlima wogha waweli wavulwa, mkiwabatisa kwa lihina lya Tati, na lya Mwana, na lya Mpumulo wa Sapanga. 20Muwavuli kukola malaghililo hyogha niwapeghili. Na nenga niwela pamonga na mwenga machuwa hyogha, ena mbaka mwihu wa lipindi lyogha.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Mbunga @The Word for The World International and Mbunga Language translation, 2025. All rights reserved.