Yohana 10
10
Mosoongi mosoga
1Yesu avawelaa, “Nkhovaweela khwa khapanga, yeyensi yunaa akhakhwingela mwi iwegele la nkholo khwa khokelela pamolyango, ila khotomela njela yeenge khwa khotaanta logelele, oyoo alaawa mwiwi no mosuki. 2Ila yunaa khwingela khokelela kho molyango, oyoo amwenee mosoongi. 3Molendeleli khomodigolela mosoongi, ne nkholo jekhotegeela lolii lwakwe, nanoyo khojetaa nkholo jakwe kela yemwii kho lina lakwe, no khojepumya panji. 4Mosoongi panaa khowaa ajepumaja nkholo jakwe jensi panji, khojilongola paolongolo, apenee nkholo nanejo jekhomoloonda, kho nguno vamanyile lolii lwakwe. 5Nkholo ejoo khotopo jemolonde mohenja, ila valamokembela kho nguno vakhajimanya melolii ja vahenja.”
6Yesu aleavawelaa mofwano ogoo, ila evenee alevakhamanya emaana yenaa alekhovawelaa.
Yesu amwenee mosoongi mosoga
7Apenee Yesu avawelaa khanke, “Nkhovaweela khwa khapanga, onene amwenee molyango gwa nkholo. 8Vantu vensi vanaa alevalongola angile viwi ne vasuki, ne nkholo alejekhavategelelya. 9Onene amwenee molyango. Ne yeyensi yunaa khwingelaa khokelela khwaane amwenee alaponywa. Vakhopumano khopata endya yenaa khopogaa. 10Mwiwi khwiijaa ili khwiwa ne khovawolaga no khonoona. Ila onene niijaga ili onywenywee mowee no opanga, khanke mowe nanewo khwa winki.”
11“Onene nde mosoongi mosoga. Mosoongi mosoga khowopwelyaa opanga wakwe, ili nkholo jakwe jekhawolagwe. 12Motomami nkha mosoongi, yunaa nkholo nkha jakwe khojelekha nkholo ne menga jiijile jekhogweela nkholo no khojesambalya. 13Omwene akha kholomela momooyo wakwe kho nguno ya nkholo kho nguno omwene a muntu yunaa khokunelelya malepo topo. 14Onene nde mosoongi mosoga wa vantu. Mbamanyile vantu vaane visoga, nanevo vamanyile visoga, 15kete venaa Daada yaane ammanyile onenee, nane avyenee mbomanyile Daada. Onenee nkhopumya opanga khovapony'a vantu vaane. 16Onene ntite nkholo jiinge jenaa nkha ja iwegele ele, nanevo avivyoo khempoga mbalete kho iwegele ele. Nanevo valategeela lolii lwaane, gechoo palaawa ne idale lemwii no mosoongi yomwii.”
17“Daada khontogwaa kho nguno nkhopumya opanga waane ili nkhowole khoosola khanke. 18Khotopo muntu yunaa nonsukhaa opanga waane, ila onene nkhopumya opanga waane khwa khotogwa nenee. Ntite olaala khoopumyaa opanga waane ne khoosola opanga waane khanke. Geeke avyenee Daada yaane aleambwela nojee.”
19Kho nguno ya mpola ejoo Vayahudi alevandyaa khwikilya. 20Vinki vawe angile vakhopaala, “Ingelagwaa ne idemi, gechoo awagaa asalinkhanaga, Kho kee khomotegelelye?” 21Vaange angile vakhopaala, “Eje nkha mpola ja muntu yunaa atite idemi. Mbi, idemi nokhowolaa khomodigola mtulu?”
Yesu khositelwaa ne Vayahudi
22Wenga wa khokombola khotoola Nyoomba ya Matuunda ewee njelo paolongolo wakwe, aleyanojekha Yelusalemu, ne ituungo eloo angile la mpepo. 23Nanoyo Yesu angile khogendaa mo Nyoomba ya Matuunda kho mavanza ga Solomoni. 24Vayahudi alevamopilima no khomowolyaa, “Olatutungumekha mpakha nale? Mbe ogwegwee amwenee Kilisto, yunaa ijile khotopon'ya, khokholoomba otowele patokhola khotosweekha.”
25Yesu avawelaa, “Navawelile, ila alemokhagomba. Milemo jenaa nkhojenojaa onene kho olaala wa Daada yaane jekholageela kete onene ananuu. 26Ila onywenywee mokhamokhongoomba kho nguno onywenywee nkha nkholo jaane. 27Nkholo jaane jekhotegeela lolii lwaane, nane mbamanyile, nanevo vakhondoonda. 28Onenee nkhovapeela opanga nsiko jensi, nanevo khotopo vawolagwe ninga nsiko yemwii. Khotopo muntu yunaa nokhowola khonsukha. 29Daada yaane amwenee yunaa aleampelaa nkholo ejoo, nanoyo amwenee molaala khokela vensi, khotopo muntu yunaa alakhowola khovasukha khopuma khwa Daada yaane. 30Onene no Daada khole kete muntu yomwii.”
31Vayahudi alevasolangela mabwee khanke ili vamokhowee. 32Yesu avawelaa, “Navalageela melemo minki khopuma khwa Daada. Mbi molemo gonaa alenagojaa ninga mokhopooga monkhowe ne mabwee?”
33Vayahudi vamoweela, “Akhatokhokhokowa ne mabwee kho nguno wanogajaa mpola nsoga, ila tokhokhokowa ne mabwee kho nguno okhomotokha Matuunda, kho nguno ogwegwee ole muntu topo, ila khwinojaa ole Matuunda.”
34Yesu avawelaa, “Mbi, angile ekhandekhwa kho njaanga jenyu kete, ‘Matuunda aleapalaa, onywenywee a meloongo?’ 35Matuunda aleavetaa meloongo vantu evoo vanaa alevapelwaa okhombe wakwe, nasu khomanyile kete Maandekho ga Matuunda gakhopaala mpola ja khapanga nsiko jensi. 36Mbi, mokhokhowola mbi khopaala oyoo yunaa aleatomwa no Daada khomotokha Matuunda, kho nguno alenapaala onene nde Mwana wa Matuunda? 37Mbe nkhankhonojaa milemo ja Daada yaane, mokhangombe. 38Ila mbe nkhojenojaa milemo ja Daada yaane, ninga mbe mokhamokhongoomba, jigombagi milemo ejoo, ili momanye ne khotemboola kete Daada apwale mokhate yaane, nane nde mokhate yakwe.”
39Apenene alevapooga khanke khomogweela, ila aleanyelemokhaa momekhono jawe apetaa.
40Apenee Yesu aleapetaa khanke kho nkelo ya lweje Yolodani, lwande yenaa Yohana angile khobatija epoo pamyakha, nanoyo ikhala okhoo. 41Vantu vinki alevamopetela Yesu nanevo alevakhomowolya, “Yohana aleakhanoja ituntumu lelensi, ila kela kento kenaa Yohana aleapalaa khowugela muntu oyo a chakhapanga.” 42Vantu vinki vanaa angile vapwale okhoo, alevamogoomba Yesu.
လက္ရွိေရြးခ်ယ္ထားမွု
Yohana 10: NTKIBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Kimbu @The Word for The World International and Kimbu Language translation, 2025. All rights reserved.