यहुन्ना 11
11
लाजरसं आसिन्या
1लाजरसं मिनला तोलोअ रु आनाएबोरस्यु लेऊ। नका मरियम सनर नकाल आदिदी मार्था बेथानिया नङ्गरला लेऊने।#लूका १०:३८-३९ 2येशु प्रभुजन अत्तर ठिइस्यु आखङल आचेमले सिइस्यान्या मरियम ईकाइ ज्या। इकालै भाई लाजरसं आनाएबोरस्यु लेऊ।#यहुन्ना १२:३ 3आका नेंलोअ दिदीनेंले येशु ल्योङ ऐलेस्यु थाई नेंपरिङौ, “औ प्रभु, जोजन नङ मया नढोनु, नका आनाएबोरज्याया।”
4तर आका थएस्यु येशुले ऐलेऊ, “ईका नाएबोरले सिइल मासतापौदी, तर ईका परमेस्वरलं ज़ाल महिमालं नाल्ट हो।” 5येशुले मार्था, नकाल बैना मरियम सनर लाजरसजन मया ढोवरा, 6ताहकन बै लाजरसं आनाएबोरज्याऔ ऐलेन्या थएस्यु येशु जोङ लिज्याऔ, ओङ अझ नेंयोअ समन चुङौ। 7नकाल छिन्ट येशुले सिइयाङजन ऐआढोवाङ, “दे, आब गे फरि यहूदिया वलस्यु हिन्या।” 8सिइयाङै ओलजन ऐराढोव, “औ प्रभु,#11:8 रब्बी=प्रभु भाबाअ यहूदीयाङै नङजन लुङले टुपौ रोअज्यावाङ, ओटन नैति फरि नङ नङै हिन्ना?”
9येशुले जबाक आयोवाङ, “नैति लाअ बारं घन्टा माताहौ का? लाअक बारिन्याङ माढुइरदी, दानाङभन्या नकाङै ईका सङ्सारला ज्योति रङरा, 10तर रिउल डुलिन्याङ धूइसिरा, दानाङभन्या नका रुयाङ ल्योङ रंनन्या माल्दी।” 11ओलं छिन्ट येशुले नकाङजन ऐआढोवाङ, “गे न्हाए लाजरसं मिऊरुइल परीस्यु लेऊ, तर नकाजन मिऊरुइतन सचोटौ नाल्ट ङा नङ हिन्ङा।” 12सिइयाङै ओलजन ऐराढोव, “अं प्रभु, नका मिऊरुइल परीस्यु लेकन नका ऐबेला।”
13येशुले नकाल आसिन्या बारेल आपानज्याऔक, तर नकाङ मछ्यु मिऊरुइल बारेल पानज्याऔ ऐलेस्यु रायिङौ। 14येशुले नकाङजन प्रस्टै आपानस्योवाङ, “लाजरसं सिस्यु लेया। 15जे बिस्वास ढोच्या ऐलेस्यु जे नाल्ट ङा नङ ङामालेऊकाले खुशी लेङा। जोमनलेस्यु बै गे नका ल्योङ हिन्या।”
16तब दिदुमस ऐढासिन्या थोमाले आन्हाए सिइयाङजन ऐआढोवाङ, “दे, गे बै हिन्या, ओटन येशुसजै सिया।”
येशु पुनरुत्थान सनर जिबन
17येशु बेथानिया आतापराऔक, लाजरसजन ऊईल रानाएन्या चार दिन ताइस्यु लेऊ। 18बेथानिया यरुशलेमतन छ्योअ तिन किलोमिटर लोए लेऊ। 19तबर यहूदीयाङ मार्था सनर मरियमजन नेंभाईल बारेल नकानेजन सानत्वना यांन्या रा:स्यु लेवाङ।
20येशु आरांज्यान्या थएस्यु मार्था ओङ हिनौ, ओटन ओसं डोएसिऊ। तर मरियम झिमलै चुङज्याऊ। 21तब मार्थाले येशुजन ऐआढोव, “औ प्रभु, नङ इलै नलिज्यान्या ताहकन ङा भाई मासिदीहोला। 22तर आब ङा बै सन्दुङा, नङ परमेस्वर सकाए जो नीन, नङजन ऐयान्वा।”
23येशुले नकाजन ऐआढोव, “न भाई फरि जिङदा ताइन्यालेया।”
24मार्थाले येशुजन ऐआढोव, “ङा ऐसन्ङा, कि ना आखिरी दिनल पुनरुत्थानल फरि जिङदा ताइस्यु सोया।”#प्रेरित २४:१५
25येशुले नकाजन ऐआढोव, “पुनरुत्थान सनर जिबन ङाई ज्या। जोले ङाजन बिस्वास ढोव ना सिकन बै बान्चिन्यालेया। 26ओटन जिङदाङ सनर ङाजन बिस्वास ढान्या जोबै खकैज सिन्यामाल्दी। नैति नङ ईका बिस्वास माढोनच्यो?”
27नकाले येशुजन ऐआढोव, “औ प्रभु, ङा बिस्वास ऐढोङा, नङ सङ्सारलं रांन्या ख्रीस्ट, परमेस्वरलं ज़ा हो।”
येशु व्रौ
28आवाए छ्योङस्यु मार्था हिनौ, ओटन आबैना मरियमजन खुल्स्यु सटक्कै आपानस्योव, “गुरु आङ तापरादा, ओटन नङजन खुलज्याऔ।” 29ईका थएस्यु मरियम ओचोएटै च्याङस्यु येशु ल्योङ हिनौ। 30येशुजन मार्थाले जोङ आडोटौ ओलै लिज्याऔ, येशु नाबेला समन नङ्गरल ताप्रा:स्यु मालेऊ। 31झिमल नकाजन सानत्वना यारान्या यहूदीयाङै मरियम ओचोएटै च्याङस्यु पाखाल आहिनन्या रङस्यु, ना ऊईल व्रनाऔ ऐलेन्या यिङस्यु, नकाल छिनछिन हिन्वाङ।
32जब मरियम येशु आलिज्यान्या पोल रायापाइना येशुजन रङस्यु, ऐलेस्यु नाले ओलं खङत धोक आयोव, “औ प्रभु, नङ इल नलिज्यान्या ताहकन ङा भाई मासिदीहोला।” 33जब येशुले नाजन आव्रज्यान्या सनर नास रांन्या यहूदीयाङ बै राव्रज्यान्या आरङवाङ, तब येशुल यिङ भ्याई निरास ताहौ ओटन भ्याई दुखीत ताहौ। 34येशुले नकाङजन आगिन्वाङ, “जे नाजन काङ जेरीन्चिऊ?” नकाङै ओलजन ऐराढोव, “औ प्रभु रा:स्यु खिम्ते।” 35येशु व्रौ। 36नैताइस्यु यहूदीयाङै ऐलेवाङ, “खिम्चिते, येशुले नाजन ख्वाए मया आढोव।” 37तर नकाङ मध्य काङ्काङै ऐलेवाङ, “नैति इकाले अन्ढलाल म्युउ ता आफएस्योव नका रुजन बै सिन्यातन बचाहौ माढुदुवा का?”
येशुले लाजरसजन जिङदा आजाएन्या
38तब येशु फरि भ्याई निरास ताइस्यु ऊई ल्योङ हिनौ। नका ऊई तोलोअ पुउल लेऊ। नकाल याह् तोलोअ लुङले कप्सिज्याऔ। 39येशुले ऐआढोवाङ, “लुङ हताइचिते।” सिन्या रुल दिदी मार्थाले येशुजन ऐआढोव, “प्रभु, आवाए बेला समन ता ना आस्युउनमङा लेदा होला, दानाङभन्या ना आसिन्या चार दिन ताइदा।” 40येशुले नकाजन ऐआढोव, “नैति ङा नङजन ऐङामाढानु, ‘नङ बिस्वास ढोनकन परमेस्वरलं महिमा रङन्या लेना?’” 41नकाङै लुङ रांहटाहौ। ओटन येशुले नमदेए खिमस्यु ऐलेऊ, “औ बौ, ङा नङजन धन्याबाद यांना, दानाङभन्या नङ ङा बिन्ति नठएनु। 42ङाजन थाह ऐलेया, कि नङ ङा बिन्ति सदाई थएना। तर इल च्याङज्यान्या हुलल नाल्ट ङा ईका ङापान्ङु, ताकि नङ ङाजन नपरिङनु ऐलेस्यु नकाङै बिस्वास ग्याढोरत्या।” 43ओटन ईका छेन पान्वापाइना येशु बअजोरसै कलिकौ, “लाजरसं, पाखाल पलिईस्यु रांन्ते।” 44ना सिन्या रुल खङ-कुई पट्टीले पोअसिन्या सनर अनवार क्वाले मलिङसिन्याई बाहेर पलिईस्यु रांऔ। येशुले नकाङजन ऐआढोवाङ, “नकाल बन्दन पलाअस्योचिते, ओटन नकाजन हिनौयोचिते।”
येशुल बिरोदत सड्यन्त्र
मत्ती २६:१-५; मर्कुस १४:१-२; लूका २२:१-२
45मरियम ल्योङ रांन्या तबर यहूदीयाङै येशुले आढान्या काम रङस्यु ओजन बिस्वास रांढोव। 46तर नकाङ मध्य काङ्का-काङ्काङ फरिसीयाङ ल्योङ हिन्वाङ, ओटन येशुले आढान्या कामयाङ रापानस्योवाङ। 47तब मुख्या पुजाउरोयाङ सनर फरिसीयाङै महासभाला सदस्ययाङजन रांखुलौ ओटन नकाङजन ऐराढोवाङ, “आब गे कैलेई? दानाङभन्या ईका रुले ता तबर अचम्मला कामयाङ ढाज्याया। 48इकाजन दाङज राहैकन सोगलैले इकाजन बिस्वास ढोरा, ओटन रोमी अढिकारीयाङै रा:स्यु गे मन्दिर सनर गेमि नेंलोअ देसझन्ज नस्ट जाटैरा।”
49तर नकाङ मध्य तोलोअ, कैयाफा, जो ना बर्सला प्रधान पुजाउरो लेऊ, ओले नकाङजन ऐआढोवाङ, “जे नैज बै मासन्चिदी! 50सोगल देस नस्ट आटाहौ भन्या बरु जनताल नाल्ट तोलोअ रु आसिन्याई चान्या ताहा, ऐलेस्यु जे माबुजिचिऊ।” 51ईका छेन नकाले आतरफङन आपानन्या माङडी, तर नका बर्सला प्रधान पुजाउरो आताहौकाले देसलं नाल्ट येशु सिन्याई ताहा ऐलेन्या भबिस्यबानी आढोव। 52देसलं नाल्ट याएज नकाले ईका आपानौ माङडी, तर तत्तर-बित्तर ताइन्या परमेस्वरलं सन्तानयाङजन तचोएकै दुकौ नाल्ट ईका आपानौ हो।
53नैताइस्युईज नाछिम्कन यहूदी अढिकारीयाङै येशुजन सएन्या योजना रांजाटौ। 54नैताइस्यु येशु फरि यहूदीयाङल खार्ल खुल्लमखुल्ला माबारिऊ, तर नलन हरहर ताइन्या-पोल नेराक लेन्या एफ्राइम ऐढासिन्या बजारल हिनौ, ओटन नल सिइयाङसकाए लिज्याऔ। 55यहूदीयाङल निस्तार-पर्ब रांङालिज्याऔ, ओटन नङ्गरलन तबर जना रां-रां चोख्याइसिन्या ऐलेस्यु निस्तार-पर्बल सुरु आमाताहौ हादेए यरुशलेम हिन्वाङ।#२इतिहास ३०:१७ 56तब नकाङै येशुजन रारोकौ, ओटन नकाङ मन्दिरलं राच्याङज्याऔक रारां छ्योङौ तअसिवाङ, “जेजन कैताहौ जेदारचिऊ, नैति नका पर्बल मारांया का?” 57मुख्या पुजाउरोयाङ सनर फरिसीयाङै येशुजन कोलोअन्या गेलेयिउ ना काङ लिज्याऔ, काङ्काङै सनच्योकन थाई पानच्यो ऐलेस्यु आग्या रांयोवाङ।
လက္ရွိေရြးခ်ယ္ထားမွု
यहुन्ना 11: NTSKm25
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025
यहुन्ना 11
11
लाजरसं आसिन्या
1लाजरसं मिनला तोलोअ रु आनाएबोरस्यु लेऊ। नका मरियम सनर नकाल आदिदी मार्था बेथानिया नङ्गरला लेऊने।#लूका १०:३८-३९ 2येशु प्रभुजन अत्तर ठिइस्यु आखङल आचेमले सिइस्यान्या मरियम ईकाइ ज्या। इकालै भाई लाजरसं आनाएबोरस्यु लेऊ।#यहुन्ना १२:३ 3आका नेंलोअ दिदीनेंले येशु ल्योङ ऐलेस्यु थाई नेंपरिङौ, “औ प्रभु, जोजन नङ मया नढोनु, नका आनाएबोरज्याया।”
4तर आका थएस्यु येशुले ऐलेऊ, “ईका नाएबोरले सिइल मासतापौदी, तर ईका परमेस्वरलं ज़ाल महिमालं नाल्ट हो।” 5येशुले मार्था, नकाल बैना मरियम सनर लाजरसजन मया ढोवरा, 6ताहकन बै लाजरसं आनाएबोरज्याऔ ऐलेन्या थएस्यु येशु जोङ लिज्याऔ, ओङ अझ नेंयोअ समन चुङौ। 7नकाल छिन्ट येशुले सिइयाङजन ऐआढोवाङ, “दे, आब गे फरि यहूदिया वलस्यु हिन्या।” 8सिइयाङै ओलजन ऐराढोव, “औ प्रभु,#11:8 रब्बी=प्रभु भाबाअ यहूदीयाङै नङजन लुङले टुपौ रोअज्यावाङ, ओटन नैति फरि नङ नङै हिन्ना?”
9येशुले जबाक आयोवाङ, “नैति लाअ बारं घन्टा माताहौ का? लाअक बारिन्याङ माढुइरदी, दानाङभन्या नकाङै ईका सङ्सारला ज्योति रङरा, 10तर रिउल डुलिन्याङ धूइसिरा, दानाङभन्या नका रुयाङ ल्योङ रंनन्या माल्दी।” 11ओलं छिन्ट येशुले नकाङजन ऐआढोवाङ, “गे न्हाए लाजरसं मिऊरुइल परीस्यु लेऊ, तर नकाजन मिऊरुइतन सचोटौ नाल्ट ङा नङ हिन्ङा।” 12सिइयाङै ओलजन ऐराढोव, “अं प्रभु, नका मिऊरुइल परीस्यु लेकन नका ऐबेला।”
13येशुले नकाल आसिन्या बारेल आपानज्याऔक, तर नकाङ मछ्यु मिऊरुइल बारेल पानज्याऔ ऐलेस्यु रायिङौ। 14येशुले नकाङजन प्रस्टै आपानस्योवाङ, “लाजरसं सिस्यु लेया। 15जे बिस्वास ढोच्या ऐलेस्यु जे नाल्ट ङा नङ ङामालेऊकाले खुशी लेङा। जोमनलेस्यु बै गे नका ल्योङ हिन्या।”
16तब दिदुमस ऐढासिन्या थोमाले आन्हाए सिइयाङजन ऐआढोवाङ, “दे, गे बै हिन्या, ओटन येशुसजै सिया।”
येशु पुनरुत्थान सनर जिबन
17येशु बेथानिया आतापराऔक, लाजरसजन ऊईल रानाएन्या चार दिन ताइस्यु लेऊ। 18बेथानिया यरुशलेमतन छ्योअ तिन किलोमिटर लोए लेऊ। 19तबर यहूदीयाङ मार्था सनर मरियमजन नेंभाईल बारेल नकानेजन सानत्वना यांन्या रा:स्यु लेवाङ।
20येशु आरांज्यान्या थएस्यु मार्था ओङ हिनौ, ओटन ओसं डोएसिऊ। तर मरियम झिमलै चुङज्याऊ। 21तब मार्थाले येशुजन ऐआढोव, “औ प्रभु, नङ इलै नलिज्यान्या ताहकन ङा भाई मासिदीहोला। 22तर आब ङा बै सन्दुङा, नङ परमेस्वर सकाए जो नीन, नङजन ऐयान्वा।”
23येशुले नकाजन ऐआढोव, “न भाई फरि जिङदा ताइन्यालेया।”
24मार्थाले येशुजन ऐआढोव, “ङा ऐसन्ङा, कि ना आखिरी दिनल पुनरुत्थानल फरि जिङदा ताइस्यु सोया।”#प्रेरित २४:१५
25येशुले नकाजन ऐआढोव, “पुनरुत्थान सनर जिबन ङाई ज्या। जोले ङाजन बिस्वास ढोव ना सिकन बै बान्चिन्यालेया। 26ओटन जिङदाङ सनर ङाजन बिस्वास ढान्या जोबै खकैज सिन्यामाल्दी। नैति नङ ईका बिस्वास माढोनच्यो?”
27नकाले येशुजन ऐआढोव, “औ प्रभु, ङा बिस्वास ऐढोङा, नङ सङ्सारलं रांन्या ख्रीस्ट, परमेस्वरलं ज़ा हो।”
येशु व्रौ
28आवाए छ्योङस्यु मार्था हिनौ, ओटन आबैना मरियमजन खुल्स्यु सटक्कै आपानस्योव, “गुरु आङ तापरादा, ओटन नङजन खुलज्याऔ।” 29ईका थएस्यु मरियम ओचोएटै च्याङस्यु येशु ल्योङ हिनौ। 30येशुजन मार्थाले जोङ आडोटौ ओलै लिज्याऔ, येशु नाबेला समन नङ्गरल ताप्रा:स्यु मालेऊ। 31झिमल नकाजन सानत्वना यारान्या यहूदीयाङै मरियम ओचोएटै च्याङस्यु पाखाल आहिनन्या रङस्यु, ना ऊईल व्रनाऔ ऐलेन्या यिङस्यु, नकाल छिनछिन हिन्वाङ।
32जब मरियम येशु आलिज्यान्या पोल रायापाइना येशुजन रङस्यु, ऐलेस्यु नाले ओलं खङत धोक आयोव, “औ प्रभु, नङ इल नलिज्यान्या ताहकन ङा भाई मासिदीहोला।” 33जब येशुले नाजन आव्रज्यान्या सनर नास रांन्या यहूदीयाङ बै राव्रज्यान्या आरङवाङ, तब येशुल यिङ भ्याई निरास ताहौ ओटन भ्याई दुखीत ताहौ। 34येशुले नकाङजन आगिन्वाङ, “जे नाजन काङ जेरीन्चिऊ?” नकाङै ओलजन ऐराढोव, “औ प्रभु रा:स्यु खिम्ते।” 35येशु व्रौ। 36नैताइस्यु यहूदीयाङै ऐलेवाङ, “खिम्चिते, येशुले नाजन ख्वाए मया आढोव।” 37तर नकाङ मध्य काङ्काङै ऐलेवाङ, “नैति इकाले अन्ढलाल म्युउ ता आफएस्योव नका रुजन बै सिन्यातन बचाहौ माढुदुवा का?”
येशुले लाजरसजन जिङदा आजाएन्या
38तब येशु फरि भ्याई निरास ताइस्यु ऊई ल्योङ हिनौ। नका ऊई तोलोअ पुउल लेऊ। नकाल याह् तोलोअ लुङले कप्सिज्याऔ। 39येशुले ऐआढोवाङ, “लुङ हताइचिते।” सिन्या रुल दिदी मार्थाले येशुजन ऐआढोव, “प्रभु, आवाए बेला समन ता ना आस्युउनमङा लेदा होला, दानाङभन्या ना आसिन्या चार दिन ताइदा।” 40येशुले नकाजन ऐआढोव, “नैति ङा नङजन ऐङामाढानु, ‘नङ बिस्वास ढोनकन परमेस्वरलं महिमा रङन्या लेना?’” 41नकाङै लुङ रांहटाहौ। ओटन येशुले नमदेए खिमस्यु ऐलेऊ, “औ बौ, ङा नङजन धन्याबाद यांना, दानाङभन्या नङ ङा बिन्ति नठएनु। 42ङाजन थाह ऐलेया, कि नङ ङा बिन्ति सदाई थएना। तर इल च्याङज्यान्या हुलल नाल्ट ङा ईका ङापान्ङु, ताकि नङ ङाजन नपरिङनु ऐलेस्यु नकाङै बिस्वास ग्याढोरत्या।” 43ओटन ईका छेन पान्वापाइना येशु बअजोरसै कलिकौ, “लाजरसं, पाखाल पलिईस्यु रांन्ते।” 44ना सिन्या रुल खङ-कुई पट्टीले पोअसिन्या सनर अनवार क्वाले मलिङसिन्याई बाहेर पलिईस्यु रांऔ। येशुले नकाङजन ऐआढोवाङ, “नकाल बन्दन पलाअस्योचिते, ओटन नकाजन हिनौयोचिते।”
येशुल बिरोदत सड्यन्त्र
मत्ती २६:१-५; मर्कुस १४:१-२; लूका २२:१-२
45मरियम ल्योङ रांन्या तबर यहूदीयाङै येशुले आढान्या काम रङस्यु ओजन बिस्वास रांढोव। 46तर नकाङ मध्य काङ्का-काङ्काङ फरिसीयाङ ल्योङ हिन्वाङ, ओटन येशुले आढान्या कामयाङ रापानस्योवाङ। 47तब मुख्या पुजाउरोयाङ सनर फरिसीयाङै महासभाला सदस्ययाङजन रांखुलौ ओटन नकाङजन ऐराढोवाङ, “आब गे कैलेई? दानाङभन्या ईका रुले ता तबर अचम्मला कामयाङ ढाज्याया। 48इकाजन दाङज राहैकन सोगलैले इकाजन बिस्वास ढोरा, ओटन रोमी अढिकारीयाङै रा:स्यु गे मन्दिर सनर गेमि नेंलोअ देसझन्ज नस्ट जाटैरा।”
49तर नकाङ मध्य तोलोअ, कैयाफा, जो ना बर्सला प्रधान पुजाउरो लेऊ, ओले नकाङजन ऐआढोवाङ, “जे नैज बै मासन्चिदी! 50सोगल देस नस्ट आटाहौ भन्या बरु जनताल नाल्ट तोलोअ रु आसिन्याई चान्या ताहा, ऐलेस्यु जे माबुजिचिऊ।” 51ईका छेन नकाले आतरफङन आपानन्या माङडी, तर नका बर्सला प्रधान पुजाउरो आताहौकाले देसलं नाल्ट येशु सिन्याई ताहा ऐलेन्या भबिस्यबानी आढोव। 52देसलं नाल्ट याएज नकाले ईका आपानौ माङडी, तर तत्तर-बित्तर ताइन्या परमेस्वरलं सन्तानयाङजन तचोएकै दुकौ नाल्ट ईका आपानौ हो।
53नैताइस्युईज नाछिम्कन यहूदी अढिकारीयाङै येशुजन सएन्या योजना रांजाटौ। 54नैताइस्यु येशु फरि यहूदीयाङल खार्ल खुल्लमखुल्ला माबारिऊ, तर नलन हरहर ताइन्या-पोल नेराक लेन्या एफ्राइम ऐढासिन्या बजारल हिनौ, ओटन नल सिइयाङसकाए लिज्याऔ। 55यहूदीयाङल निस्तार-पर्ब रांङालिज्याऔ, ओटन नङ्गरलन तबर जना रां-रां चोख्याइसिन्या ऐलेस्यु निस्तार-पर्बल सुरु आमाताहौ हादेए यरुशलेम हिन्वाङ।#२इतिहास ३०:१७ 56तब नकाङै येशुजन रारोकौ, ओटन नकाङ मन्दिरलं राच्याङज्याऔक रारां छ्योङौ तअसिवाङ, “जेजन कैताहौ जेदारचिऊ, नैति नका पर्बल मारांया का?” 57मुख्या पुजाउरोयाङ सनर फरिसीयाङै येशुजन कोलोअन्या गेलेयिउ ना काङ लिज्याऔ, काङ्काङै सनच्योकन थाई पानच्यो ऐलेस्यु आग्या रांयोवाङ।
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament Books in Sheshi Kham Language ©The Word for the World International and Sheshi Kham Translation Project, Nepal, 2025