Matewu 4
4
Likwa kwaYesu
(Mako 1.12,13; Luka 4.1-13)
1Meya yakatungamilila Yesu kutjilambanyika kuti anolikiwa nasatane. 2Hule kwekuti atjiyila zodliwa kwemahhuba ali makumi mana, siku nesikati, wakawha hhala. 3Nliki wakahha kuwunli, akati, “Sayikoku uli Nkololo weNdzimu, laya mabgwe iyawa kuti ahanduke abe zwinkwa.”
4Koga wakahandula eti, “Kwakakwagwa kuti, ‘Nhu atowhotjila netjinkwa tjoga, koga ngelimwe nelimwe dama linobhuda munlomo weNdzimu.’ ”
5Satane akakowuntola akawuyendisa kunzi-nkulu wakayengemala; akawunghadza patjilungwane tjethempeli, 6eba eti kuwunli, “Hapa uli Nkololo weNdzimu, uzwiposele pasi, ngobe kwakakwagwa kuyi,
“ ‘Unowholaya batumwa babe nekuko,
banowhokubhata mumaboko abo
kuyetila kuti usikunhiwe nebgwe.’ ”
7Yesu wakati kuwunli, “Kwakakwagwa kakale kuti, ‘Usilike He Ndzimu uwo.’ ”
8Satane akawuntola kakale, akawunsa pehhugwi kwedombo lefulefu, akawulakidza bumambo gwehango dzose kose negudzo lago. 9Eba eti kuwunli, “Kose ikoku ndowhokupa, hapa ungandikotamila ukandinamata.”
10Yesu eba ehandula eti, “Yenda kutjena Satane! kwakakwagwa kuti, ‘Nowhonamata He Ndzimu uwo, iye yega ndiye wawunowhohingila.’ ”
11Satane akawunsiya, batumwa beNdzimu bakahha bakawumbhatsha.
Yesu Unotangisa N'hingo Uwe muGalile
(Mako 1.14,15; Luka 4.14,15)
12Yesu wakati ewha kuti Johane wakasungwa eba eyenda kuGalile, 13ebva muNazaretha wakanogala muKhaphenawume ntome kwegungwa, muntunhu waZebhuloni naNafithali, 14kuyetila kuti kuhhadzisike tjakalebgwa nenlebesambeli Isaya, eti,
15“Hango yaZebhuloni nehango yaNafithali,
tjekugungwa, seli yaJorodani,
Galile yeBataya,
16banhu baka baligele muhhalima
batjibona tjedza tjikulu,
kose nayibabo bagele muntunhu nemuntuzi welufu,
tjedza tjatjiswika kubali.”
17Kubvila ipapo Yesu wakatangisa sumikila eti, “Handukani, ngobe bumambo gwekudzimu gwatjisedzela.”
Yesu Unodana Bateyi bewhobe
(Mako 1.6-20; Luka 5.1-11)
18Eyenda muwhunde yegungwa leGalile, wakabona nkuluyi nenun'una betjilume, Simoni unoyi Phethiro na Andhireya, beposela njanga mugungwa; ngobe beli bateyi bewhobe. 19Eba eti kubali, “Munditobeleni, ndowhomuthama babhati bebanhu.” 20Bakabva basiya njanga dzabo, bakawuntobela.
21Epindilambeli, wakabona bakololo baZebhedi, Jakobe nenun'una uwe Johane, beli mukepe naZebhedi tate babo, bepfuma njanga dzabo, akabadana. 22Bakabva basiya tatayi kose nekepe, bakawuntobela.
Yesu Unodiya, Unosumikila kakale Unolapa
(Luka 6.17-19)
23Yesu wakayenda muGalile yose, ediya mumasinagogu abo kakale esumikila ndebo mbuya yebumambo kakale elapa gose ludzi gwebugwele negwala kwebanhu kose. 24Siriya yose yakawha nekukwe, banhu bakahhisa kuwunli bose baka begwala, begwadziwa nenghwele dzakasiyana siyana nemagwadzo akasiyana siyana, bagegwe nemeyambi, banabugwele gwezwifafa, bakalobgwa nebugwele gwegulukadzi, akabalapa. 25Wakatobegwa nemabunga manjinji ebanhu banobva kuGalile, banobva kumizi-mikulu ili gumi inoyi Dikapolisi, banobva kuJerusalema neJudiya, nebanobva seli yaJorodani.
လက္ရွိေရြးခ်ယ္ထားမွု
Matewu 4: KTP
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word For The World International
Matewu 4
4
Likwa kwaYesu
(Mako 1.12,13; Luka 4.1-13)
1Meya yakatungamilila Yesu kutjilambanyika kuti anolikiwa nasatane. 2Hule kwekuti atjiyila zodliwa kwemahhuba ali makumi mana, siku nesikati, wakawha hhala. 3Nliki wakahha kuwunli, akati, “Sayikoku uli Nkololo weNdzimu, laya mabgwe iyawa kuti ahanduke abe zwinkwa.”
4Koga wakahandula eti, “Kwakakwagwa kuti, ‘Nhu atowhotjila netjinkwa tjoga, koga ngelimwe nelimwe dama linobhuda munlomo weNdzimu.’ ”
5Satane akakowuntola akawuyendisa kunzi-nkulu wakayengemala; akawunghadza patjilungwane tjethempeli, 6eba eti kuwunli, “Hapa uli Nkololo weNdzimu, uzwiposele pasi, ngobe kwakakwagwa kuyi,
“ ‘Unowholaya batumwa babe nekuko,
banowhokubhata mumaboko abo
kuyetila kuti usikunhiwe nebgwe.’ ”
7Yesu wakati kuwunli, “Kwakakwagwa kakale kuti, ‘Usilike He Ndzimu uwo.’ ”
8Satane akawuntola kakale, akawunsa pehhugwi kwedombo lefulefu, akawulakidza bumambo gwehango dzose kose negudzo lago. 9Eba eti kuwunli, “Kose ikoku ndowhokupa, hapa ungandikotamila ukandinamata.”
10Yesu eba ehandula eti, “Yenda kutjena Satane! kwakakwagwa kuti, ‘Nowhonamata He Ndzimu uwo, iye yega ndiye wawunowhohingila.’ ”
11Satane akawunsiya, batumwa beNdzimu bakahha bakawumbhatsha.
Yesu Unotangisa N'hingo Uwe muGalile
(Mako 1.14,15; Luka 4.14,15)
12Yesu wakati ewha kuti Johane wakasungwa eba eyenda kuGalile, 13ebva muNazaretha wakanogala muKhaphenawume ntome kwegungwa, muntunhu waZebhuloni naNafithali, 14kuyetila kuti kuhhadzisike tjakalebgwa nenlebesambeli Isaya, eti,
15“Hango yaZebhuloni nehango yaNafithali,
tjekugungwa, seli yaJorodani,
Galile yeBataya,
16banhu baka baligele muhhalima
batjibona tjedza tjikulu,
kose nayibabo bagele muntunhu nemuntuzi welufu,
tjedza tjatjiswika kubali.”
17Kubvila ipapo Yesu wakatangisa sumikila eti, “Handukani, ngobe bumambo gwekudzimu gwatjisedzela.”
Yesu Unodana Bateyi bewhobe
(Mako 1.6-20; Luka 5.1-11)
18Eyenda muwhunde yegungwa leGalile, wakabona nkuluyi nenun'una betjilume, Simoni unoyi Phethiro na Andhireya, beposela njanga mugungwa; ngobe beli bateyi bewhobe. 19Eba eti kubali, “Munditobeleni, ndowhomuthama babhati bebanhu.” 20Bakabva basiya njanga dzabo, bakawuntobela.
21Epindilambeli, wakabona bakololo baZebhedi, Jakobe nenun'una uwe Johane, beli mukepe naZebhedi tate babo, bepfuma njanga dzabo, akabadana. 22Bakabva basiya tatayi kose nekepe, bakawuntobela.
Yesu Unodiya, Unosumikila kakale Unolapa
(Luka 6.17-19)
23Yesu wakayenda muGalile yose, ediya mumasinagogu abo kakale esumikila ndebo mbuya yebumambo kakale elapa gose ludzi gwebugwele negwala kwebanhu kose. 24Siriya yose yakawha nekukwe, banhu bakahhisa kuwunli bose baka begwala, begwadziwa nenghwele dzakasiyana siyana nemagwadzo akasiyana siyana, bagegwe nemeyambi, banabugwele gwezwifafa, bakalobgwa nebugwele gwegulukadzi, akabalapa. 25Wakatobegwa nemabunga manjinji ebanhu banobva kuGalile, banobva kumizi-mikulu ili gumi inoyi Dikapolisi, banobva kuJerusalema neJudiya, nebanobva seli yaJorodani.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word For The World International