MRK MRKUS; BUU 7
7
Ikya riwa a he tsitsri ngan kya riwa a ran he tsitsri ran.
1Farisa wari nga wa tsro doka Musa wawa wa zhu ri Urushalima wa ye, kagon Yeso ki nga, 2wa ri to ri imiri ndu wan wari wa ri ri ri wo riwa a ,<<ti zhii.>> Wa tre ritu wo riwa wa ran ngla-u bibi riwa ki ti ran. 3Ingye Farisa nga mgbron nji Yahuda wa ran ri ri ri ran tse wa milan wo ngla bibi ti wa rinkon mba. 4Ka wa zhu ri richu ye, wa ran ri ri ran tse wa ngla kpa ri nga wa hu bibi ti wari kigbu riwa wa hu, woto wa ngla vaŋo ri so ima, wa rii nga vaja.
5Farisa nga wa tsro doka Musa waka miyen Yeso ri,<<Ritu ngye ko wa mirindu wan wa ran ri hu tre wa rinkon ran wa ri ri ri wo ji?>>
6Yeso ka nyɨme wa ri,<<Ishaya nji ri la tre ri kusi a la tsra ritu biyi wa meme sron; bibi riwa a he rimi ngan ri,
<Inji wa nyɨme tre won dzu nyun nye ka kre wa no wen mkpen ama isron mba he kpata ri me.
7Wa gbre wen ri kukulu kakre itsro mba he ritu bibi ti nji zhu mba ka a he tre Izhi!>
8Bi ka tre Izhi dzi ri gran bi ri ri hu tre riwa nji.>>
9Yeso ka tre wa ri,<<Bi kambi ri hu tre Izhi ritu bi ri hu riwa wa titimbi nye! 10Musa a tre ri,<No tiwen mba yi wen mkpen,>Nga,<Inji riwa a kra ti wan ko yi wan ritu no wa wuu-u.> 11Ama bi tre ri a tsra riwa ka wa tiwan wa miyen-u kya a ran no wa ran, ritu a ka dzi ri sron wan iri wawu ri ka no Izhi ikya riwa a hi ran ka ran no wa, 12Ri ngamba bi dzu ri dzon wa ti wan. 13Ri ngamba nye bi wu tre Izhi ritu bi ri tsro wari bibi ti mbi, ngamba nye bi ti kyawa kigbu.>>
14Yeso ka bru yo jɨbu nji ran la wa ri,<<Biyi wo wen wawu mbi nga bi ri to. 15Aran kya riwa a gra ri kpa nji nye ri kpaa zuu Kusi Izhi ran, ama ikya riwa a zhu ri nyu nji nye ri kpa zuu Kusi Izhi.>> 16Inji riwa a he ri ton ri wo no wo.
17Riwa Yeso a ka jɨbunji-a don ran gra ri ko, imri ndu wan waka miyen-u ri no la wawa tu tsro nye. 18Yeso ka miyen wa ri,<<Biyi ngawen bi ran to ran me, 19ritu a ran rimi sron wen nye ari gra ran ama rimi nne wen nye, nga ran zhu ri nyun wan >>Rimi tre nye Yeso tsro iri ko ri bibi tan ran zuu Ri ku si Izhi ran.
20Yeso ka bru tre ri,<<Ikya riwa a zhu ri nyu nji nye ri kpa zuu. 21Ritu rimi sron nji nye meme rimɨren ri zhu ye ntran, ri yɨbi nga wuu nji mba kru mba nji, 22Imbye, nga meme ti, nga gyuru nji, nga sron ri ro riwa a ran he ri shan ran, nga ti huu, nga kpa nde time, nga ndzu tu, nga ti mkpran. 23Meme kyawa wa nyi wa zhu rimi sron nji nye ye, nga wa ri kpa nji zuu.>>
Yosron Wa riwa a he waa Yudiya ran
24Imba Yeso ka wulunde ran hi ri gran meme Taya. A gra ri ko a ran wa no njo no to ran Ama igra wan a ran he ri yayɨbi ngaran. 25Ri bubu wan iwa ri riwa ivra wan tsitsa a he ri lilo meme Yuu ka wo tre Yeso ran ye kɨbu mgbazhu ri kusi wan. 26Iwa mba a he wa Heleni nye, wa ngɨzhi-u ri Finikiya ri gbu Suriya a bre Yeso ri no dzu meme bɨzhi zho ri vra wan. 27Yeso ka la ri wu ri, no miri no wa ri hwɨshi ri, a ran tsra riwa ki vu ri miri ka sro ri yawu ran. >>
28Iwa-a ka nyɨme ran tre ri,<<A he ngamba nye Bachi, ama ko yawu wa ye waka ye tan zhuzhu wan riwa a rega ri>> 29Yeso ka la-u ri ,<<Ritu nyɨme nyi riwa wu he ri wu, bru hi ko, meme bɨzhi ka vra wen don!
30Ka bru hi ko ran ka to vra wan-a kru ri blaa, nga meme Yuu-a ka ka-u don.
Yeso a den Mangbi nga Mangbi
31Yeso ka zhu ri gbu Taya ran hu ku Sidon hi ri nne ri Galili ri nkon a hu ri gbu wuru. 32Ri bubu wan wa ngiji nji ri riwa a ran ran to tre ran ye ri wu nga wari bre Yeso ri no bre wu wo no fe sii.
33Yeso ka ban mangbi-a hi ri gran bubu riwa nji wa ran bran ran, ka son miri wo ri ton. Ka zhu nten ran ibrenji-a wo ri rɨme. 34Ka ndzu tu ban shu ran gbi vri wan ran tre nji-a ri,<<Iffata!>>Ari tre ri,<<No bu.>> 35Riwa a tre ngamba iton nji-a ka bu, ikya riwa a lo rɨme wan a ka si, nga nji-a ka gra tre ran bi
36Kau ri riwa Yeso a fen wa ton ri no wa ran la njo ran. Ama riwa a ran fen wa ton wawa waka sondu ran vra tre-a. 37Inji wa ti sisiri bran, wari tre ri,<<A ti ko ngye tsra,>><<A no mangbi wa wo tre nga ran no mangbi wa to tre.>>
လက္ရွိေရြးခ်ယ္ထားမွု
MRK MRKUS; BUU 7: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria
MRK MRKUS; BUU 7
7
Ikya riwa a he tsitsri ngan kya riwa a ran he tsitsri ran.
1Farisa wari nga wa tsro doka Musa wawa wa zhu ri Urushalima wa ye, kagon Yeso ki nga, 2wa ri to ri imiri ndu wan wari wa ri ri ri wo riwa a ,<<ti zhii.>> Wa tre ritu wo riwa wa ran ngla-u bibi riwa ki ti ran. 3Ingye Farisa nga mgbron nji Yahuda wa ran ri ri ri ran tse wa milan wo ngla bibi ti wa rinkon mba. 4Ka wa zhu ri richu ye, wa ran ri ri ran tse wa ngla kpa ri nga wa hu bibi ti wari kigbu riwa wa hu, woto wa ngla vaŋo ri so ima, wa rii nga vaja.
5Farisa nga wa tsro doka Musa waka miyen Yeso ri,<<Ritu ngye ko wa mirindu wan wa ran ri hu tre wa rinkon ran wa ri ri ri wo ji?>>
6Yeso ka nyɨme wa ri,<<Ishaya nji ri la tre ri kusi a la tsra ritu biyi wa meme sron; bibi riwa a he rimi ngan ri,
<Inji wa nyɨme tre won dzu nyun nye ka kre wa no wen mkpen ama isron mba he kpata ri me.
7Wa gbre wen ri kukulu kakre itsro mba he ritu bibi ti nji zhu mba ka a he tre Izhi!>
8Bi ka tre Izhi dzi ri gran bi ri ri hu tre riwa nji.>>
9Yeso ka tre wa ri,<<Bi kambi ri hu tre Izhi ritu bi ri hu riwa wa titimbi nye! 10Musa a tre ri,<No tiwen mba yi wen mkpen,>Nga,<Inji riwa a kra ti wan ko yi wan ritu no wa wuu-u.> 11Ama bi tre ri a tsra riwa ka wa tiwan wa miyen-u kya a ran no wa ran, ritu a ka dzi ri sron wan iri wawu ri ka no Izhi ikya riwa a hi ran ka ran no wa, 12Ri ngamba bi dzu ri dzon wa ti wan. 13Ri ngamba nye bi wu tre Izhi ritu bi ri tsro wari bibi ti mbi, ngamba nye bi ti kyawa kigbu.>>
14Yeso ka bru yo jɨbu nji ran la wa ri,<<Biyi wo wen wawu mbi nga bi ri to. 15Aran kya riwa a gra ri kpa nji nye ri kpaa zuu Kusi Izhi ran, ama ikya riwa a zhu ri nyu nji nye ri kpa zuu Kusi Izhi.>> 16Inji riwa a he ri ton ri wo no wo.
17Riwa Yeso a ka jɨbunji-a don ran gra ri ko, imri ndu wan waka miyen-u ri no la wawa tu tsro nye. 18Yeso ka miyen wa ri,<<Biyi ngawen bi ran to ran me, 19ritu a ran rimi sron wen nye ari gra ran ama rimi nne wen nye, nga ran zhu ri nyun wan >>Rimi tre nye Yeso tsro iri ko ri bibi tan ran zuu Ri ku si Izhi ran.
20Yeso ka bru tre ri,<<Ikya riwa a zhu ri nyu nji nye ri kpa zuu. 21Ritu rimi sron nji nye meme rimɨren ri zhu ye ntran, ri yɨbi nga wuu nji mba kru mba nji, 22Imbye, nga meme ti, nga gyuru nji, nga sron ri ro riwa a ran he ri shan ran, nga ti huu, nga kpa nde time, nga ndzu tu, nga ti mkpran. 23Meme kyawa wa nyi wa zhu rimi sron nji nye ye, nga wa ri kpa nji zuu.>>
Yosron Wa riwa a he waa Yudiya ran
24Imba Yeso ka wulunde ran hi ri gran meme Taya. A gra ri ko a ran wa no njo no to ran Ama igra wan a ran he ri yayɨbi ngaran. 25Ri bubu wan iwa ri riwa ivra wan tsitsa a he ri lilo meme Yuu ka wo tre Yeso ran ye kɨbu mgbazhu ri kusi wan. 26Iwa mba a he wa Heleni nye, wa ngɨzhi-u ri Finikiya ri gbu Suriya a bre Yeso ri no dzu meme bɨzhi zho ri vra wan. 27Yeso ka la ri wu ri, no miri no wa ri hwɨshi ri, a ran tsra riwa ki vu ri miri ka sro ri yawu ran. >>
28Iwa-a ka nyɨme ran tre ri,<<A he ngamba nye Bachi, ama ko yawu wa ye waka ye tan zhuzhu wan riwa a rega ri>> 29Yeso ka la-u ri ,<<Ritu nyɨme nyi riwa wu he ri wu, bru hi ko, meme bɨzhi ka vra wen don!
30Ka bru hi ko ran ka to vra wan-a kru ri blaa, nga meme Yuu-a ka ka-u don.
Yeso a den Mangbi nga Mangbi
31Yeso ka zhu ri gbu Taya ran hu ku Sidon hi ri nne ri Galili ri nkon a hu ri gbu wuru. 32Ri bubu wan wa ngiji nji ri riwa a ran ran to tre ran ye ri wu nga wari bre Yeso ri no bre wu wo no fe sii.
33Yeso ka ban mangbi-a hi ri gran bubu riwa nji wa ran bran ran, ka son miri wo ri ton. Ka zhu nten ran ibrenji-a wo ri rɨme. 34Ka ndzu tu ban shu ran gbi vri wan ran tre nji-a ri,<<Iffata!>>Ari tre ri,<<No bu.>> 35Riwa a tre ngamba iton nji-a ka bu, ikya riwa a lo rɨme wan a ka si, nga nji-a ka gra tre ran bi
36Kau ri riwa Yeso a fen wa ton ri no wa ran la njo ran. Ama riwa a ran fen wa ton wawa waka sondu ran vra tre-a. 37Inji wa ti sisiri bran, wari tre ri,<<A ti ko ngye tsra,>><<A no mangbi wa wo tre nga ran no mangbi wa to tre.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria