MRK MRKUS; BUU 13
13
Yeso a a la tre ri Kusi Ritu Idzi Bubu Bre riwa Izhi
1Riwa Yeso a ran zhu rimi bubu bre ivren ndu wan ri ka miyen-u ri,<<Inji ri tsro to bibi riwa tita wamu wa wɨloga nga bibi mme wamu wawa wa de sisiri mu!>>
2Yeso ka tre wu ri,<<Wu to bibi mme wa mu wawu mba wa zi wa rega wawu mba, iri ran ri kri ri tu vayi wan ran.>>
3Riwa Yeso a son ritu mgblu ri konkron zaitun riwa a kɨmasi ran ya bubu bre ri Bitrus, Yakubu, ri Yohana nga Andarawus waka miyen-u ri yayɨbi ri, 4<<La ta shitan nye kyawa wa nyi wa ti wa, ingye nye ri tsro riwa ki to ri kyawa wamba wa gon ri ye?>>
5Yeso ka tre wa ri,<<Milan ya ran no njo no gyuru yi ran.>> 6Wa nji kigbu wa ye rimi nde won wari tre ri,<Wawa nye wa he wawu>Ngha wari gyuru nji kigbu. 7Ka bi wo tre kuu ko wa tre ritu kuu bi ran no sron mbi no wulunde ran ritu ikre vi ran ye nye mba ran. 8Igbu wari wa yo gbu wari kusi, nga kpanchison wari wa yo kpanchison wari kusi, izi meme ri he ri bubu wari nga iyon ri he bran. Ama kya wa wamba wa ran he yaa riwa ari ye-a nye mba ran, ari he ka ilo riwa waa riwa ari ngɨzhi vren.
9<<Biyi kyumbi bi milan ya ritu wa vu yi hi ri tra bla tre nga wa tsi yi ri tra Izhi bi kuki ri kusi wa rinkon nga wa chu ritu bi ri la tre ri ro ritu won. 10Ama wa tre tre Izhi ri ko nga ri ko no kre vi no ye. 11Ngha ka wa vu yi hi ri tra bla tre, bi ka ran tika ritu kya riwa a ye ri yi sron ritu a ran he biyi nye bi tre ran,ama Iyu Tsitsri nye.
12<<Vayi ri ka vayi wan no wa no wa wuu, iti ri ka vren wan de no wa wuu. Imiri wa yo wa ti mba kusi wari no wa ri no wa wuu wa. 13Ko ngaa ri kawan ri yi ritu nde won, ama nji riwa a vu sron hi ri kre wan ari fe kpa chuwo.
14<<Ka bi to <kya riwa a zuu riwa ari ngɨzhi dzi a ran tsra ran> No nji riwa ari kra no to nga no wawa wa he ri gran Yudiya no wa tsutsu hi ri tu mgblu. 15Injo riwa he ritu tra no ran gɨzhi ye rimi ko ritu ran ban kya zhu ri wu ran. 16Inji riwa a he ri zhu no ran bru hi ko ritu ran ye ban tsro wan ran. 17Iyaa mba wawa wa he nne, nga wawa wa sho miri gon ri chachu. 18Bi bre Izhi no kyawa wanyi no wa ran ye ri ko no su no ye ran. 19Ri vi wa nyi wa so yaa bran riwa wana so to zari ran tu chachu riwa Izhi a gbuchi ti mgbumgblume hari ye zizan wa ran bru tu bibi wan ran hari hi ri kre vi. 20Wari tre ri Bachi ran fon vi a rega ran, injo ri ran ran jɨbu wo ran. Ama ritu lo sron ri wawa a zhu wa-a a fon vi a rega. 21Ri chachu mba ka injo tre yi ri,<Ya, ingye nga Kristo-on ,>Ko ka ran tre ri ya ingye ngaa wawu-on ran kpanyɨme ri wu ran 22Wa Kristo wa che nga wa la tre ri kusi wa che wa zhu nga wari ti kyawa wa de sisiri ritu no wa gyuru nji hari wawa Izhi zhu wa-a nkon ran he ri wa. 23Ritu ngamba bi milan ya, me la yi kongye ri ko no vi no ye. 24<<Ri vi mba kugon yaa riwa ari ye-a<<Iji ri kɨma ti bu nga huwa ran ri kpan ran;
25Intsen huwa wa zhu ran joku ri meme nga kyawa wa shu wa ran kugbulu.>
26<<Imba ivren nji ri zhu ri kpa wulu ri gbengbren nga mkpen. 27Ngha ari ti miri ko wan ndu no wa ye vu wawa a zhu wa ri mgbumblume kabru, ri kunggo nza ri mgbumgblume.
28<<Zizan biyi to kya ritu konkron mbwa, ka ganran wan wa sran wari ri zhu ri vunvu risa bi to ri issu ye hwɨre nye mba. 29Nghamba me ka bi to kyawa wa mba wa ye bi ka to ri ivi ye hwɨre nye mba. 30Kpunji tre me la yi, nji wa nzan nyi wa ran kuu ran tse kyawa wanyi wa ye ri. 31Ishuwulu imba mgbumgblume wa kre ama itre won ran ri kre ran.
Injo Ran to Vi ka Chachu ran
32Injo ran to vi ko chachu riwa kyawa wanyi wa ti ran, ko miri ko wan, ko ivren wan ran to ran ara wawu nye to vi-a. 33Biyi milan ya bi ri milan ki ritu bi ran to vi ria ivi-a ri ye ran 34Ari he ka nji riko riwa a ri hi ri bubu zren ran ka miri ndu wan don no wa ran ya ko, ka ari kunkon ari no ko nga ndu wan riwa ari ti nga ran la nji riwa ari gben ri nyun nkon ko iri no milan ran ya. 35<<Ritu ngamba bi ka milan ki ritu bi ran to vi riwa nji ri ko mbi ri bru ye ran, ko ri Yawulu ko ri tsutsu chu, ko ka kuko tɨbu ko ka ri mbambre. 36No ran ye fe yi ka bi kru nna ran. 37Ikya riwa me tre ri yi, me tre ri ko ngaa ngawen.<Biyi milan ki!>>>
လက္ရွိေရြးခ်ယ္ထားမွု
MRK MRKUS; BUU 13: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria
MRK MRKUS; BUU 13
13
Yeso a a la tre ri Kusi Ritu Idzi Bubu Bre riwa Izhi
1Riwa Yeso a ran zhu rimi bubu bre ivren ndu wan ri ka miyen-u ri,<<Inji ri tsro to bibi riwa tita wamu wa wɨloga nga bibi mme wamu wawa wa de sisiri mu!>>
2Yeso ka tre wu ri,<<Wu to bibi mme wa mu wawu mba wa zi wa rega wawu mba, iri ran ri kri ri tu vayi wan ran.>>
3Riwa Yeso a son ritu mgblu ri konkron zaitun riwa a kɨmasi ran ya bubu bre ri Bitrus, Yakubu, ri Yohana nga Andarawus waka miyen-u ri yayɨbi ri, 4<<La ta shitan nye kyawa wa nyi wa ti wa, ingye nye ri tsro riwa ki to ri kyawa wamba wa gon ri ye?>>
5Yeso ka tre wa ri,<<Milan ya ran no njo no gyuru yi ran.>> 6Wa nji kigbu wa ye rimi nde won wari tre ri,<Wawa nye wa he wawu>Ngha wari gyuru nji kigbu. 7Ka bi wo tre kuu ko wa tre ritu kuu bi ran no sron mbi no wulunde ran ritu ikre vi ran ye nye mba ran. 8Igbu wari wa yo gbu wari kusi, nga kpanchison wari wa yo kpanchison wari kusi, izi meme ri he ri bubu wari nga iyon ri he bran. Ama kya wa wamba wa ran he yaa riwa ari ye-a nye mba ran, ari he ka ilo riwa waa riwa ari ngɨzhi vren.
9<<Biyi kyumbi bi milan ya ritu wa vu yi hi ri tra bla tre nga wa tsi yi ri tra Izhi bi kuki ri kusi wa rinkon nga wa chu ritu bi ri la tre ri ro ritu won. 10Ama wa tre tre Izhi ri ko nga ri ko no kre vi no ye. 11Ngha ka wa vu yi hi ri tra bla tre, bi ka ran tika ritu kya riwa a ye ri yi sron ritu a ran he biyi nye bi tre ran,ama Iyu Tsitsri nye.
12<<Vayi ri ka vayi wan no wa no wa wuu, iti ri ka vren wan de no wa wuu. Imiri wa yo wa ti mba kusi wari no wa ri no wa wuu wa. 13Ko ngaa ri kawan ri yi ritu nde won, ama nji riwa a vu sron hi ri kre wan ari fe kpa chuwo.
14<<Ka bi to <kya riwa a zuu riwa ari ngɨzhi dzi a ran tsra ran> No nji riwa ari kra no to nga no wawa wa he ri gran Yudiya no wa tsutsu hi ri tu mgblu. 15Injo riwa he ritu tra no ran gɨzhi ye rimi ko ritu ran ban kya zhu ri wu ran. 16Inji riwa a he ri zhu no ran bru hi ko ritu ran ye ban tsro wan ran. 17Iyaa mba wawa wa he nne, nga wawa wa sho miri gon ri chachu. 18Bi bre Izhi no kyawa wanyi no wa ran ye ri ko no su no ye ran. 19Ri vi wa nyi wa so yaa bran riwa wana so to zari ran tu chachu riwa Izhi a gbuchi ti mgbumgblume hari ye zizan wa ran bru tu bibi wan ran hari hi ri kre vi. 20Wari tre ri Bachi ran fon vi a rega ran, injo ri ran ran jɨbu wo ran. Ama ritu lo sron ri wawa a zhu wa-a a fon vi a rega. 21Ri chachu mba ka injo tre yi ri,<Ya, ingye nga Kristo-on ,>Ko ka ran tre ri ya ingye ngaa wawu-on ran kpanyɨme ri wu ran 22Wa Kristo wa che nga wa la tre ri kusi wa che wa zhu nga wari ti kyawa wa de sisiri ritu no wa gyuru nji hari wawa Izhi zhu wa-a nkon ran he ri wa. 23Ritu ngamba bi milan ya, me la yi kongye ri ko no vi no ye. 24<<Ri vi mba kugon yaa riwa ari ye-a<<Iji ri kɨma ti bu nga huwa ran ri kpan ran;
25Intsen huwa wa zhu ran joku ri meme nga kyawa wa shu wa ran kugbulu.>
26<<Imba ivren nji ri zhu ri kpa wulu ri gbengbren nga mkpen. 27Ngha ari ti miri ko wan ndu no wa ye vu wawa a zhu wa ri mgbumblume kabru, ri kunggo nza ri mgbumgblume.
28<<Zizan biyi to kya ritu konkron mbwa, ka ganran wan wa sran wari ri zhu ri vunvu risa bi to ri issu ye hwɨre nye mba. 29Nghamba me ka bi to kyawa wa mba wa ye bi ka to ri ivi ye hwɨre nye mba. 30Kpunji tre me la yi, nji wa nzan nyi wa ran kuu ran tse kyawa wanyi wa ye ri. 31Ishuwulu imba mgbumgblume wa kre ama itre won ran ri kre ran.
Injo Ran to Vi ka Chachu ran
32Injo ran to vi ko chachu riwa kyawa wanyi wa ti ran, ko miri ko wan, ko ivren wan ran to ran ara wawu nye to vi-a. 33Biyi milan ya bi ri milan ki ritu bi ran to vi ria ivi-a ri ye ran 34Ari he ka nji riko riwa a ri hi ri bubu zren ran ka miri ndu wan don no wa ran ya ko, ka ari kunkon ari no ko nga ndu wan riwa ari ti nga ran la nji riwa ari gben ri nyun nkon ko iri no milan ran ya. 35<<Ritu ngamba bi ka milan ki ritu bi ran to vi riwa nji ri ko mbi ri bru ye ran, ko ri Yawulu ko ri tsutsu chu, ko ka kuko tɨbu ko ka ri mbambre. 36No ran ye fe yi ka bi kru nna ran. 37Ikya riwa me tre ri yi, me tre ri ko ngaa ngawen.<Biyi milan ki!>>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria