Matiu 5
5
Ibla tre ritu Tita
1Riwa Yeso a to kpanji wa bran, ran hon son ritu gashi, imiriko wan waka ye riwu, 2imba ka gra tsro wa ran tre:
Ingiri Ri Kpunji
(Luke 6.20-23)
3<<Dindi wan ri ran hu wawa wato iku nyɨren mba rimi Yuu;
ritu kpanchison ri shu ri he wamba!
4<<Dindi wan rina hu wawa wa he ri shnji sron;
ritu Izhi ri no wa sisron!
5<<Dindi ri ran hu wawa wa ka ngamba yo hwiri;
wa fe kya riwa Izhi ka dzi ri wa!
6<<Dindi ri ran hu wawa wati nbiye ti ndindi ti;
ritu wa han wa kya riwa isron mba ri wa!
7<<Dindi wan ri ran hu wawa wa lo sron ri wari;
ritu wa lo wari sron ngawen!
8<<Dindi wan rina hu wa tsitsri ri sron;
ritu wa wato Izhi!
9<<Dindi wan ri ran hu wawa wa ka sron kabru;
ritu wa yo wa ri imiri Izhi!
10<<Dindi wan rina hu wawa wa so yaa rimi ti dindi ti ritu Izhi;
ritu Kpanchison ri shu ri he wamba!
11<<Dindi wan rina hu yi inde nji wa kra yi tu, wati yi yaa, wari tiyi ko meme ti bibi tan ri tuwon. 12Ti kinklan sron bi ri to ro wan bran bran ritu ife mbi ri kigbu rishu mu, ritu bibi mba nye wati wa la tre Izhi wawa wa gbuchi ri yi.
Iima nga Kpan Wulu
(Mark 9.50; Luke 14.34,35)
13<< Biyi nye bi he iima riwa mgbumgblume. Ama ka iro iima zhu kre, wa tise wari milan-u ti no ro ri? Ba kya riwa wa ti riwu ri, tsede no wa kau rega no nji no wa chan ri dza. 14<<Biyi nye bi he kpan tsu ri mgbumgblume. Igbu riwa wa mme ri tu gashi a ran ri rii ran. 15Wa ran ri ban wulu ri kpan ka dzi ri dza didan ran; tsede no wa ka dzi ritu bubu kri wan, no ran tsro ko nga rimi ko. 16No kpan mbi no ran kpan ran tsro nji kusi, don no nji no wa ran to dindi ndu mbi wari gbresan nde timbu riwa a he ri shu.
Itsro ritu Doka
17<<Ran tomba ka me ye ritu riwa me gban nye ri doka Musa nga tsro Wa la tre ri kusi ran. Me ran ye ritu miri ban wa zho ran, ama no wa he kpunji. 18Kpunji tre me layi, kami no shuwulu ri meme no wa zii, ko iwɨlo tre riri riwa Izhi ran kado ran, tse wa shu kongye. 19Nji riwa a ka ko vi krenkpen doka tre Izhi riri taga ran tsro nji kamba, wawu nye ri he krenkpen nji ri shuwulu. Inji riwa a hu doka Izhi ran tsronji, wa tre riwu ri a he rinkong nji rishu wulu. 20Ame me layi, inde dindi ti mbi ran han riwa wa Farisa nga wa tsro doka Musa ran, bi ran gra ri ko Izhi ran.
Itsro ritu Fu
21<<Bi wo riwa wa la nji risen ri, <Ran wuu nji ran, nji riwa a wuu nji wa no ya.> 22Ama ame me layi ri ko nga riwa a ti fu ri vayi wan wa no ya. Nganga, ko ngha riwa a kra vayi wan tu ri, <Nkpranchi!> Wa ngɨzhi wu hi kusi wa sron mmo bla tre. Inde nji riwa kɨra vayi wan tu ri <wuhe kuklu>Wa vu yo ri ko wulu. 23Ritu ngamba, inde wuhi bubu de kya ri bubu de kpi ri tra Izhi wuri taka ri wu he ri shnji sron ri vayi wen, 24wu tika de wen chuwo wuri hi bru milan tre mbi ti ri vayiwen ri, ko wuri ye de kpi wen.
25<<Dzon tu imbi kpan fu wen riwa a ngɨzhi-u ri hi tra moo. Ti-u ka bi he nkon imbi-u ran noo no ngizhi-u gra riwo wa bla tre ran, nji ri bla tre ri ka kau no wa lokpa, wa lokpa wa ka kau yo ri tra tren nji. 26Me lau kpunji tre, wuran zhu rimi tre nyi ran, tse wu han kre pien-pien.
Ikru ri Waa Nji
27<<Wu wo riwa wa tre ri, <Ran kru ri waa njo ran.> 28Ame me la yi: nji riwa a ya wa ri sron mbiye a kru ri wamba rimi sron wan. 29lnde isi wen ri ka wu yo ri nou ti meme ti, ran ya kya mba ran! Ari bi riwu riwa nghima kpa wen kuri ran he ran riwa wa tru yo rimi wulu wawu. 30Inde iwo wen ri no ti meme ti, han u taga. A ri bi no wo wen ri no ran he ran riwa mgbron kpawen ri gra rimi wulu.
Itsro ritu wuu Gran
(Matthew 19.9; Mark 10.11,12; Luke 16.18)
31<< Itre Izhi tre ri mbe wan ri, <Inji riwa a wu gran waa wan ran no mbe ri wuu gran.> 32Ame me layi nji riwa a wu gran waa wan,a yo rimi riwa njo nkan ri kru ri wu, nga nji riwa a gran waa riwa a wuu gran wan ari kru ri waa nji.
Itsro ritu Iban Shizhi
33<<Nganga bi wo riwa wa tre ri nji gbangban mu ri, <Wuran shizhi ri che ran, shi zhi wen riwa wu ban ri Izhi wen.> 34Me tre ri yi ran shizhi ran, ko ri shuwulu, ritu riwa a he bubu son Izhi; 35ko ri meme, riwa a he bubu yo dza wan ko ri Urushalima, ritu riwa a he nchon gbu riwa wa chu wa rinkon. 36Ran shi shizhi ri tu wen ran, rtu riwa wuran to ti nfu tu wen riri no han kinklan ko shnji ran 37No yɨme wen no he nyɨme wen no,< ka,> Wen lkya ri wa a han rinyi a ju ri meme ji.
Itsro Ritu Tizhula
(Luke 6.29,30)
38<<Bi wo riwa wa tre, <Isi ritu si, nga nghiri ritu nghiri> 39Me tre riyi ran kri ri nji riwa a ri ti meme ti ran inde njo wuru-u ri takparan ri kuwo ri kɨma kuri wan no. 40Ngha nji riwa a ngɨzhi-u hi ri bubu bla tre ritu ran vu-u tsro wen ra, wu ka no ngɨzhi kau ri tsro ri kakpa ngawen. 41Inde njo riwa a yo-u no zren ri mile ri hi ri wu mile hari. 42No nji riwa a bre wu, ran kɨma gon ti nji riwa a bre la ri wu ran.
Nyɨme wa kpanfu wen
(Luke 6.27,28,32-36)
43<<Bi wo riwa itre Izhi tre, <Nyɨme wa kpan son bi, bi ri kambi ri wa kpanfu mbi.> 44Ama me la yi: nyɨme ri wa kpanfu mbi, bi ri bre Izhi ri wawa wa no yi yaa, 45iwa bi he miri Timbi ri shu. Ari no nji no fren ri wa meme ri wa dindi, ran de wulu ri wa meme ti. 46Inde wu wawa wa nyɨme wu, wu fe ngye? A ran he wa meme ti nye wati kamba ran? 47Ngha inde wu chi miri vayi we nkankshe, wutingye han mgbron nji? Aran he wawa wara to ji nye wati ngamba ran? 48He zhanzhan bibi riwa A ti mbi ri shu he.
လက္ရွိေရြးခ်ယ္ထားမွု
Matiu 5: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria
Matiu 5
5
Ibla tre ritu Tita
1Riwa Yeso a to kpanji wa bran, ran hon son ritu gashi, imiriko wan waka ye riwu, 2imba ka gra tsro wa ran tre:
Ingiri Ri Kpunji
(Luke 6.20-23)
3<<Dindi wan ri ran hu wawa wato iku nyɨren mba rimi Yuu;
ritu kpanchison ri shu ri he wamba!
4<<Dindi wan rina hu wawa wa he ri shnji sron;
ritu Izhi ri no wa sisron!
5<<Dindi ri ran hu wawa wa ka ngamba yo hwiri;
wa fe kya riwa Izhi ka dzi ri wa!
6<<Dindi ri ran hu wawa wati nbiye ti ndindi ti;
ritu wa han wa kya riwa isron mba ri wa!
7<<Dindi wan ri ran hu wawa wa lo sron ri wari;
ritu wa lo wari sron ngawen!
8<<Dindi wan rina hu wa tsitsri ri sron;
ritu wa wato Izhi!
9<<Dindi wan ri ran hu wawa wa ka sron kabru;
ritu wa yo wa ri imiri Izhi!
10<<Dindi wan rina hu wawa wa so yaa rimi ti dindi ti ritu Izhi;
ritu Kpanchison ri shu ri he wamba!
11<<Dindi wan rina hu yi inde nji wa kra yi tu, wati yi yaa, wari tiyi ko meme ti bibi tan ri tuwon. 12Ti kinklan sron bi ri to ro wan bran bran ritu ife mbi ri kigbu rishu mu, ritu bibi mba nye wati wa la tre Izhi wawa wa gbuchi ri yi.
Iima nga Kpan Wulu
(Mark 9.50; Luke 14.34,35)
13<< Biyi nye bi he iima riwa mgbumgblume. Ama ka iro iima zhu kre, wa tise wari milan-u ti no ro ri? Ba kya riwa wa ti riwu ri, tsede no wa kau rega no nji no wa chan ri dza. 14<<Biyi nye bi he kpan tsu ri mgbumgblume. Igbu riwa wa mme ri tu gashi a ran ri rii ran. 15Wa ran ri ban wulu ri kpan ka dzi ri dza didan ran; tsede no wa ka dzi ritu bubu kri wan, no ran tsro ko nga rimi ko. 16No kpan mbi no ran kpan ran tsro nji kusi, don no nji no wa ran to dindi ndu mbi wari gbresan nde timbu riwa a he ri shu.
Itsro ritu Doka
17<<Ran tomba ka me ye ritu riwa me gban nye ri doka Musa nga tsro Wa la tre ri kusi ran. Me ran ye ritu miri ban wa zho ran, ama no wa he kpunji. 18Kpunji tre me layi, kami no shuwulu ri meme no wa zii, ko iwɨlo tre riri riwa Izhi ran kado ran, tse wa shu kongye. 19Nji riwa a ka ko vi krenkpen doka tre Izhi riri taga ran tsro nji kamba, wawu nye ri he krenkpen nji ri shuwulu. Inji riwa a hu doka Izhi ran tsronji, wa tre riwu ri a he rinkong nji rishu wulu. 20Ame me layi, inde dindi ti mbi ran han riwa wa Farisa nga wa tsro doka Musa ran, bi ran gra ri ko Izhi ran.
Itsro ritu Fu
21<<Bi wo riwa wa la nji risen ri, <Ran wuu nji ran, nji riwa a wuu nji wa no ya.> 22Ama ame me layi ri ko nga riwa a ti fu ri vayi wan wa no ya. Nganga, ko ngha riwa a kra vayi wan tu ri, <Nkpranchi!> Wa ngɨzhi wu hi kusi wa sron mmo bla tre. Inde nji riwa kɨra vayi wan tu ri <wuhe kuklu>Wa vu yo ri ko wulu. 23Ritu ngamba, inde wuhi bubu de kya ri bubu de kpi ri tra Izhi wuri taka ri wu he ri shnji sron ri vayi wen, 24wu tika de wen chuwo wuri hi bru milan tre mbi ti ri vayiwen ri, ko wuri ye de kpi wen.
25<<Dzon tu imbi kpan fu wen riwa a ngɨzhi-u ri hi tra moo. Ti-u ka bi he nkon imbi-u ran noo no ngizhi-u gra riwo wa bla tre ran, nji ri bla tre ri ka kau no wa lokpa, wa lokpa wa ka kau yo ri tra tren nji. 26Me lau kpunji tre, wuran zhu rimi tre nyi ran, tse wu han kre pien-pien.
Ikru ri Waa Nji
27<<Wu wo riwa wa tre ri, <Ran kru ri waa njo ran.> 28Ame me la yi: nji riwa a ya wa ri sron mbiye a kru ri wamba rimi sron wan. 29lnde isi wen ri ka wu yo ri nou ti meme ti, ran ya kya mba ran! Ari bi riwu riwa nghima kpa wen kuri ran he ran riwa wa tru yo rimi wulu wawu. 30Inde iwo wen ri no ti meme ti, han u taga. A ri bi no wo wen ri no ran he ran riwa mgbron kpawen ri gra rimi wulu.
Itsro ritu wuu Gran
(Matthew 19.9; Mark 10.11,12; Luke 16.18)
31<< Itre Izhi tre ri mbe wan ri, <Inji riwa a wu gran waa wan ran no mbe ri wuu gran.> 32Ame me layi nji riwa a wu gran waa wan,a yo rimi riwa njo nkan ri kru ri wu, nga nji riwa a gran waa riwa a wuu gran wan ari kru ri waa nji.
Itsro ritu Iban Shizhi
33<<Nganga bi wo riwa wa tre ri nji gbangban mu ri, <Wuran shizhi ri che ran, shi zhi wen riwa wu ban ri Izhi wen.> 34Me tre ri yi ran shizhi ran, ko ri shuwulu, ritu riwa a he bubu son Izhi; 35ko ri meme, riwa a he bubu yo dza wan ko ri Urushalima, ritu riwa a he nchon gbu riwa wa chu wa rinkon. 36Ran shi shizhi ri tu wen ran, rtu riwa wuran to ti nfu tu wen riri no han kinklan ko shnji ran 37No yɨme wen no he nyɨme wen no,< ka,> Wen lkya ri wa a han rinyi a ju ri meme ji.
Itsro Ritu Tizhula
(Luke 6.29,30)
38<<Bi wo riwa wa tre, <Isi ritu si, nga nghiri ritu nghiri> 39Me tre riyi ran kri ri nji riwa a ri ti meme ti ran inde njo wuru-u ri takparan ri kuwo ri kɨma kuri wan no. 40Ngha nji riwa a ngɨzhi-u hi ri bubu bla tre ritu ran vu-u tsro wen ra, wu ka no ngɨzhi kau ri tsro ri kakpa ngawen. 41Inde njo riwa a yo-u no zren ri mile ri hi ri wu mile hari. 42No nji riwa a bre wu, ran kɨma gon ti nji riwa a bre la ri wu ran.
Nyɨme wa kpanfu wen
(Luke 6.27,28,32-36)
43<<Bi wo riwa itre Izhi tre, <Nyɨme wa kpan son bi, bi ri kambi ri wa kpanfu mbi.> 44Ama me la yi: nyɨme ri wa kpanfu mbi, bi ri bre Izhi ri wawa wa no yi yaa, 45iwa bi he miri Timbi ri shu. Ari no nji no fren ri wa meme ri wa dindi, ran de wulu ri wa meme ti. 46Inde wu wawa wa nyɨme wu, wu fe ngye? A ran he wa meme ti nye wati kamba ran? 47Ngha inde wu chi miri vayi we nkankshe, wutingye han mgbron nji? Aran he wawa wara to ji nye wati ngamba ran? 48He zhanzhan bibi riwa A ti mbi ri shu he.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria