Matiu 25
25
Itre kɨbu mirimba wuru
1<<Ri vi mba kpanchison ri shu ari he ka mirimba wuru wawa wa ran to ronron zari ran riwa wa ban wuru mba wari hi bubu zon ron wa sa nkon. 2Iton rimi mba wa he wa timkpɨran nga ton wa he wa wiwɨri. 3Wawa wati mkpɨran wa ban wuru mba wa ran sro nye ran. 4Wa wiwɨri wa ngɨzhi nye mba ri gbanran kabruri wuru mba. 5Iron wasa a wu vi ri bubu ye, wawu mba wa ka ki kumbɨra wari kruna.
6<< Ri tsutsu chu wa ka wo yo:<Ngye>Iro wasa ri ye een! Juu ye bi ri zon-u ri nko!>
7Imba mirimba waa wa ka wurunde wari milan wurumba ti. 8Wa ti mkpɨran-a wa ka mɨye wa wiwɨri,< no wa ti nye mba no wawa; iwulu mba ri yɨwi.>
9Wa ka tre ri <onhon,>Aran tsrata wayi ran. Hi bi ri rewa mbi.>
10<<Riwa wa he nkon ri hi bubu renye, iron wasa ka ye. mirimba waa wawa wa kɨma ngamba ti wa ka gra riwu rimi tɨra logran. Nga wa ka kankon.
11<<Imba wa ri wa ka ye kugon. <Nji rinkon! Nji rinkon!>A tre.<Bu nkon rita!>
12<<Ama ka tre,<Me layi kpunji tre, me ran toyi ran.>
13<<Mɨlan kambi ki, ritu bi ran to vi wan ko chachu wan ran.
Ikɨbu tre nkɨren
14<<Nganga, ari he ka nji riwa ari hi bubu zɨren, ran yo miriko wan ran ka kpi wan tiwa yo. 15Iri a no sule ton ri nkɨren, nga ri wan a no sule hari, nga ri sule riri, ri ko ngha ri to wan. Ran hi bubu zɨren wan. 16Nji riwa wa kpa sule ton a ka tindu ri nkɨren wan ran fe sule ton sro ngha. 17Imba ngawen, nji riwa a kpa sule hari ka ti ndu ri wu ran fe sule hari sro ngha. 18Ama nji riwa a kpa sule riri a shi juju ran ka nkɨren nji riko wan ri.
19<<Kugon riwa a ban vi bran nji ri komba ka ye bubu riwa a ri kpa kpi wan riwa. 20Nji riwa a kpa sule ton ka fe ton sro ngha. Ran tre, <Nji riko,>,<No wen sule ton. Me fe sule ton sro ngha.>
21<< Nji riko wan a tre, a bi, vren riko ndind! Wu to ti ritu kyawa fiwen; Me yo-u rinkon ri kyawa kigbu. ye ti kinklan sron nji riko wan.
22Nji riwa a kpa sule hari ka ye ngawen.<Nji riko,>A tre,<wu no wen sule hari; me fe hari sro ngha.
23<< Nji riko wan ka tre,<A bi vren riko ndindi! Wu kpa nyɨme ri kyawa tsawen me yo-u rinkon kyawa kigbu. Ye ti kinklan sron ri nji riko wen!>
24<< Imba nji riwa a kpa sule riri ka ye.<Nji riko,>A tre, me to wu he nji riwa wuti bran wu sɨren bubu riwa wu ran chu ran nga wu ka kabruri bubu riwa wu ran sɨra bi ran. 25Imba me ti sisɨri me ri ngɨzhi sule wen ka ri ri meme. Tomba, ngye ikya wen een.>
26Njiriko wan ka tre, <A wu meme nji sankonchi vren riko!> Ashe wu to ri me sɨren ri bubu riwa me chu ran nga me ri ka kabruri bubu riwa me ran sɨra ran? 27A he riwa wuri ka nkɨren won zi ri wɨron nkɨren, nde me bru ye me ri kpa nkɨren won ri han ngamba.
28Kpa nkɨren mba riwu ka no nji riwa a he ri sule wuru. 29Nji riwa a he wu wa no sro ngha, nga ari he riwu bran. Nji riwa a ran he riwu ran, ko kya wa a he ri wu wa kpa ri wo wan. 30Ka meme vrenriko mba taga ri ra, rimi bu, bubu riwa wa yi wari tan nyiri.
Ntɨma nga Yawo
31<< Inde Vɨren Nji ye ri nkpen wan, nga imirindu Izhi riwu, ari son kpanchison wan ri shu ri nkpen wan. 32Mgbumgburu me wa ka bru kusi wan, ari ga nji ti nkan bibi riwa nji ri kɨshu ntɨma ri ga yawo iwa ntɨma ti nkan. 33Ari ka ntɨma ki kuwo ri ran ka yawo ki kuwo ta.
34<< Imba ichu ri tre ri wawa wa he kuwo ri, <Ye, biyi wa ti won ti luwu dindi sro ri yi; kpa gado mbi, kpanchison riwa wa milan ti zi riyi tu chachu riwa wa ti mme. 35Riwa iyon a ran ti wen wu no wen kya me ri, ilama a ran ti wen wu nowen ima me so, me ye tsɨren wu ka yowen gra riko, 36Me ran wa tsro wu ka no wen tsro wen, me ran lo wu ka den wen, me he ri tɨra tren wu ye to wen.>
37Wa tsitsri wa tre riwu,<Bachi, shitan ki to-u ka iyon riti-u ki ri no-u la, ka ri la ima ki ri no-u ima so? 38Shitan ki to-u, wu ye tsɨren ki kpa-u gra riko, ka wu wa tsro ki ka no-u? 39Shitan ki to-u ka wu lo nga ka wu he ri tɨra tren ki ri ye tre riwu? 40Ichu ri tre, <Me layi kpunji tre, ikya riwa bi ti rimi miri vayi won riwa a he fiwen, bi ti rimo.>
41<<Imba ari tre ri wawa wa he ku wota,< tsiri nkon mo, biyi wawa wa la nyu riyi, gra rimi wuru riwa wa ka zi ri meme nji ri miriko wan. 42Riwa iyon a ran ti wen bi ran no wen kya me ri ran, ilama a ran ti wen wu ran no wen ima me so ran, 43Me ye tsɨren wu ki ran no wen gra riko ran, me ran wa tsro bi ki ran nowen tsro ran, me ran lo me ri he ri tɨra tren bi ran ye ya wen to ran.>
44Wa wa ngawen wa tre ri, <Bachi, shitan ki to-u iyon a ran ti-u ka la ima, tsɨren, ka wa tsro ka wu lo, ka wu he ri tɨra tren riwa ki ran ye zon-u ran?>
45Ari tre,<Me layi kpunji tre, ikya riwa bi ran ti ri ri rimi riwa a he fifi rimi wanyi ran, bi ran ti ri mo ran.>
46<<Imba Izhi ri vu wawa wa timeme ti hi ri bubu so ya riwa a ran yitu ran, ama ari vu wawa wa ti dindi ti nga wa tsitsri hi wa son ri wu riwa a ran yitu ran.>>
လက္ရွိေရြးခ်ယ္ထားမွု
Matiu 25: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria
Matiu 25
25
Itre kɨbu mirimba wuru
1<<Ri vi mba kpanchison ri shu ari he ka mirimba wuru wawa wa ran to ronron zari ran riwa wa ban wuru mba wari hi bubu zon ron wa sa nkon. 2Iton rimi mba wa he wa timkpɨran nga ton wa he wa wiwɨri. 3Wawa wati mkpɨran wa ban wuru mba wa ran sro nye ran. 4Wa wiwɨri wa ngɨzhi nye mba ri gbanran kabruri wuru mba. 5Iron wasa a wu vi ri bubu ye, wawu mba wa ka ki kumbɨra wari kruna.
6<< Ri tsutsu chu wa ka wo yo:<Ngye>Iro wasa ri ye een! Juu ye bi ri zon-u ri nko!>
7Imba mirimba waa wa ka wurunde wari milan wurumba ti. 8Wa ti mkpɨran-a wa ka mɨye wa wiwɨri,< no wa ti nye mba no wawa; iwulu mba ri yɨwi.>
9Wa ka tre ri <onhon,>Aran tsrata wayi ran. Hi bi ri rewa mbi.>
10<<Riwa wa he nkon ri hi bubu renye, iron wasa ka ye. mirimba waa wawa wa kɨma ngamba ti wa ka gra riwu rimi tɨra logran. Nga wa ka kankon.
11<<Imba wa ri wa ka ye kugon. <Nji rinkon! Nji rinkon!>A tre.<Bu nkon rita!>
12<<Ama ka tre,<Me layi kpunji tre, me ran toyi ran.>
13<<Mɨlan kambi ki, ritu bi ran to vi wan ko chachu wan ran.
Ikɨbu tre nkɨren
14<<Nganga, ari he ka nji riwa ari hi bubu zɨren, ran yo miriko wan ran ka kpi wan tiwa yo. 15Iri a no sule ton ri nkɨren, nga ri wan a no sule hari, nga ri sule riri, ri ko ngha ri to wan. Ran hi bubu zɨren wan. 16Nji riwa wa kpa sule ton a ka tindu ri nkɨren wan ran fe sule ton sro ngha. 17Imba ngawen, nji riwa a kpa sule hari ka ti ndu ri wu ran fe sule hari sro ngha. 18Ama nji riwa a kpa sule riri a shi juju ran ka nkɨren nji riko wan ri.
19<<Kugon riwa a ban vi bran nji ri komba ka ye bubu riwa a ri kpa kpi wan riwa. 20Nji riwa a kpa sule ton ka fe ton sro ngha. Ran tre, <Nji riko,>,<No wen sule ton. Me fe sule ton sro ngha.>
21<< Nji riko wan a tre, a bi, vren riko ndind! Wu to ti ritu kyawa fiwen; Me yo-u rinkon ri kyawa kigbu. ye ti kinklan sron nji riko wan.
22Nji riwa a kpa sule hari ka ye ngawen.<Nji riko,>A tre,<wu no wen sule hari; me fe hari sro ngha.
23<< Nji riko wan ka tre,<A bi vren riko ndindi! Wu kpa nyɨme ri kyawa tsawen me yo-u rinkon kyawa kigbu. Ye ti kinklan sron ri nji riko wen!>
24<< Imba nji riwa a kpa sule riri ka ye.<Nji riko,>A tre, me to wu he nji riwa wuti bran wu sɨren bubu riwa wu ran chu ran nga wu ka kabruri bubu riwa wu ran sɨra bi ran. 25Imba me ti sisɨri me ri ngɨzhi sule wen ka ri ri meme. Tomba, ngye ikya wen een.>
26Njiriko wan ka tre, <A wu meme nji sankonchi vren riko!> Ashe wu to ri me sɨren ri bubu riwa me chu ran nga me ri ka kabruri bubu riwa me ran sɨra ran? 27A he riwa wuri ka nkɨren won zi ri wɨron nkɨren, nde me bru ye me ri kpa nkɨren won ri han ngamba.
28Kpa nkɨren mba riwu ka no nji riwa a he ri sule wuru. 29Nji riwa a he wu wa no sro ngha, nga ari he riwu bran. Nji riwa a ran he riwu ran, ko kya wa a he ri wu wa kpa ri wo wan. 30Ka meme vrenriko mba taga ri ra, rimi bu, bubu riwa wa yi wari tan nyiri.
Ntɨma nga Yawo
31<< Inde Vɨren Nji ye ri nkpen wan, nga imirindu Izhi riwu, ari son kpanchison wan ri shu ri nkpen wan. 32Mgbumgburu me wa ka bru kusi wan, ari ga nji ti nkan bibi riwa nji ri kɨshu ntɨma ri ga yawo iwa ntɨma ti nkan. 33Ari ka ntɨma ki kuwo ri ran ka yawo ki kuwo ta.
34<< Imba ichu ri tre ri wawa wa he kuwo ri, <Ye, biyi wa ti won ti luwu dindi sro ri yi; kpa gado mbi, kpanchison riwa wa milan ti zi riyi tu chachu riwa wa ti mme. 35Riwa iyon a ran ti wen wu no wen kya me ri, ilama a ran ti wen wu nowen ima me so, me ye tsɨren wu ka yowen gra riko, 36Me ran wa tsro wu ka no wen tsro wen, me ran lo wu ka den wen, me he ri tɨra tren wu ye to wen.>
37Wa tsitsri wa tre riwu,<Bachi, shitan ki to-u ka iyon riti-u ki ri no-u la, ka ri la ima ki ri no-u ima so? 38Shitan ki to-u, wu ye tsɨren ki kpa-u gra riko, ka wu wa tsro ki ka no-u? 39Shitan ki to-u ka wu lo nga ka wu he ri tɨra tren ki ri ye tre riwu? 40Ichu ri tre, <Me layi kpunji tre, ikya riwa bi ti rimi miri vayi won riwa a he fiwen, bi ti rimo.>
41<<Imba ari tre ri wawa wa he ku wota,< tsiri nkon mo, biyi wawa wa la nyu riyi, gra rimi wuru riwa wa ka zi ri meme nji ri miriko wan. 42Riwa iyon a ran ti wen bi ran no wen kya me ri ran, ilama a ran ti wen wu ran no wen ima me so ran, 43Me ye tsɨren wu ki ran no wen gra riko ran, me ran wa tsro bi ki ran nowen tsro ran, me ran lo me ri he ri tɨra tren bi ran ye ya wen to ran.>
44Wa wa ngawen wa tre ri, <Bachi, shitan ki to-u iyon a ran ti-u ka la ima, tsɨren, ka wa tsro ka wu lo, ka wu he ri tɨra tren riwa ki ran ye zon-u ran?>
45Ari tre,<Me layi kpunji tre, ikya riwa bi ran ti ri ri rimi riwa a he fifi rimi wanyi ran, bi ran ti ri mo ran.>
46<<Imba Izhi ri vu wawa wa timeme ti hi ri bubu so ya riwa a ran yitu ran, ama ari vu wawa wa ti dindi ti nga wa tsitsri hi wa son ri wu riwa a ran yitu ran.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria