Matiu 13
13
Ikɨbu tre Nji ri Chu Kpi
1Ri chachu mba Yeso a zhu ri mi ko hi ra, ran son ri nyu ŋne. 2Iwa kpanji wa ki kagon wan ri nyu ima ka wurunde gra son ri nghɨma ran ka wa don ri nyu ima. 3A la wa kyawa kigbu ri tre kɨbu-kɨbu ran tre, <<Inji ri ron hi zhu bubu chu kpi. 4Riwa a ran hi kpi, iwɨlo wari waka ku ritu nkon, wa chenchen waye tan ri. 5Wari waku ritu tita, bubu riwa a ran ti meme bran ran, a zhu mbe gbagbla, ritu riwa meme wa ran ziri ran. 6Ama inde iji zhu, wa ka pho, nga wari ku ritu riwa wana he ri nga ran. 7Ngbron wɨlo kpi wa rega ri tsutsu nchon, ri wa wa gbron wari ma wa to. 8Nganga iwɨlo wari wa ku ritu meme dindi, riwa ari klo wari tise sewuru, ise tanren ka ise tɨra ri kya riwa wu chu. 9Inji riwa a he ton, no wo.>>
10Imiriko wan waka ye riwu wari miyen, <<Ingye ti ko wu tre kɨbu-kɨbu ri nji?>>
11Ka tre riwa, <<wa no yi tonchi kpanchison ri shu, ama a ran riwa ran. 12Inji riwa a he wo, no sron ngha ari he riwu kigbu. Inji riwa a ran he riwu ran, ko vi kya riwa a he riwu wa vuu ra. 13Ngye kya riwa ari no wen me tre kɨbu-kɨbu een: Wa ya, ama bi ran ri to ran, bi sɨrenton ama bi ran ri wo ran. 14Itre Ishaya a he bibi riwa a tre-a:
<Bi ran sɨrenton hi ri kre vi ran ,
bi ran ya ama bi ran wo whi wan ran.
15Isron nji wa nyi he mgbɨngbindri, a he ri ya riwa wawo ri ton mba, nga,wa gyuru si mba.
Iri gyen wari to ri simba, wa wo ri tonba,
wa to ri sron mba wa kɨma,nga ame me den wa.
16Ama dindi wan ri he wa simbi ritu wa to, nga wa tonbi ritu wa wo. 17Me layi kpunji tre, nji wa la tre Izhi kigbu ri wa dindi sron wa wa wari to kya riwa bi to ama wana to ran,nga wa wa wari wo kya riwa bi wo ama wa ran wo ran.
18<<Sɨrenton mba bi ri wo kya riwa kɨbu tre riwa nji ri chu kpi ri tre: 19Inde nji ri wo tre ritu kpanchison ran ran to tuwan ran, meme nji ye ran ye ban kya riwa wa chu ri sron wan. Rinyi he chu kpi riwa wa chu ri nkon. 20Riwa a kpa kpi riwa a ku ri tu tita a he nji riwa a wo tre ran kpa mkpa riri ri kinklan sron. 21Ama ritu riwa a ran he ri nja ran, ari son fiwen. Inde iya ye ritu tre, ari ku rega gbagbla. 22Riwa a kpa kpi riwa a ku ritu nchon a he riwa inde a wo tre, iya ri meme riyin ri gyuru ri wa iwo ri mau to ran dzu ri klo, 23Ama wawu riwa a kpa kpi riwa a ku ri meme ri ndindi a he nji riwa a wo tre ran to tuwan ari de bi ri, ari de nkpa se wuru, se tanren, ka nkpa se tɨra ri kya riwa a chu.>>
Ikɨbu Tɨreritu Giga
24Yeso a la wa ikɨbu tre ri;<<Kpanchison ri shu a he ka nji riwa a chu wɨlo kpi dindi ri zhu. 25Ama riwa ko ngha ri kru nna, ikpanfu wan ye ran chu giga rimi wan ran hi ngawan. 26Inde alikama zhu ran ti tu mba giga ri zhu ngawen.
27Inji riwa a ri tindu riwu ye ran miye-u ri, <Njiriko, wuran chu kya dindi ri zhu wen ran? Ko ritan nye alikama wazhu ye?>
28<Ikpanfu nye ti ri nyi,>A tre. <Inji ri ndu wan ka miye, Wu wa nota ki hi gbi rega?>
29<Chuwo,> A tre ritu ngye bi ka ri gbi giga, bi gbi ka bru ri bi kpi dindi. 30Nowa gbron kabru tse chachu sɨren. chachu mba nye me la wa sɨren: Gbuchi la giga bi ri lo wa sro wuru nowa hu, ran vu alikama sro ri wɨron won.
Itre wɨlo su ri mumu ri kpa kpi fu
31A lawa tre ri kɨbu-kɨbu,<< kpanchi ri shu a he ka wɨlo su ri mumu riwa ka chu ri zhu wan. 32Ko riwa a he krenkyen wen han wɨlo kpi mbi, ama ari gbron, a wɨloga han ngbron konkron rimi zhu riwa chenchen wa shu wa ye wari ki ri wo wan.>>
33A bru la wa tre ri kɨbu kɨbu:<< Kpanchison shu a zhu mumu riwa ari kpa kpi fu riwa iwa ban kabruri nchon mumu hari wa kabru ri ngamba.>>
34Yeso a la tre wa nyi kɨbu-kɨbu ri kpa nji; a ran la wa kyari ran tse ri kɨbu-kɨbu. 35Ngamba nye ka he
<<Ikya riwa wa la tre Izhi wa tre,
Ame me bu nyu won ri kɨbu tre chachu riwa wati mme.>>
Ila tre giga rimi alikama
36Imba ka ka nji don ran gra ri ko.Wa miriko wan waka ye riwu wari tre,<< Mɨlan la ta tu tre ri giga rimi zhu.>>
37Ka kpa nyɨme ri,<<Inji riwa a chu kpi he Vɨren Nji, 38Izhu he gbungblume, nga wɨlo dindi he miri wa kpanchison. Ngha giga wa miri wa meme, 39nga nji riwa a chu wa a he meme nji, isɨren he kre vi, nga wa sɨren wa he miri wandu Izhi.
40<<Bibi riwa wa gbi giga wari huu wuru, ka mba nye ari he chachu kre vi. 41Ivren nji ri tre miri ko wan zhu, wa ron giga ji rimi kpanchi son wan ko ngye riwa ari no nji yiwasi nga wawa wa ti meme ti. 42Wa tawa sro rimi nchon wulu, rinyi nye wa yi wari ran tan nyiri. 43Imba wawa wati dindi ti wa kpan ka Izhi rimi Kpanchi Timba. Wo yi,Inji riwa a he riton, no wo.
Ikɨbu tre ri bubu zi kpi riwa a he ri riri
44<<Kpanchi son ri shu he ka bubu zi kpi riwa wa kau ri meme inde nji fe, ari kau ri nganga, nga ran kau rewawu ri kinklan sron rimi kya riwa a fe rimi rɨwan. 45<<Nganga, kpanchi rishu a he ka nji riwa a he ri wo ari wa kyawa wa wa kpan ririri. 46Riwa a fe kya ri kpan ririri, ran vu kya riwa a he ri wa ran reu.
Ikɨbutre riwa She ri Vu Lambe
47<<Nganga, kpanchison rishu a he ka ishe riwa wa ban yo ri nchon nne no vu ko bibi lambe ritan iwawu. 48Riwa lambe wa sho, wa vu lambe wa gbi zhu ri nyu nne mba wa ki meme wari la lambe wa dindi ri sisen, ama wa ka wa meme wan rega. 49Ingye bibi riwa ari he chachu kre vi nye een Izhi ri ti miri wandu wan ye wari zhu meme joo rimi wa dindi 50Wari ta wa sro rimi nchon wulu, bubu riwa wana yi wari ran tan nyiri. 51Yeso ka miyen wa,<<Bi to tu tre wanyi iwawu mba?<<A ka lawu<<Enn.>>
52Imba Yeso ka tre riwa,<<ko ngha riwa ari tsro doka riwa wa lau tre ritu kpanchi rishu a he ka nji riko riwa a vu kpi wa sisa ri wa kɨmo joo ri tre rimi kpi.>>
Inji ri la tre Izhi riwa a ran he ri Nkpen ran
53Riwa Yeso a lawa tre wa kɨbukɨbu nyi kɨre, ri mba ran ban kusi hi. 54A ran ye rimi gbu wan,a gbuchi ran tsro wa rimi tɨra bre mba, waka ti kinklan sron.<<Rimi nyi nye nji fe bibi wiwɨri ri kyawa wade gbengbren?>> Wari mɨyen. 55<<Ri nyi ran he vren nji riwa ari kpan mbɨre konkron ran? Inde yi wan ran he meri ran imiri vayi wan wa ran he Yakubu, Yusufu, Sima nga Yauza ran? 56Imiri vayi wan mirimba wa ran he ri ta ran? ko ri minyi nye nji nyi fe kyawa. wanyi?>> 57Waka tifu riwu. Ama Yeso ka tre riwa, <<Ara ri gbu nji ri la tre Izhi nye nga ko wan riwa wa tsiri.>> 58Ngha a ran ti kyawa wa de sisɨri bran ran ritu riwa wana he wa kpa nyɨme ran.
လက္ရွိေရြးခ်ယ္ထားမွု
Matiu 13: BUU
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria
Matiu 13
13
Ikɨbu tre Nji ri Chu Kpi
1Ri chachu mba Yeso a zhu ri mi ko hi ra, ran son ri nyu ŋne. 2Iwa kpanji wa ki kagon wan ri nyu ima ka wurunde gra son ri nghɨma ran ka wa don ri nyu ima. 3A la wa kyawa kigbu ri tre kɨbu-kɨbu ran tre, <<Inji ri ron hi zhu bubu chu kpi. 4Riwa a ran hi kpi, iwɨlo wari waka ku ritu nkon, wa chenchen waye tan ri. 5Wari waku ritu tita, bubu riwa a ran ti meme bran ran, a zhu mbe gbagbla, ritu riwa meme wa ran ziri ran. 6Ama inde iji zhu, wa ka pho, nga wari ku ritu riwa wana he ri nga ran. 7Ngbron wɨlo kpi wa rega ri tsutsu nchon, ri wa wa gbron wari ma wa to. 8Nganga iwɨlo wari wa ku ritu meme dindi, riwa ari klo wari tise sewuru, ise tanren ka ise tɨra ri kya riwa wu chu. 9Inji riwa a he ton, no wo.>>
10Imiriko wan waka ye riwu wari miyen, <<Ingye ti ko wu tre kɨbu-kɨbu ri nji?>>
11Ka tre riwa, <<wa no yi tonchi kpanchison ri shu, ama a ran riwa ran. 12Inji riwa a he wo, no sron ngha ari he riwu kigbu. Inji riwa a ran he riwu ran, ko vi kya riwa a he riwu wa vuu ra. 13Ngye kya riwa ari no wen me tre kɨbu-kɨbu een: Wa ya, ama bi ran ri to ran, bi sɨrenton ama bi ran ri wo ran. 14Itre Ishaya a he bibi riwa a tre-a:
<Bi ran sɨrenton hi ri kre vi ran ,
bi ran ya ama bi ran wo whi wan ran.
15Isron nji wa nyi he mgbɨngbindri, a he ri ya riwa wawo ri ton mba, nga,wa gyuru si mba.
Iri gyen wari to ri simba, wa wo ri tonba,
wa to ri sron mba wa kɨma,nga ame me den wa.
16Ama dindi wan ri he wa simbi ritu wa to, nga wa tonbi ritu wa wo. 17Me layi kpunji tre, nji wa la tre Izhi kigbu ri wa dindi sron wa wa wari to kya riwa bi to ama wana to ran,nga wa wa wari wo kya riwa bi wo ama wa ran wo ran.
18<<Sɨrenton mba bi ri wo kya riwa kɨbu tre riwa nji ri chu kpi ri tre: 19Inde nji ri wo tre ritu kpanchison ran ran to tuwan ran, meme nji ye ran ye ban kya riwa wa chu ri sron wan. Rinyi he chu kpi riwa wa chu ri nkon. 20Riwa a kpa kpi riwa a ku ri tu tita a he nji riwa a wo tre ran kpa mkpa riri ri kinklan sron. 21Ama ritu riwa a ran he ri nja ran, ari son fiwen. Inde iya ye ritu tre, ari ku rega gbagbla. 22Riwa a kpa kpi riwa a ku ritu nchon a he riwa inde a wo tre, iya ri meme riyin ri gyuru ri wa iwo ri mau to ran dzu ri klo, 23Ama wawu riwa a kpa kpi riwa a ku ri meme ri ndindi a he nji riwa a wo tre ran to tuwan ari de bi ri, ari de nkpa se wuru, se tanren, ka nkpa se tɨra ri kya riwa a chu.>>
Ikɨbu Tɨreritu Giga
24Yeso a la wa ikɨbu tre ri;<<Kpanchison ri shu a he ka nji riwa a chu wɨlo kpi dindi ri zhu. 25Ama riwa ko ngha ri kru nna, ikpanfu wan ye ran chu giga rimi wan ran hi ngawan. 26Inde alikama zhu ran ti tu mba giga ri zhu ngawen.
27Inji riwa a ri tindu riwu ye ran miye-u ri, <Njiriko, wuran chu kya dindi ri zhu wen ran? Ko ritan nye alikama wazhu ye?>
28<Ikpanfu nye ti ri nyi,>A tre. <Inji ri ndu wan ka miye, Wu wa nota ki hi gbi rega?>
29<Chuwo,> A tre ritu ngye bi ka ri gbi giga, bi gbi ka bru ri bi kpi dindi. 30Nowa gbron kabru tse chachu sɨren. chachu mba nye me la wa sɨren: Gbuchi la giga bi ri lo wa sro wuru nowa hu, ran vu alikama sro ri wɨron won.
Itre wɨlo su ri mumu ri kpa kpi fu
31A lawa tre ri kɨbu-kɨbu,<< kpanchi ri shu a he ka wɨlo su ri mumu riwa ka chu ri zhu wan. 32Ko riwa a he krenkyen wen han wɨlo kpi mbi, ama ari gbron, a wɨloga han ngbron konkron rimi zhu riwa chenchen wa shu wa ye wari ki ri wo wan.>>
33A bru la wa tre ri kɨbu kɨbu:<< Kpanchison shu a zhu mumu riwa ari kpa kpi fu riwa iwa ban kabruri nchon mumu hari wa kabru ri ngamba.>>
34Yeso a la tre wa nyi kɨbu-kɨbu ri kpa nji; a ran la wa kyari ran tse ri kɨbu-kɨbu. 35Ngamba nye ka he
<<Ikya riwa wa la tre Izhi wa tre,
Ame me bu nyu won ri kɨbu tre chachu riwa wati mme.>>
Ila tre giga rimi alikama
36Imba ka ka nji don ran gra ri ko.Wa miriko wan waka ye riwu wari tre,<< Mɨlan la ta tu tre ri giga rimi zhu.>>
37Ka kpa nyɨme ri,<<Inji riwa a chu kpi he Vɨren Nji, 38Izhu he gbungblume, nga wɨlo dindi he miri wa kpanchison. Ngha giga wa miri wa meme, 39nga nji riwa a chu wa a he meme nji, isɨren he kre vi, nga wa sɨren wa he miri wandu Izhi.
40<<Bibi riwa wa gbi giga wari huu wuru, ka mba nye ari he chachu kre vi. 41Ivren nji ri tre miri ko wan zhu, wa ron giga ji rimi kpanchi son wan ko ngye riwa ari no nji yiwasi nga wawa wa ti meme ti. 42Wa tawa sro rimi nchon wulu, rinyi nye wa yi wari ran tan nyiri. 43Imba wawa wati dindi ti wa kpan ka Izhi rimi Kpanchi Timba. Wo yi,Inji riwa a he riton, no wo.
Ikɨbu tre ri bubu zi kpi riwa a he ri riri
44<<Kpanchi son ri shu he ka bubu zi kpi riwa wa kau ri meme inde nji fe, ari kau ri nganga, nga ran kau rewawu ri kinklan sron rimi kya riwa a fe rimi rɨwan. 45<<Nganga, kpanchi rishu a he ka nji riwa a he ri wo ari wa kyawa wa wa kpan ririri. 46Riwa a fe kya ri kpan ririri, ran vu kya riwa a he ri wa ran reu.
Ikɨbutre riwa She ri Vu Lambe
47<<Nganga, kpanchison rishu a he ka ishe riwa wa ban yo ri nchon nne no vu ko bibi lambe ritan iwawu. 48Riwa lambe wa sho, wa vu lambe wa gbi zhu ri nyu nne mba wa ki meme wari la lambe wa dindi ri sisen, ama wa ka wa meme wan rega. 49Ingye bibi riwa ari he chachu kre vi nye een Izhi ri ti miri wandu wan ye wari zhu meme joo rimi wa dindi 50Wari ta wa sro rimi nchon wulu, bubu riwa wana yi wari ran tan nyiri. 51Yeso ka miyen wa,<<Bi to tu tre wanyi iwawu mba?<<A ka lawu<<Enn.>>
52Imba Yeso ka tre riwa,<<ko ngha riwa ari tsro doka riwa wa lau tre ritu kpanchi rishu a he ka nji riko riwa a vu kpi wa sisa ri wa kɨmo joo ri tre rimi kpi.>>
Inji ri la tre Izhi riwa a ran he ri Nkpen ran
53Riwa Yeso a lawa tre wa kɨbukɨbu nyi kɨre, ri mba ran ban kusi hi. 54A ran ye rimi gbu wan,a gbuchi ran tsro wa rimi tɨra bre mba, waka ti kinklan sron.<<Rimi nyi nye nji fe bibi wiwɨri ri kyawa wade gbengbren?>> Wari mɨyen. 55<<Ri nyi ran he vren nji riwa ari kpan mbɨre konkron ran? Inde yi wan ran he meri ran imiri vayi wan wa ran he Yakubu, Yusufu, Sima nga Yauza ran? 56Imiri vayi wan mirimba wa ran he ri ta ran? ko ri minyi nye nji nyi fe kyawa. wanyi?>> 57Waka tifu riwu. Ama Yeso ka tre riwa, <<Ara ri gbu nji ri la tre Izhi nye nga ko wan riwa wa tsiri.>> 58Ngha a ran ti kyawa wa de sisɨri bran ran ritu riwa wana he wa kpa nyɨme ran.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World International and The word for the World Nigeria