Matayo Ulongolelo
Ulongolelo
Njowo Nofu ngita isimbilwe na Matayo ndi kiganulo kimwi mugati lya figanulo fitai mu Liagano miya fyefihumulila uwu va Yesu Kilisito. Kila kiganulo kimwi kikemelwa Injili Mana lyake Njowo Nofu. Gyegisimbilwe Yesu peafuwe suwe. Fikasimbilwe na Matayo na Luka na Maliko na Yohani, vakwimba sevichela chipindi chisimbile hilo ndi paliki Matayo akasimbile kiganulo kyake kya Njowo nofu. Ila ilongeka kuva ikasimbilwe pa myaka ga sitini peababilwe Kilisito. Kangi pono pepisimbilwe sepichelwa, ila vangi vihocha kuva kikasimbiliwe ku Palesitina awu yevecha kuva mumwani va Yelusalemu.
Musimba va kiganulo iki nde Matayo, yeakali mdumula usulu peave Yesu seamkemeliye aveche muchulila vake. Kangi akachelilwe kwa litawa lya Lawi. Matayo akali nde yumwi mugati lya vanjagila kyumi na vavili na akavasimbiye njowo ichi va Vayawudi. Iyi iwoneka wachi ngita peawuyile makani kuchumba sitini kuhuma Liagano lya pamwandi. Akasakile kuwonesa kuva Yesu nde Masiha ambaye nde Kilisito mlowola yeahaguliwe na Nguluvi, yealaguliwe na Vavichi. Kangi Matayo akasimbile ga Ukomi va Nguluvi. Vayawudi vakahochile kuva Masiha nde avechile ng'achale va vang'achale va kisiasa. Matayo agehe unofu kwakupinja makani ago kwa kuhumulila unofu njowo cha ung'achale va kimuhe va Nguluvi.
Njowo nofu yeasimbile Matayo nde kiganulo kinofu kuvangicha mu Liagano miya kwakuva lya kutumila wifungu kuhuma liagano lya pamwandi. Kiganulo iki kiwunganisa maagano gavili. Vakwimba vonga kuva iwesekana Matayo agechile kufwatila kusimba ngita peasimbile Musa, muganulo fihanu fya kwanja muliagano lya pamwandi. Madaliko gya Yesu pakidunda Matayo 5-7 giveswa kuwaniswa na pala Nguluvi peakali akumgavila Musa malagilicho kuwiwuka malagilicho.
Gyegagehe
Matayo ivanga Njowo Nofu kwa kuhumulila, peababilwe Yesu Kilisito na Yesu peavangile kasi lyake musula lya 1-4
Kangi Matayo ihumulila kasi lya Yesu na mawulanichi gyake gyolofu musula lya 5-25.
Matayo imalila kwa kuhumulila pono ngomi hilo lya kasi lya Yesu mukufuwa na kuchulubuka kwa mwene musula lya 26-28.
လက္ရွိေရြးခ်ယ္ထားမွု
Matayo Ulongolelo: NTBnBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.