Matayo 12
12
Mtwa va Kigono kya Kutulula
Maliko 2.23-28; Luka 6.1-5
1Chipindi icho, Yesu akali ichumba mumigunda gya ngano kigono kya kutulila. Suwe, vachulila vake vakali na njala, vakavangile kubena mahocho gya ngano na kulya mbeyu chake. 2Vafalisayo pevalolile ago, vakamlongiye Yesu, “Lole, vachulila vako vigita njowo chechikanwa kugitwa mu Kigono kya Kutulula.” 3Yesu akavahigile, “Wuli, semwimbile kyeagitile Dawudi pamwi na veyage pevakali na njala? 4Mwene akaingila mukaye lya Nguluvi akaliye mibumunda gyegivikilwe pautalo lya Nguluvi, ila seing'ang'ilwe kuliya na vanu vovonda vala, ila vatekechi hela veving'ang'wa kuliya. 5Awu semwimbile mukiganulo kya malagilicho ga Nguluvi geamgavile Musa kuva kila Kigono kya Kutulula, vatekechi videnya malagilicho mukaye lya Nguluvi, ila seviwoneka kuva ndi nongwa? 6Suwe, ndikuvalongela kuva yeagehe mkomi kuchumba kaye lya Nguluvi agehe baha. 7Ngita ngamuchela njowo ichi. Ndisaka lusungu vala seusembe, sengamuvahigile vanu ava. 8Kwakuva, Mwana va Munu agehe na umwimike mu Kigono kya Kutulula.”
Yesu akumnanicha munu munya liwoko lugaso
Maliko 3.1-6; Luka 6.6-11
9Yesu akahegile baho, akahele mukaye lya kutang'anila Vayawudi. 10Mumo, kukali na munu yumwi munya liwoko lugaso. Suwe, vanu vakamuhuchile Yesu, “Wuli, ndi ngiba kumnanicha munu Kigono kya Kutulula?” Vakamuhuchile ndeni neke vawese kumlata.
11Ila Yesu akavalongiye, “Tulonge, yumwi venu agehe na kondolo vake yeagwilile mulilindi, wuli, seukumbata na kumuhecha umo kigono kya kutulila? 12Ila, munu ndingiba hilo kuchumba kondolo! Suwe, ndi ngiba kugita manofu Kigono kya Kutulula.” 13Baho, akamlongile yula munu, “Konjolole liwoko lyako.” Akakonjolola, nago wukali unanile ukali ngita wula wungi. 14Suwe, Vafalisayo vakahumile kwivala, vakalongine vakumudocha wuli Yesu.
Mnjagila yeahuguliwe na Nguluvi
15Ila Yesu peachelila njowo icho, akahegile pono baho. Vanu volofu vakamfwatile, akavananiche vatamwa vonda, 16kuno, akavakanile vala vevananichwe vabihile kuvalongela vanu njowo chake, 17Yesu akalongile gala neke katimile gala gyealongile Nguluvi kwa ng'asi lya mvichi Isaya, 18“Lole mnjagila yungi ndimuhaguwe,
mwana vangu yendimkeliye munumbula.
Ndikuivika numbula lyangu pakyanya lyake,
mwene dailanducha gala geandikugakela vanu vagite muinyi yonda.
19Daseilumbana vala kutova kyowo,
vala kyoo lyake selipulikika mung'asi.
20Lidenge lye libochwike selidenyeka,
vala utambi veuhumicha lyosi seuchimika,
mbaka lihigo lya gala geakela gagitwe.
21Kwa mwene, vanu va inyi yonda davakumuhuvilila.”
Yesu na Belisebuli
Maliko 3.20-30; Luka 11.14-23
22Baho, vanu vakamsindikile Yesu munu yumwi mgaya meho na akali seivesa talonga kwakuva akali na lihoka. Yesu akamnaniche na akawesile kuywanga na kulola. 23Lipinga lyonda lya vanu likadudwive likalonga, “Wuli, uyu se mwana va Dawudi?” 24Ila Vafalisayo pevapulike ago, vakalonga, “Munu uyu akuvadaga mahoka kwa umwimike va Belisebuli uyu nde mkomi va mahoka.”
25Yesu peachelile mahocho gyao, akavalongiye, “Ung'achale wowonda weugavanyike mapinga mapinga gyegitovana, seuwesa kwikala na mwani wowonda awu vanu vovonda vevagawanyike mapinga mapinga gyegitovana, dagiguwa. 26Ngita Setani akumdaga Setani, ung'achale vake uvecha ugawanyike. Wuli, ung'achale vake seuwesa kwendelela? 27Nyenye mwilonga ndidaga mahoka kwa umwimike va Belisebuli, wuli, vachulila venu vakuvadaga mahoka kwa umwimike va ani? Kwakuva, avo davakuvahiga nyenye. 28Ila ngita ndikuvadaga mahoka kwa umwimike va Muhe va Nguluvi, suwe, muchele kuva ung'achale va Nguluvi ufikile suwe kwa nyenye.
29“Awu, ivesa wuli munu kwingila mukaye lya munu mwene ludali na kumnyaga finu fyake ngita seamuhopile tandi? Baho, nde iwesa kumnyanga finu fyake.
30“Yeyonda yeabihila kuvecha pamwi na nene, akunipinja na yeyonda yeseilundasa pamwi na nene, suwe uyo ihaganicha. 31Ndeni, ndikuvalongela, vanu davawonelwa lusumgu sambi na maligo gyawo, ila daikumliga Muhe va Nguluvi uyo dasewonelwa lusungu. 32Kangi yeilonga njowo cha kumpinja Mwana va Munu, daiwonelwa lusungu, ila yula yeipinja njowo cha Muhe va Nguluvi, daseiwonelwa lusungu, vala muinyi iyi vala muinyi veukwacha.
Libiki na manunu gyake
Luka 6.43-45
33“Muligite libiki livecha linofu na manunu gyake givecha ganofu, mugite kuvecha mawofu na manunu gyake givecha mawofu. Libiki lichelwa kwa manunu gyake. 34Nyenye kilelo kya lyoka! Muvecha wuli kulonga njowo chinofu kuno nyenye vawofu? Kwakuva, munu ilonga kuhuma gyegimemile munumbula. 35Munu munofu ulonga njowo chinofu kuhuma munumbula lyake na munu muwofu ilonga njowo chiwofu kuhuma munumbula lyake.
36“Ila ndikuvalongela, mukigono kya luhigo, vanu davihumicha luvalilo mumakani gyao gyonda gya upufi gyevilonga. 37Kwakuva munjowo chako dauwoneka mnofu pautalo lya Nguluvi na kwa gala gyeulonga, dauhigwa kuva na nongwa.”
Kimanyilo kya Yoha
Maliko 8.11-12; Luka 11.29-32
38Pambele vamonga va vawulanichi va malagilicho na Vafalisayo vakamlongiye Yesu, “Muhulanichi, tusaka utugitile kimanyilo ngita ndakyene wihuma kwa Nguluvi.” 39Yesu akavahigile, “Kilelo kiwofu sekimudikila Nguluvi! Mwisaka kimanyilo, ila dasemwigavilwa kimanyilo kyokyonda, ila kimanyilo kya mvichi Yona. 40Ngita Yona peakalile mulisololo lya somba yeikemelwa nyangumi figono fidatu, palumiye na pamiye, ndeni na Mwana va Munu daakwikala panyi lya inyi figono fidatu pamilau na pamiye. 41Kigono kya kuhiga nongwa vanu va Ninewi davahumila na davavecha pamwi na vanu va kilelo iki na kukihiga nongwa kilelo iki, kwakuva Vaninewi vakahongiche mumadaliko gya Yona. Na nondee agehe mkomi kuchumba Yona. 42Kigono kya kuhiga nogwa, Mdala va ng'achale va Sheba daihumila na mwene dakuhiga kilelo iki. Kwakuva mwene akagendile kuhuma muinyi lyake kutali neke apulike njowo cha uginyange cha Solomoni na baha agehe mkomi kuchumba Solomoni.
Kuwuya kwa lihoka
Luka 11.24-26
43“Lihoka pelihuma kwa munu, lichungutilachungutila pono pepahela malenga, isaka pono pakutulula, ila seakupapatila. 44Baho, ilonga, ‘Dandiwuya mukaye lyangu pendikahumile.’ Ila peiwuya kangi mukaye yila payilola yifyagilwe na kulembechwa. 45Baho, uhelela na kuvanyamula mahoka gingi saba, vawofu hilo kuchumba mwene na vene vakwingila na vikala kwa munu uyo. Suwe, munu uyo ivecha muwofu kuchumba pamwandi. Ndeni nde peivecha pa vanu ava vawofu.”
Lukolo va undakyene va Yesu
Maliko 3.31-35; Luka 8.19-21
46Yesu peakali iywanga na lipinga lya vanu, maye vake na lukolo vake vakafikile na kwima kwivala, vakasakile kuywanga na Yesu. 47Suwe, munu yumwi akamlongiye Yesu, “Mtwa maye vako na lukolo vako vagehe kwivala, vasaka kuywanga na veve.” 48Ila Yesu akamhigile yula munu, “Maye vangu nde ani? Lukolo vangu nde va ani?” 49Baho, akavagonjolela liwoko lyake vachulila vake, akalonga, “Ava nde maye vangu na lukolo vangu! 50Kwakuva yeyonda yeigita yeakela Daada vangu yeagehe kuluhano, uyo nde lukolo vangu, mhacha vangu na maye vangu.”
လက္ရွိေရြးခ်ယ္ထားမွု
Matayo 12: NTBnBL2025
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.
Matayo 12
12
Mtwa va Kigono kya Kutulula
Maliko 2.23-28; Luka 6.1-5
1Chipindi icho, Yesu akali ichumba mumigunda gya ngano kigono kya kutulila. Suwe, vachulila vake vakali na njala, vakavangile kubena mahocho gya ngano na kulya mbeyu chake. 2Vafalisayo pevalolile ago, vakamlongiye Yesu, “Lole, vachulila vako vigita njowo chechikanwa kugitwa mu Kigono kya Kutulula.” 3Yesu akavahigile, “Wuli, semwimbile kyeagitile Dawudi pamwi na veyage pevakali na njala? 4Mwene akaingila mukaye lya Nguluvi akaliye mibumunda gyegivikilwe pautalo lya Nguluvi, ila seing'ang'ilwe kuliya na vanu vovonda vala, ila vatekechi hela veving'ang'wa kuliya. 5Awu semwimbile mukiganulo kya malagilicho ga Nguluvi geamgavile Musa kuva kila Kigono kya Kutulula, vatekechi videnya malagilicho mukaye lya Nguluvi, ila seviwoneka kuva ndi nongwa? 6Suwe, ndikuvalongela kuva yeagehe mkomi kuchumba kaye lya Nguluvi agehe baha. 7Ngita ngamuchela njowo ichi. Ndisaka lusungu vala seusembe, sengamuvahigile vanu ava. 8Kwakuva, Mwana va Munu agehe na umwimike mu Kigono kya Kutulula.”
Yesu akumnanicha munu munya liwoko lugaso
Maliko 3.1-6; Luka 6.6-11
9Yesu akahegile baho, akahele mukaye lya kutang'anila Vayawudi. 10Mumo, kukali na munu yumwi munya liwoko lugaso. Suwe, vanu vakamuhuchile Yesu, “Wuli, ndi ngiba kumnanicha munu Kigono kya Kutulula?” Vakamuhuchile ndeni neke vawese kumlata.
11Ila Yesu akavalongiye, “Tulonge, yumwi venu agehe na kondolo vake yeagwilile mulilindi, wuli, seukumbata na kumuhecha umo kigono kya kutulila? 12Ila, munu ndingiba hilo kuchumba kondolo! Suwe, ndi ngiba kugita manofu Kigono kya Kutulula.” 13Baho, akamlongile yula munu, “Konjolole liwoko lyako.” Akakonjolola, nago wukali unanile ukali ngita wula wungi. 14Suwe, Vafalisayo vakahumile kwivala, vakalongine vakumudocha wuli Yesu.
Mnjagila yeahuguliwe na Nguluvi
15Ila Yesu peachelila njowo icho, akahegile pono baho. Vanu volofu vakamfwatile, akavananiche vatamwa vonda, 16kuno, akavakanile vala vevananichwe vabihile kuvalongela vanu njowo chake, 17Yesu akalongile gala neke katimile gala gyealongile Nguluvi kwa ng'asi lya mvichi Isaya, 18“Lole mnjagila yungi ndimuhaguwe,
mwana vangu yendimkeliye munumbula.
Ndikuivika numbula lyangu pakyanya lyake,
mwene dailanducha gala geandikugakela vanu vagite muinyi yonda.
19Daseilumbana vala kutova kyowo,
vala kyoo lyake selipulikika mung'asi.
20Lidenge lye libochwike selidenyeka,
vala utambi veuhumicha lyosi seuchimika,
mbaka lihigo lya gala geakela gagitwe.
21Kwa mwene, vanu va inyi yonda davakumuhuvilila.”
Yesu na Belisebuli
Maliko 3.20-30; Luka 11.14-23
22Baho, vanu vakamsindikile Yesu munu yumwi mgaya meho na akali seivesa talonga kwakuva akali na lihoka. Yesu akamnaniche na akawesile kuywanga na kulola. 23Lipinga lyonda lya vanu likadudwive likalonga, “Wuli, uyu se mwana va Dawudi?” 24Ila Vafalisayo pevapulike ago, vakalonga, “Munu uyu akuvadaga mahoka kwa umwimike va Belisebuli uyu nde mkomi va mahoka.”
25Yesu peachelile mahocho gyao, akavalongiye, “Ung'achale wowonda weugavanyike mapinga mapinga gyegitovana, seuwesa kwikala na mwani wowonda awu vanu vovonda vevagawanyike mapinga mapinga gyegitovana, dagiguwa. 26Ngita Setani akumdaga Setani, ung'achale vake uvecha ugawanyike. Wuli, ung'achale vake seuwesa kwendelela? 27Nyenye mwilonga ndidaga mahoka kwa umwimike va Belisebuli, wuli, vachulila venu vakuvadaga mahoka kwa umwimike va ani? Kwakuva, avo davakuvahiga nyenye. 28Ila ngita ndikuvadaga mahoka kwa umwimike va Muhe va Nguluvi, suwe, muchele kuva ung'achale va Nguluvi ufikile suwe kwa nyenye.
29“Awu, ivesa wuli munu kwingila mukaye lya munu mwene ludali na kumnyaga finu fyake ngita seamuhopile tandi? Baho, nde iwesa kumnyanga finu fyake.
30“Yeyonda yeabihila kuvecha pamwi na nene, akunipinja na yeyonda yeseilundasa pamwi na nene, suwe uyo ihaganicha. 31Ndeni, ndikuvalongela, vanu davawonelwa lusumgu sambi na maligo gyawo, ila daikumliga Muhe va Nguluvi uyo dasewonelwa lusungu. 32Kangi yeilonga njowo cha kumpinja Mwana va Munu, daiwonelwa lusungu, ila yula yeipinja njowo cha Muhe va Nguluvi, daseiwonelwa lusungu, vala muinyi iyi vala muinyi veukwacha.
Libiki na manunu gyake
Luka 6.43-45
33“Muligite libiki livecha linofu na manunu gyake givecha ganofu, mugite kuvecha mawofu na manunu gyake givecha mawofu. Libiki lichelwa kwa manunu gyake. 34Nyenye kilelo kya lyoka! Muvecha wuli kulonga njowo chinofu kuno nyenye vawofu? Kwakuva, munu ilonga kuhuma gyegimemile munumbula. 35Munu munofu ulonga njowo chinofu kuhuma munumbula lyake na munu muwofu ilonga njowo chiwofu kuhuma munumbula lyake.
36“Ila ndikuvalongela, mukigono kya luhigo, vanu davihumicha luvalilo mumakani gyao gyonda gya upufi gyevilonga. 37Kwakuva munjowo chako dauwoneka mnofu pautalo lya Nguluvi na kwa gala gyeulonga, dauhigwa kuva na nongwa.”
Kimanyilo kya Yoha
Maliko 8.11-12; Luka 11.29-32
38Pambele vamonga va vawulanichi va malagilicho na Vafalisayo vakamlongiye Yesu, “Muhulanichi, tusaka utugitile kimanyilo ngita ndakyene wihuma kwa Nguluvi.” 39Yesu akavahigile, “Kilelo kiwofu sekimudikila Nguluvi! Mwisaka kimanyilo, ila dasemwigavilwa kimanyilo kyokyonda, ila kimanyilo kya mvichi Yona. 40Ngita Yona peakalile mulisololo lya somba yeikemelwa nyangumi figono fidatu, palumiye na pamiye, ndeni na Mwana va Munu daakwikala panyi lya inyi figono fidatu pamilau na pamiye. 41Kigono kya kuhiga nongwa vanu va Ninewi davahumila na davavecha pamwi na vanu va kilelo iki na kukihiga nongwa kilelo iki, kwakuva Vaninewi vakahongiche mumadaliko gya Yona. Na nondee agehe mkomi kuchumba Yona. 42Kigono kya kuhiga nogwa, Mdala va ng'achale va Sheba daihumila na mwene dakuhiga kilelo iki. Kwakuva mwene akagendile kuhuma muinyi lyake kutali neke apulike njowo cha uginyange cha Solomoni na baha agehe mkomi kuchumba Solomoni.
Kuwuya kwa lihoka
Luka 11.24-26
43“Lihoka pelihuma kwa munu, lichungutilachungutila pono pepahela malenga, isaka pono pakutulula, ila seakupapatila. 44Baho, ilonga, ‘Dandiwuya mukaye lyangu pendikahumile.’ Ila peiwuya kangi mukaye yila payilola yifyagilwe na kulembechwa. 45Baho, uhelela na kuvanyamula mahoka gingi saba, vawofu hilo kuchumba mwene na vene vakwingila na vikala kwa munu uyo. Suwe, munu uyo ivecha muwofu kuchumba pamwandi. Ndeni nde peivecha pa vanu ava vawofu.”
Lukolo va undakyene va Yesu
Maliko 3.31-35; Luka 8.19-21
46Yesu peakali iywanga na lipinga lya vanu, maye vake na lukolo vake vakafikile na kwima kwivala, vakasakile kuywanga na Yesu. 47Suwe, munu yumwi akamlongiye Yesu, “Mtwa maye vako na lukolo vako vagehe kwivala, vasaka kuywanga na veve.” 48Ila Yesu akamhigile yula munu, “Maye vangu nde ani? Lukolo vangu nde va ani?” 49Baho, akavagonjolela liwoko lyake vachulila vake, akalonga, “Ava nde maye vangu na lukolo vangu! 50Kwakuva yeyonda yeigita yeakela Daada vangu yeagehe kuluhano, uyo nde lukolo vangu, mhacha vangu na maye vangu.”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The New Testament in Benamanga @The Word for The World International and Benamanga Language translation, 2025. All rights reserved.