Matiós 27
27
Bámɛɛ́d na Yésuse agá Pilát
(Mál 15.1-2; Lúk 22.66; 23.1; Sáŋ 18.28)
1Guɔ́m gúmaámábál, bagɔ́n bedúmbinusámb na bɔgɔ́ga bá buán, ebébídidid gá idɔg gá busió buá Yésuse, gá gueleé bágɔ́d buónyi buég, bɔ́n yɔ́. 2Egélém, Abágúda yɔ́ abɛ́d neéneg agá ŋŋɔ́mɔna Pilát.
Nigué niá Yúdas
3Yúdas umeédué Yésuse úmaámáan áneé bámásɔ́mb gisan giég, uwabia mesígíl giod uwonondinye bagɔ́n bá bedúmbinusámb bá Uhaluá na bɔgɔ́ga bikɔ́ŋ biá ŋŋúme nitín na biád ibiɛ́ béméŋín yɔ́. 4Úmuanyɛ gɔ́b áneé: «Yaál gilɔga gá dué gisámb.» Gɔgaá, obóndinye yɔ́ áneé: «Búdiádíbíyigan, búnyɛ buónyi buáhɔ.» 5Uwoólígie gɔg, uwɔnɔh ŋŋúme gibéyi giá mugɔ́, uwanabísɔ́ŋ. 6Bagɔ́n bá bedúmbinusámb ɔbɔ́gɔ́l ŋŋúme igányɛ ɔbɔ́yɛd áneé: «Búdibá beseé áneé diondie yɛ́ uguá nukólókóŋ nuá idúl gá giagiá búnyɛ ŋŋúme ya manɔ́ŋ.» 7Bámaámál idɔg, ɔbɔ́nd guísi guá emuísi gá nyonon bilɔ́ŋ biá benyi. 8Buand buáguɔ́ bɔ́dɔ́ŋɔnaá mesíge amagányɛ guesiegén na badabdab áneé «Mesíge má manɔ́ŋ.» 9Ubuɔ́ ebunebúné Yelemí úmɔyɛ́d ubúóbíhónye gɔg: «Ɔbɔ́gɔ́l bikɔ́ŋ nitín na bíad biá ŋŋúme, biɔŋɔ́n ibiɛ́ baán bá Íslayɛ́l bámasɔ́mb. 10Ɔbɔ́nd mesíge ma emuísi hana Ɔgúná úmampuá bugaga.»
Yésuse agá Pilát
(Mál 15.2-15; Lúk 23.2-5, 13-25; Sáŋ 18.28–19.16)
11Yésuse uwedélímin gá gisan gugála agá eŋís ya ŋŋɔ́mɔna Pilát. Pilát uwoóhún yɔ́ áneé: «Anyɛ ofuŋ huá bayúdɛn a?» Yésuse uwondinye áneé: «Búnyɛ aŋuá ɔyɔnɔ́ buɔ́.» 12Gɔgaá, uguá muand umuɔ́ bagɔ́n bedúmbinusámb bá Uhaluá na bɔgɔ́ga bémefúdényé yɔ́ gá muɔ́, umosúguondinye buand. 13Ŋŋɔ́mɔna Pilát uwoóhún yɔ́ áneé: «Ɔɔ́guɔ́bɔn moónyi ɔmɔɔ́ bɔ́yɔnɔ́ gáhɔ gá busió ɔmɔɔ́ a?» 14Yésuse umaságaguondinye, Pilát uwayíka buɔ́ giod. 15Sig budɔ́mb buá Páska wa bayúdɛn, ŋŋɔ́mɔna umabá uhémenyinye giíŋ gimbɔg gímomi, igiɛ́ gíɔ́yɔnɔ́ áneé uhémie. 16Henyé, gimbɔg gímodi gímabá uguá giansɛ giá mbíne ɔhɛ́n áneé Yésuse Balábas. 17Pilát uwoóhún gɔg giíŋ igímabígúsígán áneé: «Ányá núámbanɔ́ áneé nnúnihinɛn: Yésuse Balábas lí Yésuse Bémeyíde?» 18Gá giagiá umalinsán áneé bémedué yɔ́ uguá yaág. 19Uguá ginɛŋ igiɛ́ Pilát úmabá agá nubáŋ nuá nugélényi, ugányɛ weg uwadúmɛ́n yɔ́ nsɔ́m áneé: «Edibíŋín gá buónyi buá mɔndɔ wa gindényé ugányɛ, gá giagiá nsalimanan gilɔg gég gá busió.» 20Bagɔ́n bá bedúmbinusámb nuá Uhaluá na bɔgɔ́ga ebédídígen biíŋ áneé bíóhún guhémie Balábas, bɔ́n Yésuse. 21Pilát uwɔndɔgɔ́l nugálɔ, uwoóhún bɔ́ áneé: «Ulúm núámbanɔ́ áneé nnúnihinɛn uguá bandɔ báandɛ ɔbɔ?» Obóndinye áneé: «Balábas» 22Pilát uwoóhún bɔ́ áneé: «Ŋŋaágual giagɛ gɔg na Yésuse uyɔɔ́ bɔ́dɔ́ŋɔnaá áneé Bémeyíde?» Obóndinye bámuanyɛ gidigid áneé: «Ɔ́ndɔ́n yɔ́ uguá nuag!» 23Pilát uwonduguóhún bɔ́ áneé: «Waál gɔg giagɛ giá gilɔg?» Gɔgaá, ebédúmbenye na guánsan, bɔ́ya áneé: «Ɔ́ndɔ́n yɔ́ uguá nuag!» 24Pilát umaámáan áneé udibá wa gual buand gɔgaá, hana ombuŋímbuŋié húmagúmán, uwɔgɔ́l mimbi uwabísɔg imbɔ́g agá eŋís ya giíŋ úmuanyɛ áneé: «Nnyɛ gisámb gá manɔ́ŋ má mɔndɔ uyɔ, búnyɛ buónyi buánɔ!» 25Buán gidigid ubúóndinye áneé: «Ánaá manɔ́ŋ még mádíbíyigan na baán básɔ!» 26Pilát, uwehémínye bɔ́ Balábas, uwodóŋínye bugaga áneé bénúbe Yésuse. Uwedídíginin bɔ́ yɔ́ áneé bɔ́nɔɔ́ndɔ́n yɔ́ uguá nuag.
Nsénsi síɔ́hɔna Yésuse
(Mál 15.16-20; Lúk 23.11; Sáŋ 19.2-3)
27Nsénsi siá ofuŋ isíédúdúle Yésuse gá guɛ́d neéneg uguadá guá íluŋke hiá ŋŋɔ́mɔna, ndíd siá nsénsi gidigid isíábígúsɛ́ɛd. 28Obólie yɔ́ bisɔn biég, abág yɔ́ gihuya giá manɔ́ŋɔmánɔ́ŋá, 29abánugɛn yɔ́ nuɔl nuá mmaáŋa abádayidɛn yɔ́ uguá ɔduá obónd abásáyígɛn nubalɔ uguég guá ɔmbɔ́g uhumɛ́m. Egélém agányɛ, abɛ́d gá hɔna yɔ́ bɔ́ya áneé: «Mbígélíd, ofuŋ huá bayúdɛn!» 30Bésúdenye yɔ́ nubalɔ uguá ɔduá, bágasan yɔ́ bidá. 31Bámaámáman guhɔna yɔ́, obólie yɔ́ gihuya giá manɔ́ŋɔmánɔ́ŋá, obóndie yɔ́ bisɔn biég. Ebéhémie yɔ́ gá guídɔ́nɔɔ́ndɔ́n yɔ́ uguá nuag.
Bɔ́guɔ́ndɔn Yésuse uguá nuag
(Mál 15.21-32; Lúk 23.26-43; Sáŋ 19.16-24)
32Bámaágiídán na Yésuse gá guɔ́n yɔ́, abádán na mɔndɔ omodi ɔhɛ́n áneé Simɔ́ŋ, mɔndɔ wa gidɔŋ giá Silɛ́n, ebégimbin yɔ́ uguá bugaga gá hagɔn Yésuse nuag nuég. 33Ebéneg neéneg agá hɔɔ́m ɔhɔɔ́ bɔ́dɔ́ŋɔ́naá áneé Golgóta. Anagányɛ gúnya áneé: «Hɔɔ́m há bigólógólé biá iduá.» 34Ebéŋin yɔ́ magɛ́b ɔmɔnɔgídɔ́n na buanyɛ, umɔɔ́mɔ́bídɛn mɔ́ uwɔbíɔ́b. 35Bɔ́mɔɔ́mɔ́ndɔn yɔ́ uguá nuag, abábíábidan bisɔn biég, ɔbɔ́tɔnɔn naá biɛ́. 36Obónd ebédúgumin agányɛ gá gíga yɔ́. 37Bámadɛ́g ŋŋɔ́ŋɛ egég gá ɔduá na ɔduá isímɔya áneé: «Uyɔ búnyɛ Yésuse, ofuŋ huá bayúdɛn.» 38Bɔ́mɔ́ndɔ́n súsɔ́n bihánd biá bandɔ bíandɛ uguá duag agá buáyɛ buá Yésuse, uyɔ ɔmbɔ́g uhunɛ́m unó ɔmbɔ́g uhudádɛ. 39Bandɔ abámadúmban bámasíga yɔ́ na búga iduá, 40bɔ́ya áneé: «Aŋuá ɔɔ́ya gugad idúl ond gá hág hiɛ́ uguá mɔɔ́sɛ mádádɔ, bídúgún aŋuá muɛ́d, mmába anyɛ Muɔ́n wa mɔndɔ ond asɔs uguá nuag.» 41Bilɔŋ bímomi na boóŋi na bɔgɔ́ga na bagɔ́n bá bedúmbinusámb nuá Uhaluá bɔ́hɔna yɔ́, bɔ́ya áneé: 42«Weédúgúné bɔsɔ́gá, udibá wa bídúgún úmuanyɛ muɛ́d! Unyɛ ofuŋ huá bayúdɛn, ánaá húsɔs uguá nuag, gá gueleé diág ɔdɛ́m uguég.» 43Umaág nubídágídɛ́n nuég uguá Uhaluá, ánaá Uhaluá úháŋ yɔ́ dabdab mmába wɔɔ́guɔya yɔ́, gá giagiá umɔyɛ́d áneé: «Nnyɛ Muɔ́n wa mɔndɔ.» 44Ta bahánd ɔbɔɔ́ bɔ́mɔ́ndɔ́n uguá nuag ɔlɔŋ neéneg básiga yɔ́ súsɔ́n.
Nigué niá Yésuse
(Mál 15.33-39; Lúk 23.44-48; Sáŋ 19.28-30)
45Mbíne iyagua na ɔdɛ́m huá buɔ́sɛ uguísi gidigid gueneg uguá bisigɛl bídádɔ. 46Uguá bisigɛl bídádɔ, Yésuse uwehéhídinye áneé: «Elí, Elí, lema sabatani», anagányɛ gúnya áneé: «Uhaluá wamɛ, Uhaluá wamɛ, gá giagɛ amánihɛn?» 47Bandɔ bómodi abámabá hɔ́, bɔ́ya áneé: «Ugányɛ udɔ́ŋɔ́naá Elí!» 48Mɔndɔ omodi uwɔgɔ́l ɔdɛ́d uwenedúm giyug uguá magɛ́b amatuán uwɔdɔ́n uguá nubalɔ, uweéŋin yɔ́ gá bíhuá. 49Bɔ́ya áneé: «Ɔ́bɔ́nɔ́n! Digaáguán mmába Elí ugósisódíe yɔ́.» 50Yésuse uwehéhídinye na magɔ́n uwegué. 51Giímbé giá idúl igíásalɛg biseli bíandɛ, gubulin ugumɔn gueneg eguísi, guísi ugúéyiŋkimid, adányɛ ayásalsal. 52Bibɛ́l ibíébíbune, bilɔŋ biá giod giá badányɛdányɛ ibíáháman. 53Egélém gá hám uguá bibɛ́l ebébíŋín uguá gidányɛdányɛ giá tísɔna, ebébíénígenyinyé giod giá bandɔ. 54Haná bámán buand ubúmabídúmbán, ɔgúnɔ́gɔ́n wa nsénsi edín átánɔ ɔlɔŋ na bandɔ abámagíga Yésuse, bugádɔ ubúégimbin bɔ́ ɔbɔ́yɛd áneé: «Hómohómue, mɔndɔ uyɔ waábá Muɔ́n wa mɔndɔ.»
Ginyo giá Yésuse
(Mál 15.40-47; Lúk 23.49-56; Sáŋ 19.25, 38-42)
55Giod giá bagándɔ gímabá delimine hádɛ, bagándɔ abámadúmábá yɔ́ guenebúlín Galilé bábíyigan súsɔ́n. 56Uguɔ́b guá ɔlɔŋ, Malía wa Magdala na Malía noódíe Sák na Yɔ́sɛba na noódíe baán bá Sebedé bámabá guɔ́. 57Ginɛ́ŋ gímaámágua, nnuɛ́m ya mɔndɔ ya gidɔŋ giá Alimaté, ɔhɛ́n áneé Yɔ́sɛba umabá uganyɛ ebinene wa Yésuse uwesieg. 58Mɔndɔ ugányɛ uwɛɛ́d uwanaán Pilát gá guóhún gilɔ́ŋ giá Yésuse. Pilát uwodóŋínye bugaga áneé béŋin yɔ́ giɛ́. 59Uwɔgɔ́l gɔg gilɔ́ŋ, uwemíŋe giɛ́ uguá giása, 60uwononyoó uguá gibɛ́l igigɔ́sɛ igiɛ́ bámaduá uguá nidányɛ, uwedíŋílídie giandá giá nidányɛ agá niíd niá gibɛ́l, uwadɔ́mb. 61Na Malía wa Magdala na Malía noódíe Yɔ́sɛba bámabá hɔ́, dugumine nsíndinsindia na gibɛ́l.
Ɔgɛ́g huá gibɛ́l
62Mémbélényi, anagányɛ gúnya áneé gubíaŋanan gá giíndía giá bayúdɛn, bagɔ́n bá bedúmbinusámb bá Uhaluá na bafalisiɛ́ŋ abɛ́d ɔlɔŋ agá Pilát. 63Ɔbɔ́yidɛn yɔ́ áneé: «Ɔgúnɔ́gɔ́n, dímébídúmdényé áneé abánbán ugányɛ umɔyɛ́d áneé: “Egélém gá mɔɔ́sɛ mádádɔ yanáhám uguá gibɛ́l.” 64Dóŋínye gɔg bugaga buá gíga gibɛ́l gueneg uguá buɔ́sɛ buá gádádɔ, gá gueleé bebinene bég bédiesíéb gilɔ́ŋ, bɔ́yidɛn buán áneé: “ Waáhám uguá bilɔ́ŋ.” Ibigányɛ bibán bígabá bugaga gudɔ́mb biá busió.» 65Pilát uwɔyidɛn bɔ́ áneé: «Nugódi begíg. Idánánɔ, nugíga gibɛ́l hana búóhoneé.» 66Abɛ́d gɔg, abábíaŋanan gá gíga gibɛ́l: abág ndiskan agá nidányɛ inímabá agá niíd niá gibɛ́l, obónd abág begíg.
လက္ရွိေရြးခ်ယ္ထားမွု
Matiós 27: EKM
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Matiós 27
27
Bámɛɛ́d na Yésuse agá Pilát
(Mál 15.1-2; Lúk 22.66; 23.1; Sáŋ 18.28)
1Guɔ́m gúmaámábál, bagɔ́n bedúmbinusámb na bɔgɔ́ga bá buán, ebébídidid gá idɔg gá busió buá Yésuse, gá gueleé bágɔ́d buónyi buég, bɔ́n yɔ́. 2Egélém, Abágúda yɔ́ abɛ́d neéneg agá ŋŋɔ́mɔna Pilát.
Nigué niá Yúdas
3Yúdas umeédué Yésuse úmaámáan áneé bámásɔ́mb gisan giég, uwabia mesígíl giod uwonondinye bagɔ́n bá bedúmbinusámb bá Uhaluá na bɔgɔ́ga bikɔ́ŋ biá ŋŋúme nitín na biád ibiɛ́ béméŋín yɔ́. 4Úmuanyɛ gɔ́b áneé: «Yaál gilɔga gá dué gisámb.» Gɔgaá, obóndinye yɔ́ áneé: «Búdiádíbíyigan, búnyɛ buónyi buáhɔ.» 5Uwoólígie gɔg, uwɔnɔh ŋŋúme gibéyi giá mugɔ́, uwanabísɔ́ŋ. 6Bagɔ́n bá bedúmbinusámb ɔbɔ́gɔ́l ŋŋúme igányɛ ɔbɔ́yɛd áneé: «Búdibá beseé áneé diondie yɛ́ uguá nukólókóŋ nuá idúl gá giagiá búnyɛ ŋŋúme ya manɔ́ŋ.» 7Bámaámál idɔg, ɔbɔ́nd guísi guá emuísi gá nyonon bilɔ́ŋ biá benyi. 8Buand buáguɔ́ bɔ́dɔ́ŋɔnaá mesíge amagányɛ guesiegén na badabdab áneé «Mesíge má manɔ́ŋ.» 9Ubuɔ́ ebunebúné Yelemí úmɔyɛ́d ubúóbíhónye gɔg: «Ɔbɔ́gɔ́l bikɔ́ŋ nitín na bíad biá ŋŋúme, biɔŋɔ́n ibiɛ́ baán bá Íslayɛ́l bámasɔ́mb. 10Ɔbɔ́nd mesíge ma emuísi hana Ɔgúná úmampuá bugaga.»
Yésuse agá Pilát
(Mál 15.2-15; Lúk 23.2-5, 13-25; Sáŋ 18.28–19.16)
11Yésuse uwedélímin gá gisan gugála agá eŋís ya ŋŋɔ́mɔna Pilát. Pilát uwoóhún yɔ́ áneé: «Anyɛ ofuŋ huá bayúdɛn a?» Yésuse uwondinye áneé: «Búnyɛ aŋuá ɔyɔnɔ́ buɔ́.» 12Gɔgaá, uguá muand umuɔ́ bagɔ́n bedúmbinusámb bá Uhaluá na bɔgɔ́ga bémefúdényé yɔ́ gá muɔ́, umosúguondinye buand. 13Ŋŋɔ́mɔna Pilát uwoóhún yɔ́ áneé: «Ɔɔ́guɔ́bɔn moónyi ɔmɔɔ́ bɔ́yɔnɔ́ gáhɔ gá busió ɔmɔɔ́ a?» 14Yésuse umaságaguondinye, Pilát uwayíka buɔ́ giod. 15Sig budɔ́mb buá Páska wa bayúdɛn, ŋŋɔ́mɔna umabá uhémenyinye giíŋ gimbɔg gímomi, igiɛ́ gíɔ́yɔnɔ́ áneé uhémie. 16Henyé, gimbɔg gímodi gímabá uguá giansɛ giá mbíne ɔhɛ́n áneé Yésuse Balábas. 17Pilát uwoóhún gɔg giíŋ igímabígúsígán áneé: «Ányá núámbanɔ́ áneé nnúnihinɛn: Yésuse Balábas lí Yésuse Bémeyíde?» 18Gá giagiá umalinsán áneé bémedué yɔ́ uguá yaág. 19Uguá ginɛŋ igiɛ́ Pilát úmabá agá nubáŋ nuá nugélényi, ugányɛ weg uwadúmɛ́n yɔ́ nsɔ́m áneé: «Edibíŋín gá buónyi buá mɔndɔ wa gindényé ugányɛ, gá giagiá nsalimanan gilɔg gég gá busió.» 20Bagɔ́n bá bedúmbinusámb nuá Uhaluá na bɔgɔ́ga ebédídígen biíŋ áneé bíóhún guhémie Balábas, bɔ́n Yésuse. 21Pilát uwɔndɔgɔ́l nugálɔ, uwoóhún bɔ́ áneé: «Ulúm núámbanɔ́ áneé nnúnihinɛn uguá bandɔ báandɛ ɔbɔ?» Obóndinye áneé: «Balábas» 22Pilát uwoóhún bɔ́ áneé: «Ŋŋaágual giagɛ gɔg na Yésuse uyɔɔ́ bɔ́dɔ́ŋɔnaá áneé Bémeyíde?» Obóndinye bámuanyɛ gidigid áneé: «Ɔ́ndɔ́n yɔ́ uguá nuag!» 23Pilát uwonduguóhún bɔ́ áneé: «Waál gɔg giagɛ giá gilɔg?» Gɔgaá, ebédúmbenye na guánsan, bɔ́ya áneé: «Ɔ́ndɔ́n yɔ́ uguá nuag!» 24Pilát umaámáan áneé udibá wa gual buand gɔgaá, hana ombuŋímbuŋié húmagúmán, uwɔgɔ́l mimbi uwabísɔg imbɔ́g agá eŋís ya giíŋ úmuanyɛ áneé: «Nnyɛ gisámb gá manɔ́ŋ má mɔndɔ uyɔ, búnyɛ buónyi buánɔ!» 25Buán gidigid ubúóndinye áneé: «Ánaá manɔ́ŋ még mádíbíyigan na baán básɔ!» 26Pilát, uwehémínye bɔ́ Balábas, uwodóŋínye bugaga áneé bénúbe Yésuse. Uwedídíginin bɔ́ yɔ́ áneé bɔ́nɔɔ́ndɔ́n yɔ́ uguá nuag.
Nsénsi síɔ́hɔna Yésuse
(Mál 15.16-20; Lúk 23.11; Sáŋ 19.2-3)
27Nsénsi siá ofuŋ isíédúdúle Yésuse gá guɛ́d neéneg uguadá guá íluŋke hiá ŋŋɔ́mɔna, ndíd siá nsénsi gidigid isíábígúsɛ́ɛd. 28Obólie yɔ́ bisɔn biég, abág yɔ́ gihuya giá manɔ́ŋɔmánɔ́ŋá, 29abánugɛn yɔ́ nuɔl nuá mmaáŋa abádayidɛn yɔ́ uguá ɔduá obónd abásáyígɛn nubalɔ uguég guá ɔmbɔ́g uhumɛ́m. Egélém agányɛ, abɛ́d gá hɔna yɔ́ bɔ́ya áneé: «Mbígélíd, ofuŋ huá bayúdɛn!» 30Bésúdenye yɔ́ nubalɔ uguá ɔduá, bágasan yɔ́ bidá. 31Bámaámáman guhɔna yɔ́, obólie yɔ́ gihuya giá manɔ́ŋɔmánɔ́ŋá, obóndie yɔ́ bisɔn biég. Ebéhémie yɔ́ gá guídɔ́nɔɔ́ndɔ́n yɔ́ uguá nuag.
Bɔ́guɔ́ndɔn Yésuse uguá nuag
(Mál 15.21-32; Lúk 23.26-43; Sáŋ 19.16-24)
32Bámaágiídán na Yésuse gá guɔ́n yɔ́, abádán na mɔndɔ omodi ɔhɛ́n áneé Simɔ́ŋ, mɔndɔ wa gidɔŋ giá Silɛ́n, ebégimbin yɔ́ uguá bugaga gá hagɔn Yésuse nuag nuég. 33Ebéneg neéneg agá hɔɔ́m ɔhɔɔ́ bɔ́dɔ́ŋɔ́naá áneé Golgóta. Anagányɛ gúnya áneé: «Hɔɔ́m há bigólógólé biá iduá.» 34Ebéŋin yɔ́ magɛ́b ɔmɔnɔgídɔ́n na buanyɛ, umɔɔ́mɔ́bídɛn mɔ́ uwɔbíɔ́b. 35Bɔ́mɔɔ́mɔ́ndɔn yɔ́ uguá nuag, abábíábidan bisɔn biég, ɔbɔ́tɔnɔn naá biɛ́. 36Obónd ebédúgumin agányɛ gá gíga yɔ́. 37Bámadɛ́g ŋŋɔ́ŋɛ egég gá ɔduá na ɔduá isímɔya áneé: «Uyɔ búnyɛ Yésuse, ofuŋ huá bayúdɛn.» 38Bɔ́mɔ́ndɔ́n súsɔ́n bihánd biá bandɔ bíandɛ uguá duag agá buáyɛ buá Yésuse, uyɔ ɔmbɔ́g uhunɛ́m unó ɔmbɔ́g uhudádɛ. 39Bandɔ abámadúmban bámasíga yɔ́ na búga iduá, 40bɔ́ya áneé: «Aŋuá ɔɔ́ya gugad idúl ond gá hág hiɛ́ uguá mɔɔ́sɛ mádádɔ, bídúgún aŋuá muɛ́d, mmába anyɛ Muɔ́n wa mɔndɔ ond asɔs uguá nuag.» 41Bilɔŋ bímomi na boóŋi na bɔgɔ́ga na bagɔ́n bá bedúmbinusámb nuá Uhaluá bɔ́hɔna yɔ́, bɔ́ya áneé: 42«Weédúgúné bɔsɔ́gá, udibá wa bídúgún úmuanyɛ muɛ́d! Unyɛ ofuŋ huá bayúdɛn, ánaá húsɔs uguá nuag, gá gueleé diág ɔdɛ́m uguég.» 43Umaág nubídágídɛ́n nuég uguá Uhaluá, ánaá Uhaluá úháŋ yɔ́ dabdab mmába wɔɔ́guɔya yɔ́, gá giagiá umɔyɛ́d áneé: «Nnyɛ Muɔ́n wa mɔndɔ.» 44Ta bahánd ɔbɔɔ́ bɔ́mɔ́ndɔ́n uguá nuag ɔlɔŋ neéneg básiga yɔ́ súsɔ́n.
Nigué niá Yésuse
(Mál 15.33-39; Lúk 23.44-48; Sáŋ 19.28-30)
45Mbíne iyagua na ɔdɛ́m huá buɔ́sɛ uguísi gidigid gueneg uguá bisigɛl bídádɔ. 46Uguá bisigɛl bídádɔ, Yésuse uwehéhídinye áneé: «Elí, Elí, lema sabatani», anagányɛ gúnya áneé: «Uhaluá wamɛ, Uhaluá wamɛ, gá giagɛ amánihɛn?» 47Bandɔ bómodi abámabá hɔ́, bɔ́ya áneé: «Ugányɛ udɔ́ŋɔ́naá Elí!» 48Mɔndɔ omodi uwɔgɔ́l ɔdɛ́d uwenedúm giyug uguá magɛ́b amatuán uwɔdɔ́n uguá nubalɔ, uweéŋin yɔ́ gá bíhuá. 49Bɔ́ya áneé: «Ɔ́bɔ́nɔ́n! Digaáguán mmába Elí ugósisódíe yɔ́.» 50Yésuse uwehéhídinye na magɔ́n uwegué. 51Giímbé giá idúl igíásalɛg biseli bíandɛ, gubulin ugumɔn gueneg eguísi, guísi ugúéyiŋkimid, adányɛ ayásalsal. 52Bibɛ́l ibíébíbune, bilɔŋ biá giod giá badányɛdányɛ ibíáháman. 53Egélém gá hám uguá bibɛ́l ebébíŋín uguá gidányɛdányɛ giá tísɔna, ebébíénígenyinyé giod giá bandɔ. 54Haná bámán buand ubúmabídúmbán, ɔgúnɔ́gɔ́n wa nsénsi edín átánɔ ɔlɔŋ na bandɔ abámagíga Yésuse, bugádɔ ubúégimbin bɔ́ ɔbɔ́yɛd áneé: «Hómohómue, mɔndɔ uyɔ waábá Muɔ́n wa mɔndɔ.»
Ginyo giá Yésuse
(Mál 15.40-47; Lúk 23.49-56; Sáŋ 19.25, 38-42)
55Giod giá bagándɔ gímabá delimine hádɛ, bagándɔ abámadúmábá yɔ́ guenebúlín Galilé bábíyigan súsɔ́n. 56Uguɔ́b guá ɔlɔŋ, Malía wa Magdala na Malía noódíe Sák na Yɔ́sɛba na noódíe baán bá Sebedé bámabá guɔ́. 57Ginɛ́ŋ gímaámágua, nnuɛ́m ya mɔndɔ ya gidɔŋ giá Alimaté, ɔhɛ́n áneé Yɔ́sɛba umabá uganyɛ ebinene wa Yésuse uwesieg. 58Mɔndɔ ugányɛ uwɛɛ́d uwanaán Pilát gá guóhún gilɔ́ŋ giá Yésuse. Pilát uwodóŋínye bugaga áneé béŋin yɔ́ giɛ́. 59Uwɔgɔ́l gɔg gilɔ́ŋ, uwemíŋe giɛ́ uguá giása, 60uwononyoó uguá gibɛ́l igigɔ́sɛ igiɛ́ bámaduá uguá nidányɛ, uwedíŋílídie giandá giá nidányɛ agá niíd niá gibɛ́l, uwadɔ́mb. 61Na Malía wa Magdala na Malía noódíe Yɔ́sɛba bámabá hɔ́, dugumine nsíndinsindia na gibɛ́l.
Ɔgɛ́g huá gibɛ́l
62Mémbélényi, anagányɛ gúnya áneé gubíaŋanan gá giíndía giá bayúdɛn, bagɔ́n bá bedúmbinusámb bá Uhaluá na bafalisiɛ́ŋ abɛ́d ɔlɔŋ agá Pilát. 63Ɔbɔ́yidɛn yɔ́ áneé: «Ɔgúnɔ́gɔ́n, dímébídúmdényé áneé abánbán ugányɛ umɔyɛ́d áneé: “Egélém gá mɔɔ́sɛ mádádɔ yanáhám uguá gibɛ́l.” 64Dóŋínye gɔg bugaga buá gíga gibɛ́l gueneg uguá buɔ́sɛ buá gádádɔ, gá gueleé bebinene bég bédiesíéb gilɔ́ŋ, bɔ́yidɛn buán áneé: “ Waáhám uguá bilɔ́ŋ.” Ibigányɛ bibán bígabá bugaga gudɔ́mb biá busió.» 65Pilát uwɔyidɛn bɔ́ áneé: «Nugódi begíg. Idánánɔ, nugíga gibɛ́l hana búóhoneé.» 66Abɛ́d gɔg, abábíaŋanan gá gíga gibɛ́l: abág ndiskan agá nidányɛ inímabá agá niíd niá gibɛ́l, obónd abág begíg.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ