Matiós 23
23
Gisilidine gá busió buá bafalisiɛ́ŋ
(Mál 12.38-40; Lúk 20.45-47; 11.39-52)
1Yésuse uwɛɛ́d gɔg gá gálgal gá giíŋ naá gá bebinene beg, wɔyɔn bɔ́ áneé: 2«Na belinsibigodi na bafalisiɛ́ŋ búnyɛ bandɔ obógódionu áneé básaluna gigodi giá Mɔ́sɛsa. 3Nugódi áneé núɔ́bɔnɛn bɔ́ nuond nuala melélíe ɔmɔɔ́ bɔ́núɔ́yɔnaá, gɔgaá nudigɔ́l bilɔŋ biɔ́b, gá giagiá bádiáguala buand ubuɔ́ béhuínyihuínyeé. 4Bágúda mpáŋ siá binɔ́h bádúgan bɔsɔ́gá, gɔgaá, bámuanyɛ mbánan bádibá bɔ́dɔ́bígɛn ta inaána gá gígin bɔ́ ɔmbɔ́g. 5Melélíe mɔ́b gidigid, bágualá mɔ́ pɛ́ŋ áneé bandɔ bánán bɔ́. Agányɛ hɔ́ mudódé muá ŋŋɔ́ŋɛ siá Uhaluá umuɔ́ básambanaá na uguá imbɔ́g naá uguá dubɔl múnyɛ biandá gudɔ́mb muá bɔsɔ́gá. idú siɔ́b siá bihuya sínyɛ sadáda gudɔ́mb idú siá biá bɔsɔ́gá. 6Agá budɔ́mb bɔ́guɔya indig siá mpínényi, uguá bigúl bɔ́ya indig siá busió. 7Báguamba áneé bandɔ bébígélígelie bɔ́ na bísusie gidigid, uguá biɔ́mbɛ bámba áneé bɔ́dɔ́ŋɔn bɔ́ áneé behuínyihuínyi. 8Gánɔ gɔg, nudiambá áneé bɔ́núdɔ́ŋɔn áneé behuínyihínyi, gá giagiá nugódi pɛ́ŋ ehuínyihuínyi omoómi. Banuá gidigid nunyɛ pɛ́ŋ beliméen. 9Nudidɔ́ŋɔn mɔndɔ eguísi aga áneé “Síe” wánɔ, gá giagiá nugódi Síe omoómi unyaá ugumɔn. 10Nudibídɔ́ŋɔ́n súsɔ́n áneé “Belins” gá giagiá, nugódi Elins pɛ́ŋ omoómi unyaá Bémeyíde. 11Mɔndɔ unyaá giandá uguánɔ guá ɔlɔŋ ugódi áneé ubá edúmébi wanɔ. 12Mɔndɔ ubíbúlúgenyeé, bénésusie yɔ́, gɔgaá, ubísúsenyeé, bénébúlígie yɔ́.»
13«Meyú naánanɔ, banuá belinsibigodi na bafalisiɛ́ŋ: bandɔ bá mamb, banuá nubugenineé bandɔ niíd niá Niguili niá gumɔn, nudienébíŋín banuá mbánan, gúu nudiambá áneé nunihinan ɔbɔ́yɔn gubíŋen áneé bébíŋín. [ 14Meyú naánanɔ belinsibigodi na bafalisiɛ́ŋ: bandɔ bá mamb, banuá nuhɔgɔnɔ́ muand muá bisí biá bagándɔ nuond nuala mbísógóli siá guyah gá gueleé bánúánan. Buand buáguɔ́, guánɔ gusɔ́mb guá bisan gúánábánɔ́ na ilúnd gudɔ́mb guá bɔsɔ́gá.] 15Meyú naánanɔ belinsibigodi na bafalisiɛ́ŋ: bandɔ bá mamb, banuá nuándanɔ́ uguá guísi gidigid na máŋ gá gueleé nugɔ́gɛ́ɛd giŋɔ́nsa giá eŋédébi, númɔ́mɔnɔgɔ́gɛ́ɛd giɛ́, nugínyiginye giɛ́ gá guáyɛ giɔ́lɛ giá yoógi hiá ságásagá, gá iŋand íhandɛ guándanúdɔ́mb. 16Meyú naánanɔ bogógi beheguhégu, banuá nuɔyɔnɔ́ áneé mɔndɔ úmádibíliá uguá ɔhɛ́n huá idúl, tábɔ́ áneé usóbídóŋinye úmuanyɛ mbánan uguég guá bília uguɔ́g, gɔgaá úmábília uguá ɔhɛ́n huá góol unyaá uguá idúl, anagányɛ gúnya áneé usobídóŋinye. 17Bandɔ bá kanda meéné na beheguhégu giagɛ igínya beseé: Góol lí ugúnya ana idúl ihíóndonyeé yɔ́ budányɛ? 18Nuɔ́guɔya súsɔ́n áneé: “Mɔndɔ úmábília uguá ɔhɛ́n huá ahɔd ya nsíb tábɔ́ áneé usobídóŋinye uguég guá bília uguɔ́g, gɔgaá úmábília uguá ɔhɛ́n huá nusámb unúnya dɔbigina guɔ́, tábɔ́ áneé usobídóŋinye.” 19Giagɛ igínya beseé, nusámb lí ahɔd ya nsíb oyóndonyeé nuɔ́ budányɛ? 20Mɔndɔ úmábília uguá ɔhɛ́n huá ahɔd ya nsíb, usábília uguég guá ɔhɛ́n na buand gidigid ubúnya guɔ́. 21Mɔndɔ úmábília uguá ɔhɛ́n huá idúl, usabília uguég guá ɔhɛ́n na ɔhɛ́n huá Uhaluá ugíganɔ́ guɔ́. 22Mɔndɔ úmábília uguá ɔhɛ́n huá gumɔn, usabília uguá ɔhɛ́n huá igɔ́y hiá Uhaluá naá huá unyaá guɔ́ dugumine. 23Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nuhuánaá Uhaluá gibéyi gímomi uguá bibéyi bíad biá manimɛ́d ɔmɔɔ́ bɔ́dɔ́ŋɔnaá áneé “óhindíe, biísia na ombódie.” Gɔgaá, nuébembelenye gigodi giá beseé igiɛ́ núhɔ́nhɔnaá igínya áneé: Gubá gindényé, guánanɛn bulɔ́b na gilád, muɔ́ núgódionu áneé nuala, nudibíelídíe gɔg umuólmuóndeé. 24Bogógi abánya na mehegu, nuábaluna buand buánɔ buá bíhua gá guólonye mubuínyibuínyi, gɔgaá, numina mélúke! 25Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nusuganɔ́ bibólé na bidádagala biánɔ uguá nuɔ́l, gɔgaá, uguadá bínyɛ ibihónón na bilɔg biánɔ biá bilɔŋ. 26Maná bafalisiɛ́ŋ wa mehegu! Aágagusuga gibólé giáhɔ uguadá gá gueleé nuɔ́l núósiól súsɔ́n budányɛ. 27Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nunyaá mpónyé na bibɛ́l ibiɛ́ béséhuénen ohíle huá fuúm, ibíbíyiganináa beseé uguá nígadá gɔgaá, uguadá ibihónón na bigoóge biá bilɔ́ŋ na biyeg biá muand ibíólbíóndeé. 28Nɔ́ banuá súsɔ́n núnya, nuábíyiganɛn beseé uguá nuɔ́l, nubíyiganɛn hana nunyɛ gindényé agá eŋís ya Uhaluá, gɔgaá uguadá nunyɛ obóhónón na bilɔga na mamb. 29Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nuháganɔ́ bibɛ́l biá bebunebúné, nulaŋa bibɛ́l biá bandɔ bá gindényé, 30nuond nuɔya áneé: “Búámába áneé dimabá hɔ́ uguá ginɛŋ giá ndíndíl siásɔ, késíe dimasáháman ugelu nɔɔ́nɔb gá guɔ́na bebunebúné.” 31Ta nɔ́ gɔg, nuálinsan áneé nunyɛ uguá nugɔg nuá bandɔ ɔbɔ́mɔ́na bebunebúné. 32Ɛɛ́ɛ, ánaá núdúmbenye gɔg na hónonye buóli ubuɔ́ ndíndíl siánɔ símagɔns. 33Nnyɔ́g, baán bá mpɛ́nyɛ, naánanyá núɔ́nɔ́bínɔhinaá nusésényi nuá yoógi hiá ságásagá? 34Buand buáguɔ́ nnúdúmaninaá bebunebúné, bandɔ bá nugedie na binɔ́g biá belinsibigodi. Nuanábá nuɔ́na uguá duag, nugide bómodi na bifáfína uguá bigúl, nuɛ́d nugúŋa bɔ́ uguá bɔtísɔna. 35Banuá manɔŋ má bandɔ bá gindényé mánánúbíyiganaá, manɔŋ amámagɔns guónodúgón agá Abɛ́l, mɔndɔ wa gindényé gueneg agá Sakalí, muɔ́n wa Balasí uyɔɔ́ númɔ́n agadá na gadá wa ahɔd ya nsíb na gidányɛdányɛ giá hɔɔ́m giá idúl. 36Yɔɔ́núɔyɔn buɔ́, búnyɛ hómohómue, mɔɔ́nɔ́na amagányɛ mábíyigan nunam nuá hínen.»
Mbíbaŋ ya Yésuse gá busió buá Yelusalɛ́m
(Lúk 13.34-35)
37«Yelusalɛ́m! Yelusalɛ́m! Aŋuá ɔɔ́nɔnɔ́ bebunebúné, ɔɔ́na ɔbɔɔ́ Uhaluá ugudúmaninaá na dúdan bɔ́ adányɛ! Iŋand iníg isiɛ́ yamánuguamba áneé ŋŋúsígan baán báhɔ hana ŋŋɔɔ́ ígúsíganaá baán bég? Gɔgaá, numɔsúguɔya buɔ́. 38Ɛɛ́ɛ, biansɛ biánɔ bíénésiénen bimpunde. 39Gá giagiá, yɔɔ́núɔyɔn buɔ́, gugɔns dabdab nudigandaŋán gueneg uguá buɔ́sɛ ubuɔ́ núɔ́nɔ́yɔnɔ́ áneé: “Ánaá Uhaluá úsayɛ uwoóloneé uguá ɔhɛ́n huá Ɔgúná.”»
လက္ရွိေရြးခ်ယ္ထားမွု
Matiós 23: EKM
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Matiós 23
23
Gisilidine gá busió buá bafalisiɛ́ŋ
(Mál 12.38-40; Lúk 20.45-47; 11.39-52)
1Yésuse uwɛɛ́d gɔg gá gálgal gá giíŋ naá gá bebinene beg, wɔyɔn bɔ́ áneé: 2«Na belinsibigodi na bafalisiɛ́ŋ búnyɛ bandɔ obógódionu áneé básaluna gigodi giá Mɔ́sɛsa. 3Nugódi áneé núɔ́bɔnɛn bɔ́ nuond nuala melélíe ɔmɔɔ́ bɔ́núɔ́yɔnaá, gɔgaá nudigɔ́l bilɔŋ biɔ́b, gá giagiá bádiáguala buand ubuɔ́ béhuínyihuínyeé. 4Bágúda mpáŋ siá binɔ́h bádúgan bɔsɔ́gá, gɔgaá, bámuanyɛ mbánan bádibá bɔ́dɔ́bígɛn ta inaána gá gígin bɔ́ ɔmbɔ́g. 5Melélíe mɔ́b gidigid, bágualá mɔ́ pɛ́ŋ áneé bandɔ bánán bɔ́. Agányɛ hɔ́ mudódé muá ŋŋɔ́ŋɛ siá Uhaluá umuɔ́ básambanaá na uguá imbɔ́g naá uguá dubɔl múnyɛ biandá gudɔ́mb muá bɔsɔ́gá. idú siɔ́b siá bihuya sínyɛ sadáda gudɔ́mb idú siá biá bɔsɔ́gá. 6Agá budɔ́mb bɔ́guɔya indig siá mpínényi, uguá bigúl bɔ́ya indig siá busió. 7Báguamba áneé bandɔ bébígélígelie bɔ́ na bísusie gidigid, uguá biɔ́mbɛ bámba áneé bɔ́dɔ́ŋɔn bɔ́ áneé behuínyihuínyi. 8Gánɔ gɔg, nudiambá áneé bɔ́núdɔ́ŋɔn áneé behuínyihínyi, gá giagiá nugódi pɛ́ŋ ehuínyihuínyi omoómi. Banuá gidigid nunyɛ pɛ́ŋ beliméen. 9Nudidɔ́ŋɔn mɔndɔ eguísi aga áneé “Síe” wánɔ, gá giagiá nugódi Síe omoómi unyaá ugumɔn. 10Nudibídɔ́ŋɔ́n súsɔ́n áneé “Belins” gá giagiá, nugódi Elins pɛ́ŋ omoómi unyaá Bémeyíde. 11Mɔndɔ unyaá giandá uguánɔ guá ɔlɔŋ ugódi áneé ubá edúmébi wanɔ. 12Mɔndɔ ubíbúlúgenyeé, bénésusie yɔ́, gɔgaá, ubísúsenyeé, bénébúlígie yɔ́.»
13«Meyú naánanɔ, banuá belinsibigodi na bafalisiɛ́ŋ: bandɔ bá mamb, banuá nubugenineé bandɔ niíd niá Niguili niá gumɔn, nudienébíŋín banuá mbánan, gúu nudiambá áneé nunihinan ɔbɔ́yɔn gubíŋen áneé bébíŋín. [ 14Meyú naánanɔ belinsibigodi na bafalisiɛ́ŋ: bandɔ bá mamb, banuá nuhɔgɔnɔ́ muand muá bisí biá bagándɔ nuond nuala mbísógóli siá guyah gá gueleé bánúánan. Buand buáguɔ́, guánɔ gusɔ́mb guá bisan gúánábánɔ́ na ilúnd gudɔ́mb guá bɔsɔ́gá.] 15Meyú naánanɔ belinsibigodi na bafalisiɛ́ŋ: bandɔ bá mamb, banuá nuándanɔ́ uguá guísi gidigid na máŋ gá gueleé nugɔ́gɛ́ɛd giŋɔ́nsa giá eŋédébi, númɔ́mɔnɔgɔ́gɛ́ɛd giɛ́, nugínyiginye giɛ́ gá guáyɛ giɔ́lɛ giá yoógi hiá ságásagá, gá iŋand íhandɛ guándanúdɔ́mb. 16Meyú naánanɔ bogógi beheguhégu, banuá nuɔyɔnɔ́ áneé mɔndɔ úmádibíliá uguá ɔhɛ́n huá idúl, tábɔ́ áneé usóbídóŋinye úmuanyɛ mbánan uguég guá bília uguɔ́g, gɔgaá úmábília uguá ɔhɛ́n huá góol unyaá uguá idúl, anagányɛ gúnya áneé usobídóŋinye. 17Bandɔ bá kanda meéné na beheguhégu giagɛ igínya beseé: Góol lí ugúnya ana idúl ihíóndonyeé yɔ́ budányɛ? 18Nuɔ́guɔya súsɔ́n áneé: “Mɔndɔ úmábília uguá ɔhɛ́n huá ahɔd ya nsíb tábɔ́ áneé usobídóŋinye uguég guá bília uguɔ́g, gɔgaá úmábília uguá ɔhɛ́n huá nusámb unúnya dɔbigina guɔ́, tábɔ́ áneé usobídóŋinye.” 19Giagɛ igínya beseé, nusámb lí ahɔd ya nsíb oyóndonyeé nuɔ́ budányɛ? 20Mɔndɔ úmábília uguá ɔhɛ́n huá ahɔd ya nsíb, usábília uguég guá ɔhɛ́n na buand gidigid ubúnya guɔ́. 21Mɔndɔ úmábília uguá ɔhɛ́n huá idúl, usabília uguég guá ɔhɛ́n na ɔhɛ́n huá Uhaluá ugíganɔ́ guɔ́. 22Mɔndɔ úmábília uguá ɔhɛ́n huá gumɔn, usabília uguá ɔhɛ́n huá igɔ́y hiá Uhaluá naá huá unyaá guɔ́ dugumine. 23Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nuhuánaá Uhaluá gibéyi gímomi uguá bibéyi bíad biá manimɛ́d ɔmɔɔ́ bɔ́dɔ́ŋɔnaá áneé “óhindíe, biísia na ombódie.” Gɔgaá, nuébembelenye gigodi giá beseé igiɛ́ núhɔ́nhɔnaá igínya áneé: Gubá gindényé, guánanɛn bulɔ́b na gilád, muɔ́ núgódionu áneé nuala, nudibíelídíe gɔg umuólmuóndeé. 24Bogógi abánya na mehegu, nuábaluna buand buánɔ buá bíhua gá guólonye mubuínyibuínyi, gɔgaá, numina mélúke! 25Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nusuganɔ́ bibólé na bidádagala biánɔ uguá nuɔ́l, gɔgaá, uguadá bínyɛ ibihónón na bilɔg biánɔ biá bilɔŋ. 26Maná bafalisiɛ́ŋ wa mehegu! Aágagusuga gibólé giáhɔ uguadá gá gueleé nuɔ́l núósiól súsɔ́n budányɛ. 27Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nunyaá mpónyé na bibɛ́l ibiɛ́ béséhuénen ohíle huá fuúm, ibíbíyiganináa beseé uguá nígadá gɔgaá, uguadá ibihónón na bigoóge biá bilɔ́ŋ na biyeg biá muand ibíólbíóndeé. 28Nɔ́ banuá súsɔ́n núnya, nuábíyiganɛn beseé uguá nuɔ́l, nubíyiganɛn hana nunyɛ gindényé agá eŋís ya Uhaluá, gɔgaá uguadá nunyɛ obóhónón na bilɔga na mamb. 29Meyú naánanɔ, banuá belinsibigodi na bafalisiɛ́ŋ: Bandɔ bá mamb, banuá nuháganɔ́ bibɛ́l biá bebunebúné, nulaŋa bibɛ́l biá bandɔ bá gindényé, 30nuond nuɔya áneé: “Búámába áneé dimabá hɔ́ uguá ginɛŋ giá ndíndíl siásɔ, késíe dimasáháman ugelu nɔɔ́nɔb gá guɔ́na bebunebúné.” 31Ta nɔ́ gɔg, nuálinsan áneé nunyɛ uguá nugɔg nuá bandɔ ɔbɔ́mɔ́na bebunebúné. 32Ɛɛ́ɛ, ánaá núdúmbenye gɔg na hónonye buóli ubuɔ́ ndíndíl siánɔ símagɔns. 33Nnyɔ́g, baán bá mpɛ́nyɛ, naánanyá núɔ́nɔ́bínɔhinaá nusésényi nuá yoógi hiá ságásagá? 34Buand buáguɔ́ nnúdúmaninaá bebunebúné, bandɔ bá nugedie na binɔ́g biá belinsibigodi. Nuanábá nuɔ́na uguá duag, nugide bómodi na bifáfína uguá bigúl, nuɛ́d nugúŋa bɔ́ uguá bɔtísɔna. 35Banuá manɔŋ má bandɔ bá gindényé mánánúbíyiganaá, manɔŋ amámagɔns guónodúgón agá Abɛ́l, mɔndɔ wa gindényé gueneg agá Sakalí, muɔ́n wa Balasí uyɔɔ́ númɔ́n agadá na gadá wa ahɔd ya nsíb na gidányɛdányɛ giá hɔɔ́m giá idúl. 36Yɔɔ́núɔyɔn buɔ́, búnyɛ hómohómue, mɔɔ́nɔ́na amagányɛ mábíyigan nunam nuá hínen.»
Mbíbaŋ ya Yésuse gá busió buá Yelusalɛ́m
(Lúk 13.34-35)
37«Yelusalɛ́m! Yelusalɛ́m! Aŋuá ɔɔ́nɔnɔ́ bebunebúné, ɔɔ́na ɔbɔɔ́ Uhaluá ugudúmaninaá na dúdan bɔ́ adányɛ! Iŋand iníg isiɛ́ yamánuguamba áneé ŋŋúsígan baán báhɔ hana ŋŋɔɔ́ ígúsíganaá baán bég? Gɔgaá, numɔsúguɔya buɔ́. 38Ɛɛ́ɛ, biansɛ biánɔ bíénésiénen bimpunde. 39Gá giagiá, yɔɔ́núɔyɔn buɔ́, gugɔns dabdab nudigandaŋán gueneg uguá buɔ́sɛ ubuɔ́ núɔ́nɔ́yɔnɔ́ áneé: “Ánaá Uhaluá úsayɛ uwoóloneé uguá ɔhɛ́n huá Ɔgúná.”»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ