matiyu 19
19
So naa yane
1Naa Yesɔ yisi nya nwane tɛ, a ya tipi Galili a risino a tipi Yahudiya a ka Urudung. 2Shɔ moo waanɛ i gɨu a dɔɔ ni, a gatii a ɗɔukɔ. 3Shɔ Farasiwayi i a Yesɔ ɗɔbii nei ntau sisɨn pɛ. I hɨ Yesɔ ne,<<a nɔgbete Musa mati shɔ labeene nya ãsine aruu so naa yane, ntotɛ shɔu ya so naa aruu ko iviya ya?>>
4<<Ɔji ɓaliɓa a labeene ni ɓaya,>>Yesɔ risi nya nɛ, <<A gaane Ɗalapa pɛli vɔshɔ a soro,>> 5A shane, <<Aruunkɔ vɔshɔ yɛ yau ɓeye a ɓini ni u rɛɛ ɓeso, ziti ɔ̃kɛtɛ gbete?>> 6Dɔddɔrim i tɔtti ziti ɓa, i kɛ gbete. Aruu nankɔ vigbete Ɗalapa kɛ ɓasine, shɔ wɔɔ, kɔ vɔsine 7<<Kɛpi ruu viya>> Farasiyayi i hɨ rɛ,<< Musa ãsi nyane shɔu ya so naa tɔ, ne shɔu ãu sɛ̃koo tɔ, ɗa shɔu ãu nakn viya?>> 8Yesɔ risi nyane,<<Musa yasɔɔ nyaba nɛ ɔ ya so naa aruu ɔ sisɨn katara -katara. Ama si tɛ̃ɛtɛ̃ɛ ɓa nankɔ ɓa a gaane. 9N gelɔɔ tɛ shɔu kɛ ya ɓeso naa ne, jo ɔ̃ ɓa aruu kpãngtãng ɓa, kɛtɛ so wɔɔyi nɛ pɛli kpãngtãng tɛ.>> 10Yesɔ jadɔyi i geliu nɛ, <<naa vim kɛ ɔ̃ne nankɔ a tette vɔshɔ a so ni aruu zɔɔ tɛne, ɔ̃ne weze zɔɔ tɛne ɓa yɛ tɔ̃rɛ.>>
11Yesɔ risi nya rɛ ne, <<Ɓa shɔ piti yɛ tɛ ruum rɛ piti kpai ɓa, ama se shɔgbete Ɗalapa ãi sẽrẽ ruu zɛne tɛttɔ. 12Ruu totto au zãari shɔ so tɛne; shɔwɔyi shɔ yee ji awuni, shɔwɔyi jashɔzɛ sɨnrɛ nan ni, shɔwɔyi i bẽẽ so tɛne nei kasi kpati roone a Ɗa wɛrɛ. Shɔu kɛ tɔnen tɛruu gbeten mati ɓantɔ u tɛrɛ.>>
Yesɔ tasi jaɓɛ̃rɛ̃tiyi vɔɔ susãri abii
13Kɛɗɔn shɔ nti Yesɔ jaɓɛ̃rɛ̃tiyi neu pɔ̃siyi naa a yuu neu gakkiyi Ɗa. Ama Yesɔ jadɔyi i lasi shɔgbeteyi nti jabɛ̃rɛ̃tiyi tɔ.
14Yesɔ geliyi,<<Ɔ ya jaɓɛ̃rɛ̃ti i ang ɗɔbii, ɔkɔɔ zãrinɛ, kpati roonɛ a Ɗa wɛrɛ jii ɓɛɛkɔ.>> 15kɛɗɔn Yesɔ tasi vɔɔ susãri bii, a sã nyaba a yɛrɛ.
Jakasa gbete shɔ vinaa yɛ
16Jawɔɔ a Yesɔ ɗɔbii a hɨu nɛ,<<Shɔmala, n yɛn pɛli kovi n kpaa suru gbete sɔ̃nya ɓa viya?>>
17<<Aruu ivi a hɨn ruu vitɔ̃vɨng viya?>> Yesɔ kasi nyarɛ. <<Shɔ tɔ̃vɨng ji gbete. Akɛ tɔnen kasi suru gbete sɔ̃nya ɓa, gɨi ɓɛjo Ɗalapa nya ãsinen kɔ.>>
18<<pi nya ãsine shɔpiya?>>Yesɔ risiu nyanɛ, <<Mɔkɔ yɔ̃ shɔ nɛ, mɔkɔ roone a shɔ so ni, mɔkɔ ɓɔɔ vine, mɔkɔ pɔ̃ naa nɛ a vigbete aji zɛɓa ni,>> 19<<A wesho a mɛye nya a mini nya, a ɔri a shɔ nyakãsiri naa a ɔraa yuu yɛ. >>
20<< Vim n pɛli tɛtɔ piti kpai,>>jakasau sharɛ.<<Yasin kɛ piviya?>>
21Yesɔ geliu ne,<<Akɛ tɔne nɛn kasirɛ nɛn ɔ̃ tɛpɛtɛpɛ, yɛne, a mɛlaa vii wɛrɛ piti kpai a ã shɔ raayi, ayɛ kpaa ɗɔ vi sɨne tɔ a kolapa. Nɗaa arɛ, a gɨin kɛkn.>> 22Naa jakasaam tãtɛ nankɔ, sã nyaba rɛ u sisɨn lɛsine, aruugbete u vinaa ɗɔn bang.
23Kɛɗɔn Yesɔ geliu jadɔyi nɛ, <<N gelɔɔ tɛ, shɔ vinaa iyɛ ɓoo raatɔ aruu kpati roone a Ɗa wɛrɛ ni. 24Sɔ̃n tɔtti n gelɔɔ tɛ, yɛ ɔ̃ri woba pɛlaa tone a nyaba ɓo akang gbete shɔ vinaa roo kpati a Ɗa wɛrɛ yɛ.>> 25Naa Yesɔ jadoyi nta vimtɛ, <<ɔ̃riikɛ vibii zaane a i hɨne, piyɛ ranaa kɛpiya?>>
26Yesɔ knnoo ai bii a shanɛ, <<a shɔzɛbii yɛ pɛliɓa, Ama Ɗalapa ɗɔbii vi piti kpai pɛli tɔ.>> 27Bituru kasi Yesɔ nya rɛ nɛ,<<U ya vitɛ kpai u gn a dɔɔ tɛ! U yɛ kpaa kɛ ivi ya?>>
28Yesɔ geliyinɛ, N gelɔɔ tɛ nizɛ, a ɗagbete Yesɔ, jashɔzɛ yɛ ayɛ, yɛ ɔ̃ a laa kpati, shɔgbete ɔ gn yɛ ɔyɛ ɔ̃ sɔ̃njo a laa kpati, kɛɗɔn ɔ kop tu ziti gbete ɔ jing miyi, ɔyɛ ɔ̃ sɔ̃njo a laa kpati ɔ vɔsi shɔ Isrela laduru kop tu ziti ruu tɔ̃vɨng aruu kɔline ni. 29Shɔgbete au yaa wɛrɛ, ko ɓɛzɔ̃, ko ɓɛna, ko ɓɛye, ko ɓini, ko ɓɛjaayi, ko ɗɔ jalane ang yuu, yɛ kpaa vigbete yayɛ piti kpai ɓa laa maani yɛne ɗekn shɔ yɛ au kpati roone sɔ̃n tɔ Ɗa wɛrɛ ni. 30Ama Shɔzɛ waane gbeteyi ɗekn i kɔi yɛ kuna rɛ, shɔgbeteyi kunaa a knti ikɔi ɔ̃sɔ̃n shɔ ɗekn.
လက္ရွိေရြးခ်ယ္ထားမွု
matiyu 19: Laa
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria
matiyu 19
19
So naa yane
1Naa Yesɔ yisi nya nwane tɛ, a ya tipi Galili a risino a tipi Yahudiya a ka Urudung. 2Shɔ moo waanɛ i gɨu a dɔɔ ni, a gatii a ɗɔukɔ. 3Shɔ Farasiwayi i a Yesɔ ɗɔbii nei ntau sisɨn pɛ. I hɨ Yesɔ ne,<<a nɔgbete Musa mati shɔ labeene nya ãsine aruu so naa yane, ntotɛ shɔu ya so naa aruu ko iviya ya?>>
4<<Ɔji ɓaliɓa a labeene ni ɓaya,>>Yesɔ risi nya nɛ, <<A gaane Ɗalapa pɛli vɔshɔ a soro,>> 5A shane, <<Aruunkɔ vɔshɔ yɛ yau ɓeye a ɓini ni u rɛɛ ɓeso, ziti ɔ̃kɛtɛ gbete?>> 6Dɔddɔrim i tɔtti ziti ɓa, i kɛ gbete. Aruu nankɔ vigbete Ɗalapa kɛ ɓasine, shɔ wɔɔ, kɔ vɔsine 7<<Kɛpi ruu viya>> Farasiyayi i hɨ rɛ,<< Musa ãsi nyane shɔu ya so naa tɔ, ne shɔu ãu sɛ̃koo tɔ, ɗa shɔu ãu nakn viya?>> 8Yesɔ risi nyane,<<Musa yasɔɔ nyaba nɛ ɔ ya so naa aruu ɔ sisɨn katara -katara. Ama si tɛ̃ɛtɛ̃ɛ ɓa nankɔ ɓa a gaane. 9N gelɔɔ tɛ shɔu kɛ ya ɓeso naa ne, jo ɔ̃ ɓa aruu kpãngtãng ɓa, kɛtɛ so wɔɔyi nɛ pɛli kpãngtãng tɛ.>> 10Yesɔ jadɔyi i geliu nɛ, <<naa vim kɛ ɔ̃ne nankɔ a tette vɔshɔ a so ni aruu zɔɔ tɛne, ɔ̃ne weze zɔɔ tɛne ɓa yɛ tɔ̃rɛ.>>
11Yesɔ risi nya rɛ ne, <<Ɓa shɔ piti yɛ tɛ ruum rɛ piti kpai ɓa, ama se shɔgbete Ɗalapa ãi sẽrẽ ruu zɛne tɛttɔ. 12Ruu totto au zãari shɔ so tɛne; shɔwɔyi shɔ yee ji awuni, shɔwɔyi jashɔzɛ sɨnrɛ nan ni, shɔwɔyi i bẽẽ so tɛne nei kasi kpati roone a Ɗa wɛrɛ. Shɔu kɛ tɔnen tɛruu gbeten mati ɓantɔ u tɛrɛ.>>
Yesɔ tasi jaɓɛ̃rɛ̃tiyi vɔɔ susãri abii
13Kɛɗɔn shɔ nti Yesɔ jaɓɛ̃rɛ̃tiyi neu pɔ̃siyi naa a yuu neu gakkiyi Ɗa. Ama Yesɔ jadɔyi i lasi shɔgbeteyi nti jabɛ̃rɛ̃tiyi tɔ.
14Yesɔ geliyi,<<Ɔ ya jaɓɛ̃rɛ̃ti i ang ɗɔbii, ɔkɔɔ zãrinɛ, kpati roonɛ a Ɗa wɛrɛ jii ɓɛɛkɔ.>> 15kɛɗɔn Yesɔ tasi vɔɔ susãri bii, a sã nyaba a yɛrɛ.
Jakasa gbete shɔ vinaa yɛ
16Jawɔɔ a Yesɔ ɗɔbii a hɨu nɛ,<<Shɔmala, n yɛn pɛli kovi n kpaa suru gbete sɔ̃nya ɓa viya?>>
17<<Aruu ivi a hɨn ruu vitɔ̃vɨng viya?>> Yesɔ kasi nyarɛ. <<Shɔ tɔ̃vɨng ji gbete. Akɛ tɔnen kasi suru gbete sɔ̃nya ɓa, gɨi ɓɛjo Ɗalapa nya ãsinen kɔ.>>
18<<pi nya ãsine shɔpiya?>>Yesɔ risiu nyanɛ, <<Mɔkɔ yɔ̃ shɔ nɛ, mɔkɔ roone a shɔ so ni, mɔkɔ ɓɔɔ vine, mɔkɔ pɔ̃ naa nɛ a vigbete aji zɛɓa ni,>> 19<<A wesho a mɛye nya a mini nya, a ɔri a shɔ nyakãsiri naa a ɔraa yuu yɛ. >>
20<< Vim n pɛli tɛtɔ piti kpai,>>jakasau sharɛ.<<Yasin kɛ piviya?>>
21Yesɔ geliu ne,<<Akɛ tɔne nɛn kasirɛ nɛn ɔ̃ tɛpɛtɛpɛ, yɛne, a mɛlaa vii wɛrɛ piti kpai a ã shɔ raayi, ayɛ kpaa ɗɔ vi sɨne tɔ a kolapa. Nɗaa arɛ, a gɨin kɛkn.>> 22Naa jakasaam tãtɛ nankɔ, sã nyaba rɛ u sisɨn lɛsine, aruugbete u vinaa ɗɔn bang.
23Kɛɗɔn Yesɔ geliu jadɔyi nɛ, <<N gelɔɔ tɛ, shɔ vinaa iyɛ ɓoo raatɔ aruu kpati roone a Ɗa wɛrɛ ni. 24Sɔ̃n tɔtti n gelɔɔ tɛ, yɛ ɔ̃ri woba pɛlaa tone a nyaba ɓo akang gbete shɔ vinaa roo kpati a Ɗa wɛrɛ yɛ.>> 25Naa Yesɔ jadoyi nta vimtɛ, <<ɔ̃riikɛ vibii zaane a i hɨne, piyɛ ranaa kɛpiya?>>
26Yesɔ knnoo ai bii a shanɛ, <<a shɔzɛbii yɛ pɛliɓa, Ama Ɗalapa ɗɔbii vi piti kpai pɛli tɔ.>> 27Bituru kasi Yesɔ nya rɛ nɛ,<<U ya vitɛ kpai u gn a dɔɔ tɛ! U yɛ kpaa kɛ ivi ya?>>
28Yesɔ geliyinɛ, N gelɔɔ tɛ nizɛ, a ɗagbete Yesɔ, jashɔzɛ yɛ ayɛ, yɛ ɔ̃ a laa kpati, shɔgbete ɔ gn yɛ ɔyɛ ɔ̃ sɔ̃njo a laa kpati, kɛɗɔn ɔ kop tu ziti gbete ɔ jing miyi, ɔyɛ ɔ̃ sɔ̃njo a laa kpati ɔ vɔsi shɔ Isrela laduru kop tu ziti ruu tɔ̃vɨng aruu kɔline ni. 29Shɔgbete au yaa wɛrɛ, ko ɓɛzɔ̃, ko ɓɛna, ko ɓɛye, ko ɓini, ko ɓɛjaayi, ko ɗɔ jalane ang yuu, yɛ kpaa vigbete yayɛ piti kpai ɓa laa maani yɛne ɗekn shɔ yɛ au kpati roone sɔ̃n tɔ Ɗa wɛrɛ ni. 30Ama Shɔzɛ waane gbeteyi ɗekn i kɔi yɛ kuna rɛ, shɔgbeteyi kunaa a knti ikɔi ɔ̃sɔ̃n shɔ ɗekn.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word for the World International and The Word for the World Nigeria