Mateyo 20
20
Ababomfi ba mwibala lya mwangashi
1“Ubufumu bwa mwiulu kuti twa bupalakanya ku muntu umo awaile pa makya mu kufwayapo abakumubombele milimo ya mwibala lya mwangashi. 2Balilanshenye ukubalipila amalipilo ya kasuba kamo. Epakubatuma kyakwe kwibala. 3Kabili aile ku kisankano panshita ya 09:00 koloko, alifumine, epakusanga bambi balimakene pa lubansa lwa kisankano apakubulwapo ikyo bakokita. 4Nabo alibebele ati, ‘Na mwebo kabombeniko mwibala lya mwangashi, nkomipeela amalipilo aya kulinga.’ 5Efyo baile. Kabili pa nshita ya 12:00 koloko na pa nshita ya 15:00 koloko napo akitile kimo kine. 6Nomba pepi fye ne nshita ya 17:00 koloko elo abwekelemo ku kisankano ukuya kusangako bambi balimakene. Alibepwishe ati, ‘Nindo mwimakanine pano akasuba konse?’ 7Nabo balimwasukile ati, ‘Tapalipo uwa kwisa ku tubomfyapo umulimo.’ Epakubeba nabo ukuya kubomba mwibala lyakwe ilya mwangashi.
8“Pa kyungulo umwine we bala aebele kangalila wa bankito uku kuuta ababomfi bonse pa ku bapeela amalipilo yabo. Atampiile pa balekeleleko, ukushinta na pa batampiilepo. 9Abatampile nkito pa nshita ya 17:00 koloko bapokele amalipilo yamoyene kila muntu aya kasuba kamo. 10Nomba ulo balya batampiilepo baishile mu kupoka amalipilo yabo, bali kutontonkanya ati, bena bakopoka amalipilo ayengi, nomba nabo balipeelwe fye yamoyene na banabo. 11Epakusenda indalama shabo pa kuilishanya ku mwine we bala, 12ati, ‘Abalekelele ukutampa inkito, nindo bapokela amalipilo yamoyene na fwebo?’ 13Naye alibasukile ati, ‘Kutikeni mwefibusa fyangi, ntamifyengele nebo. Bushe tamwakisumina ukupoka amalipilo ya kasuba kamo? 14Kabuyeni fye pantu nkofwaya mpeeleko uwakulekelela amalipilo yamoyene nga mwebo. 15Ndikwetepo insambu shakukita ikyo nkofwaya ne ndalama shangi na pamo ulifye na kalumwa pantu ndi wa kupeela sana?’”
16“Ekyo abali ku ntanshi bakaba pa kulekelesha, na bali pakulekelesha bakesa kuba pa ntanshi.”
Yesu alanda pa kufwa kwakwe pa muku wa kitatu
(Mako10.32-34; Luka18.31-34)
17Yesu ulo ali pa lwendo lwa kuninika ukuya ku Yelusalemu, alisendele pambali abasambi bakwe ikumi limo na babili beka. 18Alitampile no kubebati, “Kutikeni kuli nebo, tukoya ku Yelusalemu, uko Umwana wa Muntu akabikwa mu minwe ya banshimapepo bakindami na bakafundisha ba mafunde. Ali no kwipaiwa. 19Akapooswa mu minwe ya Benafyalo, bakamupunika, ukumupumaula, no kumutanika. Nomba pa bushiku bwa kulenga shitatu akabushiwa ku bakufwa.”
Nyina alombelako abana bakwe
(Mako10.35-45)
20Elo nyina lya bamwana Sebede aliletele abana bakwe kuli Yesu, afukama no kulombako kimo.
21Yesu epakumwipushati, “Nindo ukofwaya nkukitile?” Naye alimwasukile ati, “Nkofwayati pali aba bana bangi babili, umo akekale kukwa mulyo na umbi ku kipiko kobe ulo kesa kuteeka nge Mfumu.”
22Yesu alibasukile ati, “Tamwishibilepo ikyo mukolomba. Munganwinapo mulukombo lwa makyushi ndi no kunwinamo?” Nabo balimwasukile ati, “E mukwai kuti twakita.”
23Yesu alibasukile ati, “Efyo, ukunwina mulukombo lwangi kwena kuti mwakita, nomba fye ukwikala ku mulyo kwangi nangula ku kipiko kwangi tenebo ukusala pantu ifi fifulo fyalibanabo fyateyanishiwilwe kuli Tata.”
24Ulo abasambi bambi ikumi limo baumfwile fyo, balifulilwe abana nkashi balya babili. 25Elo Yesu alibakolonganikile bonse no kulekubebati, “Mwebo mulishibile ati, bakateeka ba Benafyalo balemya ulupaka na bakulu babo bateeka no mutitikisha. 26Nomba tefyo pali mwebo. Uukofwaya abe umukulu, abe musha wa bonse. 27No ukofwaya ukuba uwakuntanshi, nabe e musha wenu bonse. 28Efyo no Mwana wa Muntu naye taishile mu kupyungilwa, kano mukupyungila no kupeela umweo wakwe pa bantu abakuti ubwingi.”
Yesu aposha impofu shibili
(Mako10.46-52; Luka18.35-43)
29Yesu ulo ali kufuma mu Yeliko, abantu abakuti ubwingi balimukonkele. 30Impofu shibili ishaikele mu mbali ya musebo shalyumfwile ati Yesu akopita, epakwamba ukupunda ati, “Yesu we Shikulu mwana Davidi utubeleleko uluse!”
31Ibumba lya bantu lya tampile ukule kubakalipila no kubebati babe fye kelele. Nomba nabo epakukishapo ukupundati, “Shikulu mwana Davidi utubeleleko uluse!”
32Yesu alimakene, abakuuta no kubepushati, “Nindo mukofwaya mikitile?”
33Nabo balimwasukile ati, “Tukofwaya ukubona.”
34Yesu pakubakwatile nkumbu, alibekete mu menso yabo, pekapo na menso yalitampile ukubona, nabo epakumukonka.
လက္ရွိေရြးခ်ယ္ထားမွု
Mateyo 20: ABT
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word For The World International
Mateyo 20
20
Ababomfi ba mwibala lya mwangashi
1“Ubufumu bwa mwiulu kuti twa bupalakanya ku muntu umo awaile pa makya mu kufwayapo abakumubombele milimo ya mwibala lya mwangashi. 2Balilanshenye ukubalipila amalipilo ya kasuba kamo. Epakubatuma kyakwe kwibala. 3Kabili aile ku kisankano panshita ya 09:00 koloko, alifumine, epakusanga bambi balimakene pa lubansa lwa kisankano apakubulwapo ikyo bakokita. 4Nabo alibebele ati, ‘Na mwebo kabombeniko mwibala lya mwangashi, nkomipeela amalipilo aya kulinga.’ 5Efyo baile. Kabili pa nshita ya 12:00 koloko na pa nshita ya 15:00 koloko napo akitile kimo kine. 6Nomba pepi fye ne nshita ya 17:00 koloko elo abwekelemo ku kisankano ukuya kusangako bambi balimakene. Alibepwishe ati, ‘Nindo mwimakanine pano akasuba konse?’ 7Nabo balimwasukile ati, ‘Tapalipo uwa kwisa ku tubomfyapo umulimo.’ Epakubeba nabo ukuya kubomba mwibala lyakwe ilya mwangashi.
8“Pa kyungulo umwine we bala aebele kangalila wa bankito uku kuuta ababomfi bonse pa ku bapeela amalipilo yabo. Atampiile pa balekeleleko, ukushinta na pa batampiilepo. 9Abatampile nkito pa nshita ya 17:00 koloko bapokele amalipilo yamoyene kila muntu aya kasuba kamo. 10Nomba ulo balya batampiilepo baishile mu kupoka amalipilo yabo, bali kutontonkanya ati, bena bakopoka amalipilo ayengi, nomba nabo balipeelwe fye yamoyene na banabo. 11Epakusenda indalama shabo pa kuilishanya ku mwine we bala, 12ati, ‘Abalekelele ukutampa inkito, nindo bapokela amalipilo yamoyene na fwebo?’ 13Naye alibasukile ati, ‘Kutikeni mwefibusa fyangi, ntamifyengele nebo. Bushe tamwakisumina ukupoka amalipilo ya kasuba kamo? 14Kabuyeni fye pantu nkofwaya mpeeleko uwakulekelela amalipilo yamoyene nga mwebo. 15Ndikwetepo insambu shakukita ikyo nkofwaya ne ndalama shangi na pamo ulifye na kalumwa pantu ndi wa kupeela sana?’”
16“Ekyo abali ku ntanshi bakaba pa kulekelesha, na bali pakulekelesha bakesa kuba pa ntanshi.”
Yesu alanda pa kufwa kwakwe pa muku wa kitatu
(Mako10.32-34; Luka18.31-34)
17Yesu ulo ali pa lwendo lwa kuninika ukuya ku Yelusalemu, alisendele pambali abasambi bakwe ikumi limo na babili beka. 18Alitampile no kubebati, “Kutikeni kuli nebo, tukoya ku Yelusalemu, uko Umwana wa Muntu akabikwa mu minwe ya banshimapepo bakindami na bakafundisha ba mafunde. Ali no kwipaiwa. 19Akapooswa mu minwe ya Benafyalo, bakamupunika, ukumupumaula, no kumutanika. Nomba pa bushiku bwa kulenga shitatu akabushiwa ku bakufwa.”
Nyina alombelako abana bakwe
(Mako10.35-45)
20Elo nyina lya bamwana Sebede aliletele abana bakwe kuli Yesu, afukama no kulombako kimo.
21Yesu epakumwipushati, “Nindo ukofwaya nkukitile?” Naye alimwasukile ati, “Nkofwayati pali aba bana bangi babili, umo akekale kukwa mulyo na umbi ku kipiko kobe ulo kesa kuteeka nge Mfumu.”
22Yesu alibasukile ati, “Tamwishibilepo ikyo mukolomba. Munganwinapo mulukombo lwa makyushi ndi no kunwinamo?” Nabo balimwasukile ati, “E mukwai kuti twakita.”
23Yesu alibasukile ati, “Efyo, ukunwina mulukombo lwangi kwena kuti mwakita, nomba fye ukwikala ku mulyo kwangi nangula ku kipiko kwangi tenebo ukusala pantu ifi fifulo fyalibanabo fyateyanishiwilwe kuli Tata.”
24Ulo abasambi bambi ikumi limo baumfwile fyo, balifulilwe abana nkashi balya babili. 25Elo Yesu alibakolonganikile bonse no kulekubebati, “Mwebo mulishibile ati, bakateeka ba Benafyalo balemya ulupaka na bakulu babo bateeka no mutitikisha. 26Nomba tefyo pali mwebo. Uukofwaya abe umukulu, abe musha wa bonse. 27No ukofwaya ukuba uwakuntanshi, nabe e musha wenu bonse. 28Efyo no Mwana wa Muntu naye taishile mu kupyungilwa, kano mukupyungila no kupeela umweo wakwe pa bantu abakuti ubwingi.”
Yesu aposha impofu shibili
(Mako10.46-52; Luka18.35-43)
29Yesu ulo ali kufuma mu Yeliko, abantu abakuti ubwingi balimukonkele. 30Impofu shibili ishaikele mu mbali ya musebo shalyumfwile ati Yesu akopita, epakwamba ukupunda ati, “Yesu we Shikulu mwana Davidi utubeleleko uluse!”
31Ibumba lya bantu lya tampile ukule kubakalipila no kubebati babe fye kelele. Nomba nabo epakukishapo ukupundati, “Shikulu mwana Davidi utubeleleko uluse!”
32Yesu alimakene, abakuuta no kubepushati, “Nindo mukofwaya mikitile?”
33Nabo balimwasukile ati, “Tukofwaya ukubona.”
34Yesu pakubakwatile nkumbu, alibekete mu menso yabo, pekapo na menso yalitampile ukubona, nabo epakumukonka.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Word For The World International