oMak 15
15
Abyo Oyesu go Obutu ko Obilatus
(oMatiyu 27.1-2; 11-14; oLuka 23.1-5; Oyohana 18.28-38)
1Ototukpokyi oteyi ka awosapa kpa anyakwase, kpa awofono kpa awonongbo ga gbela. Ayo Oyesu gbo, kweyi abyo ga yi do Obilatus.
2Obilatus do oka mo, <<Awo wo ose ka Ase ko Oyahuda la?>>
Oyesu kyogwu mo, <<Olemani, byoni oka ni.>>
3Oteyi ka awosapa danu epwo labi nwashika. 4Ebeni Obilatus ki do oka mo, <<Oya kyogwu lo? Me epwo labi nwashika ni aba ka ikweyi wo ni.>>
5Oyesu ke ko ojije lo, kweyi igbashi yo Obilatus kwu.
Ayo Oyesu Poshi
(oMatiyu 27.15-26; oLuka 23.13-25; Oyohana 18.39-19,16)
6Okwobonu wodu, ni ishi kimya aba ngma ashe ipu ko oruduru ni ase doka ni. 7Ongo oye ni iyenu wo Obaraba ni ayo kwu to oruduru, kpa awi kpo ozogye ni yo ozalabi ko ngma ase ishini aba sha awa ni. 8Ewa ka asuse we ebe ko Obilatus wa doka ko oza ni aba yimu shini ona ya da awa ishi kpiri ni.
9Obilatus duwoka mo, <<Ala ba yimu shini na sho ose ka Ase ko Oyahuda bita da ala?>> 10Ogye mo ipu ka anya yoya pini oteyi ka awosapa yo Oyesu nabo danu la. 11Awoteyi ka awosapa ya te ewa ikpo mo Obilatus na sho Obaraba bita da awa.
12Obilatus duwoka mo, <<Na ya moji kpase ni aba yogwu mo ose ka Ase ko Oyahuda ni?>>
13Azo oko iso nwa kamo, <<Ana yo poshi.
14Obilatus duwoka mo, <<Oji labi ni oya?>>
Angmegba mo, <<Ana yo poshi!>>
15Obilatus yimu ko yo oza ni ewa ba yimu ni, osho Obaraba bita da awa. Oma ana yo Oyesu aboshi kweyi yo nabo da awa shini ana yo poshi.
Awadakare Sho Oyesu Enyo
(oMatiyu 27.27-31; Oyohana 19.2-3)
16Awadakare byo Oyesu gekpa ko onongbo kweyi aya awadakare kpiri ogwu. 17Akpo obagidi shooko kweyi aligye byozakeyi kose kweyi yi liikweyi. 18Kweyi akwotu ko to ogbogba mo, <<Abaga, ose ka Ase ko Oyahuda!>> 19Kweyi aki ba gwo ikweyi kpo okposhi, aki tehe sho. Akwagye kpo okinafu wa obutu nu, kweyi ba geyagye danu. 20Ishini aye eye kweyi ni, ayo obagidi ngma sho kweyi akpo oshiye nu sho oko. Kweyi abyo ge ebeni aba ga yo poshi ni.
Ayo Oyesu Poshi
(oMatiyu 27.32-44; oLuka 23.26-43; Oyohana 19.17-27)
21Ongo oye bwo Osiri, iyenu wo Osimo Ada ka Alekzanda kpo Orufu wa shigbo, abyo ko otiri mo ona zo oshi ko Oyesu. 22Abyo Oyesu ge ebye ni aba yo ogwu mo Ogolgota ni. Ikweyi nu wo Ebe ko Okpokwu ki Ikweyi. 23Ebeni adanu inyi wowa ni ashe eshi anu ni, oke tela ko gwa. 24Kweyi ayo poshi. Ayo oshiye nu yi ko, awe eba shini ana mo oza ni ananoho ya pye ni.
25Ayo poshi ogye ahane ko otukpokyi. 26Atenena ke epwo labi nu yi pi iso ko oshi mo: OSE KA AWOYAHUDA. 27Ayo awi epa poshi kpa anu dudu, oye ya abore, oye aboshe nu. 28Omani shini ela kawo bane na gya mo, <<Ayo ka ti ipu ka awinozalabi.>> 29Awase ni ba shigbo ni ye eye kweyi ba ji ikweyi ba kamo, <<Awo! Mo oya yo ole ko Owuso ya kye kweyi ya kyanu ya ma ipu ke eno eta, 30sa bwo oshi wo okpagye shini ongmi iyo!>>
31Mamani, oteyi ka awosapa kpa awofono ba ye eye mo, <<Ongma ase shishini, oke gege ko ngmi iyinu lo! 32Okristi, Ose ki Izrayila, na sa sho oshi na wo okpagye shini ahan ma, kweyi aha ba kyogwu.>> Awase ni ayuwa poshi kpa anu ni ki sesa.
Ikwu ko Oyesu
(oMatiyu 27.45-56; oLuka 23.44-49; Oyohana 19.28-30)
33Bwe eno weyi, ebe kpiri dibu okpagye ni go ogyeta ki isheno. 34Kweyi ogyeta, Oyesu kyegba kpo oko nwa mo, <<Eliyo, Eliyo, lama sabatani?>> ikweyi nu wo, <<Owuso hin, Owuso hin, ojiya ni opyitikpi tun?>>
35Ishini awase ni hagye ebeni pwo oza ni oya ka, akamo, <<Ala ya akpaha tagye oya yi Iliya ogwu.>>
36Ashe ipu wa nyinya ga zo ko gbi ikpiye kweyi yi linyo wowa kweyi yi lo okposhi do Oyesu mo ona gwa. Oka mo, <<Ala shobita, shini ahan ma kwe Iliya ya wa sa nu lo.>>
37Oyesu ngmegba nwa, kweyi ogbo layi ko ogwejeji.
38Ebeni ayikyi kofunu oda sha bwi iso wa geye. 39Ishini oteyi ka adakare ni hagye ebeni ma mani ni, okamo, <<Ko okwokwoshi ongo mani wo Oyi ko Owuso la!>>
40Ishi oni anya oye hagye ebe lenu ba mo oza ni ya gbodagye ni. Anya ni be ebeni ni wo Omeremu bwa agye ko Omagdalin kpo Omeremu ene ko Oyakubu leke kpo Oyosi kpo Osalomi. 41Bwo Ogalili, anya mani gboso kweyi aba danu oza ni oya yimu ni. Anya nwashika ni gboso bwo Ojerusele ni be ebeni.
Ayo Oyesu yi Nyi
(oMatiyu 27.57-61; oLuka 23.50-56; Oyohana 19.38-42)
42Owe eno ko kyatu, eno ni gbe ebenya nu we Eno ko Minyo ni. Ni eno sha ni, 43Isu bwo ogya ka Arimatiya, owo oye ipu ka awonongbo, oya gbeyi ko obula ko Owuso na wa, odi iyinu oshu ge ebe ko Obilatus ga doka ko okwu ko Oyesu. 44Igbashi yo Obilatus kwu ni opwo mo ogekwu ni. Oya adakare oni ogwu kweyi doka kwe Oyesu gekwu wa. 45Ishini opwo bwe ebe ka adakare mo ogekwu ni, oyo okwu nu yi do Isu. 46Isu ga ro opa, oyo okwu to opa kweyi oyo okwu yi nyi amiri ni abwu ipu ko okpo ni. Ebeni oso okpo ni abo yo okwunu ka amiri yi gwu. 47Omeremu bwa agye ko Omagdalin kpo Omeremu ene ko Isu me ebe ni ayo okwu nu yi nyi ni.
လက္ရွိေရြးခ်ယ္ထားမွု
oMak 15: ALA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA
oMak 15
15
Abyo Oyesu go Obutu ko Obilatus
(oMatiyu 27.1-2; 11-14; oLuka 23.1-5; Oyohana 18.28-38)
1Ototukpokyi oteyi ka awosapa kpa anyakwase, kpa awofono kpa awonongbo ga gbela. Ayo Oyesu gbo, kweyi abyo ga yi do Obilatus.
2Obilatus do oka mo, <<Awo wo ose ka Ase ko Oyahuda la?>>
Oyesu kyogwu mo, <<Olemani, byoni oka ni.>>
3Oteyi ka awosapa danu epwo labi nwashika. 4Ebeni Obilatus ki do oka mo, <<Oya kyogwu lo? Me epwo labi nwashika ni aba ka ikweyi wo ni.>>
5Oyesu ke ko ojije lo, kweyi igbashi yo Obilatus kwu.
Ayo Oyesu Poshi
(oMatiyu 27.15-26; oLuka 23.13-25; Oyohana 18.39-19,16)
6Okwobonu wodu, ni ishi kimya aba ngma ashe ipu ko oruduru ni ase doka ni. 7Ongo oye ni iyenu wo Obaraba ni ayo kwu to oruduru, kpa awi kpo ozogye ni yo ozalabi ko ngma ase ishini aba sha awa ni. 8Ewa ka asuse we ebe ko Obilatus wa doka ko oza ni aba yimu shini ona ya da awa ishi kpiri ni.
9Obilatus duwoka mo, <<Ala ba yimu shini na sho ose ka Ase ko Oyahuda bita da ala?>> 10Ogye mo ipu ka anya yoya pini oteyi ka awosapa yo Oyesu nabo danu la. 11Awoteyi ka awosapa ya te ewa ikpo mo Obilatus na sho Obaraba bita da awa.
12Obilatus duwoka mo, <<Na ya moji kpase ni aba yogwu mo ose ka Ase ko Oyahuda ni?>>
13Azo oko iso nwa kamo, <<Ana yo poshi.
14Obilatus duwoka mo, <<Oji labi ni oya?>>
Angmegba mo, <<Ana yo poshi!>>
15Obilatus yimu ko yo oza ni ewa ba yimu ni, osho Obaraba bita da awa. Oma ana yo Oyesu aboshi kweyi yo nabo da awa shini ana yo poshi.
Awadakare Sho Oyesu Enyo
(oMatiyu 27.27-31; Oyohana 19.2-3)
16Awadakare byo Oyesu gekpa ko onongbo kweyi aya awadakare kpiri ogwu. 17Akpo obagidi shooko kweyi aligye byozakeyi kose kweyi yi liikweyi. 18Kweyi akwotu ko to ogbogba mo, <<Abaga, ose ka Ase ko Oyahuda!>> 19Kweyi aki ba gwo ikweyi kpo okposhi, aki tehe sho. Akwagye kpo okinafu wa obutu nu, kweyi ba geyagye danu. 20Ishini aye eye kweyi ni, ayo obagidi ngma sho kweyi akpo oshiye nu sho oko. Kweyi abyo ge ebeni aba ga yo poshi ni.
Ayo Oyesu Poshi
(oMatiyu 27.32-44; oLuka 23.26-43; Oyohana 19.17-27)
21Ongo oye bwo Osiri, iyenu wo Osimo Ada ka Alekzanda kpo Orufu wa shigbo, abyo ko otiri mo ona zo oshi ko Oyesu. 22Abyo Oyesu ge ebye ni aba yo ogwu mo Ogolgota ni. Ikweyi nu wo Ebe ko Okpokwu ki Ikweyi. 23Ebeni adanu inyi wowa ni ashe eshi anu ni, oke tela ko gwa. 24Kweyi ayo poshi. Ayo oshiye nu yi ko, awe eba shini ana mo oza ni ananoho ya pye ni.
25Ayo poshi ogye ahane ko otukpokyi. 26Atenena ke epwo labi nu yi pi iso ko oshi mo: OSE KA AWOYAHUDA. 27Ayo awi epa poshi kpa anu dudu, oye ya abore, oye aboshe nu. 28Omani shini ela kawo bane na gya mo, <<Ayo ka ti ipu ka awinozalabi.>> 29Awase ni ba shigbo ni ye eye kweyi ba ji ikweyi ba kamo, <<Awo! Mo oya yo ole ko Owuso ya kye kweyi ya kyanu ya ma ipu ke eno eta, 30sa bwo oshi wo okpagye shini ongmi iyo!>>
31Mamani, oteyi ka awosapa kpa awofono ba ye eye mo, <<Ongma ase shishini, oke gege ko ngmi iyinu lo! 32Okristi, Ose ki Izrayila, na sa sho oshi na wo okpagye shini ahan ma, kweyi aha ba kyogwu.>> Awase ni ayuwa poshi kpa anu ni ki sesa.
Ikwu ko Oyesu
(oMatiyu 27.45-56; oLuka 23.44-49; Oyohana 19.28-30)
33Bwe eno weyi, ebe kpiri dibu okpagye ni go ogyeta ki isheno. 34Kweyi ogyeta, Oyesu kyegba kpo oko nwa mo, <<Eliyo, Eliyo, lama sabatani?>> ikweyi nu wo, <<Owuso hin, Owuso hin, ojiya ni opyitikpi tun?>>
35Ishini awase ni hagye ebeni pwo oza ni oya ka, akamo, <<Ala ya akpaha tagye oya yi Iliya ogwu.>>
36Ashe ipu wa nyinya ga zo ko gbi ikpiye kweyi yi linyo wowa kweyi yi lo okposhi do Oyesu mo ona gwa. Oka mo, <<Ala shobita, shini ahan ma kwe Iliya ya wa sa nu lo.>>
37Oyesu ngmegba nwa, kweyi ogbo layi ko ogwejeji.
38Ebeni ayikyi kofunu oda sha bwi iso wa geye. 39Ishini oteyi ka adakare ni hagye ebeni ma mani ni, okamo, <<Ko okwokwoshi ongo mani wo Oyi ko Owuso la!>>
40Ishi oni anya oye hagye ebe lenu ba mo oza ni ya gbodagye ni. Anya ni be ebeni ni wo Omeremu bwa agye ko Omagdalin kpo Omeremu ene ko Oyakubu leke kpo Oyosi kpo Osalomi. 41Bwo Ogalili, anya mani gboso kweyi aba danu oza ni oya yimu ni. Anya nwashika ni gboso bwo Ojerusele ni be ebeni.
Ayo Oyesu yi Nyi
(oMatiyu 27.57-61; oLuka 23.50-56; Oyohana 19.38-42)
42Owe eno ko kyatu, eno ni gbe ebenya nu we Eno ko Minyo ni. Ni eno sha ni, 43Isu bwo ogya ka Arimatiya, owo oye ipu ka awonongbo, oya gbeyi ko obula ko Owuso na wa, odi iyinu oshu ge ebe ko Obilatus ga doka ko okwu ko Oyesu. 44Igbashi yo Obilatus kwu ni opwo mo ogekwu ni. Oya adakare oni ogwu kweyi doka kwe Oyesu gekwu wa. 45Ishini opwo bwe ebe ka adakare mo ogekwu ni, oyo okwu nu yi do Isu. 46Isu ga ro opa, oyo okwu to opa kweyi oyo okwu yi nyi amiri ni abwu ipu ko okpo ni. Ebeni oso okpo ni abo yo okwunu ka amiri yi gwu. 47Omeremu bwa agye ko Omagdalin kpo Omeremu ene ko Isu me ebe ni ayo okwu nu yi nyi ni.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA