oMak 12
12
Elase Ikweyi ka Awo osheho ka Abola
(oMatiyu 21.33-46; oLuka 20.9-19)
1Ebeni okela da awa ipu kelase mo, <<Ongo oye sheho kinabi kweyi omokpe gyehe to, omoba ni aba pyi inyi ya sho ni, oki moda ki inogbeho. Ebeni oye eho yi da awo osheho oye abo kweyi ganu gi iyawu. 2Ni ishi ko wo ogwogwa ke efu ya ni, oto oyole nu oleho ko ga zo ogwogwa ke efu ebe wa. 3Ake yo kwu, kweyi agwo kweyi ane enya ga kpa abo yeye. 4Ebeni oki to oyole oye oleho ge ebe wa. Agwo ikweyi kweyi agbowuru. 5Oki ta ashe oleho ebe wa, anu oni ayo ngmo. Ota ase nwashika oleho, ashini wa agwuwa, ashini ayuwa ngmo.
6<<Ogba ashe oye ko to oleho, oyi nu moshi ni oya yimu ni. Otoleho ogwejeji mo, <Aba yi iweyi ko oyi hin.>
7<<Awoyoko ka abola mani ke ka diyiwa mo, <<Omani pini wi ino rogwu la. Ala wa shini ahan yo ngmo shini ogwu nu na wa akakaha.> 8Ebeni ayo kwu kweyi yo ongmo, ayo ta weyi ko ongma ge ese ke eho.
9<<Nabani oji ni ada ke eho ya wa ya? Oya wa ya awo osheho ka abola mani ya yi ngmo, kweyi ya ye eho ya da awashe hoha. 10Ala mo oza mani ipu ko okpa lo?
<Okpo ni awomoda tela mo shoshi lo ni,
anu pini wo okpo neshi ko moda la;
11Owo oyoya ka Adole la,
kweyi oshoshi iyi ka!>>>
12Bwe ebeni aba tikpo ko owe ni aba yo kwu ni ikweyi koni agye mo okelase mani kpa awa. Ake ba yoshi ke ewa, ebeni asho bita kweyi ga wa.
Ala Zegba do Okesa
(oMatiyu 22.15-22; oLuka 20.20-26)
13Ipu ki ishi gbayayi, ata ashini ka Awofarisi kpi ikpo ko Ohiridus oleho ge ebe ko Oyesu shini ana pwe ela ko okwunu nu. 14Awe ebe nu kweyi kamo, <<Inofoza, agye mo owa ase neshi. Oya byotu kpo oza ni ase ba ka ni lo. Oza ashe ya sha ashe lo, oya fa ase ela ko Owuso kpo kwokwoshi. Ka daha, oshoshi shini ahan zegba do Okesa la kwe ahan ka ze lo?>> 15Ahan zegba kwe an ka ze lo?
Oyesu ke gye mo awa awo byiga byiwa kweyi oduwoka kamo, <<Ojiya ni ala yimu ko zegba da ami? Ala byo odinari wa da ami shini na ma.>> 16Abyikwiri ikwiri oni wa danu, oduwoka mo, <<Oyi ka anoho kpi iye ka anoho yo ni?>>
Akamo, <<Oyi ko Okesa.>>
17Ebeni Oyesu ka da awa mo, <<Ala do Okesa oza ni wa ko Okesa, ala do Owuso oza ni wa ko Owuso ni.>>
Ebeni igbashi yuwa kwu.
Oka Doda Ikweyi ko Onyiso ka Ikwu
(oMatiyu 22.23-33; oLuka 20.27-40)
18Awosadukiya ni kamo onyiso ki Ikwu yaba lo. Ashishini wa 19do oka mo, <<Inofoza, Omusa ta daha kamo, owoni ongo gbo onya kweyi moyi kpa anu lo kweyi ogekwu sho onya bita, owotiri shini oyinanu na do oka ko onyokwu oni shini na mayi do oyinanu. 20Ishi oye agba ayene ahapa. Ki ikyikyo ipu wa gbo onya kweyi mo oyi kpa anu lo, gbi ishini ogekwu. 21Ko omwepa fogwu ko onya oni, ake moyi lo gbi ishini ogekwu. Mamani ogbodagye kpa ako omweta wa. 22Ogwejeji nu, ayene ahapa mani ashishe wa moyi kpa anu lo, gbi ishini onya ni ki gekwu. 23Ni olemani, onyiso ki Ikwu, anoho ni oya wo onya nu ipu wa, ni ayene ahapa mani kpiri do oka nu ni?>>
24Oyesu kyogwu mo, <<Ala gebi ikweyi koni ala gyo Okpa kpo oshu ko Owuso lo. 25Ishini awase ni gekwu ni nyiso, ango ba gba anya lo, anya ba gbo oba lo; aba lema bya ayoleho ipu ki iso. 26Ikweyi ko onyiso ka amiri. Ala ma ipu ko okpa ko Omusa ni Owuso kela danu ipu ki ikyashi ni mo, <Ami wo Owuso ki Ibirayi, Owuso ki Ishaku kpo Owuso ko Oyakubu ni lo>#12.26 OBOSE 3.6? 27Owo Owuso kawase ni gekwu ni lalo, ke wo Owuso kawase ni ba gbo layi ni la. Ala nyi iyi nwashika!>>
Ono ni wo Loshu She ni
(oMatiyu 22.34-40; oLuka 10.25-28)
28Oye ipu ka awofono wa tawa ba tawashu. Ogye mo Oyesu kyogwu kela neshi, kweyi odoka mo, <<Ipu ko ono ko Omusa kpiri, onya loshu she?>>
29Oyesu kyogwu mo, <<Oni loshu she ni yoma, <Ala za akpaha shini ala pwo, ase ki Izrayila, Owuso Adole ka aha wo oye la. 30Kweyi oyimu ko Owuso Adole wo kpo otu wo oye kpiri, kpo olayi wo, kpo oza kpiri no oya ra ipu ko otu wo ni, kpo oshu wo kpiri.>#12.30 KYE EPWO 6.4,5 31Omepa nu wo, <Yimu kase ni yo kwo ni byoni oya yimu ki iyiwo ni.>#12.31 OLI 19.18 Ono oyoye yaba ni sha awomani lo.>>
32Inofono kamo, <<Owokwokwoshi la. Oko okwokwoshi ni okamo Owuso wo oye kweyi ashishe yaba kelo sa anu. 33Kweyi oyimu nu kpo otu wo oye kpiri, kpo oza gyogye wo, kpo oshu wo kpiri, kweyi yimu kase ni yo kwo ni byoni oyimu ki iyiwo ni shoshi she eshi zoze kpo peshi la.>>
34Ishini Oyesu mo kela kase ni ziyi ni, oka danu mo, <<Oyo lenu kpo obula ko Owuso lo.>> Bwe ebeni go ohobu ashishe ki do oka ka awela kelo.
Omezaya wo Oyi ka Anoho
(oMatiyu 22.41-46; oLuka 20.41-44)
35Ishini Oyesu ya foza ipu kole ko Owuso ni, odoka mo, <<Owe wonya ni awofono ba kamo Omezaya wo oyi ko Odawuda? 36Odawuda abiyinu kela bwe ebe ko Omaku ko Owuso mo,
<Adole ka da Adole hin:
<<Yagye abore hin
gbishini nyya ya awomonyekwotu wo
ba bagye eye ka apatikpo wo.>
37Odawuda abiyinu yo ogwu mo, <Adole.> Owe wonya ni oki ya wo oyi nu?>>
Lewa kase pwela mani kweyi otuwa sha.
38Ishini Oyesu ya foza ni, okamo, <<Ala gbera kpo oza fofu ka awofono. Aba sho obagidi ni gbo ogwa ni kweyi ba gyehe shini ana tuwo ogbogba ipishi, 39kweyi ana da awa ebe ko yagye neshi ipu ke ekpa kpe ebe ki imya. 40Aba kpi iyo ka anyokwu koshu ole wa. Kweyi aba tinarigwu gbeji shini ase na muwa. Edo kawase mani aba da awo owe kotata.>>
Eshi Zoze ko Onyokwu
(oLuka 21.1-4)
41Oyesu yagye pyi iyi te ebe ni aba zeshi ni kweyi ome ewa ba zeshi ba ti ipu ko odudu. Awolodu nwashika ba ti ikwiri nwashika. 42Ebeni onyokwu oye ni ke gbeha ni wa ti ikwiri epa ni fo okwobo lo ni.
43Ebeni Oyesu ya awogboso ogwu kweyi kamo, <<Nyya kadala okwokwoshi, oza ni onyokwu ni gbeha mani ti ipu ko odudu mani sha ka ananoho. 44Kpiri wa ze ipu ko oza ni agbo nwashika ni la, anu ke ipu ke eha ni oyanu ni. Ozo oza ni ogbo ni, ki kpo oza ni ogbo ko re ni.>>
လက္ရွိေရြးခ်ယ္ထားမွု
oMak 12: ALA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA
oMak 12
12
Elase Ikweyi ka Awo osheho ka Abola
(oMatiyu 21.33-46; oLuka 20.9-19)
1Ebeni okela da awa ipu kelase mo, <<Ongo oye sheho kinabi kweyi omokpe gyehe to, omoba ni aba pyi inyi ya sho ni, oki moda ki inogbeho. Ebeni oye eho yi da awo osheho oye abo kweyi ganu gi iyawu. 2Ni ishi ko wo ogwogwa ke efu ya ni, oto oyole nu oleho ko ga zo ogwogwa ke efu ebe wa. 3Ake yo kwu, kweyi agwo kweyi ane enya ga kpa abo yeye. 4Ebeni oki to oyole oye oleho ge ebe wa. Agwo ikweyi kweyi agbowuru. 5Oki ta ashe oleho ebe wa, anu oni ayo ngmo. Ota ase nwashika oleho, ashini wa agwuwa, ashini ayuwa ngmo.
6<<Ogba ashe oye ko to oleho, oyi nu moshi ni oya yimu ni. Otoleho ogwejeji mo, <Aba yi iweyi ko oyi hin.>
7<<Awoyoko ka abola mani ke ka diyiwa mo, <<Omani pini wi ino rogwu la. Ala wa shini ahan yo ngmo shini ogwu nu na wa akakaha.> 8Ebeni ayo kwu kweyi yo ongmo, ayo ta weyi ko ongma ge ese ke eho.
9<<Nabani oji ni ada ke eho ya wa ya? Oya wa ya awo osheho ka abola mani ya yi ngmo, kweyi ya ye eho ya da awashe hoha. 10Ala mo oza mani ipu ko okpa lo?
<Okpo ni awomoda tela mo shoshi lo ni,
anu pini wo okpo neshi ko moda la;
11Owo oyoya ka Adole la,
kweyi oshoshi iyi ka!>>>
12Bwe ebeni aba tikpo ko owe ni aba yo kwu ni ikweyi koni agye mo okelase mani kpa awa. Ake ba yoshi ke ewa, ebeni asho bita kweyi ga wa.
Ala Zegba do Okesa
(oMatiyu 22.15-22; oLuka 20.20-26)
13Ipu ki ishi gbayayi, ata ashini ka Awofarisi kpi ikpo ko Ohiridus oleho ge ebe ko Oyesu shini ana pwe ela ko okwunu nu. 14Awe ebe nu kweyi kamo, <<Inofoza, agye mo owa ase neshi. Oya byotu kpo oza ni ase ba ka ni lo. Oza ashe ya sha ashe lo, oya fa ase ela ko Owuso kpo kwokwoshi. Ka daha, oshoshi shini ahan zegba do Okesa la kwe ahan ka ze lo?>> 15Ahan zegba kwe an ka ze lo?
Oyesu ke gye mo awa awo byiga byiwa kweyi oduwoka kamo, <<Ojiya ni ala yimu ko zegba da ami? Ala byo odinari wa da ami shini na ma.>> 16Abyikwiri ikwiri oni wa danu, oduwoka mo, <<Oyi ka anoho kpi iye ka anoho yo ni?>>
Akamo, <<Oyi ko Okesa.>>
17Ebeni Oyesu ka da awa mo, <<Ala do Okesa oza ni wa ko Okesa, ala do Owuso oza ni wa ko Owuso ni.>>
Ebeni igbashi yuwa kwu.
Oka Doda Ikweyi ko Onyiso ka Ikwu
(oMatiyu 22.23-33; oLuka 20.27-40)
18Awosadukiya ni kamo onyiso ki Ikwu yaba lo. Ashishini wa 19do oka mo, <<Inofoza, Omusa ta daha kamo, owoni ongo gbo onya kweyi moyi kpa anu lo kweyi ogekwu sho onya bita, owotiri shini oyinanu na do oka ko onyokwu oni shini na mayi do oyinanu. 20Ishi oye agba ayene ahapa. Ki ikyikyo ipu wa gbo onya kweyi mo oyi kpa anu lo, gbi ishini ogekwu. 21Ko omwepa fogwu ko onya oni, ake moyi lo gbi ishini ogekwu. Mamani ogbodagye kpa ako omweta wa. 22Ogwejeji nu, ayene ahapa mani ashishe wa moyi kpa anu lo, gbi ishini onya ni ki gekwu. 23Ni olemani, onyiso ki Ikwu, anoho ni oya wo onya nu ipu wa, ni ayene ahapa mani kpiri do oka nu ni?>>
24Oyesu kyogwu mo, <<Ala gebi ikweyi koni ala gyo Okpa kpo oshu ko Owuso lo. 25Ishini awase ni gekwu ni nyiso, ango ba gba anya lo, anya ba gbo oba lo; aba lema bya ayoleho ipu ki iso. 26Ikweyi ko onyiso ka amiri. Ala ma ipu ko okpa ko Omusa ni Owuso kela danu ipu ki ikyashi ni mo, <Ami wo Owuso ki Ibirayi, Owuso ki Ishaku kpo Owuso ko Oyakubu ni lo>#12.26 OBOSE 3.6? 27Owo Owuso kawase ni gekwu ni lalo, ke wo Owuso kawase ni ba gbo layi ni la. Ala nyi iyi nwashika!>>
Ono ni wo Loshu She ni
(oMatiyu 22.34-40; oLuka 10.25-28)
28Oye ipu ka awofono wa tawa ba tawashu. Ogye mo Oyesu kyogwu kela neshi, kweyi odoka mo, <<Ipu ko ono ko Omusa kpiri, onya loshu she?>>
29Oyesu kyogwu mo, <<Oni loshu she ni yoma, <Ala za akpaha shini ala pwo, ase ki Izrayila, Owuso Adole ka aha wo oye la. 30Kweyi oyimu ko Owuso Adole wo kpo otu wo oye kpiri, kpo olayi wo, kpo oza kpiri no oya ra ipu ko otu wo ni, kpo oshu wo kpiri.>#12.30 KYE EPWO 6.4,5 31Omepa nu wo, <Yimu kase ni yo kwo ni byoni oya yimu ki iyiwo ni.>#12.31 OLI 19.18 Ono oyoye yaba ni sha awomani lo.>>
32Inofono kamo, <<Owokwokwoshi la. Oko okwokwoshi ni okamo Owuso wo oye kweyi ashishe yaba kelo sa anu. 33Kweyi oyimu nu kpo otu wo oye kpiri, kpo oza gyogye wo, kpo oshu wo kpiri, kweyi yimu kase ni yo kwo ni byoni oyimu ki iyiwo ni shoshi she eshi zoze kpo peshi la.>>
34Ishini Oyesu mo kela kase ni ziyi ni, oka danu mo, <<Oyo lenu kpo obula ko Owuso lo.>> Bwe ebeni go ohobu ashishe ki do oka ka awela kelo.
Omezaya wo Oyi ka Anoho
(oMatiyu 22.41-46; oLuka 20.41-44)
35Ishini Oyesu ya foza ipu kole ko Owuso ni, odoka mo, <<Owe wonya ni awofono ba kamo Omezaya wo oyi ko Odawuda? 36Odawuda abiyinu kela bwe ebe ko Omaku ko Owuso mo,
<Adole ka da Adole hin:
<<Yagye abore hin
gbishini nyya ya awomonyekwotu wo
ba bagye eye ka apatikpo wo.>
37Odawuda abiyinu yo ogwu mo, <Adole.> Owe wonya ni oki ya wo oyi nu?>>
Lewa kase pwela mani kweyi otuwa sha.
38Ishini Oyesu ya foza ni, okamo, <<Ala gbera kpo oza fofu ka awofono. Aba sho obagidi ni gbo ogwa ni kweyi ba gyehe shini ana tuwo ogbogba ipishi, 39kweyi ana da awa ebe ko yagye neshi ipu ke ekpa kpe ebe ki imya. 40Aba kpi iyo ka anyokwu koshu ole wa. Kweyi aba tinarigwu gbeji shini ase na muwa. Edo kawase mani aba da awo owe kotata.>>
Eshi Zoze ko Onyokwu
(oLuka 21.1-4)
41Oyesu yagye pyi iyi te ebe ni aba zeshi ni kweyi ome ewa ba zeshi ba ti ipu ko odudu. Awolodu nwashika ba ti ikwiri nwashika. 42Ebeni onyokwu oye ni ke gbeha ni wa ti ikwiri epa ni fo okwobo lo ni.
43Ebeni Oyesu ya awogboso ogwu kweyi kamo, <<Nyya kadala okwokwoshi, oza ni onyokwu ni gbeha mani ti ipu ko odudu mani sha ka ananoho. 44Kpiri wa ze ipu ko oza ni agbo nwashika ni la, anu ke ipu ke eha ni oyanu ni. Ozo oza ni ogbo ni, ki kpo oza ni ogbo ko re ni.>>
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA