oMatiyu 7
7
Ozafofu ko Oyesu ikweyi Kepwo Koka
(oLuka 6.37,38,41,42)
1<<Ala kakwase epwo lo, shini Owuso naka kwala epwo lo. 2Byoni ala ba kwase epwo ni, mamani pini Owuso ya kwala epwo la, owe ni ala bwu ome ala kwase epwo ni, owe ni pini Owuso ya bwu ya kwala epwo la.
3<<Ojiya ni oya mikpo kikyashi iyi ko yene wo, kweyi osho ogbulo ni yipu kiyi wo ni bita? 4Oya kado oyene wo moji, wa na yikpo kikyashi ni yipu kiyi wo ni ngma; ome awo ke gbo ogbulo yiyi wo? 5Awo olanwe, ikikyo yogbulo ni yipu kiyi wo ni yi ngma ome shini omebe neneshi ko yikpo kikyashi ni yiyi ko oyene wo ngma.
6<<Ala ka yoza ni wo sere ni yidiwo lo, koni oya pya ya fala ahanu; kwoza kimu kala kayi shobutu karuma lo. Owoni ala ya mani aba dikpo.
Ala doka, ala labo, ala gwofunu
7<<Ala do Owuso oka koza ni ala ba yimu oya dala, labo koza ni ala bayimu ebe ko Owuso ala bapye; ala gwofunu ko Owuso oya gwa dala. 8Kpiri kase ni do Owuso oka koza oya danu; ase ni labo koza ebe ko Owuso oya ma; ase ni gwofunu ko Owuso, Owuso ya gwa danu.
9<<Anoho kala, ni oyinu do oka kikyoga kweyi adanu ikyikpo? 10Kwowoni odoka ke ebinyi, adanu ya danu egwa? 11Owoni ala ase bibi bagye ko dayi kala oza neshi ni abadoka ni, Ada kala ni yiso ni gbotu neshi shala ni ya dala oza ni ala badoka ni! 12Ni olemani, oza ni ala ba yimu shini ase na ya dala, ala ya dawa mamani; omani pini wozafofu kono ko Omusa kpa awinobane la.>>
Ala gipu ko owe pyopyi
13<<Ala gobula ko Owuso bwo owe kofunu pyopyi. Koni owe kofunu gwogwa kpo owe gwogwa ya byase gikwu ko gbogbo-gbogbo, ase lewa ba bwanu la. 14Byoni olemani, owe pyopyi pini ya byaha golayi kweyi ase gbayayi pini ba bwu la.
Ase ba gye Efu bwo ogwogwa nu
15<<Ala gbera kpa awobane ko kame. Aba webe kala byo otukpo ni gbotu neneshi, ipu kotu wa alema byi iwo kikyashi niba yala ofoni. 16Bwebe koza yo yawa ala ba gyuwa. Ala ba pyo ogwogwa kofig bwefu kigye lo, kwo odu ya gwigye lo. 17Mamani oni, edo kefu loshu ya gwa nyakwu, kweyi efu ni ya gbere yagwa tititi. 18Efu loshu yagwa tititi lo, mamani efu niya gbere yagwa nyakwu lo. 19Kpiri kefu ni gwa neshi lo, aba yigo kweyi ta gola. 20Ni olemani oni, ala bagya awinobane bwebe koko wa.
Oyesu ya kamo ngya ala ebibye lo
21<<Kpiri kase ni ba yumogwu mo, <Adole, Adole,> Pini ya gobula ko Owuso la lo, ke ase ni yoza ni Ada hin ni yiso yimu mo ana ya ni. 22Ase lewa ba ka dami eno ko kepwo mo, <Adole, Adole, aha tono kela ko Owuso ipu kiye wo, kweyi aki no omaku bibi enya shikpiye kase ipu kiye wo, aki yoza kigbashi nwashika ipu kiye wo.> 23Ebeni nyya ka dala mo, <Ngyala lo. Ala ga shebeni, awo yozabibi!>
Igwu kase Epa ni Mole wani
24<<Ni olemani oni, kpiri kase ni pwela hin mani kweyi yoko kpanu, olema byo oziyi ni mole nu ikweyi kikyikpo ni. 25Owuso wa, inyo nwokpa, owuta ole ni ke kye lo, ela koni ashikpo nu ikweyi kikyikpo ni. 26Ase ni ke pwela hin mani kweyi tela ko yoko kpanu, olema byase yeye ni mole ikweyi kisisagye ni. 27Owuso wa okpa nwu, kweyi owu tole ni gbo.>>
28Ishini Oyesu kela kweyi ni, ase lewa ni bebeni igbashi yuwa kwu koza ni ofu ni, 29Ikweyi koni ofuwoza byase ni gboshu ikweyi koza kpiri, olema bya awofono ni la lo.
လက္ရွိေရြးခ်ယ္ထားမွု
oMatiyu 7: ALA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA
oMatiyu 7
7
Ozafofu ko Oyesu ikweyi Kepwo Koka
(oLuka 6.37,38,41,42)
1<<Ala kakwase epwo lo, shini Owuso naka kwala epwo lo. 2Byoni ala ba kwase epwo ni, mamani pini Owuso ya kwala epwo la, owe ni ala bwu ome ala kwase epwo ni, owe ni pini Owuso ya bwu ya kwala epwo la.
3<<Ojiya ni oya mikpo kikyashi iyi ko yene wo, kweyi osho ogbulo ni yipu kiyi wo ni bita? 4Oya kado oyene wo moji, wa na yikpo kikyashi ni yipu kiyi wo ni ngma; ome awo ke gbo ogbulo yiyi wo? 5Awo olanwe, ikikyo yogbulo ni yipu kiyi wo ni yi ngma ome shini omebe neneshi ko yikpo kikyashi ni yiyi ko oyene wo ngma.
6<<Ala ka yoza ni wo sere ni yidiwo lo, koni oya pya ya fala ahanu; kwoza kimu kala kayi shobutu karuma lo. Owoni ala ya mani aba dikpo.
Ala doka, ala labo, ala gwofunu
7<<Ala do Owuso oka koza ni ala ba yimu oya dala, labo koza ni ala bayimu ebe ko Owuso ala bapye; ala gwofunu ko Owuso oya gwa dala. 8Kpiri kase ni do Owuso oka koza oya danu; ase ni labo koza ebe ko Owuso oya ma; ase ni gwofunu ko Owuso, Owuso ya gwa danu.
9<<Anoho kala, ni oyinu do oka kikyoga kweyi adanu ikyikpo? 10Kwowoni odoka ke ebinyi, adanu ya danu egwa? 11Owoni ala ase bibi bagye ko dayi kala oza neshi ni abadoka ni, Ada kala ni yiso ni gbotu neshi shala ni ya dala oza ni ala badoka ni! 12Ni olemani, oza ni ala ba yimu shini ase na ya dala, ala ya dawa mamani; omani pini wozafofu kono ko Omusa kpa awinobane la.>>
Ala gipu ko owe pyopyi
13<<Ala gobula ko Owuso bwo owe kofunu pyopyi. Koni owe kofunu gwogwa kpo owe gwogwa ya byase gikwu ko gbogbo-gbogbo, ase lewa ba bwanu la. 14Byoni olemani, owe pyopyi pini ya byaha golayi kweyi ase gbayayi pini ba bwu la.
Ase ba gye Efu bwo ogwogwa nu
15<<Ala gbera kpa awobane ko kame. Aba webe kala byo otukpo ni gbotu neneshi, ipu kotu wa alema byi iwo kikyashi niba yala ofoni. 16Bwebe koza yo yawa ala ba gyuwa. Ala ba pyo ogwogwa kofig bwefu kigye lo, kwo odu ya gwigye lo. 17Mamani oni, edo kefu loshu ya gwa nyakwu, kweyi efu ni ya gbere yagwa tititi. 18Efu loshu yagwa tititi lo, mamani efu niya gbere yagwa nyakwu lo. 19Kpiri kefu ni gwa neshi lo, aba yigo kweyi ta gola. 20Ni olemani oni, ala bagya awinobane bwebe koko wa.
Oyesu ya kamo ngya ala ebibye lo
21<<Kpiri kase ni ba yumogwu mo, <Adole, Adole,> Pini ya gobula ko Owuso la lo, ke ase ni yoza ni Ada hin ni yiso yimu mo ana ya ni. 22Ase lewa ba ka dami eno ko kepwo mo, <Adole, Adole, aha tono kela ko Owuso ipu kiye wo, kweyi aki no omaku bibi enya shikpiye kase ipu kiye wo, aki yoza kigbashi nwashika ipu kiye wo.> 23Ebeni nyya ka dala mo, <Ngyala lo. Ala ga shebeni, awo yozabibi!>
Igwu kase Epa ni Mole wani
24<<Ni olemani oni, kpiri kase ni pwela hin mani kweyi yoko kpanu, olema byo oziyi ni mole nu ikweyi kikyikpo ni. 25Owuso wa, inyo nwokpa, owuta ole ni ke kye lo, ela koni ashikpo nu ikweyi kikyikpo ni. 26Ase ni ke pwela hin mani kweyi tela ko yoko kpanu, olema byase yeye ni mole ikweyi kisisagye ni. 27Owuso wa okpa nwu, kweyi owu tole ni gbo.>>
28Ishini Oyesu kela kweyi ni, ase lewa ni bebeni igbashi yuwa kwu koza ni ofu ni, 29Ikweyi koni ofuwoza byase ni gboshu ikweyi koza kpiri, olema bya awofono ni la lo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA