oMatiyu 14
14
Ishi ki Ikwu ko Oyohana Ine Ko Obatisma
1Ishi oni Ohiridus ose ko Ogalili pwo oshu ko oko ni Oyesu yaya ni, 2kweyi oka da awo yo oko nu mo, <<Anu mani wo Oyohana ino Obatisma; ni gekwu nyiso ni la! Oza ni ya ni ogbo oshu ko ya awo oza ki igbashi ni oma.>>
3Ohiridu ka mani ikweyi koni anu pi yo Oyohana kwu toruduru ikweyi ko Oheridiya ni wo onya ko Ofilibus ni wo oyene ko Ohiridu ni. 4Ohiridu yo Oyohana toruduru ikweyi koni okada nu mo, <<Oshoshi shini odoka ko onya koyene wo ni gekwu ni lo. 5Ohiridus yimu ko yo Oyohana ngmo, oke ya yoshi kase koni azo wi inobane ni ko Owuso.
6Eno ki imya ko moma ko Ohiridus, oyi ko Ohiridiya gyo ba obutu kawo ogboga ni we ebe ki imya ni. Oyo oza ni sho Ohiridus otu ni 7Gbishini oshokoyi kpe enegwogwa danu mo, kpiri ko oza ni odoka oya danu. 8Ni ene ko oyi nonya pwo oza in Ohiridus kani, okado oyi nu mo na kado Ohiridus mo oya yimu ki ikweyi ko Oyohana ino yo Obatisma ipu ko okpa. Ebeni oyi nu ga kado Ohiridus mo, <<Nyya yimu ki ikweyi ko Oyohana ipu ko okpa!>> 9Elamani yo otu ko ose bya, koni okwobonu gwene obutu kawase ni bagye kpa anu ebe ki imya nu ni, okada awa mo, oza ni odoka ni ana danu. 10Otuwo oleho ga yo Oyohana ikweyi ngma oruduru. 11Abi ikweyi ko Oyohana wa ipu ko okpa, kweyi ayi do oyinonya oni kweyi obi ga yi di inanu. 12Awo gboso Oyohana wa yo oku nu bize ga yi nyi. Kweyi aga ka do Oyesu oza ni gbodagye kpo Oyohana ni.
Oyesu dase Okpaku eho Oza rore
13No Oyesu pwo oza ni gbodagye kpo Oyahana iniko yo Obatisma ni, oshe ebe ni bita gipu ko owu she ebeni bita kweyi gebe ni gba ashishe lo ni shini na yagye fufunu. Nase bwebe ni oga ni, agboso kpi ikpo bwo ogya gogo-gogo. 14Ni obose bwo owu ni, ime ewa ka asuse. Iyinyinyi wa yo kwu, kweyi oda awine ke ere ogege.
15Ni eno sha ni, awo gboso we ebe nu kweyi akamo, <<Ebeni gbashishe lo, ishi ke ya gawa ye ewa na gawa, shini ana go ogya ga ro oza ko rore.>>
16Oyesu kyogwu mo, <<owo tiri koni aya ga ro oza rore ebye lo. Ala dawa oza rore na re.>>
17Aka do Oyesu mo, <<Ikyoga eho kpe ebinyi epa kin pini aha gbo ebe ni la.>>
18Okamo, <<Ala byo oza ni ala gbo ni wa dami.>> 19Ebeni oya ase bagye ikweyi ka akyashi. Ozo ikyoga eho kpe ebinyi epa, kweyi otiyi mi iso kweyi keshi ko Owuso. Kweyi oyi ko tititi da awo gboso, kweyi awo gboso ko dase. 20Kpiri wa ha yipu. Awo gboso kpo shishi ni mwo ogwugwu igwepa. 21Ewa kase ni ha ni wo okpaku eho, ijiji ka ango aya Aresawu ka anya kpo ayi le ki lo.
Oyesu yawu ikweyi ki inyawo
22No Oyesu da ese okpaku eho oza rore kweyi ni, ebebeni oka dawo gboso kamo ana gipu ko owu shini ana sheyi ki ishu gese kwobonu danu, ohagye itikpi kweyi ye ewa gawa. 23Ishini oye ewa gawa ni, otoshi gi ikweyi kefu fufunu shini na tinarigwu. Oye ebe ni fufunu ya tinarigwu gbi ishini eno sha. 24Ishi oni owu ka awo gboso ke yo otutehe ki ishu kweyi ya ja, ikweyi koni owu loshu ya tani oya yo ogwa ki inyawo ya sabo.
25Abo ko ogye eta ko otu go hoki, Oyesu yawu ikweyi ki inyawo kweyi webe wa. 26Ishini awo gboso mo ya yawu ikweyi ki inyawo ni, otu wa gbo, kweyi akamo, <<Omani wo oyi la!>> Kweyi akyegba koni oshi yuwa ku. 27Ebebeni Oyesu kada wa mo: <<Ala gbo otu! Ami la. Ala ka yoshi lo.>> 28Obitrus kyogwu mo, <<Adole, owoni owa awo la,>> <<Kada ami na yawu ikweyi ki inyo webe wo.>> 29Oyesu kado Obitrus, <<Nyiso shino wa.>> Ebeni Obitrus nyiso kweyi bose bwi ipu ko owu kinyo, kweyi yawu ikweyi ki inyo ge ebe ko Oyesu. 30Ishini Obitrus mo owu ya ta loshu ni oshi yo ku kweyi oya gbebi gi inyo, okyegba mo Adole, tumabo shi na ka gbebe ipu ki inyo lo!>>
31Ebebeni, Oyesu na abo sho kweyi kamo <<Awine ko otuse gbayayikweyi hin, ojiya no oyotusun wo loshu lo.>> 32Ishini agi ipu ko owu ni, owu hagye. 33Ebeni ashishini ase ni bi ipu ko owu ni kwagye ba sho Oyesu iye, ba kamo, <<Okwokwoshi owo Oyi ko Owuso la.>>
34Ishini asheyi ki ishu ni, aga agye ko Ogenesaret. 35Ishini awase ka agye ni gye mo owo Oyesu ni, ato eleho go ogya ni yo kuwa kpiri ni, abya awine ke kere kpiri we ebe nu. 36Abo mo, awine kere na gwa abo akaka ko oshiye nu kin. Kpiri ka awine kere gwa abo oshiye nu kweyi pyo gege ki ikpiye wa.
လက္ရွိေရြးခ်ယ္ထားမွု
oMatiyu 14: ALA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA
oMatiyu 14
14
Ishi ki Ikwu ko Oyohana Ine Ko Obatisma
1Ishi oni Ohiridus ose ko Ogalili pwo oshu ko oko ni Oyesu yaya ni, 2kweyi oka da awo yo oko nu mo, <<Anu mani wo Oyohana ino Obatisma; ni gekwu nyiso ni la! Oza ni ya ni ogbo oshu ko ya awo oza ki igbashi ni oma.>>
3Ohiridu ka mani ikweyi koni anu pi yo Oyohana kwu toruduru ikweyi ko Oheridiya ni wo onya ko Ofilibus ni wo oyene ko Ohiridu ni. 4Ohiridu yo Oyohana toruduru ikweyi koni okada nu mo, <<Oshoshi shini odoka ko onya koyene wo ni gekwu ni lo. 5Ohiridus yimu ko yo Oyohana ngmo, oke ya yoshi kase koni azo wi inobane ni ko Owuso.
6Eno ki imya ko moma ko Ohiridus, oyi ko Ohiridiya gyo ba obutu kawo ogboga ni we ebe ki imya ni. Oyo oza ni sho Ohiridus otu ni 7Gbishini oshokoyi kpe enegwogwa danu mo, kpiri ko oza ni odoka oya danu. 8Ni ene ko oyi nonya pwo oza in Ohiridus kani, okado oyi nu mo na kado Ohiridus mo oya yimu ki ikweyi ko Oyohana ino yo Obatisma ipu ko okpa. Ebeni oyi nu ga kado Ohiridus mo, <<Nyya yimu ki ikweyi ko Oyohana ipu ko okpa!>> 9Elamani yo otu ko ose bya, koni okwobonu gwene obutu kawase ni bagye kpa anu ebe ki imya nu ni, okada awa mo, oza ni odoka ni ana danu. 10Otuwo oleho ga yo Oyohana ikweyi ngma oruduru. 11Abi ikweyi ko Oyohana wa ipu ko okpa, kweyi ayi do oyinonya oni kweyi obi ga yi di inanu. 12Awo gboso Oyohana wa yo oku nu bize ga yi nyi. Kweyi aga ka do Oyesu oza ni gbodagye kpo Oyohana ni.
Oyesu dase Okpaku eho Oza rore
13No Oyesu pwo oza ni gbodagye kpo Oyahana iniko yo Obatisma ni, oshe ebe ni bita gipu ko owu she ebeni bita kweyi gebe ni gba ashishe lo ni shini na yagye fufunu. Nase bwebe ni oga ni, agboso kpi ikpo bwo ogya gogo-gogo. 14Ni obose bwo owu ni, ime ewa ka asuse. Iyinyinyi wa yo kwu, kweyi oda awine ke ere ogege.
15Ni eno sha ni, awo gboso we ebe nu kweyi akamo, <<Ebeni gbashishe lo, ishi ke ya gawa ye ewa na gawa, shini ana go ogya ga ro oza ko rore.>>
16Oyesu kyogwu mo, <<owo tiri koni aya ga ro oza rore ebye lo. Ala dawa oza rore na re.>>
17Aka do Oyesu mo, <<Ikyoga eho kpe ebinyi epa kin pini aha gbo ebe ni la.>>
18Okamo, <<Ala byo oza ni ala gbo ni wa dami.>> 19Ebeni oya ase bagye ikweyi ka akyashi. Ozo ikyoga eho kpe ebinyi epa, kweyi otiyi mi iso kweyi keshi ko Owuso. Kweyi oyi ko tititi da awo gboso, kweyi awo gboso ko dase. 20Kpiri wa ha yipu. Awo gboso kpo shishi ni mwo ogwugwu igwepa. 21Ewa kase ni ha ni wo okpaku eho, ijiji ka ango aya Aresawu ka anya kpo ayi le ki lo.
Oyesu yawu ikweyi ki inyawo
22No Oyesu da ese okpaku eho oza rore kweyi ni, ebebeni oka dawo gboso kamo ana gipu ko owu shini ana sheyi ki ishu gese kwobonu danu, ohagye itikpi kweyi ye ewa gawa. 23Ishini oye ewa gawa ni, otoshi gi ikweyi kefu fufunu shini na tinarigwu. Oye ebe ni fufunu ya tinarigwu gbi ishini eno sha. 24Ishi oni owu ka awo gboso ke yo otutehe ki ishu kweyi ya ja, ikweyi koni owu loshu ya tani oya yo ogwa ki inyawo ya sabo.
25Abo ko ogye eta ko otu go hoki, Oyesu yawu ikweyi ki inyawo kweyi webe wa. 26Ishini awo gboso mo ya yawu ikweyi ki inyawo ni, otu wa gbo, kweyi akamo, <<Omani wo oyi la!>> Kweyi akyegba koni oshi yuwa ku. 27Ebebeni Oyesu kada wa mo: <<Ala gbo otu! Ami la. Ala ka yoshi lo.>> 28Obitrus kyogwu mo, <<Adole, owoni owa awo la,>> <<Kada ami na yawu ikweyi ki inyo webe wo.>> 29Oyesu kado Obitrus, <<Nyiso shino wa.>> Ebeni Obitrus nyiso kweyi bose bwi ipu ko owu kinyo, kweyi yawu ikweyi ki inyo ge ebe ko Oyesu. 30Ishini Obitrus mo owu ya ta loshu ni oshi yo ku kweyi oya gbebi gi inyo, okyegba mo Adole, tumabo shi na ka gbebe ipu ki inyo lo!>>
31Ebebeni, Oyesu na abo sho kweyi kamo <<Awine ko otuse gbayayikweyi hin, ojiya no oyotusun wo loshu lo.>> 32Ishini agi ipu ko owu ni, owu hagye. 33Ebeni ashishini ase ni bi ipu ko owu ni kwagye ba sho Oyesu iye, ba kamo, <<Okwokwoshi owo Oyi ko Owuso la.>>
34Ishini asheyi ki ishu ni, aga agye ko Ogenesaret. 35Ishini awase ka agye ni gye mo owo Oyesu ni, ato eleho go ogya ni yo kuwa kpiri ni, abya awine ke kere kpiri we ebe nu. 36Abo mo, awine kere na gwa abo akaka ko oshiye nu kin. Kpiri ka awine kere gwa abo oshiye nu kweyi pyo gege ki ikpiye wa.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
THE WORD FOR THE WORLD INTERNATIONAL, THE WORD FOR THE WORLD NIGERIA