लूका 9
9
येशूये बाह्र चेलाकोके प्रचार जाट्के बीर्हीन्काङ
(मत्ती १०:५-१५; मर्कूस ६:७-१३)
1येशूये मेकुङ बाह्रै जना चेलाकोके एट्काङ। होस्कोइ होसोकोके दुष्ट आत्माको छीक्के र छाच भर्मीकोके गेपाक्के शक्ति र अधिकार याहाकाङ। 2येशूये होसोकोके परमेश्वरे कुट मेकुङ भर्मीकोके राज्य जाट्लेको टेच बारेयाङ प्रचार जाट्के हटै छाचकोके गेपाक्के बीरीन्काङ। 3होस्कोइ होसोकोके टेकाङ, “नाक्को यात्रा जाट्नाङ हीड नानुन्नीस न डाङ्गा, न झोला, न पैसा, न ज्याच कुराको, न फेर्डीच बढीन। 4नाक्कोके जुन इमाङ मनीटा जाट्ले, होसै लाङ्घा माडास्टार सम्मन होसै इमाङ ज पाहुना छान्म मुनीस। 5बाकी र जहाँ भर्मीकोइ मनीटा माजाट्ले होसै सहर डास्नाङ होसोकोके चेतावनी याहाके नाक्कुङ मीहीलावो धुलो होलाङ ज खराम्ह याहानीस।”
6हटै होसोको होटीङ बिदा छान्म लाङ्घा-लाङ्घाङ आन्म सेहेच समाचार प्रचार जाट्म हटै पट्ट लाक छाचकोके गेपाक्म ह्वा।
येशूवो बारेयाङ सेमो हेरोद छक्क परीसा
(मत्ती १४:१-१२; मर्कूस ६:१४-२९)
7अब गालीलो शासक हेरोद एन्टिपास इसै पट्ट छान्च कुराको सेम छक्क परीसा, हीके टेहाङ कोही भर्मीकोइ बप्तिस्मा याहाच यूहन्ना सीम जीवाच टेम टेमलेया। 8अरु भर्मीकोइ चहीन्या येशू एलिया अगमवक्ता आलेको, जो फेरी स्वर्गइङ राहाकाङ टेमलेया। हटै अझै अरुकोइ चहीन्या काट खयाकाङो अगमवक्ता फेरी जीवाम राहा टेम टेया। 9बाकी र हेरोदे टेया, “बप्तिस्मा याहाच यूहन्नौ मीडुङ्गा चेके बीरीन्च च ङै ज आला, बाकी र इसै कुट फेरी जीवा ट? ङै इसै ही सेमनाङ?” हटै हेरोदे येशूके मेल्लै ज डुप्के पा।
येशूये पाँच हजार भर्मीकोके कास्काङ
(मत्ती १४:१३-२१; मर्कूस ६:३०-४४; यूहन्ना ६:१-१४)
10हटै प्रेरितको सेहेच समाचार सेटाक्म ल्हेस्म राहानाङ होसोकोइ जाट्च कामको येशूके होँसा। हटै येशूये होसोकोके लाम मेल्लाको मत्रै बेथसेदा टेच सहराङ आन्काङ। 11बाकी र भीडे इसै कुरा वार्म्ह होस्कोके डुटा। येशूये होसोको पट्टकोके मनीटा जाट्काङ हटै होसोकोके परमेश्वरो राज्यौ बारेयाङ सेटाक्काङ, हटै छाचकोके गेपाक्काङ।
12हटै नङ्खान कीम्ह्च बखटाङ बाह्र प्रेरितको राम्ह टेया, “भीडके आन्के याहानी, हटै होसोको खेरेपाँङो लाङ्घाङ आन्म ज्याके-गाके हटै बास मुके पाके ह्योक्ले। हीके टेहाङ कानको कुसै र मालेच ठावाङ लेनीङ।”
13येशूये होसोकोके टेकाङ, “नाक्कोइ होसोकोके ज्याच कुराको याहानीस।”
बाकी र होसोकोइ टेया, “कानको कठा पाँच गोटा बेस्काङ हटै न्हीस डीस्या मत्रै ले। कुलाङ र आन्म ही ड मालोटार कुट इडीको भर्मीकोके ज्याच कुराको ओलोक्के ट?”
14होलाङ लेच भर्मीको मध्येयाङ लगभग ५,००० जना लेन्जाको लेया। बाकी र येशूये मेनो चेलाकोके टेकाङ, “होसोकोके पचास-पचास जना छान्म मुके बीर्हीन्नीस।”
15चेलाकोइ होट ज जाटा हटै पट्ट भर्मीकोके मुटाका। 16येशूये होसै पाँच गोटा बेस्काङ हटै न्हीस डीस्या लाम ढेमाङ नमलाक ङोस्म परमेश्वरके धन्यवाद याहाकाङ हटै बेस्काङ र डीस्या चीलीक्म चेलाकोके पुङ्म याहाके बीर्हीन्काङ। 17हटै होसोकोइ र्हास्टार ज ज्याम माबान्च टुक्राको झुरूम्नाङ बाह्र गीरीङ छाना।
येशू ज पापीङ बचडीच ख्रीष्ट आलेको
(मत्ती १६:१३-२८; मर्कूस ८:२७—९:१)
18कयाक येशूये मेकोल्लाकाटे प्रार्थना जाट्म लेकाङ हटै चेलाको घनीङ होसोकोकठा लेया। येशूये चेलाकोके गीन्काङ, “भर्मीकोइ ङाके कुस आले टेम टेले?”
19होसोकोइ टेया, “कुच्यै-कुच्यै बप्तिस्मा याहाच यूहन्ना टेले, कुच्यै-कुच्यै चहीन्या एलिया टेले। हटै कुच्यै-कुच्यै चहीन्या खयाकाङो अगमवक्ता मध्येयाङ काट फेरी जीवामले टेम टेले।”
20येशूये फेरी चेलाकोके गीन्काङ, “बाकी र नाक्कोइ चहीन्या ही टेढनीस? ङा कुस आले?”
पत्रुसे जवाफ याहा, “नाको परमेश्वरे बीर्हीन्च पापीङ बचडीच ख्रीष्ट आलेको।”
21येशूये होसोकोके, “इसै कुराको कुसैके र मासेटाक्नीस” टेम आज्ञा याहाकाङ। 22हटै होस्कोइ टेकाङ, “ङा भर्मीयो मीजै ढलीङ दुख भोग्डीके परीस्ले। यहूदी अगुवाकोइ, मुख्य पुजाहारीकोइ हटै व्यवस्थौ धर्मगुरुकोइ ङाके इन्कार जाट्ले। हटै भर्मीकोइ ङाके साट्ले हटै ङा सोम्याकाङ जीवाम सोलाङ।”
23न्हुनीङ येशूये पट्टकोके टेकाङ, “कुच्यै र ङाके डुट्म चेला छान्के जाक्ले टेहाङ होचे मेल्लौ मीगीने टेच लख जाट्के डास्के परीस्ले। होचे मेन सीके परीस्ढ्याङ र ङाके डुट्के परीस्ले। 24हीके टेहाङ जसे मेनो जीबन बचडीके पाले होचे गुमडीले, बाकी र जसे ङौ लागी जीबन गुमडीले, होचे सेन्ढै माडुम्च जीबन डीहीन्ने। 25भर्मीये पट्ट संसार डीहीन्म मेल्लौ जीबनके गुमडीया टेहाङ, ही सेहेच छाना र? 26जो भर्मी ङा कठा हटै ङौ बचनकठा कराले, ङा भर्मीयो मीजा घनीङ ङौ बाबैयो हटै स्वर्गदूतकुङ महीमाङ राहानाङ होस्के ङौ भर्मी टेके करालाङ। 27इलाङ सेनीस, इलाङ लेच कुडीक भर्मीको परमेश्वरो राज्य राहाच माडाङ्टार सम्म मासीले।”
येशूवो रुप फेरीसा
(मत्ती १७:१-८; मर्कूस ९:२-८)
28इसै कुरा टेच आठ याक न्हुनीङ येशूये पत्रुस, यूहन्ना, हटै याकूबके मेकोर कठा प्रार्थना जाट्के डाँडाङ न्हुन्काङ। 29होस्कोइ प्रार्थना जाट्मज लेनाङ होस्कुङ अनुहार फेरीस्म आना हटै बढीनको बीजुली चम्कडीस्च लख बेहेरी ज बोम चम्कडीसा। 30होलाङ अचानक न्हीस भर्मीको, मोशा हटै अगमवक्ता एलिया राहा हटै येशूकठा कुरा जाटा। 31होसोको न्हीस घनीङ येशू लख बीजुली चम्कडीस्च लख चम्कडीस्मलेया हटै येशूकठा होस्को यरुशलेमाङ सीके परीस्च बारेयाङ कुरा जाटा। 32पत्रुस हटै होच्यौ लफाको मीमीक राम्ह लठ्ठै छान्म मीस्मलेया। बाकी र होसोको रीहीन्नाङ होसोकोइ येशूवो महीमाङ होस्को चम्कडीस्च हटै होस्कोकठा न्हीस भर्मीको टोह्ङम ज लेच डाङा। 33होसै न्हीस भर्मीको येशूके डास्म आन्के ज पानाङ पत्रुसे मेने ही ङाक्मनाङ टेम थाहा माडीहीन्म येशूके टेया, “गुरु ज्यू, कानकोके इलाङ ज मुके सेहेच छान्ले। कानकोइ इलाङ बास मुके सोम ठाउँ खासीङ, काट नाकुङ लागी, काट मोशौ लागी हटै काट एलियौ लागी।”
34पत्रुसे ङाक्मज जाट्नाङ होलाङ होसोकोके ढुँडीये हुपा, हटै होसोको बेहेरी ज बीरीया। 35परमेश्वरे ढुँडीङ इट टेकाङ, “इसै ङौ मीजा आले, जसके ङै टेच कुराको जाट्के भाक्मनाङ। इचे टेच कुराको सेनीस।”
36परमेश्वरे टेम भ्यानीसीङ होसोकोइ होलाङ येशूके मत्रै डाङा। चेलाकोइ होस बेला होसै कुराको होसोकोटुङ ज डा हटै कुसैके र मासेटाका।
येशूये दुष्ट आत्मा लग्डीस्च रेन्झाके गेपाक्काङ
(मत्ती १७:१४-२१; मर्कूस ९:१४-२७)
37पीहीनलाक येशू हटै होस सोम चेलाको डाँडाइङ म्हाकाङ झाला, हटै ढलीङ भर्मीयो भीडे येशूके डुपा। 38अचानक भीडीङ काट भर्मीये च्याक्म इट टेया, “गुरु ज्यू, ङौ मीजाके ङोस्म याहानी हीके टेहाङ होसै ङौ काट जा मीजा आले। 39इसके काट दुष्ट आत्मै घोले हटै घोच डीक्को ज च्याक्च जाटाक्ले, हटै इडीक जोडे होयोक्म लछार-पछार जाट्ले की मेङ्गेरीङ मेघोचोस ज ख्योच जाटाक्ले। दुष्ट आत्मै इसके कलाप जा र माडास्ले, हटै इसके हानी जाट्मज ले। 40ङै नाकुङ चेलाकोके इसै दुष्ट आत्माके छीक्म याहाके बिन्ती ङाजाटाङ, बाकी र होसोकोइ माह्योका।”
41येशूये टेकाङ, “ए परमेश्वरके भरोसा माजाट्च हटै परमेश्वरे टेच माडीहीच भर्मीको! ङा कुडीक सम्म नाकोकठा मुम नाक्कोके सैढीके?” हटै येशूये होसै भर्मीके टेकाङ, “नोङो मीजाके इलाक राको।”
42होसै रेन्झा येशूलाक आन्मज जाट्नाङ होस्के दुष्ट आत्मै बेहेरी होयोक्म खोरोका। बाकी र येशूये होसै दुष्ट आत्माके नार्म ख्योके बीर्हीन्काङ, हटै होस्के गेपाक्म होच्यौ बाबैके याहाकाङ। 43पट्ट भर्मीको परमेश्वरो कराहाङ्च शक्तियो काम डाङ्म वावाटै छाना।
येशूये मेको सीच बारेयाङ फेरी टेकाङ
(मत्ती ७:२२-२३; मर्कूस ९:३०-३२)
मेकोइ जाट्च काम डाङ्म भर्मीको वावाट छान्नाङ येशूये होस्कुङ चेलाकोके टेकाङ, 44“इसै कुराको सेहेम सेनीस, भर्मीयो मीजाके धोका याहाम घोनीसीङ भर्मीकुङ हुटाङ याहाच बेला छान्मले।” 45बाकी र होसोकोइ येशूये टेच कुरा माबुझडीसा। हीके टेहाङ होस कुराको होसोकोइ नौट बुझडीसे टेम होसोकोटुइङ आर्चीक्म डामलेया। हटै होसोकोइ घनीङ येशूके होच्यौ बारेयाङ फेरी गीन्के बीरीया।
पट्ट टेनाङ कराहाङ्च कुस आले?
(मत्ती १८:१-५; मर्कूस ९:३३-३७)
46होसै बेला चेलाको मेक्को-मेक्को कानकोवाङ पट्ट टेनाङ कराहाङ्च कुस आले टेम ङाक्के ठाला। 47बाकी र येशूये होसोकुङ मीगीनाङो कुरा वार्म काट माहार्च बाबुजाके मेकोटुङ डाकाङ, 48हटै होसोकोके टेकाङ, “जसे ङौ लागि इसै माहार्च बाबुजाके मनीटा जाट्ले, होचे ङाके घनीङ मनीटा जाट्ले। ङाके मनीटा जाट्चये ङाके बीर्हीन्च परमेश्वरके घनीङ मनीटा जाट्ले। हीके टेहाङ नाक्कोवाङ जो पट्ट टेनाङ माहार्च ले, होसै ज पट्ट टेनाङ कराहाङ्च छान्ले।”
49यूहन्नै टेया, “गुरु ज्यू, कानकोइ काट भर्मीये नाकुङ म्यार्मीनाङ दुष्ट आत्माको छीक्च काडाङास हटै कानकोइ होस्के होट जाट्के मट्याहास हीके टेहाङ होचे कानकोइ लख नाकोके माडुट्ले।”
50बाकी र येशूये टेकाङ, “होस्के मारोक्डीनीस हीके टेहाङ जो नाक्कुङ विरुद्धाङ माले होसै नाक्कोलाक ले।”
सामरीकोइ येशूके मनीटा माजाटा
51येशूवो स्वर्ग आन्च बेला राहाचये होस्को यरुशलेम लाक आन्के ठाल्काङ। 52होस्कोइ समाचार न्हुन्च भर्मीकोके अघेर बीर्हीन्काङ। होस भर्मीको येशूवो लागी ज्याके-गाके हटै बास मुके तयारी जाट्के काट सामरीकुङ लाङ्घाङ आना। 53बाकी र होलाङो भर्मीकोइ येशू यरुशलेम लाक आन्मज लेको टेम थाहा डीहीन्म होसोकोके होलाङ मनीटा माजाटा। 54तब इसै डाङ्म येशूवो चेलाको याकूब हटै यूहन्नै टेया, “प्रभु कानकोइ स्वर्गइङ म्हे झलाक्म इसकोके भस्म जाट्के जाक्ढनी?”
55बाकी र येशू होसोकोलाक ल्हेस्म होसोकोके नार्काङ। [नाक्कोइ नाक्कुङ मीगीनाङ ही ले टेच कुरा मावार्डनीस। 56हीके टेहाङ भर्मीयो मीजा भर्मीकोके साट्के माआला बाकी र बचडीके राहाच आले।] होस न्हुनीङ होसोको आस्काट लाङ्घालाक आना।
येशूके डुट्नाङ याहाके परीस्च मुल्य
(मत्ती ८:१९-२२)
57येशू हटै होस्कुङ चेलाको लामाङ आन्मज जाट्नाङ काट भर्मी राम्ह होस्कोके टेया, “हे प्रभु, नाको कुलाक आन्ढनी ङा घनीङ नाकुङ न्हुन-न्हुन आन्नाङ।”
58येशूये होस्के टेकाङ, “राङ्सीलाकुङ ओडार ले, नमाङ भुर्च ग्वाकुङ मीम ले, बाकी र भर्मीयो मीजौ च मीटालु डाच ठाउँ घनीङ माले।”
59येशूये आस्काट भर्मीके टेकाङ, “ङाके डुटो।”
बाकी र होचे टेया, “पहीला ङाके ङौ बाबैके चीहानाङ ठाक्के आन्के याहानी।”
60येशूये होस्के टेकाङ, “सीच ढीन्च भर्मीकोके#9:60 सीच ढीन्च भर्मीकोके सीच ढीन्च भर्मीको हुन्च भर्मीको आले जस कठा परमेश्वरे कानुङ आत्माके याहाच जीबन माले। होसोकोवाङ सीचकोके ठाक्के याहानीस। बाकी र नेङे चहीन्या परमेश्वरो राज्यौ बारेयाङ सेटाको।”
61आस्काट भर्मीये टेया, “प्रभु, ङै नाकोके डुट्लाङ, बाकी र ङाके पहीला ङौ इमो जहानकोकठा बिदा लाके याहानी।”
62बाकी र येशूये होस्के टेकाङ, “मेनो मीहुट हाराङ लैडीम न्हुनलाक ङोस्च भर्मी#9:62 मेनो मीहुट हाराङ लैडीम न्हुनलाक ङोस्च भर्मी ही र काम ठाल्म भ्याम अरु कुराङ भुल्म मुच भर्मी परमेश्वरो राज्याङ सेवा जाट्के लायकावो माछान्ले। परमेश्वरो राज्याङ सेवा जाट्के लायकावो माछान्ले।”
လက္ရွိေရြးခ်ယ္ထားမွု
लूका 9: WMGR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 (Active), Mother Tongue Translators Society and Wycliffe Bible Translators, Inc. All rights reserved.
लूका 9
9
येशूये बाह्र चेलाकोके प्रचार जाट्के बीर्हीन्काङ
(मत्ती १०:५-१५; मर्कूस ६:७-१३)
1येशूये मेकुङ बाह्रै जना चेलाकोके एट्काङ। होस्कोइ होसोकोके दुष्ट आत्माको छीक्के र छाच भर्मीकोके गेपाक्के शक्ति र अधिकार याहाकाङ। 2येशूये होसोकोके परमेश्वरे कुट मेकुङ भर्मीकोके राज्य जाट्लेको टेच बारेयाङ प्रचार जाट्के हटै छाचकोके गेपाक्के बीरीन्काङ। 3होस्कोइ होसोकोके टेकाङ, “नाक्को यात्रा जाट्नाङ हीड नानुन्नीस न डाङ्गा, न झोला, न पैसा, न ज्याच कुराको, न फेर्डीच बढीन। 4नाक्कोके जुन इमाङ मनीटा जाट्ले, होसै लाङ्घा माडास्टार सम्मन होसै इमाङ ज पाहुना छान्म मुनीस। 5बाकी र जहाँ भर्मीकोइ मनीटा माजाट्ले होसै सहर डास्नाङ होसोकोके चेतावनी याहाके नाक्कुङ मीहीलावो धुलो होलाङ ज खराम्ह याहानीस।”
6हटै होसोको होटीङ बिदा छान्म लाङ्घा-लाङ्घाङ आन्म सेहेच समाचार प्रचार जाट्म हटै पट्ट लाक छाचकोके गेपाक्म ह्वा।
येशूवो बारेयाङ सेमो हेरोद छक्क परीसा
(मत्ती १४:१-१२; मर्कूस ६:१४-२९)
7अब गालीलो शासक हेरोद एन्टिपास इसै पट्ट छान्च कुराको सेम छक्क परीसा, हीके टेहाङ कोही भर्मीकोइ बप्तिस्मा याहाच यूहन्ना सीम जीवाच टेम टेमलेया। 8अरु भर्मीकोइ चहीन्या येशू एलिया अगमवक्ता आलेको, जो फेरी स्वर्गइङ राहाकाङ टेमलेया। हटै अझै अरुकोइ चहीन्या काट खयाकाङो अगमवक्ता फेरी जीवाम राहा टेम टेया। 9बाकी र हेरोदे टेया, “बप्तिस्मा याहाच यूहन्नौ मीडुङ्गा चेके बीरीन्च च ङै ज आला, बाकी र इसै कुट फेरी जीवा ट? ङै इसै ही सेमनाङ?” हटै हेरोदे येशूके मेल्लै ज डुप्के पा।
येशूये पाँच हजार भर्मीकोके कास्काङ
(मत्ती १४:१३-२१; मर्कूस ६:३०-४४; यूहन्ना ६:१-१४)
10हटै प्रेरितको सेहेच समाचार सेटाक्म ल्हेस्म राहानाङ होसोकोइ जाट्च कामको येशूके होँसा। हटै येशूये होसोकोके लाम मेल्लाको मत्रै बेथसेदा टेच सहराङ आन्काङ। 11बाकी र भीडे इसै कुरा वार्म्ह होस्कोके डुटा। येशूये होसोको पट्टकोके मनीटा जाट्काङ हटै होसोकोके परमेश्वरो राज्यौ बारेयाङ सेटाक्काङ, हटै छाचकोके गेपाक्काङ।
12हटै नङ्खान कीम्ह्च बखटाङ बाह्र प्रेरितको राम्ह टेया, “भीडके आन्के याहानी, हटै होसोको खेरेपाँङो लाङ्घाङ आन्म ज्याके-गाके हटै बास मुके पाके ह्योक्ले। हीके टेहाङ कानको कुसै र मालेच ठावाङ लेनीङ।”
13येशूये होसोकोके टेकाङ, “नाक्कोइ होसोकोके ज्याच कुराको याहानीस।”
बाकी र होसोकोइ टेया, “कानको कठा पाँच गोटा बेस्काङ हटै न्हीस डीस्या मत्रै ले। कुलाङ र आन्म ही ड मालोटार कुट इडीको भर्मीकोके ज्याच कुराको ओलोक्के ट?”
14होलाङ लेच भर्मीको मध्येयाङ लगभग ५,००० जना लेन्जाको लेया। बाकी र येशूये मेनो चेलाकोके टेकाङ, “होसोकोके पचास-पचास जना छान्म मुके बीर्हीन्नीस।”
15चेलाकोइ होट ज जाटा हटै पट्ट भर्मीकोके मुटाका। 16येशूये होसै पाँच गोटा बेस्काङ हटै न्हीस डीस्या लाम ढेमाङ नमलाक ङोस्म परमेश्वरके धन्यवाद याहाकाङ हटै बेस्काङ र डीस्या चीलीक्म चेलाकोके पुङ्म याहाके बीर्हीन्काङ। 17हटै होसोकोइ र्हास्टार ज ज्याम माबान्च टुक्राको झुरूम्नाङ बाह्र गीरीङ छाना।
येशू ज पापीङ बचडीच ख्रीष्ट आलेको
(मत्ती १६:१३-२८; मर्कूस ८:२७—९:१)
18कयाक येशूये मेकोल्लाकाटे प्रार्थना जाट्म लेकाङ हटै चेलाको घनीङ होसोकोकठा लेया। येशूये चेलाकोके गीन्काङ, “भर्मीकोइ ङाके कुस आले टेम टेले?”
19होसोकोइ टेया, “कुच्यै-कुच्यै बप्तिस्मा याहाच यूहन्ना टेले, कुच्यै-कुच्यै चहीन्या एलिया टेले। हटै कुच्यै-कुच्यै चहीन्या खयाकाङो अगमवक्ता मध्येयाङ काट फेरी जीवामले टेम टेले।”
20येशूये फेरी चेलाकोके गीन्काङ, “बाकी र नाक्कोइ चहीन्या ही टेढनीस? ङा कुस आले?”
पत्रुसे जवाफ याहा, “नाको परमेश्वरे बीर्हीन्च पापीङ बचडीच ख्रीष्ट आलेको।”
21येशूये होसोकोके, “इसै कुराको कुसैके र मासेटाक्नीस” टेम आज्ञा याहाकाङ। 22हटै होस्कोइ टेकाङ, “ङा भर्मीयो मीजै ढलीङ दुख भोग्डीके परीस्ले। यहूदी अगुवाकोइ, मुख्य पुजाहारीकोइ हटै व्यवस्थौ धर्मगुरुकोइ ङाके इन्कार जाट्ले। हटै भर्मीकोइ ङाके साट्ले हटै ङा सोम्याकाङ जीवाम सोलाङ।”
23न्हुनीङ येशूये पट्टकोके टेकाङ, “कुच्यै र ङाके डुट्म चेला छान्के जाक्ले टेहाङ होचे मेल्लौ मीगीने टेच लख जाट्के डास्के परीस्ले। होचे मेन सीके परीस्ढ्याङ र ङाके डुट्के परीस्ले। 24हीके टेहाङ जसे मेनो जीबन बचडीके पाले होचे गुमडीले, बाकी र जसे ङौ लागी जीबन गुमडीले, होचे सेन्ढै माडुम्च जीबन डीहीन्ने। 25भर्मीये पट्ट संसार डीहीन्म मेल्लौ जीबनके गुमडीया टेहाङ, ही सेहेच छाना र? 26जो भर्मी ङा कठा हटै ङौ बचनकठा कराले, ङा भर्मीयो मीजा घनीङ ङौ बाबैयो हटै स्वर्गदूतकुङ महीमाङ राहानाङ होस्के ङौ भर्मी टेके करालाङ। 27इलाङ सेनीस, इलाङ लेच कुडीक भर्मीको परमेश्वरो राज्य राहाच माडाङ्टार सम्म मासीले।”
येशूवो रुप फेरीसा
(मत्ती १७:१-८; मर्कूस ९:२-८)
28इसै कुरा टेच आठ याक न्हुनीङ येशूये पत्रुस, यूहन्ना, हटै याकूबके मेकोर कठा प्रार्थना जाट्के डाँडाङ न्हुन्काङ। 29होस्कोइ प्रार्थना जाट्मज लेनाङ होस्कुङ अनुहार फेरीस्म आना हटै बढीनको बीजुली चम्कडीस्च लख बेहेरी ज बोम चम्कडीसा। 30होलाङ अचानक न्हीस भर्मीको, मोशा हटै अगमवक्ता एलिया राहा हटै येशूकठा कुरा जाटा। 31होसोको न्हीस घनीङ येशू लख बीजुली चम्कडीस्च लख चम्कडीस्मलेया हटै येशूकठा होस्को यरुशलेमाङ सीके परीस्च बारेयाङ कुरा जाटा। 32पत्रुस हटै होच्यौ लफाको मीमीक राम्ह लठ्ठै छान्म मीस्मलेया। बाकी र होसोको रीहीन्नाङ होसोकोइ येशूवो महीमाङ होस्को चम्कडीस्च हटै होस्कोकठा न्हीस भर्मीको टोह्ङम ज लेच डाङा। 33होसै न्हीस भर्मीको येशूके डास्म आन्के ज पानाङ पत्रुसे मेने ही ङाक्मनाङ टेम थाहा माडीहीन्म येशूके टेया, “गुरु ज्यू, कानकोके इलाङ ज मुके सेहेच छान्ले। कानकोइ इलाङ बास मुके सोम ठाउँ खासीङ, काट नाकुङ लागी, काट मोशौ लागी हटै काट एलियौ लागी।”
34पत्रुसे ङाक्मज जाट्नाङ होलाङ होसोकोके ढुँडीये हुपा, हटै होसोको बेहेरी ज बीरीया। 35परमेश्वरे ढुँडीङ इट टेकाङ, “इसै ङौ मीजा आले, जसके ङै टेच कुराको जाट्के भाक्मनाङ। इचे टेच कुराको सेनीस।”
36परमेश्वरे टेम भ्यानीसीङ होसोकोइ होलाङ येशूके मत्रै डाङा। चेलाकोइ होस बेला होसै कुराको होसोकोटुङ ज डा हटै कुसैके र मासेटाका।
येशूये दुष्ट आत्मा लग्डीस्च रेन्झाके गेपाक्काङ
(मत्ती १७:१४-२१; मर्कूस ९:१४-२७)
37पीहीनलाक येशू हटै होस सोम चेलाको डाँडाइङ म्हाकाङ झाला, हटै ढलीङ भर्मीयो भीडे येशूके डुपा। 38अचानक भीडीङ काट भर्मीये च्याक्म इट टेया, “गुरु ज्यू, ङौ मीजाके ङोस्म याहानी हीके टेहाङ होसै ङौ काट जा मीजा आले। 39इसके काट दुष्ट आत्मै घोले हटै घोच डीक्को ज च्याक्च जाटाक्ले, हटै इडीक जोडे होयोक्म लछार-पछार जाट्ले की मेङ्गेरीङ मेघोचोस ज ख्योच जाटाक्ले। दुष्ट आत्मै इसके कलाप जा र माडास्ले, हटै इसके हानी जाट्मज ले। 40ङै नाकुङ चेलाकोके इसै दुष्ट आत्माके छीक्म याहाके बिन्ती ङाजाटाङ, बाकी र होसोकोइ माह्योका।”
41येशूये टेकाङ, “ए परमेश्वरके भरोसा माजाट्च हटै परमेश्वरे टेच माडीहीच भर्मीको! ङा कुडीक सम्म नाकोकठा मुम नाक्कोके सैढीके?” हटै येशूये होसै भर्मीके टेकाङ, “नोङो मीजाके इलाक राको।”
42होसै रेन्झा येशूलाक आन्मज जाट्नाङ होस्के दुष्ट आत्मै बेहेरी होयोक्म खोरोका। बाकी र येशूये होसै दुष्ट आत्माके नार्म ख्योके बीर्हीन्काङ, हटै होस्के गेपाक्म होच्यौ बाबैके याहाकाङ। 43पट्ट भर्मीको परमेश्वरो कराहाङ्च शक्तियो काम डाङ्म वावाटै छाना।
येशूये मेको सीच बारेयाङ फेरी टेकाङ
(मत्ती ७:२२-२३; मर्कूस ९:३०-३२)
मेकोइ जाट्च काम डाङ्म भर्मीको वावाट छान्नाङ येशूये होस्कुङ चेलाकोके टेकाङ, 44“इसै कुराको सेहेम सेनीस, भर्मीयो मीजाके धोका याहाम घोनीसीङ भर्मीकुङ हुटाङ याहाच बेला छान्मले।” 45बाकी र होसोकोइ येशूये टेच कुरा माबुझडीसा। हीके टेहाङ होस कुराको होसोकोइ नौट बुझडीसे टेम होसोकोटुइङ आर्चीक्म डामलेया। हटै होसोकोइ घनीङ येशूके होच्यौ बारेयाङ फेरी गीन्के बीरीया।
पट्ट टेनाङ कराहाङ्च कुस आले?
(मत्ती १८:१-५; मर्कूस ९:३३-३७)
46होसै बेला चेलाको मेक्को-मेक्को कानकोवाङ पट्ट टेनाङ कराहाङ्च कुस आले टेम ङाक्के ठाला। 47बाकी र येशूये होसोकुङ मीगीनाङो कुरा वार्म काट माहार्च बाबुजाके मेकोटुङ डाकाङ, 48हटै होसोकोके टेकाङ, “जसे ङौ लागि इसै माहार्च बाबुजाके मनीटा जाट्ले, होचे ङाके घनीङ मनीटा जाट्ले। ङाके मनीटा जाट्चये ङाके बीर्हीन्च परमेश्वरके घनीङ मनीटा जाट्ले। हीके टेहाङ नाक्कोवाङ जो पट्ट टेनाङ माहार्च ले, होसै ज पट्ट टेनाङ कराहाङ्च छान्ले।”
49यूहन्नै टेया, “गुरु ज्यू, कानकोइ काट भर्मीये नाकुङ म्यार्मीनाङ दुष्ट आत्माको छीक्च काडाङास हटै कानकोइ होस्के होट जाट्के मट्याहास हीके टेहाङ होचे कानकोइ लख नाकोके माडुट्ले।”
50बाकी र येशूये टेकाङ, “होस्के मारोक्डीनीस हीके टेहाङ जो नाक्कुङ विरुद्धाङ माले होसै नाक्कोलाक ले।”
सामरीकोइ येशूके मनीटा माजाटा
51येशूवो स्वर्ग आन्च बेला राहाचये होस्को यरुशलेम लाक आन्के ठाल्काङ। 52होस्कोइ समाचार न्हुन्च भर्मीकोके अघेर बीर्हीन्काङ। होस भर्मीको येशूवो लागी ज्याके-गाके हटै बास मुके तयारी जाट्के काट सामरीकुङ लाङ्घाङ आना। 53बाकी र होलाङो भर्मीकोइ येशू यरुशलेम लाक आन्मज लेको टेम थाहा डीहीन्म होसोकोके होलाङ मनीटा माजाटा। 54तब इसै डाङ्म येशूवो चेलाको याकूब हटै यूहन्नै टेया, “प्रभु कानकोइ स्वर्गइङ म्हे झलाक्म इसकोके भस्म जाट्के जाक्ढनी?”
55बाकी र येशू होसोकोलाक ल्हेस्म होसोकोके नार्काङ। [नाक्कोइ नाक्कुङ मीगीनाङ ही ले टेच कुरा मावार्डनीस। 56हीके टेहाङ भर्मीयो मीजा भर्मीकोके साट्के माआला बाकी र बचडीके राहाच आले।] होस न्हुनीङ होसोको आस्काट लाङ्घालाक आना।
येशूके डुट्नाङ याहाके परीस्च मुल्य
(मत्ती ८:१९-२२)
57येशू हटै होस्कुङ चेलाको लामाङ आन्मज जाट्नाङ काट भर्मी राम्ह होस्कोके टेया, “हे प्रभु, नाको कुलाक आन्ढनी ङा घनीङ नाकुङ न्हुन-न्हुन आन्नाङ।”
58येशूये होस्के टेकाङ, “राङ्सीलाकुङ ओडार ले, नमाङ भुर्च ग्वाकुङ मीम ले, बाकी र भर्मीयो मीजौ च मीटालु डाच ठाउँ घनीङ माले।”
59येशूये आस्काट भर्मीके टेकाङ, “ङाके डुटो।”
बाकी र होचे टेया, “पहीला ङाके ङौ बाबैके चीहानाङ ठाक्के आन्के याहानी।”
60येशूये होस्के टेकाङ, “सीच ढीन्च भर्मीकोके#9:60 सीच ढीन्च भर्मीकोके सीच ढीन्च भर्मीको हुन्च भर्मीको आले जस कठा परमेश्वरे कानुङ आत्माके याहाच जीबन माले। होसोकोवाङ सीचकोके ठाक्के याहानीस। बाकी र नेङे चहीन्या परमेश्वरो राज्यौ बारेयाङ सेटाको।”
61आस्काट भर्मीये टेया, “प्रभु, ङै नाकोके डुट्लाङ, बाकी र ङाके पहीला ङौ इमो जहानकोकठा बिदा लाके याहानी।”
62बाकी र येशूये होस्के टेकाङ, “मेनो मीहुट हाराङ लैडीम न्हुनलाक ङोस्च भर्मी#9:62 मेनो मीहुट हाराङ लैडीम न्हुनलाक ङोस्च भर्मी ही र काम ठाल्म भ्याम अरु कुराङ भुल्म मुच भर्मी परमेश्वरो राज्याङ सेवा जाट्के लायकावो माछान्ले। परमेश्वरो राज्याङ सेवा जाट्के लायकावो माछान्ले।”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 (Active), Mother Tongue Translators Society and Wycliffe Bible Translators, Inc. All rights reserved.