लूका 5
5
येशूवो सुरुवो चेलाको
(मत्ती ४:१८-२२; मर्कूस १:१६-२०)
1कयाक येशू गनेसरेत ताल छेवाङ टोह्ङमल्याको। ढलीङ भर्मीको परमेश्वरो बचन सेके टेम येशूवो खेरेप भीड जाट्मल्या। 2येशूये होसै तालो कीनाराङ न्हीस डुङ्गाको डाङ्काङ, बाकी र जाल ङाप्चको चहीन्या डुङ्गौ बहीरी मुम मेकुङ जालको हुर्मज लेया। 3होस न्हीसाङ काट चहीन्या सिमोनो डुङ्गा लेया। होलाङ काल्नीसीङ येशूये सिमोनके डुङ्गाके कीनारलाकीङ चेक आलाक न्हुनके बीरीन्काङ। हटै होस्को डुङ्गाङ मुम भर्मीकोके पाहाटाक्काङ। #मत्ती १३:१-२; मर्कू ३:९-१०; ४:१
4पाहाटाक्म भ्यानीसीङ येशूये सिमोनके टेकाङ, “डुङ्गाके लुप्च डीयाङ आल्म जाल ङापो!”
5सिमोने टेया, “गुरु ज्यू, कानकोइ नभीभर जाल ङापच्यौ ङाप्मले बाकी र काट जा डीस्या माघोमनीङ। टेहाङ र नाकोइ टेचये, ङै अझै जाल ङाप्लाङ।#यूह २१:३” 6हटै होसोकोइ होट जाट्प्याक ढलीङ डीस्याको घोवा हटै जाल च्याहाके पा।#यूह २१:६ 7होसोकोइ आस्काट डुङ्गाङ लेच मेनो लाफाकोके राम्ह डुस्म याहाके बीर्हीना हटै लाफाको राम्ह डीस्या डोन्के ठाला, डोन्नाङ-डोन्नाङ न्हीसवान डुङ्गा पीङ्नीसीङ ठाहाके पा। 8इसै डाङ्म सिमोन पत्रुसे येशूवो मीहीलाङ घोप्टो परीस्म टेया, “ए प्रभु, ङा पापी लेन, ङाटुइङ लोस आन्नी।”
9ढलीङ डीस्या घोचये सीमोन हटै सिमोनो लाफाको छक्क परीसा। 10सिमोनो लाफाको, जब्दियौ मीजा याकूब र यूहन्ना घनीङ छक्क परीसा। हटै येशूये सिमोनके टेकाङ, “नाबीरीयो! अबटीङ नेङे डीस्याको माहाले बाकी र भर्मीकोके परमेश्वरो राज्याङ राक्ढल।”
11हटै होसोकोइ मेनो डुङ्गाकोके कीनाराङ राका हटै पट्ट कुराको डास्म येशूके डुट्के ठाला।
येशूये कोर्ह्याके गेपाक्च
(मत्ती ८:१-४; मर्कूस १:४०-४५)
12काचोटी येशू गालीलौ काट लाङ्घाङ लेकाङ। होलाङ काट कोर्ह्या#5:12 कोर्ह्या यहूदी व्यवस्था अनुसार, कोर्ह्या लग्डीस्च भर्मीकोके अशुद्ध मन्डीयोला। लग्डीस्च भर्मी घनीङ लेया। होचे येशूके डाङ्म, होस्कुङ मीहीलाङ घोप्टो परीस्म बिन्ती जाटा, “ए प्रभु, नाकोइ मीगीन नाजाटास टेहाङ ङाके गेपाक्के ह्योकढनी।”
13येशूये होस टकनी मीहुट डाम टेकाङ, “ङै इच्छा जाट्लाङ, नाङ गेप्न” होसै बेला ज होच्यौ कोर्ह्या रोग गेपा। 14हटै येशूये होस्के आज्ञा जाट्काङ, “इसै कुरा कुस्के ड नाटेउ! बाकी र पुजाहारीटुङ आन्म टन्हाको हटै मोशौ व्यवस्थै#5:14 मोशौ व्यवस्थै परमेश्वरे मोशाके याहाच व्यवस्था अथवा कानुन जाट्के बीरीन्च लख भर्मीकोके गेप्च टेम टनाक्के भेटी योहो।” #लेवी १४:१-३२
15बाकी र येशूवो चर्चा झनै फैलडीस्म आना हटै ढलीङ भर्मीको होस्कोइ पाहाक्च शिक्षाको सेके हटै मेकुङ छाचइङ गेप्के राहा। 16बाकी र येशू मेढेर कुसै र मालेच ठावाङ आन्म प्रार्थना जाटोल्काङ।
येशूये पक्षाघातीके गेपाक्काङ
(मत्ती ९:१-८; मर्कूस २:१-१२)
17कयाक येशूये पाहाटाक्मज लेनाङ गालील र यहुदियावौ पट्ट सहरीङ हटै यरुशलेमीङ फरिसीको हटै व्यवस्थौ धर्म गुरुको राम्ह होलाङ मुवा। येशूकठा छाचकोके गेपाक्के परमेश्वरो शक्ति लेया। 18भर्मीकोइ काट पक्षाघातीके टाङ्माङ ज बुम राका। होसोकोइ होस्के भीत्री येशूवो अघेरलाक आल्के पा। 19बाकी र भर्मीकुङ भीडे जाट्नाङ भीत्री आल्के लाम ज माडीहीन्नीसीङ होस्के इमो धुरीयाङ काल्हाकार छाजन फोम टाङ्माङ ज भीडो माझाङ येशूटुङ झलाका। 20येशूये होस भर्मीकुङ विश्वास डाङ्म होस पक्षाघातीके टेकाङ, “नोङो पापको क्षमा छाना।”
21येशूवो कुरा सेम फरिसी हटै व्यवस्थौ धर्मगुरुकोइ मेक्को-मेक्कोवाङ टेया, “परमेश्वरो अपमान जाट्च भर्मी इसै कुस आले? परमेश्वर टेनाङ अरु कुचे पापो क्षमा जाट्के ह्योक्ले र?”
22येशूये होसोकुङ मीगीनावो कुरा वार्म गीन्काङ, “नाक्कोइ हीके नाक्कुङ मीगीनाङ होट सोँच्डीढनीस? 23ङाके टेनीस कुसै सजिलो ले, ‘नोङो पापको क्षमा छाना’ की ‘सोम ह्वान?’ 24बाकी र भर्मीयो मीजाके पृथ्वीयाङ पाप क्षमा याहाच अधिकार ले टेम वार्नीस।” हटै येशूये होस पक्षाघातीके टेकाङ, “ङै नाङ्के टेलाङ, सोन हटै नोङो टाङ्मा बुम इमाङ आन्न।”
25हटै होट टेचनीङ, पट्टकुङ अघेर ज होस भर्मी सोनीसीङ, मेनो टाङ्मा बुम परमेश्वरो प्रशंसा जाट्मज इमाङ आना। 26पट्ट भर्मीको छक्क परीस्म परमेश्वरो प्रशंसा जाटा हटै, “कानकोइ छीनीङ अचम्मवो कुरा काडाङास!” टेम होसोको बीरीया।
येशूये मेकोके डुट्के लेवीके एट्काङ
(मत्ती ९:९-१३; मर्कूस २:१३-१७)
27होटीङ आन्नाङ येशूये काट लेवी म्यार्मीन लेच सेर्मा सोट्च भर्मीके सेर्मा सोट्च ठावाङ मुम मुच डाङ्काङ हटै येशूये होस्के टेकाङ, “ङाके डुटो।” 28हटै लेवी होटीङ सोनीसीङ पट्ट कुराको डास्म येशूके डुट्के ठाला।
29होस न्हुनीङ लेवीये येशूवो लागी मेनो इमाङ बडाको भोज डा। होलाङ ढलीङ सेर्मा सोट्चको हटै अरु भर्मीकुङ भीडको घनीङ भोजाङ लेया। 30फरिसी हटै होस्कुङ व्यवस्थौ धर्मगुरुकोइ होस्कुङ चेलाकोके इट टेम गनगन जाट्के ठाला, “नाक्कोइ हीके सेर्मा सोट्चको हटै पापीको कठा ज्याके-गाके जाट्ढनी?”#लूक १५:१-२
31येशूये होसोकोके टेकाङ, “माछाच भर्मीकोके वैद्य माचहीस्ले, बाकी र छाचकोके चहीस्ले। 32ङा धर्मीकोके माआले बाकी र पापीकोके पापके डास्म परमेश्वरलाक ल्हेस्नीस टेम एट्के राहाच आले।”
येशूये उपासो बारेयाङ पाहाटाक्लेको
(मत्ती ९:१४-१७; मर्कूस २:१८-२२)
33कोही भर्मीकोइ येशूके टेया, “बप्तिस्मा याहाच यूहन्नौ चेलाकोइ उपवास हटै प्रार्थना जाट्मज मुले हटै फरिसीकुङ चेलाकोइ घनीङ जाट्ले बाकी र नाकुङ चेलाकोइ जहिले र ज्याले गाले।”
34येशूये होसोकोके टेकाङ, “नाक्कोइ दुलहा जन्टीको कठा लेच बेलाङ होसोकोके उपवास मुके बीरीन्के ह्योकढनीस? 35बाकी र होडीन्च बेला राहाले, दुलहाके मेनो जन्टीकोटुइङ भाक्ले। होडीन्च याकाङ होसोको उपवास मुले।”
36येशूये इसै आहान होसोकोके टेकाङ, “कुच्यै र नयाँ बढीन च्याहाक्म पुरानो बढीनाङ टाला माकाले। होट जाटा टेहाङ नयै च्याहाक्म याहाले हटै नयाँ बढीनो टाला पुरानो बढीनाङ माखाट्ले। 37होट जाट्मज कुच्यै र नयाँ अंगुरो हान पुरानो छालौ मसकाङमाकाले। होट जाटा टेहाङ, नयाँ अंगुरो हाने छालौ मसकके भास्म याहाले, अंगुरो हान यास्ले, हटै छालौ मसक बेगारीस्म आन्ले। 38बाकी र नयाँ अंगुरो हानके नयाँ छालौ मसकाङ ज काके परीस्ले। 39हटै कुचे ड पुरानो अंगुरो हान गाम नयाँ अंगुरो हान गाके मापाले, हीके टेहाङ होचे टेले ‘पुरानो अंगुरो हान ज सेहेम छान्ले।’”
လက္ရွိေရြးခ်ယ္ထားမွု
लूका 5: WMGR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 (Active), Mother Tongue Translators Society and Wycliffe Bible Translators, Inc. All rights reserved.
लूका 5
5
येशूवो सुरुवो चेलाको
(मत्ती ४:१८-२२; मर्कूस १:१६-२०)
1कयाक येशू गनेसरेत ताल छेवाङ टोह्ङमल्याको। ढलीङ भर्मीको परमेश्वरो बचन सेके टेम येशूवो खेरेप भीड जाट्मल्या। 2येशूये होसै तालो कीनाराङ न्हीस डुङ्गाको डाङ्काङ, बाकी र जाल ङाप्चको चहीन्या डुङ्गौ बहीरी मुम मेकुङ जालको हुर्मज लेया। 3होस न्हीसाङ काट चहीन्या सिमोनो डुङ्गा लेया। होलाङ काल्नीसीङ येशूये सिमोनके डुङ्गाके कीनारलाकीङ चेक आलाक न्हुनके बीरीन्काङ। हटै होस्को डुङ्गाङ मुम भर्मीकोके पाहाटाक्काङ। #मत्ती १३:१-२; मर्कू ३:९-१०; ४:१
4पाहाटाक्म भ्यानीसीङ येशूये सिमोनके टेकाङ, “डुङ्गाके लुप्च डीयाङ आल्म जाल ङापो!”
5सिमोने टेया, “गुरु ज्यू, कानकोइ नभीभर जाल ङापच्यौ ङाप्मले बाकी र काट जा डीस्या माघोमनीङ। टेहाङ र नाकोइ टेचये, ङै अझै जाल ङाप्लाङ।#यूह २१:३” 6हटै होसोकोइ होट जाट्प्याक ढलीङ डीस्याको घोवा हटै जाल च्याहाके पा।#यूह २१:६ 7होसोकोइ आस्काट डुङ्गाङ लेच मेनो लाफाकोके राम्ह डुस्म याहाके बीर्हीना हटै लाफाको राम्ह डीस्या डोन्के ठाला, डोन्नाङ-डोन्नाङ न्हीसवान डुङ्गा पीङ्नीसीङ ठाहाके पा। 8इसै डाङ्म सिमोन पत्रुसे येशूवो मीहीलाङ घोप्टो परीस्म टेया, “ए प्रभु, ङा पापी लेन, ङाटुइङ लोस आन्नी।”
9ढलीङ डीस्या घोचये सीमोन हटै सिमोनो लाफाको छक्क परीसा। 10सिमोनो लाफाको, जब्दियौ मीजा याकूब र यूहन्ना घनीङ छक्क परीसा। हटै येशूये सिमोनके टेकाङ, “नाबीरीयो! अबटीङ नेङे डीस्याको माहाले बाकी र भर्मीकोके परमेश्वरो राज्याङ राक्ढल।”
11हटै होसोकोइ मेनो डुङ्गाकोके कीनाराङ राका हटै पट्ट कुराको डास्म येशूके डुट्के ठाला।
येशूये कोर्ह्याके गेपाक्च
(मत्ती ८:१-४; मर्कूस १:४०-४५)
12काचोटी येशू गालीलौ काट लाङ्घाङ लेकाङ। होलाङ काट कोर्ह्या#5:12 कोर्ह्या यहूदी व्यवस्था अनुसार, कोर्ह्या लग्डीस्च भर्मीकोके अशुद्ध मन्डीयोला। लग्डीस्च भर्मी घनीङ लेया। होचे येशूके डाङ्म, होस्कुङ मीहीलाङ घोप्टो परीस्म बिन्ती जाटा, “ए प्रभु, नाकोइ मीगीन नाजाटास टेहाङ ङाके गेपाक्के ह्योकढनी।”
13येशूये होस टकनी मीहुट डाम टेकाङ, “ङै इच्छा जाट्लाङ, नाङ गेप्न” होसै बेला ज होच्यौ कोर्ह्या रोग गेपा। 14हटै येशूये होस्के आज्ञा जाट्काङ, “इसै कुरा कुस्के ड नाटेउ! बाकी र पुजाहारीटुङ आन्म टन्हाको हटै मोशौ व्यवस्थै#5:14 मोशौ व्यवस्थै परमेश्वरे मोशाके याहाच व्यवस्था अथवा कानुन जाट्के बीरीन्च लख भर्मीकोके गेप्च टेम टनाक्के भेटी योहो।” #लेवी १४:१-३२
15बाकी र येशूवो चर्चा झनै फैलडीस्म आना हटै ढलीङ भर्मीको होस्कोइ पाहाक्च शिक्षाको सेके हटै मेकुङ छाचइङ गेप्के राहा। 16बाकी र येशू मेढेर कुसै र मालेच ठावाङ आन्म प्रार्थना जाटोल्काङ।
येशूये पक्षाघातीके गेपाक्काङ
(मत्ती ९:१-८; मर्कूस २:१-१२)
17कयाक येशूये पाहाटाक्मज लेनाङ गालील र यहुदियावौ पट्ट सहरीङ हटै यरुशलेमीङ फरिसीको हटै व्यवस्थौ धर्म गुरुको राम्ह होलाङ मुवा। येशूकठा छाचकोके गेपाक्के परमेश्वरो शक्ति लेया। 18भर्मीकोइ काट पक्षाघातीके टाङ्माङ ज बुम राका। होसोकोइ होस्के भीत्री येशूवो अघेरलाक आल्के पा। 19बाकी र भर्मीकुङ भीडे जाट्नाङ भीत्री आल्के लाम ज माडीहीन्नीसीङ होस्के इमो धुरीयाङ काल्हाकार छाजन फोम टाङ्माङ ज भीडो माझाङ येशूटुङ झलाका। 20येशूये होस भर्मीकुङ विश्वास डाङ्म होस पक्षाघातीके टेकाङ, “नोङो पापको क्षमा छाना।”
21येशूवो कुरा सेम फरिसी हटै व्यवस्थौ धर्मगुरुकोइ मेक्को-मेक्कोवाङ टेया, “परमेश्वरो अपमान जाट्च भर्मी इसै कुस आले? परमेश्वर टेनाङ अरु कुचे पापो क्षमा जाट्के ह्योक्ले र?”
22येशूये होसोकुङ मीगीनावो कुरा वार्म गीन्काङ, “नाक्कोइ हीके नाक्कुङ मीगीनाङ होट सोँच्डीढनीस? 23ङाके टेनीस कुसै सजिलो ले, ‘नोङो पापको क्षमा छाना’ की ‘सोम ह्वान?’ 24बाकी र भर्मीयो मीजाके पृथ्वीयाङ पाप क्षमा याहाच अधिकार ले टेम वार्नीस।” हटै येशूये होस पक्षाघातीके टेकाङ, “ङै नाङ्के टेलाङ, सोन हटै नोङो टाङ्मा बुम इमाङ आन्न।”
25हटै होट टेचनीङ, पट्टकुङ अघेर ज होस भर्मी सोनीसीङ, मेनो टाङ्मा बुम परमेश्वरो प्रशंसा जाट्मज इमाङ आना। 26पट्ट भर्मीको छक्क परीस्म परमेश्वरो प्रशंसा जाटा हटै, “कानकोइ छीनीङ अचम्मवो कुरा काडाङास!” टेम होसोको बीरीया।
येशूये मेकोके डुट्के लेवीके एट्काङ
(मत्ती ९:९-१३; मर्कूस २:१३-१७)
27होटीङ आन्नाङ येशूये काट लेवी म्यार्मीन लेच सेर्मा सोट्च भर्मीके सेर्मा सोट्च ठावाङ मुम मुच डाङ्काङ हटै येशूये होस्के टेकाङ, “ङाके डुटो।” 28हटै लेवी होटीङ सोनीसीङ पट्ट कुराको डास्म येशूके डुट्के ठाला।
29होस न्हुनीङ लेवीये येशूवो लागी मेनो इमाङ बडाको भोज डा। होलाङ ढलीङ सेर्मा सोट्चको हटै अरु भर्मीकुङ भीडको घनीङ भोजाङ लेया। 30फरिसी हटै होस्कुङ व्यवस्थौ धर्मगुरुकोइ होस्कुङ चेलाकोके इट टेम गनगन जाट्के ठाला, “नाक्कोइ हीके सेर्मा सोट्चको हटै पापीको कठा ज्याके-गाके जाट्ढनी?”#लूक १५:१-२
31येशूये होसोकोके टेकाङ, “माछाच भर्मीकोके वैद्य माचहीस्ले, बाकी र छाचकोके चहीस्ले। 32ङा धर्मीकोके माआले बाकी र पापीकोके पापके डास्म परमेश्वरलाक ल्हेस्नीस टेम एट्के राहाच आले।”
येशूये उपासो बारेयाङ पाहाटाक्लेको
(मत्ती ९:१४-१७; मर्कूस २:१८-२२)
33कोही भर्मीकोइ येशूके टेया, “बप्तिस्मा याहाच यूहन्नौ चेलाकोइ उपवास हटै प्रार्थना जाट्मज मुले हटै फरिसीकुङ चेलाकोइ घनीङ जाट्ले बाकी र नाकुङ चेलाकोइ जहिले र ज्याले गाले।”
34येशूये होसोकोके टेकाङ, “नाक्कोइ दुलहा जन्टीको कठा लेच बेलाङ होसोकोके उपवास मुके बीरीन्के ह्योकढनीस? 35बाकी र होडीन्च बेला राहाले, दुलहाके मेनो जन्टीकोटुइङ भाक्ले। होडीन्च याकाङ होसोको उपवास मुले।”
36येशूये इसै आहान होसोकोके टेकाङ, “कुच्यै र नयाँ बढीन च्याहाक्म पुरानो बढीनाङ टाला माकाले। होट जाटा टेहाङ नयै च्याहाक्म याहाले हटै नयाँ बढीनो टाला पुरानो बढीनाङ माखाट्ले। 37होट जाट्मज कुच्यै र नयाँ अंगुरो हान पुरानो छालौ मसकाङमाकाले। होट जाटा टेहाङ, नयाँ अंगुरो हाने छालौ मसकके भास्म याहाले, अंगुरो हान यास्ले, हटै छालौ मसक बेगारीस्म आन्ले। 38बाकी र नयाँ अंगुरो हानके नयाँ छालौ मसकाङ ज काके परीस्ले। 39हटै कुचे ड पुरानो अंगुरो हान गाम नयाँ अंगुरो हान गाके मापाले, हीके टेहाङ होचे टेले ‘पुरानो अंगुरो हान ज सेहेम छान्ले।’”
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 (Active), Mother Tongue Translators Society and Wycliffe Bible Translators, Inc. All rights reserved.