मरकुस 15
15
यीसु नै पिलातुस रै सांमै पेस करिया
(मती 27:1,2,11–14; लूका 23:1–5; यूहन्ना 18:28–38)
1अर संवार होते ही हाथोहाथ परधान याजकौ, लोगां रा मुखिया, अर सास्तरियों नै अर यहूदिया री पंचायत यीसु नै बन्धवायो। वे मिळ नै यीसु नै ले जायनै हाकिम पिलातुस रै हाथ मे सूंप दियौ।
2अर पिलातुस उण ऊं पूछयौ, “कांई थूं यहूदिया रौ राजा है?”
यीसु उणनै जबाब दियौ, “थूं खुद ही कैह रियौ है।”
3अर परधान याजक उण माथै घणी बातां रौ दोस लगा रिया हा। 4पिलातुस उण ऊं पाछौ पूछयौ, “कांई थूं की जबाब नीं दैवै? देख ऐ थारै माथै किती बातां रौ आरोप लगावै।”
5यीसु पाछौ उणनै जबाब कोनीं दियौ, पिलातुस नै अणूंतौ ही अचूम्बो होयौ।
यीसु नै मौत री सजा
(मती 27:15–26; लूका 23:13–25; यूहन्ना 18:39—19:16)
6अर फसह रै तैंवार रै दिन मे किणी एक बंदी नै जिणनै लोग चावै पिलातुस उणौरै वास्तै छोड़ देतो हो। 7अर बरअब्बा नाम रौ एक मिनख दंगा करणैवाळौ रै साथै जेळ मे हो, जिकौ दंगे मे मिनख मारया हा। 8अर भीड़ खनै आन उण ऊं विनती करी की, “जैड़ौ थूं म्हौरै वास्तै करतौ आयौ है वैड़ौ ही कर।”
9पिलातुस उणौ नै ओ जबाब दियौ, “कांई थै चावौ, की म्हैं थौरे वास्तै यहूदिया रै राजा नै छोड़ दूं?” 10क्यूंकै वो जांणतौ हो की परधान याजकौ उणनै जळण ऊं पकड़ायौ हो। 11पण परधान याजकौ लोगां नै भड़काया, की वे बरअब्बा नै ही उणौरै वास्तै छोड़ दैवै।
12पिलातुस उणौ नै वळै पूछयौ, “जिणनै थै यहूदिया रौ राजा कैवौ, उणरौ म्हैं कांई करूं?”
13वे वळै चिलाया, “उणनै सूली माथै चढ़ा दो।”
14पिलातुस उणौ नै कयौ, “क्यूं, ओ कांई बूरो करयौ है?”
पण वे और भी चिलाया की, “उणनै सूली माथै चढ़ा दो!”
15तो पिलातुस भीड़ नै राजी करण री इछा ऊं बरअब्बा नै उणौरै वास्तै छोड़ दियौ अर यीसु नै कोड़ा लगाने सूली माथै लटकावण रौ हुकम दे दियौ।
सिपाई यीसु रौ मजाक उडायो
(मती 27:27–31; यूहन्ना 19:2,3)
16सिपाई उणनै किला रै आंगणै माई लेन गिया, अर सगळी पलटन नै बुला लेन आया। 17अर वे उणनै राजा जैड़ा बैंजनी कपड़ो ओढ़ायो अर कांटो रौ मुगट गूंथनै उणरै माथा ऊपर राख्यौ। 18अर वे उणरौ मजाक बणाण लागा, “हे यहूदिया रै राजा, थारी जे हो।” 19अर वे उणनै माथा माथै सरकंडे ऊं ठोकता, अर उण माथै थूकता, अर गोडा टेकन उणनै नमस्कार करता रिया। 20अर जद वे उणरौ मजाक करणौ बंद कर दियौ तो, उणौ उणरा बैंजनी गाभा उतारनै उणरा ही गाभा उणनै पैराया, अर उणनै सूली ऊपर चढ़ाणै बारै लेन गिया।
यीसु नै सूली माथै चढ़ावणौ
(मती 27:32–44; लूका 23:26–43; यूहन्ना 19:17–27)
21 #
रोमि 16:13
सिकन्दर अर रूफूस रौ बाप, समौन नाम रौ कुरैन रौ रैवण वाळौ मिनख जिकौ गांव ऊं आवतौ हो उठीनै निकळियौ, वे उणनै जबरदस्ती माई पकड़यौ, की उणरी सूली उठायनै चालै। 22यीसु नै गुलगुता नाम री जगा माथै जिणरौ मतलब खोपड़ी री जगा है, लेन आया। 23पछै उणनै लोबान मिळायोड़ो अंगूररस देवण लागा, पण वो कोनीं लियौ। 24तद वे उणनै सूली माथै चढ़ायौ, अर उणरै गाभौ माथै चिठ्ठिया नोख नै, की किणनै कांई मिळै, उणौनै बांट लिया।
25नव बजिया हो, जणै वे उणनै क्रूस माथै चढ़ायौ। 26उणरौ दोसपत्र लिखनै उण माथै लगा दियौ की, “यहूदिया रौ राजा।” 27अर उणरै साथै दो डाकू, एक उणरै जीमणी तरफ अर एक उणरै डावी तरफ सूली माथै चढ़ाया। 28तद धरमसास्तर रौ वो वचन की, “वो अपराधियो रै भेळौ गिण्यौ गियौ,” पूरौ होयौ।#15:28 हाथ ऊं लिख्योड़ी कीं पोथियां मे ओ वचन कोनीं है। 29#मरकु 14:58; यूह 2:19अर रासते माई जावण वाळा माथो हीला हीलाने अर ओ कैहन उणरी निंदा करता, “वाह! मिंदर रै ढ़ावणवाळा अर तीन दिन मांय बनावण वाळा! 30सूली माथै ऊं उतरनै खुदनै बचा ले!”
31इण रीति ऊं परधान याजक भी, सास्तरी समेत, आपस मे मजाक ऊं कैवता हा, “इण दूजौ नै बचाया है, अर खुदनै नीं बचा सकयौ। 32ऐ इजरायल रा राजा मसीह अबै सूली माथै ऊं उतरनै आवै की, म्हौ देखनै विसवास करौ।”
अर जिकौ उण साथै सूली माथै चढ़ाया गिया हा वे भी उणरी बुराई करता हा।
यीसु री मौत
(मती 27:45–56; लूका 23:44–49; यूहन्ना 19:28–30)
33अर दोपार होवण माथै, हैंग देस मांय अंधारौ हो गियो, अर तीन बजे तांई रियौ। 34तीन बजे यीसु जोर ऊं पुकार नै कयौ, “इलोई, इलोई, लमा सबक्तनी?” जिणरौ मतलब है,
“हे म्हारै परमेसर, हे म्हारै परमेसर,
थूं म्हनै क्यूं छोड़ दियौ?”
35जिकौ खनै ऊभा हा, उणौ मे ऊं कितौ ओ सुणनै कयौ, “देखौ ओ एलियाह नै पुकार रियौ है।” 36अर एक दौड़नै रुई लेन खाटी अंगूरो मे डूबोन, डंडा माथै राखनै उणनै सूंपायो, अर कयौ, “रूक जाओ, देखौ की एलियाह उणनै उतारनै वास्तै आवै की कोनीं।”
37तद यीसु जोर ऊं हाको करनै प्रांण छोड़ दिया।
38अर मिंदर रौ परदो ऊपर ऊं नीचे तांई फाटनै दो टुकड़ा मे हो गियो। 39जिकौ सूबेदार उणरै सांमै ऊभौ हो, जद उणनै यूं हाका करन प्रांण छोड़तो देखियौ, तो वो कयौ, “साचौ ओ परमेसर रौ बेटौ है।”
40 #
लूक 8:2,3 घणी लुगाईया आगा ऊं देख री ही, उण मे ऊं मरियम मगदलीनी अर छोटे याकूब री अर योसेस री मां मरियम अर सलोमी ही। 41जद वो गलील मांय हो, तो आ उणरै लारै हो लेवती ही अर उणरी सेवा चाकरी करती ही, अर जिकौ भी ओर लुगाईया ही, जिकौ उणरै साथै यरूसलेम मांय आई ही।
यीसु नै गाड़णो
(मती 27:57–61; लूका 23:50–56; यूहन्ना 19:38–42)
42जद सिंझया होई ही, तो इण वास्तै की तैयारी रौ दिन हो, जिकौ सब्त रै एक दिन पैला होवै। 43अरिमतिया रौ रैवणवाळौ यूसुफ आयौ, वो यहूदी पंचायत रौ खास मिनख हो अर खुद भी परमेसर रै राज्य री बाट जोवतो हो, वो हियाव करनै पिलातुस रै नैड़ौ गियौ अर यीसु री लास मांगी। 44पिलातुस अचूम्बो करयौ, की वो इतौ वेगो मरग्यौ, अर सूबेदार नै बुलायनै पूछयौ, “कांई उणनै मरया नै वगत होयौ?” 45जणै सूबेदार रै हाथ ऊं हाल जांण लियौ, तो लास यूसुफ नै देवण रौ आदेस दियौ। 46तद वो एक मूंगी मलमल री चादर मोल ली, अर लास नै उतारनै चादर मांय लपेटियो, अर एक कबर माई जिकौ चटान मांय खोदी गई ही राखियौ, अर कबर रै द्वार माथै एक भाटो लुढ़का दियौ। 47अर मरियम मगदलीनी अर योसेस री मां मरियम देखती ही, की वो कठै राख्योड़ौ है।
လက္ရွိေရြးခ်ယ္ထားမွု
मरकुस 15: RWR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© NLCI CC BY-NC-ND 4.0
मरकुस 15
15
यीसु नै पिलातुस रै सांमै पेस करिया
(मती 27:1,2,11–14; लूका 23:1–5; यूहन्ना 18:28–38)
1अर संवार होते ही हाथोहाथ परधान याजकौ, लोगां रा मुखिया, अर सास्तरियों नै अर यहूदिया री पंचायत यीसु नै बन्धवायो। वे मिळ नै यीसु नै ले जायनै हाकिम पिलातुस रै हाथ मे सूंप दियौ।
2अर पिलातुस उण ऊं पूछयौ, “कांई थूं यहूदिया रौ राजा है?”
यीसु उणनै जबाब दियौ, “थूं खुद ही कैह रियौ है।”
3अर परधान याजक उण माथै घणी बातां रौ दोस लगा रिया हा। 4पिलातुस उण ऊं पाछौ पूछयौ, “कांई थूं की जबाब नीं दैवै? देख ऐ थारै माथै किती बातां रौ आरोप लगावै।”
5यीसु पाछौ उणनै जबाब कोनीं दियौ, पिलातुस नै अणूंतौ ही अचूम्बो होयौ।
यीसु नै मौत री सजा
(मती 27:15–26; लूका 23:13–25; यूहन्ना 18:39—19:16)
6अर फसह रै तैंवार रै दिन मे किणी एक बंदी नै जिणनै लोग चावै पिलातुस उणौरै वास्तै छोड़ देतो हो। 7अर बरअब्बा नाम रौ एक मिनख दंगा करणैवाळौ रै साथै जेळ मे हो, जिकौ दंगे मे मिनख मारया हा। 8अर भीड़ खनै आन उण ऊं विनती करी की, “जैड़ौ थूं म्हौरै वास्तै करतौ आयौ है वैड़ौ ही कर।”
9पिलातुस उणौ नै ओ जबाब दियौ, “कांई थै चावौ, की म्हैं थौरे वास्तै यहूदिया रै राजा नै छोड़ दूं?” 10क्यूंकै वो जांणतौ हो की परधान याजकौ उणनै जळण ऊं पकड़ायौ हो। 11पण परधान याजकौ लोगां नै भड़काया, की वे बरअब्बा नै ही उणौरै वास्तै छोड़ दैवै।
12पिलातुस उणौ नै वळै पूछयौ, “जिणनै थै यहूदिया रौ राजा कैवौ, उणरौ म्हैं कांई करूं?”
13वे वळै चिलाया, “उणनै सूली माथै चढ़ा दो।”
14पिलातुस उणौ नै कयौ, “क्यूं, ओ कांई बूरो करयौ है?”
पण वे और भी चिलाया की, “उणनै सूली माथै चढ़ा दो!”
15तो पिलातुस भीड़ नै राजी करण री इछा ऊं बरअब्बा नै उणौरै वास्तै छोड़ दियौ अर यीसु नै कोड़ा लगाने सूली माथै लटकावण रौ हुकम दे दियौ।
सिपाई यीसु रौ मजाक उडायो
(मती 27:27–31; यूहन्ना 19:2,3)
16सिपाई उणनै किला रै आंगणै माई लेन गिया, अर सगळी पलटन नै बुला लेन आया। 17अर वे उणनै राजा जैड़ा बैंजनी कपड़ो ओढ़ायो अर कांटो रौ मुगट गूंथनै उणरै माथा ऊपर राख्यौ। 18अर वे उणरौ मजाक बणाण लागा, “हे यहूदिया रै राजा, थारी जे हो।” 19अर वे उणनै माथा माथै सरकंडे ऊं ठोकता, अर उण माथै थूकता, अर गोडा टेकन उणनै नमस्कार करता रिया। 20अर जद वे उणरौ मजाक करणौ बंद कर दियौ तो, उणौ उणरा बैंजनी गाभा उतारनै उणरा ही गाभा उणनै पैराया, अर उणनै सूली ऊपर चढ़ाणै बारै लेन गिया।
यीसु नै सूली माथै चढ़ावणौ
(मती 27:32–44; लूका 23:26–43; यूहन्ना 19:17–27)
21 #
रोमि 16:13
सिकन्दर अर रूफूस रौ बाप, समौन नाम रौ कुरैन रौ रैवण वाळौ मिनख जिकौ गांव ऊं आवतौ हो उठीनै निकळियौ, वे उणनै जबरदस्ती माई पकड़यौ, की उणरी सूली उठायनै चालै। 22यीसु नै गुलगुता नाम री जगा माथै जिणरौ मतलब खोपड़ी री जगा है, लेन आया। 23पछै उणनै लोबान मिळायोड़ो अंगूररस देवण लागा, पण वो कोनीं लियौ। 24तद वे उणनै सूली माथै चढ़ायौ, अर उणरै गाभौ माथै चिठ्ठिया नोख नै, की किणनै कांई मिळै, उणौनै बांट लिया।
25नव बजिया हो, जणै वे उणनै क्रूस माथै चढ़ायौ। 26उणरौ दोसपत्र लिखनै उण माथै लगा दियौ की, “यहूदिया रौ राजा।” 27अर उणरै साथै दो डाकू, एक उणरै जीमणी तरफ अर एक उणरै डावी तरफ सूली माथै चढ़ाया। 28तद धरमसास्तर रौ वो वचन की, “वो अपराधियो रै भेळौ गिण्यौ गियौ,” पूरौ होयौ।#15:28 हाथ ऊं लिख्योड़ी कीं पोथियां मे ओ वचन कोनीं है। 29#मरकु 14:58; यूह 2:19अर रासते माई जावण वाळा माथो हीला हीलाने अर ओ कैहन उणरी निंदा करता, “वाह! मिंदर रै ढ़ावणवाळा अर तीन दिन मांय बनावण वाळा! 30सूली माथै ऊं उतरनै खुदनै बचा ले!”
31इण रीति ऊं परधान याजक भी, सास्तरी समेत, आपस मे मजाक ऊं कैवता हा, “इण दूजौ नै बचाया है, अर खुदनै नीं बचा सकयौ। 32ऐ इजरायल रा राजा मसीह अबै सूली माथै ऊं उतरनै आवै की, म्हौ देखनै विसवास करौ।”
अर जिकौ उण साथै सूली माथै चढ़ाया गिया हा वे भी उणरी बुराई करता हा।
यीसु री मौत
(मती 27:45–56; लूका 23:44–49; यूहन्ना 19:28–30)
33अर दोपार होवण माथै, हैंग देस मांय अंधारौ हो गियो, अर तीन बजे तांई रियौ। 34तीन बजे यीसु जोर ऊं पुकार नै कयौ, “इलोई, इलोई, लमा सबक्तनी?” जिणरौ मतलब है,
“हे म्हारै परमेसर, हे म्हारै परमेसर,
थूं म्हनै क्यूं छोड़ दियौ?”
35जिकौ खनै ऊभा हा, उणौ मे ऊं कितौ ओ सुणनै कयौ, “देखौ ओ एलियाह नै पुकार रियौ है।” 36अर एक दौड़नै रुई लेन खाटी अंगूरो मे डूबोन, डंडा माथै राखनै उणनै सूंपायो, अर कयौ, “रूक जाओ, देखौ की एलियाह उणनै उतारनै वास्तै आवै की कोनीं।”
37तद यीसु जोर ऊं हाको करनै प्रांण छोड़ दिया।
38अर मिंदर रौ परदो ऊपर ऊं नीचे तांई फाटनै दो टुकड़ा मे हो गियो। 39जिकौ सूबेदार उणरै सांमै ऊभौ हो, जद उणनै यूं हाका करन प्रांण छोड़तो देखियौ, तो वो कयौ, “साचौ ओ परमेसर रौ बेटौ है।”
40 #
लूक 8:2,3 घणी लुगाईया आगा ऊं देख री ही, उण मे ऊं मरियम मगदलीनी अर छोटे याकूब री अर योसेस री मां मरियम अर सलोमी ही। 41जद वो गलील मांय हो, तो आ उणरै लारै हो लेवती ही अर उणरी सेवा चाकरी करती ही, अर जिकौ भी ओर लुगाईया ही, जिकौ उणरै साथै यरूसलेम मांय आई ही।
यीसु नै गाड़णो
(मती 27:57–61; लूका 23:50–56; यूहन्ना 19:38–42)
42जद सिंझया होई ही, तो इण वास्तै की तैयारी रौ दिन हो, जिकौ सब्त रै एक दिन पैला होवै। 43अरिमतिया रौ रैवणवाळौ यूसुफ आयौ, वो यहूदी पंचायत रौ खास मिनख हो अर खुद भी परमेसर रै राज्य री बाट जोवतो हो, वो हियाव करनै पिलातुस रै नैड़ौ गियौ अर यीसु री लास मांगी। 44पिलातुस अचूम्बो करयौ, की वो इतौ वेगो मरग्यौ, अर सूबेदार नै बुलायनै पूछयौ, “कांई उणनै मरया नै वगत होयौ?” 45जणै सूबेदार रै हाथ ऊं हाल जांण लियौ, तो लास यूसुफ नै देवण रौ आदेस दियौ। 46तद वो एक मूंगी मलमल री चादर मोल ली, अर लास नै उतारनै चादर मांय लपेटियो, अर एक कबर माई जिकौ चटान मांय खोदी गई ही राखियौ, अर कबर रै द्वार माथै एक भाटो लुढ़का दियौ। 47अर मरियम मगदलीनी अर योसेस री मां मरियम देखती ही, की वो कठै राख्योड़ौ है।
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© NLCI CC BY-NC-ND 4.0