लूका 18
18
परमेसर आपरै भगतो री सुणै है
1पछै यीसु उणौनै ओ बताणै रै वास्तै की वे हमेसां पराथना करता रैवै अर निरास नीं होवै, आ दिस्टांत कथा सुणाई। 2वो बोल्यौ, “किणी नगर मे एक न्याव करणैवाळौ होयौ करतौ हो। वो नीं तो परमेसर ऊं डरतौ हो अर नीं ही लोगां री परवा करतौ हो।
3“उणीज नगर मे एक विधवा भी रैवती ही। अर वां उणरै खनै बार बार आवती अर कैवती, ‘म्हारौ न्याव चुकायनै म्हनै दुसमन ऊं बचा।’ 4उणै घणै दिनां तांई तो कोनीं मान्यौ पण आखरी मे उणै आपरै मन मे सौच्यौ, ‘नीं तो म्हैं परमेसर ऊं डरूं हूं अर नीं लोगां री परवा करूं हूं। 5तौभी इण विधवा नै म्हारा कांन खा लिया है, इण वास्तै म्हैं देखूंला की उणनै न्याव मिळ जावै ताकी आ म्हारै खनै बार बार आयनै कठैई म्हनै ही थका नीं दैवै।’ ”
6परभु कयौ, “सुणौ, उण दुस्ट न्याव करणैवाळै कांई कयौ हो? 7इण वास्तै कांई परमेसर आपरै चुणयोड़े लोगां ऊपर ध्यांन कोनीं दैला की उणनै जिकौ रात दिन याद करता रैवै है, न्याव मिळै? कांई वो उणरी मदद करनै मे जेज लगावैला? 8म्हैं थौरे ऊं कैवूं हूं, वो तुरत उणरौ न्याव चुकावैला। तौभी म्हैं, मिनख रौ बेटौ, जद आवैला, तो कांई म्हैं धरती माथै विसवास पाऊंला?”
सही तरैह री पराथना
9यीसु उण लोगां रै वास्तै भी जिकौ अपणै आप नै तो नेक मांनता हा, अर किणी औरो नै कीं नीं समझता हा, आ दिस्टांत कथा सुणाई, 10“मिंदर मे दो मिनख पराथना करणै गिया, एक फरीसी हो अर दूजौ चुंगी लेवणवाळौ। 11वो फरीसी न्यारौ ऊभौ होयनै पराथना करणै लागौ, ‘हे परमेसर, म्हैं थौरो धन्यवाद करूं हूं, की म्हैं दूजै लोगां रै ज्यौ डाकू, ठग अर व्यभिचारी कोनीं हूं अर नीं इण चुंगी लेवणवाळै रै ज्यूं हूं। 12म्हैं हपतै मे दो बार उपवास राखूं हूं, अर अपणी सगळी कमाई रौ दसवो हिस्सो दांन देवूं हूं।’ 13पण चुंगी लेवणवाळौ आगौ ऊभौ होयनै सरग री तरफ आंख उठाणी भी नीं चाही, बल्कि आपरी छाती ठोक ठोकनै कैवतौ, ‘हे परमेसर, म्हारै पापी ऊपर दया कर।’
14 #
मत 23:12; लूक 14:11 “म्हैं थौरे ऊं कैवूं हूं, की वो फरीसी कोनीं पण चुंगी लेवणवाळौ मिनख नेक ठैरायौ अर आपरै घर गियो, क्यूंकै जिकौ कोई अपणै आप नै मोटो बणावैला, वो छोटौ कियो जावैला। अर जिकौ अपणै आप नै छोटौ बणावैला, वो मोटो कियो जावैला।”
यीसु टाबरौ नै आसीस दी
(मती 19:13–15; मरकुस 10:13–16)
15पछै लोग आपरै टाबरां नै उणरै खनै लावण लागा, की वो उण माथै हाथ राखै। अर चेलौ ओ देख्यौ तो उणौनै हाका करिया। 16बल्कि यीसु टाबरां नै आपरै खनै बुलाया अर चेलौ ऊं कयौ, “इण टाबरां नै म्हारै खनै आवण दो, इणौनै रोको मती, क्यूंकै परमेसर रौ राज ऐड़ौ रौ ही है। 17म्हैं थौरे ऊं साची कैवूं हूं, की जिकौ कोई परमेसर रै राज नै टाबर री तरैह स्वीकार नीं करैला, वो उणमे कदैई परवेस नीं कर पावैला।”
धनवान मिनख अर अनत जीवन
(मती 19:16–30; मरकुस 10:17–31)
18पछै किणी यहूदी नेता यीसु नै पूछयौ, “हे उतम गुरु, अनत जीवन रौ अधिकार पावण रै वास्तै म्हनै कांई करणौ चाहीजै?”
19यीसु उण ऊं कयौ, “थूं म्हनै उतम क्यूं कैवै है? कैवल परमेसर नै छोड़नै और कोई भी उतम कोनीं है। 20थूं आग्याओं नै तो जांणै है, ‘व्यभिचार नीं करणौ, हत्या नीं करणी, चोरी नीं करणी, झूठी गवाई नीं देणी, अपणै माता अर पिता रौ आदर करणौ।’ ”
21वो यहूदी नेता बोल्यौ, “म्हैं इण सगळी बातां नै अपणै बाळपणाऊ मांनतौ आयौ हूं।”
22ओ सुणनै, यीसु उण ऊं कयौ, “अजी भी एक बात है जिणरी थारै मे कमी है। थारै खनै जिकौ कीं है, सगळौ बेच दे अर पछै जिकौ मिळै वो कंगालो नै बांट दे, अर थनै सरग मे धन मिळैला। पछै आयनै म्हारै लारै हो जा।”
23जद उण यहूदी नेता ओ सुण्यौ तो वो घणौ दुखी होयौ, क्यूंकै उणरै खनै घणीहारी जायदाद ही।
24यीसु जद ओ देख्यौ की वो घणौ दुखी है तो उणै कयौ, “उण लोगां रै वास्तै जिकौ धनवान है, परमेसर रै राज मे परवेस करणौ घणौ मुसकिल है। 25हां, किणी ऊंट रै लियै सूई रै नाके मे ऊं निकळ जावणौ मुसकिल है, व्यौंही किणी धनवान रौ परमेसर रै राज मे परवेस कर पाणौ मुसकिल है।”
26वे लोग जिणौनै ओ सुण्यौ, बोल्या, “पछै भला उद्धार किणरौ होवैला?”
27यीसु कयौ, “ऐ बातां जिकौ मिनखौ ऊं तो नामुमकिन है, परमेसर रै लियै मुमकिन है।”
28पतरस कयौ, “देख, म्हौरै खनै जिकौ कीं हो, थारै लारै चालनै रै लियै म्हौ वो सगळौ कीं त्याग दियौ है।”
29तद यीसु उण ऊं कयौ, “म्हैं थौरे ऊं साची कैवूं हूं, ऐड़ौ कोई कोनीं जिणै परमेसर रै राज रै खातर घर या लुगाई या भाइयो या माता पिता या औळाद नै छोड़ दिया हो, 30अर इण जुग मे कई गुणा घणौ नीं मिळै अर आवणवाळै काल मे वो अनत जीवन नै नीं पा सकै।”
यीसु खुद री मौत रै बारै मे तीजी बार कयौ
(मती 20:17–19; मरकुस 10:32–34)
31पछै यीसु उण बारैह चेलौ नै एक तरफ ले जायनै उणौनै कयौ, “सुणौ, म्हौ यरुसलेम जा रिया हो। अर जिती बातां म्हैं, मिनख रै बेटे, रै बारै मे भविसयदाताओ रै जरियै लिखी है वे सगळी पूरी होवैला। 32हां, वो दूजी जातियो रै हाथौ सौपयो जावैला, उणरी हंसी उडाई जावैला, अर उणरी बेजती की जावैला, अर उण माथै थूकयौ जावैला। 33पछै उणरै कोड़ा ठोकेला, अर मार दैला, अर वो तीजै दिन जी उठैला।”
34अर उणौनै इण बातां मे ऊं कोई बात नीं समझी। अर आ बात उणौ ऊं लुकयोड़ी रही, वे समझ नीं सकया की वो कीण बारै मे बता रियौ हो।
यीसु आंधे नै सावळ करयौ
(मती 20:29–34; मरकुस 10:46–52)
35जद यीसु यरीहो नगर रै नजीक पूगा, तो एक आंधौ सड़क रै कांठै बैठौ भीख मांग रियौ हो। 36जद आंधे भीड़ रै चालनै री आवाज सुणी तो उणै पूछयौ, “कांई हो रियौ है?”
37लोगां उण ऊं कयौ, “यीसु नासरी एठै ऊं जा रियौ है।”
38तद आंधौ ओ कैवतै होयौ हेलौ करनै कयौ, “हे दाऊद री औळाद यीसु, म्हारै माथै दया कर।”
39वे जिकौ आगै चाल रिया हा उणौ इणनै चुप रैवण रौ कियो। बल्कि वो और घणौ जोर ऊं हेलौ करनै लागौ, “हे दाऊद री औळाद, म्हारै माथै दया कर।”
40तद यीसु रुकनै आग्या दी “उणनै म्हारै खनै लाओ।” अर जद उणनै नैड़ौ लाया, तो यीसु उण ऊं पूछयौ, 41“थूं कांई चावै है? म्हैं थारै लियै कांई करूं?”
आंधे कयौ, “हे परभु, म्हैं देखण लागू।”
42यीसु कयौ, “देखण लाग। थारै विसवास थनै सावळ करयौ है।” 43अर वो तुरत देखण लागौ। अर परमेसर री महिमा करतौ यीसु रै लारै वहीर हो गियो, अर सगळै लोगां ओ देख्यौ तो परमेसर री स्तुति करनै लागा।
လက္ရွိေရြးခ်ယ္ထားမွု
लूका 18: RWR
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© NLCI CC BY-NC-ND 4.0
लूका 18
18
परमेसर आपरै भगतो री सुणै है
1पछै यीसु उणौनै ओ बताणै रै वास्तै की वे हमेसां पराथना करता रैवै अर निरास नीं होवै, आ दिस्टांत कथा सुणाई। 2वो बोल्यौ, “किणी नगर मे एक न्याव करणैवाळौ होयौ करतौ हो। वो नीं तो परमेसर ऊं डरतौ हो अर नीं ही लोगां री परवा करतौ हो।
3“उणीज नगर मे एक विधवा भी रैवती ही। अर वां उणरै खनै बार बार आवती अर कैवती, ‘म्हारौ न्याव चुकायनै म्हनै दुसमन ऊं बचा।’ 4उणै घणै दिनां तांई तो कोनीं मान्यौ पण आखरी मे उणै आपरै मन मे सौच्यौ, ‘नीं तो म्हैं परमेसर ऊं डरूं हूं अर नीं लोगां री परवा करूं हूं। 5तौभी इण विधवा नै म्हारा कांन खा लिया है, इण वास्तै म्हैं देखूंला की उणनै न्याव मिळ जावै ताकी आ म्हारै खनै बार बार आयनै कठैई म्हनै ही थका नीं दैवै।’ ”
6परभु कयौ, “सुणौ, उण दुस्ट न्याव करणैवाळै कांई कयौ हो? 7इण वास्तै कांई परमेसर आपरै चुणयोड़े लोगां ऊपर ध्यांन कोनीं दैला की उणनै जिकौ रात दिन याद करता रैवै है, न्याव मिळै? कांई वो उणरी मदद करनै मे जेज लगावैला? 8म्हैं थौरे ऊं कैवूं हूं, वो तुरत उणरौ न्याव चुकावैला। तौभी म्हैं, मिनख रौ बेटौ, जद आवैला, तो कांई म्हैं धरती माथै विसवास पाऊंला?”
सही तरैह री पराथना
9यीसु उण लोगां रै वास्तै भी जिकौ अपणै आप नै तो नेक मांनता हा, अर किणी औरो नै कीं नीं समझता हा, आ दिस्टांत कथा सुणाई, 10“मिंदर मे दो मिनख पराथना करणै गिया, एक फरीसी हो अर दूजौ चुंगी लेवणवाळौ। 11वो फरीसी न्यारौ ऊभौ होयनै पराथना करणै लागौ, ‘हे परमेसर, म्हैं थौरो धन्यवाद करूं हूं, की म्हैं दूजै लोगां रै ज्यौ डाकू, ठग अर व्यभिचारी कोनीं हूं अर नीं इण चुंगी लेवणवाळै रै ज्यूं हूं। 12म्हैं हपतै मे दो बार उपवास राखूं हूं, अर अपणी सगळी कमाई रौ दसवो हिस्सो दांन देवूं हूं।’ 13पण चुंगी लेवणवाळौ आगौ ऊभौ होयनै सरग री तरफ आंख उठाणी भी नीं चाही, बल्कि आपरी छाती ठोक ठोकनै कैवतौ, ‘हे परमेसर, म्हारै पापी ऊपर दया कर।’
14 #
मत 23:12; लूक 14:11 “म्हैं थौरे ऊं कैवूं हूं, की वो फरीसी कोनीं पण चुंगी लेवणवाळौ मिनख नेक ठैरायौ अर आपरै घर गियो, क्यूंकै जिकौ कोई अपणै आप नै मोटो बणावैला, वो छोटौ कियो जावैला। अर जिकौ अपणै आप नै छोटौ बणावैला, वो मोटो कियो जावैला।”
यीसु टाबरौ नै आसीस दी
(मती 19:13–15; मरकुस 10:13–16)
15पछै लोग आपरै टाबरां नै उणरै खनै लावण लागा, की वो उण माथै हाथ राखै। अर चेलौ ओ देख्यौ तो उणौनै हाका करिया। 16बल्कि यीसु टाबरां नै आपरै खनै बुलाया अर चेलौ ऊं कयौ, “इण टाबरां नै म्हारै खनै आवण दो, इणौनै रोको मती, क्यूंकै परमेसर रौ राज ऐड़ौ रौ ही है। 17म्हैं थौरे ऊं साची कैवूं हूं, की जिकौ कोई परमेसर रै राज नै टाबर री तरैह स्वीकार नीं करैला, वो उणमे कदैई परवेस नीं कर पावैला।”
धनवान मिनख अर अनत जीवन
(मती 19:16–30; मरकुस 10:17–31)
18पछै किणी यहूदी नेता यीसु नै पूछयौ, “हे उतम गुरु, अनत जीवन रौ अधिकार पावण रै वास्तै म्हनै कांई करणौ चाहीजै?”
19यीसु उण ऊं कयौ, “थूं म्हनै उतम क्यूं कैवै है? कैवल परमेसर नै छोड़नै और कोई भी उतम कोनीं है। 20थूं आग्याओं नै तो जांणै है, ‘व्यभिचार नीं करणौ, हत्या नीं करणी, चोरी नीं करणी, झूठी गवाई नीं देणी, अपणै माता अर पिता रौ आदर करणौ।’ ”
21वो यहूदी नेता बोल्यौ, “म्हैं इण सगळी बातां नै अपणै बाळपणाऊ मांनतौ आयौ हूं।”
22ओ सुणनै, यीसु उण ऊं कयौ, “अजी भी एक बात है जिणरी थारै मे कमी है। थारै खनै जिकौ कीं है, सगळौ बेच दे अर पछै जिकौ मिळै वो कंगालो नै बांट दे, अर थनै सरग मे धन मिळैला। पछै आयनै म्हारै लारै हो जा।”
23जद उण यहूदी नेता ओ सुण्यौ तो वो घणौ दुखी होयौ, क्यूंकै उणरै खनै घणीहारी जायदाद ही।
24यीसु जद ओ देख्यौ की वो घणौ दुखी है तो उणै कयौ, “उण लोगां रै वास्तै जिकौ धनवान है, परमेसर रै राज मे परवेस करणौ घणौ मुसकिल है। 25हां, किणी ऊंट रै लियै सूई रै नाके मे ऊं निकळ जावणौ मुसकिल है, व्यौंही किणी धनवान रौ परमेसर रै राज मे परवेस कर पाणौ मुसकिल है।”
26वे लोग जिणौनै ओ सुण्यौ, बोल्या, “पछै भला उद्धार किणरौ होवैला?”
27यीसु कयौ, “ऐ बातां जिकौ मिनखौ ऊं तो नामुमकिन है, परमेसर रै लियै मुमकिन है।”
28पतरस कयौ, “देख, म्हौरै खनै जिकौ कीं हो, थारै लारै चालनै रै लियै म्हौ वो सगळौ कीं त्याग दियौ है।”
29तद यीसु उण ऊं कयौ, “म्हैं थौरे ऊं साची कैवूं हूं, ऐड़ौ कोई कोनीं जिणै परमेसर रै राज रै खातर घर या लुगाई या भाइयो या माता पिता या औळाद नै छोड़ दिया हो, 30अर इण जुग मे कई गुणा घणौ नीं मिळै अर आवणवाळै काल मे वो अनत जीवन नै नीं पा सकै।”
यीसु खुद री मौत रै बारै मे तीजी बार कयौ
(मती 20:17–19; मरकुस 10:32–34)
31पछै यीसु उण बारैह चेलौ नै एक तरफ ले जायनै उणौनै कयौ, “सुणौ, म्हौ यरुसलेम जा रिया हो। अर जिती बातां म्हैं, मिनख रै बेटे, रै बारै मे भविसयदाताओ रै जरियै लिखी है वे सगळी पूरी होवैला। 32हां, वो दूजी जातियो रै हाथौ सौपयो जावैला, उणरी हंसी उडाई जावैला, अर उणरी बेजती की जावैला, अर उण माथै थूकयौ जावैला। 33पछै उणरै कोड़ा ठोकेला, अर मार दैला, अर वो तीजै दिन जी उठैला।”
34अर उणौनै इण बातां मे ऊं कोई बात नीं समझी। अर आ बात उणौ ऊं लुकयोड़ी रही, वे समझ नीं सकया की वो कीण बारै मे बता रियौ हो।
यीसु आंधे नै सावळ करयौ
(मती 20:29–34; मरकुस 10:46–52)
35जद यीसु यरीहो नगर रै नजीक पूगा, तो एक आंधौ सड़क रै कांठै बैठौ भीख मांग रियौ हो। 36जद आंधे भीड़ रै चालनै री आवाज सुणी तो उणै पूछयौ, “कांई हो रियौ है?”
37लोगां उण ऊं कयौ, “यीसु नासरी एठै ऊं जा रियौ है।”
38तद आंधौ ओ कैवतै होयौ हेलौ करनै कयौ, “हे दाऊद री औळाद यीसु, म्हारै माथै दया कर।”
39वे जिकौ आगै चाल रिया हा उणौ इणनै चुप रैवण रौ कियो। बल्कि वो और घणौ जोर ऊं हेलौ करनै लागौ, “हे दाऊद री औळाद, म्हारै माथै दया कर।”
40तद यीसु रुकनै आग्या दी “उणनै म्हारै खनै लाओ।” अर जद उणनै नैड़ौ लाया, तो यीसु उण ऊं पूछयौ, 41“थूं कांई चावै है? म्हैं थारै लियै कांई करूं?”
आंधे कयौ, “हे परभु, म्हैं देखण लागू।”
42यीसु कयौ, “देखण लाग। थारै विसवास थनै सावळ करयौ है।” 43अर वो तुरत देखण लागौ। अर परमेसर री महिमा करतौ यीसु रै लारै वहीर हो गियो, अर सगळै लोगां ओ देख्यौ तो परमेसर री स्तुति करनै लागा।
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© NLCI CC BY-NC-ND 4.0