Mui Psalm 79
79
1God, mwala e puo e sili mei ilaona huilume rodo ioe: kire haa madaa oto nume maai ioe; kire dau elitehu oto ana i Jerusalem.
2Kire toliasie wau mu rae ana konikonihe ioe ana mu menu ni lengi: hasiona muini maai ioe ana mui poo i kolune mwakano.
3Apude e kone mala wai kalikelie i Jerusalem: na e kaa iteitana ngaini ke haitoli ngeinire.
4Uri emi ke neie ola ni hei leledinge, hunie mwala kire io karaini emi: leu ni haahaaero na ni mesinge hunie mwala hailiu ahui emi.
5Kei lai hule ingenite Lord? okei haro saesaewasuli emi: na saemu kei haro esoeso huni emi mala dunge ko esoeso.
6Oke naatainie saewasunge ioe ana kira puo muini ngeena e kaa manatainio: ilengine mui alahanga ngeena kire kaa sasaie satamu.
7Ana mwala e ngau asie oto a Jacob: na kire taasie oto iohana.
8Mwane o neineisae uri emi ke tahune mu roroanga mui amamami: amasinge ioe ke siho lauae mai hahie emi; ana hele tolingi lamami e lae oto.
9Pei emi mone, God haauri emi, ana satamu e manikulue: na oke lau alihoi amami, na oke taase mu roroanga iemi isulie satamu.
10Aena nga mei ta ni kira puo e unue uri: atei ni e God hahire?
11Suulana apune mui konikonihe ioe e aheahe kau: ke haatai ana kira puo oto hunie emi ke leesie.
12Siohaanga ikire muini e io ni hoo ke tahelai mei i naomu: mala nime i ramohaamu, oko haahaaurie kira kaleni maenga.
13Oke suuolo haa hiu i roromai saena muini e io honosi emi ie: ana mei wala ni ketanga kire ketao ani, Lord.
14Iemi lou urine, aleini ioe, na muini oto i hohola ioe, emi kei toliasie oto mei wala ni palahenga oto hu hunio: na huni houleinie tarohamu e diana hunie mui qeunge ue mai.
လက္ရွိေရြးခ်ယ္ထားမွု
Mui Psalm 79: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.