Mui Psalm 75
75
1Emi ko palaheo, God; emi ko laheo, ana satamu e karaini mei: mu inoni ko laladoa mui huihuite o daui.
2Ana nekei hule mai ana tohungei dinge: nekei lei menirei ana taenanga ola.
3Mwala ko oo ilengine walumalau e ahe asire oto: ineu oto nou sapeie hunu ana.
4Nou unue hunie ini ko tohainie uri, mwane o norutoo amu: na hunie ini e orahaa uri, mwane o torooileni.
5Suuri haatainie tolahamu ke liuta: Suuri awanganga hadai mwaena ana luemu ko halahala.
6Ana haike lou i qaalana sato, na haike lou i suulana sato: na haike lou ilaona mausu hao, huni tohainilaka.
7Ana God kei lei: e hele tolingie ini ie, e sulu alaa ana eta ini.
8Ana nimana a Lord ie e hele ana kaokao, na wine laona ko esoeso; e honu ana wine kire aroqaie, tae kire lingi asie qasaora ana: kira orahaa ana walumalau kei aroqaie, kire kesi inuhie.
9Tae nekei tarohainie ana nga dinge oto hu: nekei sulu kana ni palahenga hunia God Jacob.
10Rarangoi ola kira orahaa nekei tapa mousie: Tae rarangoi ola kira odotai kei saro rangata ilengi.
လက္ရွိေရြးခ်ယ္ထားမွု
Mui Psalm 75: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.