Mui Psalm 56
56
1Oke amasieu God; ana mui maeloonga ineu kire kei onomieu oto: suli heidinge ohota ko haa asu olooloau.
2Mui maeloonga ineu saeda huni onomieu hai ano suli heidinge: aena muini hunge kire ko oho aleale honosieu.
3Suli heidinge maunge ko tolea: Tae noko norutoo ue amu.
4Hunio God Nekei palaheo ana walaku: nou norutoo ana God, nou saa maumeu ike; hasio kei da nga meita aku?
5Suli heidinge kire ko huisie walaku: mu neisaenga ikire ko ure honosieu hunie aelanga.
6Kire lae taingelute mai, kire si mumuni: huni sooisulie aaeku, huni taase maurihaaku.
7Uri kire kei isita sapemawa taane aena mui roroanga ikire? God, Oke papatainire ani saewasunge.
8O idu mongoa oto haitohelaku; O deneie mei wei ni akala ure ana maahu laona Atea ioe: na o kaa usu mangoi lou ilaona mui usuusu ioe?
9Mui maeloonga ineu kesi oli ana haidinge ngeena nekei soi: leune nou saie, ana a God e apa peieu.
10Hunia God nekei palaheo ana walaku: hunia Lord nekei palaheo ana walaku.
11Nou putoo amu God; nou saa mau ike: nga inoni kei da nga mei ta aku.
12God haiholotainge ineu hunio nge ue i lengiku: noko niie hunio mei wala ni palahenga.
13Aena o tola sapemawa mai ana maurihaaku mwaanie maenga: toohu aeku mwane uri rerede; ana noko lae i naona God, laona mataqanga ni meurihe.
လက္ရွိေရြးခ်ယ္ထားမွု
Mui Psalm 56: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.