Mui Psalm 42
42
1Mala nga hart ko ngisuate ni inu wei ani wei aheahe: e urine lou maurihaaku ko ate hunia God.
2Maurihaaku ko marou hunio God, ana God inemauri: ingenite ni nekei lae mai ni ure i naona God.
3Mei wei ni akalo imaaku domana mei ngeula akue susue atowa na rodo: na mwala ko unuunue taraurei hunieu uri God ioe oto itei?
4Noko amasitoo ana waluolana nge nesi lingisie maurihaaku hou i manataku na nou teurita peie mwala, na nou lae urita peire i nume a God, ani ilenimwaenga na ani palahe, aailaa ana.
5E ue ni maurihaaku oko amwaoro, na e ue ni oko ulalo i manataku? oke putoo ana God, ana nekei saro palahe tarau ana, aena maurihe nakue nge ana.
6God ineu, maurihaaku ko tatei hou i manataku, isulie noko amasitoo amu mwaanie hanue i Jordan, na i Hermon, na mwaanie toloi henue i Mizar.
7Lademae ko soisoi hunie i kao ana awaawatana mui seusesu Ioe: ahutana ahe na asi ioe ko aaro oto mola hahieu.
8Tae a Lord kei unue mai ana amasinge ingeie ana dinge e diadiana: na kana ineu hunie i rodo, arengainge otona hunia God hahie maurihaaku.
9Nekei unue hunia God hau ineu, eue ni o pulongosieu eue ni noko laelae peie saehuunge maholo mu maeloonga ko piliteteau.
10Mui maeloonga ko ere leledieu, e urihana naihi ni ohota e mwako ana suisuliku: ana wala kire ko unuunue susue atowa na Rodo uri God ioe otoitei.
11E ue, maurihaaku, oko amwaoro, na eue ni oko ulalo i manataku? Oke putoo ana God: ana nekei saro palahe tarau ana maurihe nakue ena na God ineu.
လက္ရွိေရြးခ်ယ္ထားမွု
Mui Psalm 42: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.