Mui Psalm 38
38
1Lord, mwane o ere aku ana nga saewasulemu: mwane o ere aku ani haananauleku maholo saemu ko wana.
2Aena ana mu omo ioe e mani too oto aku: na nimemu ko la otoi hidieu oto.
3Hasioku kaa awaa ike itehulaana saewasulemu: e kaa leu ke laku oto ana mu suisuliku itehulaana mu orahaa ineu.
4Ana mu haitohenga ineu e ahe hahona qauku: mala tolanga e poponga kire ko hieieu oto.
5Mu halata i sapeku ko kesu, kire ko osa oto: aena ana qeuqeuanga ineu.
6Noko amwaoro, nou oonuto oto: noko laelae ani ngaranga suli heidinge.
7Ana paraparaaku e honu ani maemaeha mamadali: e kaa leu ike ke laku oto ana hasioku.
8Noko erieriri oto ana kire pulieu: nou awaraa oto ana saeku kaa dodo ike.
9Lord, ahutana nga harihuninge ineu oto i maamu: noko mamango paine na kaa mumuni ike mwaanio.
10Huesi dango aku ko liki oto, ramolaku o aia oto paro mwaanieu: lionga ana maaakue aia oto mango mwaanieu.
11Muini e manata diana hunieu ikire mu malahuku lou kire ko ure suu weu mwaanie mei ola e taqaosieu: toohu, mu tekiheku kire ko ure haataaulieu.
12Muini ko lapasie saunileku kire ko toli hune hunieu: na muini ko lapasie huni deu aela aku kire ko unue taungeinileku; kire ko loonainie mu eronga suli heidinge.
13Tae ineu, mala ini e pungu, nou kaa rorongo ike: na nou urihaana pungu e kaa tahanie ike ngidune.
14Toohu, nou urihana nga inoni kaa rorongo ike: na oto i dawana e kaa mei wala ni ere haiheitohe.
15Ana noko herihunio, Lord, ani maohilemu: ioe oto oke alami oliteku, Lord God ineu.
16Ana nou teuri, Mwane da na kire ko alealera hahieu: maholo aeku e rerede kire si haatohamire honosieu.
17Ana noko hinii domu oto: salunge ineu e talei haadai oto.
18Ana neke haahoue oto haitohenga ineu: saeku ke la oto i hu hahie orahaa ineu.
19Tae mu maeloonga hunieu kire ko meuri, mu ramo oto ni kire: na nga muini ko talei ngidu upu hunieu kire kosi la otoi hunge.
20Muini ko tapa olisie diananga ani tataalanga: ikira ngeena kire ko nei maeloonga hunieu, aena ana noko luluisulie diana haana nga moola.
21Mwane o tolipuri eku, Lord: God ineu, mwane o haataulieu.
22Lauae mai oke peieu: Lord a haaurileku.
လက္ရွိေရြးခ်ယ္ထားမွု
Mui Psalm 38: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.