Mui Psalm 35
35
1Lord oke haitohe oliteku, peie mwala ko heiheitohe au: Oke oho honose mwala ko oho peieu.
2Nge ioe oto Oke suluie mei talo na tooni eni heu: Oke taelai huni leu hahieu.
3Oke darase lou noma, na oke kama honose mwala ko oheau i sulie tala: oke unne hunie maurihaaku uri Ineu a haaurilemu.
4Kire ke io mamasaa na hunie ini ko maleledi ko heiheitalea maurihaaku: kire ke alihoi na ani pulongose oalainge huni malamalaaku.
5Ikire kire urihaana mu ihooi ola ana oru: mala Angel a Lord ko pesire.
6Tala ikire ke rorodoa na ke mamauwala: oto Angel a Lord ke ohera.
7Ana e kaa too aena kire ala pelipeli ana huo ikire hunieu laona dari: na e kaa too aena, lou nge kire elie kalinge hunie maurihaaku.
8Nge nga mei maela ke tolani hitaada oto, na ana huo kire alase kau nge kire ke too mola ana: na kalinge kire elie kau kire ke kokoro ilaona.
9Tae maurihaaku esi rikerike ilalo ana Lord: na ke ileilenimwae hahie haauringe ingeie.
10Ahutana suliku kei teuri, Lord, atei e malisi mu, kau toliasi mamauware ana alahanga mwaanie ini e ramo liuta: toohu maitalenga mei inoni reu kei uwa ini ko leuleu ola ana?
11Mwala ani unu haaoai kire taelai kire ero: kire ko dolosi eku ana waluola nou kaa manatainii ike.
12Kire ko suu olie tataalanga ana diananga: Maurihaaku e aate tainie.
13Tae ana ineu urini, maholo kire ko mweri: nou tooni ani tooni ponoma, nou ohoa maurihaaku ani olongaunge: Tae aitanainge ineu e oli mei takoieu.
14Nou io mala uri ingeie ni malahuku wa uri asiku: nou amwaoro ani sae huunge, mala uri ini ko ulose a nikana.
15Tae maholo nou apaela kire ileilenimwae, kire ruru taingelute: mwala horohoro kire ruru taingelute hahieu, mwala nou kaa saire kire haka morumoru eku, kaa moumoutei oto oo.
16Mala mwala ko haahaaero aela ana maholo mu ngeuhe paine: kire ngangadi niho horaku.
17Lord, Okei tootoomaieu mola kei hule ingenite: Oke haaisitangainie maurihaaku mwaanie malamala nga ikire, dianahaana mola ineu noone mwaanie mui Lion.
18Nekei palaheo matolai pulita paine: neke si haamanikuluao peire mwala e ramo.
19Mui maeloonga ineu kire ke suuri alea hunieu: na mwala ko ngingiduupu hunieu.
20Aena kire kaa haitalengainie hanuelamanga: tae kire ko oalai wala eroero hunie mwala maadala ana hanue.
21Toohu kire ko rokase wawa hunieu: oto kire ko teuri A! A! maamami e lio.
22O leese taane, Lord: mwane o rourohu: Lord, mwane o haahaataulieu.
23Oke mwaemwae Oke liolio kau ana leileku ko lae: ana lehu ineu, God ineu na Lord ineu.
24Oke leieu, Lord God ineu, isulie tolaha odoodo ioe: na mwaanie kire rikerike hahieu.
25Mwane da na kire ere ni sae uri, Ai! saekaelu oto urine: mwane da na kire unue uri, kolu onome oto.
26Mwala kire ileilenimwae ana kire malamala aku kire kei masa na kire kei meni maaho: mwala kire loho rorora honosieu masanga ke aluhire na maleledinge.
27Mwala ke sungie mawata peie ilenimwaenga kire ke rikerike peie saediananga hahie odotainge ineu: Toohu, kire ke ere uri A Lord ke haamanikulue, ke haadianaa ionga diana inoni ingeie.
28Nge meaku kesi houleinie odoodonga ioe: na ke palaheo ana dangi hulaana rodo.
လက္ရွိေရြးခ်ယ္ထားမွု
Mui Psalm 35: apbPSA
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.
Mui Psalm 35
35
1Lord oke haitohe oliteku, peie mwala ko heiheitohe au: Oke oho honose mwala ko oho peieu.
2Nge ioe oto Oke suluie mei talo na tooni eni heu: Oke taelai huni leu hahieu.
3Oke darase lou noma, na oke kama honose mwala ko oheau i sulie tala: oke unne hunie maurihaaku uri Ineu a haaurilemu.
4Kire ke io mamasaa na hunie ini ko maleledi ko heiheitalea maurihaaku: kire ke alihoi na ani pulongose oalainge huni malamalaaku.
5Ikire kire urihaana mu ihooi ola ana oru: mala Angel a Lord ko pesire.
6Tala ikire ke rorodoa na ke mamauwala: oto Angel a Lord ke ohera.
7Ana e kaa too aena kire ala pelipeli ana huo ikire hunieu laona dari: na e kaa too aena, lou nge kire elie kalinge hunie maurihaaku.
8Nge nga mei maela ke tolani hitaada oto, na ana huo kire alase kau nge kire ke too mola ana: na kalinge kire elie kau kire ke kokoro ilaona.
9Tae maurihaaku esi rikerike ilalo ana Lord: na ke ileilenimwae hahie haauringe ingeie.
10Ahutana suliku kei teuri, Lord, atei e malisi mu, kau toliasi mamauware ana alahanga mwaanie ini e ramo liuta: toohu maitalenga mei inoni reu kei uwa ini ko leuleu ola ana?
11Mwala ani unu haaoai kire taelai kire ero: kire ko dolosi eku ana waluola nou kaa manatainii ike.
12Kire ko suu olie tataalanga ana diananga: Maurihaaku e aate tainie.
13Tae ana ineu urini, maholo kire ko mweri: nou tooni ani tooni ponoma, nou ohoa maurihaaku ani olongaunge: Tae aitanainge ineu e oli mei takoieu.
14Nou io mala uri ingeie ni malahuku wa uri asiku: nou amwaoro ani sae huunge, mala uri ini ko ulose a nikana.
15Tae maholo nou apaela kire ileilenimwae, kire ruru taingelute: mwala horohoro kire ruru taingelute hahieu, mwala nou kaa saire kire haka morumoru eku, kaa moumoutei oto oo.
16Mala mwala ko haahaaero aela ana maholo mu ngeuhe paine: kire ngangadi niho horaku.
17Lord, Okei tootoomaieu mola kei hule ingenite: Oke haaisitangainie maurihaaku mwaanie malamala nga ikire, dianahaana mola ineu noone mwaanie mui Lion.
18Nekei palaheo matolai pulita paine: neke si haamanikuluao peire mwala e ramo.
19Mui maeloonga ineu kire ke suuri alea hunieu: na mwala ko ngingiduupu hunieu.
20Aena kire kaa haitalengainie hanuelamanga: tae kire ko oalai wala eroero hunie mwala maadala ana hanue.
21Toohu kire ko rokase wawa hunieu: oto kire ko teuri A! A! maamami e lio.
22O leese taane, Lord: mwane o rourohu: Lord, mwane o haahaataulieu.
23Oke mwaemwae Oke liolio kau ana leileku ko lae: ana lehu ineu, God ineu na Lord ineu.
24Oke leieu, Lord God ineu, isulie tolaha odoodo ioe: na mwaanie kire rikerike hahieu.
25Mwane da na kire ere ni sae uri, Ai! saekaelu oto urine: mwane da na kire unue uri, kolu onome oto.
26Mwala kire ileilenimwae ana kire malamala aku kire kei masa na kire kei meni maaho: mwala kire loho rorora honosieu masanga ke aluhire na maleledinge.
27Mwala ke sungie mawata peie ilenimwaenga kire ke rikerike peie saediananga hahie odotainge ineu: Toohu, kire ke ere uri A Lord ke haamanikulue, ke haadianaa ionga diana inoni ingeie.
28Nge meaku kesi houleinie odoodonga ioe: na ke palaheo ana dangi hulaana rodo.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
First published as part of the Anglican Prayer Book by the Melanesian Press, 1946.