Dôm Bruk Ngak 24
24
Phao-lô di anak kwan pakrang nưgar Phe-lix
1Hadei di limư harei, gru mưliêng glong yatha A-na-nia trun nao Sê-sa-rê thubik thong hadôm ginôr taha thong tha gru hakum jakar angan Tet-tu-lu piêh yak Phao-lô di anak kwan pakrang nưgar. 2Tuk Phao-lô krung bihu iêu tamư, Tet-tu-lu raup palek palam yau ni: 3“Pathau kwan pakrang nưgar Phê-lit! Nhơ di karun ong mưng livik mai khol dahlak bihu liêng iman; nhơ di gruk jag karag ong bloh ralô gruk pabirau krung bihu klan ka paran ni. Kanê mưdok pak halei ngan tuk halei, khol dahlak lijang pađôk mưk dôm kabha nan thong tung tian thau karun mưdalam. 4Min piêh klah di ngak mưduh kwan paƀlwak vơk, dahlak likau di ong mưk tung siam tian bloh pang panôic yah yaic katut anưd khol dahlak: 5Biak rei, khol dahlak krung hu gōk urang ni yau nạn pakar jit rwak, krung hu ngak racol dalam bôl Yo Thaic di graup nưrah thong nạn akok tapôr anưd kavôm Na-xa-ret. 6Nhu lijang krung hu ngak haruk haram di huji nan ka khol dahlak krung hu mưk nhu [thong khol dahlak ưng jamrah nhu tui hakum jakar khol dahlak. 7Min kar pan akok Ly-si-a mưrai, mưk nhu truh di tangin khol dahlak ganap xanag harơh thong thurah ka dôm urang pathau yak xang mưrai gōk kwan.]#24:6-7 [thong khol dahlak... mưrai gōk kwan.]: Dalam tha thanôn blah vak tangin ôh hu dôm akhar ni. 8Likau êng ong xang athul tanhi nhu piêh hu mưda thau dôm kabha khol dahlak palek palam.” 9Dôm urang Yo Thaic lijang tha tung thong panôic đôm palek thong mat biak njaup yau nan.
Phao-lô payah padah di anak Phe-lix
10Tuk kwan pakrang nưgar tabiak habang pađar Phao-lô đôm, ong pathau: “Dahlak thau ong krung hu ngak kwan an dalam diya ni krung hu livik thun nan yơ dahlak bui ôn êng payah padah di anak ong. 11Yau ong krung hu thau, dahlak tagôk Yê-ru-sa-lem piêh bhuktik ô ka bihu tha pluh dwa harei. 12Mưnuix urang ôh bhian ƀôh tuk halei dahlak kamlah cah thong thei ngan pacuh bôl bhap brôk kalin, ngan dalam huji, ngan pak thang nhom, ngan dalam mưdin. 13Urak ni khol nhu lijang ôh mưda ba tabiak kaxan halei ka kabha khol nhu palek palam dahlak di anak ong. 14Dahlak pakrưn di anak ong dahlak tui Agama Pô Yê-su bloh khol nhu iêu laic tha mưkavôm nan. Dahlak bhuktik Pô Lingik anưd muk kei dahlak, dial abih kabha vak dalam tapuk hakum jakar thong dôm tapuk hôr. 15Dahlak hu mưthong tha pachôm pak Pô Lingik yau êng khol nhu lijang hu rei, ar nạn mưca hu gruk diup vơk anưd bih mưnuix kahanôt thong mưnuix ôh kahanôt. 16Lijang kaywa di nan, dahlak takung ran hamiêt piêh hu tung hatai klah di gok xayok di anak Pô Lingik thong di anak anưk mưnuix. 17#Bruk 21:17-28.Hadei dôm thun atah hađoh, urak ni dahlak mưng gilaic mai diya piêh ba pakar dong ơk thong ƀai panôja. 18Khol nhu gōk dahlak dok krưh ngak rija jamưah dalam huji, mih ôh njaup patom nhom tapôr ralô ngan ngak racol haget. 19Min hu tha hadôm urang Yo Thaic mưng A-si-a hu ƀok pak nan, mưyah khol nhu hu kabha haget yak bak dahlak, yơ xang mưrai di anak ong piêh palek palam mek. 20Ngan dôm urang tak ni xang brei thau tuk dahlak dang di anak Ginum Biai Mưdhir An, dahlak krung hu tanrok glaic haget; 21#Bruk 23:6.hu kaic, ciêt tha kanen tuk dang krưh khol nhu: ‘Êng kaywa di gruk diup vơk anưd ra mưtai, bloh harei ni dahlak gok bican inư di anak dôm ong.’”
22Phê-lit takrung thau pajip ka Agama Pô Yê-su bloh Phao-lô đôm nan hajiơng brei mưdei ƀan mưdhir an thong pađang akhan: “Tuk halei kar pan akok Li-si-a trun, mưca ita mư irat bruk ni.” 23Kwan pakrang nưgar thurah ka urang puk ginôr khik mong Phao-lô, min xang brei ka ong bihu salalah hơl, thong mưyah hu urang thulu ong mưrai pathên yơ jôi pakaup.
Phao-lô di anak Phe-lix thong Đơ-ru-si
24Hadei di hadôm harei, Phê-lit thong hadiup drei nạn Đơ-ru-si, mưnuix Yo Thaic, mưrai thong pađar iêu Phao-lô piêh pang ong đôm ka sagar dalam Dê Krist Yê-su. 25Min tuk Phao-lô đôm ka gruk kahanôt, gruk thaƀit thong gruk bican inư hadei harei, yơ Phê-lit hôic tatơk drei bloh đôm: “Urak ni xaai xang kadun tabiak; tuk halei hu binhôr ligeh mưca ita iêu vơk!” 26Mưthong tuk nan, Phe-lix lijang pachôm Phao-lô palwak jiên ka drei, nan ka bhian iêu ong mưrai thong đôm pôic thong ong. 27Dwa thun hadei, Pôt-tiu Phê-tu mưrai kala ka Phê-lit. Kaywa ưng bihu bui tian bôl Yo Thaic, Phê-lit kưk jam Phao-lô dalam thang danuh.
လက္ရွိေရြးခ်ယ္ထားမွု
Dôm Bruk Ngak 24: CJM2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.
Dôm Bruk Ngak 24
24
Phao-lô di anak kwan pakrang nưgar Phe-lix
1Hadei di limư harei, gru mưliêng glong yatha A-na-nia trun nao Sê-sa-rê thubik thong hadôm ginôr taha thong tha gru hakum jakar angan Tet-tu-lu piêh yak Phao-lô di anak kwan pakrang nưgar. 2Tuk Phao-lô krung bihu iêu tamư, Tet-tu-lu raup palek palam yau ni: 3“Pathau kwan pakrang nưgar Phê-lit! Nhơ di karun ong mưng livik mai khol dahlak bihu liêng iman; nhơ di gruk jag karag ong bloh ralô gruk pabirau krung bihu klan ka paran ni. Kanê mưdok pak halei ngan tuk halei, khol dahlak lijang pađôk mưk dôm kabha nan thong tung tian thau karun mưdalam. 4Min piêh klah di ngak mưduh kwan paƀlwak vơk, dahlak likau di ong mưk tung siam tian bloh pang panôic yah yaic katut anưd khol dahlak: 5Biak rei, khol dahlak krung hu gōk urang ni yau nạn pakar jit rwak, krung hu ngak racol dalam bôl Yo Thaic di graup nưrah thong nạn akok tapôr anưd kavôm Na-xa-ret. 6Nhu lijang krung hu ngak haruk haram di huji nan ka khol dahlak krung hu mưk nhu [thong khol dahlak ưng jamrah nhu tui hakum jakar khol dahlak. 7Min kar pan akok Ly-si-a mưrai, mưk nhu truh di tangin khol dahlak ganap xanag harơh thong thurah ka dôm urang pathau yak xang mưrai gōk kwan.]#24:6-7 [thong khol dahlak... mưrai gōk kwan.]: Dalam tha thanôn blah vak tangin ôh hu dôm akhar ni. 8Likau êng ong xang athul tanhi nhu piêh hu mưda thau dôm kabha khol dahlak palek palam.” 9Dôm urang Yo Thaic lijang tha tung thong panôic đôm palek thong mat biak njaup yau nan.
Phao-lô payah padah di anak Phe-lix
10Tuk kwan pakrang nưgar tabiak habang pađar Phao-lô đôm, ong pathau: “Dahlak thau ong krung hu ngak kwan an dalam diya ni krung hu livik thun nan yơ dahlak bui ôn êng payah padah di anak ong. 11Yau ong krung hu thau, dahlak tagôk Yê-ru-sa-lem piêh bhuktik ô ka bihu tha pluh dwa harei. 12Mưnuix urang ôh bhian ƀôh tuk halei dahlak kamlah cah thong thei ngan pacuh bôl bhap brôk kalin, ngan dalam huji, ngan pak thang nhom, ngan dalam mưdin. 13Urak ni khol nhu lijang ôh mưda ba tabiak kaxan halei ka kabha khol nhu palek palam dahlak di anak ong. 14Dahlak pakrưn di anak ong dahlak tui Agama Pô Yê-su bloh khol nhu iêu laic tha mưkavôm nan. Dahlak bhuktik Pô Lingik anưd muk kei dahlak, dial abih kabha vak dalam tapuk hakum jakar thong dôm tapuk hôr. 15Dahlak hu mưthong tha pachôm pak Pô Lingik yau êng khol nhu lijang hu rei, ar nạn mưca hu gruk diup vơk anưd bih mưnuix kahanôt thong mưnuix ôh kahanôt. 16Lijang kaywa di nan, dahlak takung ran hamiêt piêh hu tung hatai klah di gok xayok di anak Pô Lingik thong di anak anưk mưnuix. 17#Bruk 21:17-28.Hadei dôm thun atah hađoh, urak ni dahlak mưng gilaic mai diya piêh ba pakar dong ơk thong ƀai panôja. 18Khol nhu gōk dahlak dok krưh ngak rija jamưah dalam huji, mih ôh njaup patom nhom tapôr ralô ngan ngak racol haget. 19Min hu tha hadôm urang Yo Thaic mưng A-si-a hu ƀok pak nan, mưyah khol nhu hu kabha haget yak bak dahlak, yơ xang mưrai di anak ong piêh palek palam mek. 20Ngan dôm urang tak ni xang brei thau tuk dahlak dang di anak Ginum Biai Mưdhir An, dahlak krung hu tanrok glaic haget; 21#Bruk 23:6.hu kaic, ciêt tha kanen tuk dang krưh khol nhu: ‘Êng kaywa di gruk diup vơk anưd ra mưtai, bloh harei ni dahlak gok bican inư di anak dôm ong.’”
22Phê-lit takrung thau pajip ka Agama Pô Yê-su bloh Phao-lô đôm nan hajiơng brei mưdei ƀan mưdhir an thong pađang akhan: “Tuk halei kar pan akok Li-si-a trun, mưca ita mư irat bruk ni.” 23Kwan pakrang nưgar thurah ka urang puk ginôr khik mong Phao-lô, min xang brei ka ong bihu salalah hơl, thong mưyah hu urang thulu ong mưrai pathên yơ jôi pakaup.
Phao-lô di anak Phe-lix thong Đơ-ru-si
24Hadei di hadôm harei, Phê-lit thong hadiup drei nạn Đơ-ru-si, mưnuix Yo Thaic, mưrai thong pađar iêu Phao-lô piêh pang ong đôm ka sagar dalam Dê Krist Yê-su. 25Min tuk Phao-lô đôm ka gruk kahanôt, gruk thaƀit thong gruk bican inư hadei harei, yơ Phê-lit hôic tatơk drei bloh đôm: “Urak ni xaai xang kadun tabiak; tuk halei hu binhôr ligeh mưca ita iêu vơk!” 26Mưthong tuk nan, Phe-lix lijang pachôm Phao-lô palwak jiên ka drei, nan ka bhian iêu ong mưrai thong đôm pôic thong ong. 27Dwa thun hadei, Pôt-tiu Phê-tu mưrai kala ka Phê-lit. Kaywa ưng bihu bui tian bôl Yo Thaic, Phê-lit kưk jam Phao-lô dalam thang danuh.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2024 Bible Society Vietnam. All rights reserved.