نُومَه وِ کلیسای روم 9
9
قُومِ بَرگُزیَه خدا
1مِه دِ مسیح راس مُوئِم، نَه دِرو، وِجدانِم وِ واسطَه روحالقدس گَواهِ مِهنَه 2کِه دِ قلبِ خُوم دَردِ گِرُونی دارِم وَ همیشَه غَمدِبارِم. 3سی یَکِه کاش مِه خُوم دِ رَه بِرارُونِم کِه طبقِ جسم قُومُونِمَن، ملعون وَ دِ مسیح جِگا مِویئِم. 4وِنُو اسرائیلی اَن، وَ فرزندخواندگی، جِلال، عَهدیا هینِ وِنُونَه، شریعت وِ وِنُو دِئهبییَه، پِرَسِش وَ وَعدَهیا، هینِ وِنُونَه؛ 5بُوَهیا قُوم هینِ وِنُونَن، وَ مسیح، وِ طبقِ جسم، دِ لُونِ وِنُونَه خدائی کِه بالای همَهآ، هورِم اَ تا وِ ابد. آمین.
6اما منظور یَه نی کِه کلُومِ خدا وِ اَنجُوم نَرَسِسَه. سی یَکِه گِردِ وِنُونی کِه دِ قُومِ اسرائیل اَن، دِ راسی اسرائیلی نیسِن؛ 7وَ گِردِ وِنُونی کِه دِ نسلِ ابراهیم اَن، بَچُونِ او وِ حِسُو نِمیان. بلکِم دِ تورات نیسَنَه بییَه: «نسلِ تو دِ اسحق وِ حِسُو میا.» 8یعنی بَچُونی کِه وِ طریقِ جسم اُومانَه وِ دی بَچُونِ خدا نیسِن، بلکِم بَچُونِ وَعدَه، نسلِ ابراهیم وِ حِسُو میان. 9سی یَکِه اوچیئی کِه وَعدَه گُت یِنَهآ: «سالی هَنی ایی موقَع وِرمیگَردِم، وَ سارا صِحُو کُری موئَه.»
10وَ نَه تَنیا یَه، بلکِم هِه کِه رِبِکا هَم دِ یِه پیا، یعنی دِ جَدِ اِیما اسحق، لِفُونَه اُوِس بی، 11هَر چَن وِنُو هَنی وِ دی نیُومائینی وَ هیچ کارِ خو یا گَنی نَکِردینی- سی یَکِه قَصتِ خدا دِ انتخابش پایار بَمُونَه، نَه وِ سُنَه کاریائی کِه میکَن، بلکِم وِ سُنَه وَه کِه دعوت میکَه- 12وِ رِبِکا گُتِسی کِه «گَپَه کُچکَه نِه خدمت میکَه.» 13چِنُو کِه دِ کِتُوِ مَلاکی نبی نیسَنَه بییَه: «یعقوبِ نِه دوس داشتِم اما دِ عیسو بَیئِم مِیما.»
14پس اِیما چی بُوئیم؟ بُوئیم خدا بی انصاف اَ؟ اصلا! 15سی یَکه وِ موسی مُوئَه:
«رَحم میکِم وِ کسی کِه وِش رَحم دارِم،
وَ دِلسوزی میکِم وِ کسی کِه دِلم سیش میسوزَه.»
16پس، یَه وِ حاس یا تَقِلا انسان رَبطی نارَه، بلکِم رَبطِش وِ خدائی اَ کِه رَحم دارَه. 17سی یَکه دِ تورات وِ فرعون مُوئَه: «مِه تو نِه سی یَه بُلِن کِردِم تا قُوَه خُومِه دِ تو نِشُو بِئِم، وَ تا یَه کِه نُومِ مِه دِ سَرتاسَرِ زِمی اِعلُوم بوئَه. 18پس خدا وِ هَر کَه باحا رَحم میکَه وَ هَر کَه نِه باحا سنگدل میکَه.
19اوسِه وِ مِه مُوئی: «پَه دَ سی چی اِیما نِه مِنا میکَه؟ سی یَکِه کیَه کِه تُونِسوئَه دِ بِرُووَرِ اِرادَه خدا بِسَه؟» 20اما اِ انسان، تو کیئی کِه وا خدا جَرِبحث بَکی؟ «مَه مخلوق تُونَه وِ خالقِ خُوش بُوئَه سی چی مِه نِه چِنی ساختی؟» 21مَه کیزَهگَر ایی حَقِ نِه نارَه کِه دِ مُشتی خَرَه، ظرفی سی کاریا مهم وَ ظرفی هَنی سی وَرِدَس بَسازَه؟
22چی موئَه اَر خدا وا یَکِه میحا غیظِ خُوشِه نِشُو بِئَه وَ قُوَه خُوشِه بَشناسُونَه، ظرفیا غیظِ نِه کِه سی نابودی آمادَه بینَه وا طاقتِ زیاد تاو بیارَه؟ 23تا جِلالِ بیحَدِحِسُوِ خُوشِه سی ظرفیا رَحمَتِش دیاری بَکَه، ظرفیائی کِه دِ نِهاتِر سی جِلال آمادَه کِردَه، 24حتی اِیما نِه هَم کِه دِ لا او دعوت بیئیمُونَه مِئیرَه دِ وَر، نَه تَنیا دِ یهودیُو بلکِم دِ غیرِیهودیُو هَم. 25هِه چِنُو کِه هوشَع نبی مُوئَه:
«وِنُو کِه قُومِ مِه نِوییِن، میکِمِشُو وِ قُومِ خُوم،
وَ وَه کِه سِتینِ مِه نِوی، میکِمِش وِ سِتینِ خُوم.»
26وَ هَم
«وَ هِه دِ او جائی کِه وِشُو گُتِس:
"شِما قُومِ مِه نیسیت"،
دِ اوچِه وِنُو" بَچُونِ خدایِ زِنَه" حَنَه موئَن.»
27وَ اِشعَیا نبی دِ بارَه قُومِ اسرائیل چِنی مُوئَه: «هَر چَن شِمارِ قُومِ اسرائیل چی هُسکویا دریا با، تَنیا قَری دِشُو نجات پیا میکَن، 28سی یَکه خداوند کلُومِ خُوشِه وِ طورِ کامل وَ بیاَنگِلات وِ ری زِمی اَنجُوم مِیئَه.» 29وَ هِه چِنُو کِه اِشعَیا نبی پیشگوئی کِرد:
«اَر خداوندِ لِشگَریا نسلی سیمُو نِمِیئِشت وِجا،
مِویئیم هِه چی شهرِ سُدوم وَ چی شهرِ عَمورَه.»
بیایمُونی قُومِ اسرائیل
30پس اِیما چی بُوئیم؟ یَکِه غیرِیهودیُونی کِه دِ دُمِ صالحبییِه نِویئِن، او نِه وِ دَس اُوِردِن، یعنی او صالحبییِهنی که دِ رَه ایمُو وِ دَس میا؛ 31اما قُومِ اسرائیل کِه دِ دُمِ شریعتی بییِن کِه وِنُو نِه وِ صالحبییِه بَرَسنَه، وَه نِه وِ دَس نیُووِردِن. 32سی چی؟ سی یَکِه نَه دِ رَه ایمُو، بلکِم دِ رَه کاریا دِ دُمِ وَه بییِن. وِنُو دِ ری او "بَردی کِه باعثِ وِ زِمی حَردِهنِشُونَه" کُفتِسِنَه وِ زِمی. 33چِنُو کِه دِ کِتُوِ اِشعَیا نبی نیسَنَه بییَه:
«اِیمدال دِ کُوء صهیون بَردی مینیئِم کِه باعثِ زِمی حَردِهنَه،
وَ کَمَری کِه باعثِ اُفتایِهنَه؛
وَ هَر کَه وِ وَه ایمُو بیارَه،
خجالت نِموئَه.»
လက္ရွိေရြးခ်ယ္ထားမွု
نُومَه وِ کلیسای روم 9: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
نُومَه وِ کلیسای روم 9
9
قُومِ بَرگُزیَه خدا
1مِه دِ مسیح راس مُوئِم، نَه دِرو، وِجدانِم وِ واسطَه روحالقدس گَواهِ مِهنَه 2کِه دِ قلبِ خُوم دَردِ گِرُونی دارِم وَ همیشَه غَمدِبارِم. 3سی یَکِه کاش مِه خُوم دِ رَه بِرارُونِم کِه طبقِ جسم قُومُونِمَن، ملعون وَ دِ مسیح جِگا مِویئِم. 4وِنُو اسرائیلی اَن، وَ فرزندخواندگی، جِلال، عَهدیا هینِ وِنُونَه، شریعت وِ وِنُو دِئهبییَه، پِرَسِش وَ وَعدَهیا، هینِ وِنُونَه؛ 5بُوَهیا قُوم هینِ وِنُونَن، وَ مسیح، وِ طبقِ جسم، دِ لُونِ وِنُونَه خدائی کِه بالای همَهآ، هورِم اَ تا وِ ابد. آمین.
6اما منظور یَه نی کِه کلُومِ خدا وِ اَنجُوم نَرَسِسَه. سی یَکِه گِردِ وِنُونی کِه دِ قُومِ اسرائیل اَن، دِ راسی اسرائیلی نیسِن؛ 7وَ گِردِ وِنُونی کِه دِ نسلِ ابراهیم اَن، بَچُونِ او وِ حِسُو نِمیان. بلکِم دِ تورات نیسَنَه بییَه: «نسلِ تو دِ اسحق وِ حِسُو میا.» 8یعنی بَچُونی کِه وِ طریقِ جسم اُومانَه وِ دی بَچُونِ خدا نیسِن، بلکِم بَچُونِ وَعدَه، نسلِ ابراهیم وِ حِسُو میان. 9سی یَکِه اوچیئی کِه وَعدَه گُت یِنَهآ: «سالی هَنی ایی موقَع وِرمیگَردِم، وَ سارا صِحُو کُری موئَه.»
10وَ نَه تَنیا یَه، بلکِم هِه کِه رِبِکا هَم دِ یِه پیا، یعنی دِ جَدِ اِیما اسحق، لِفُونَه اُوِس بی، 11هَر چَن وِنُو هَنی وِ دی نیُومائینی وَ هیچ کارِ خو یا گَنی نَکِردینی- سی یَکِه قَصتِ خدا دِ انتخابش پایار بَمُونَه، نَه وِ سُنَه کاریائی کِه میکَن، بلکِم وِ سُنَه وَه کِه دعوت میکَه- 12وِ رِبِکا گُتِسی کِه «گَپَه کُچکَه نِه خدمت میکَه.» 13چِنُو کِه دِ کِتُوِ مَلاکی نبی نیسَنَه بییَه: «یعقوبِ نِه دوس داشتِم اما دِ عیسو بَیئِم مِیما.»
14پس اِیما چی بُوئیم؟ بُوئیم خدا بی انصاف اَ؟ اصلا! 15سی یَکه وِ موسی مُوئَه:
«رَحم میکِم وِ کسی کِه وِش رَحم دارِم،
وَ دِلسوزی میکِم وِ کسی کِه دِلم سیش میسوزَه.»
16پس، یَه وِ حاس یا تَقِلا انسان رَبطی نارَه، بلکِم رَبطِش وِ خدائی اَ کِه رَحم دارَه. 17سی یَکه دِ تورات وِ فرعون مُوئَه: «مِه تو نِه سی یَه بُلِن کِردِم تا قُوَه خُومِه دِ تو نِشُو بِئِم، وَ تا یَه کِه نُومِ مِه دِ سَرتاسَرِ زِمی اِعلُوم بوئَه. 18پس خدا وِ هَر کَه باحا رَحم میکَه وَ هَر کَه نِه باحا سنگدل میکَه.
19اوسِه وِ مِه مُوئی: «پَه دَ سی چی اِیما نِه مِنا میکَه؟ سی یَکِه کیَه کِه تُونِسوئَه دِ بِرُووَرِ اِرادَه خدا بِسَه؟» 20اما اِ انسان، تو کیئی کِه وا خدا جَرِبحث بَکی؟ «مَه مخلوق تُونَه وِ خالقِ خُوش بُوئَه سی چی مِه نِه چِنی ساختی؟» 21مَه کیزَهگَر ایی حَقِ نِه نارَه کِه دِ مُشتی خَرَه، ظرفی سی کاریا مهم وَ ظرفی هَنی سی وَرِدَس بَسازَه؟
22چی موئَه اَر خدا وا یَکِه میحا غیظِ خُوشِه نِشُو بِئَه وَ قُوَه خُوشِه بَشناسُونَه، ظرفیا غیظِ نِه کِه سی نابودی آمادَه بینَه وا طاقتِ زیاد تاو بیارَه؟ 23تا جِلالِ بیحَدِحِسُوِ خُوشِه سی ظرفیا رَحمَتِش دیاری بَکَه، ظرفیائی کِه دِ نِهاتِر سی جِلال آمادَه کِردَه، 24حتی اِیما نِه هَم کِه دِ لا او دعوت بیئیمُونَه مِئیرَه دِ وَر، نَه تَنیا دِ یهودیُو بلکِم دِ غیرِیهودیُو هَم. 25هِه چِنُو کِه هوشَع نبی مُوئَه:
«وِنُو کِه قُومِ مِه نِوییِن، میکِمِشُو وِ قُومِ خُوم،
وَ وَه کِه سِتینِ مِه نِوی، میکِمِش وِ سِتینِ خُوم.»
26وَ هَم
«وَ هِه دِ او جائی کِه وِشُو گُتِس:
"شِما قُومِ مِه نیسیت"،
دِ اوچِه وِنُو" بَچُونِ خدایِ زِنَه" حَنَه موئَن.»
27وَ اِشعَیا نبی دِ بارَه قُومِ اسرائیل چِنی مُوئَه: «هَر چَن شِمارِ قُومِ اسرائیل چی هُسکویا دریا با، تَنیا قَری دِشُو نجات پیا میکَن، 28سی یَکه خداوند کلُومِ خُوشِه وِ طورِ کامل وَ بیاَنگِلات وِ ری زِمی اَنجُوم مِیئَه.» 29وَ هِه چِنُو کِه اِشعَیا نبی پیشگوئی کِرد:
«اَر خداوندِ لِشگَریا نسلی سیمُو نِمِیئِشت وِجا،
مِویئیم هِه چی شهرِ سُدوم وَ چی شهرِ عَمورَه.»
بیایمُونی قُومِ اسرائیل
30پس اِیما چی بُوئیم؟ یَکِه غیرِیهودیُونی کِه دِ دُمِ صالحبییِه نِویئِن، او نِه وِ دَس اُوِردِن، یعنی او صالحبییِهنی که دِ رَه ایمُو وِ دَس میا؛ 31اما قُومِ اسرائیل کِه دِ دُمِ شریعتی بییِن کِه وِنُو نِه وِ صالحبییِه بَرَسنَه، وَه نِه وِ دَس نیُووِردِن. 32سی چی؟ سی یَکِه نَه دِ رَه ایمُو، بلکِم دِ رَه کاریا دِ دُمِ وَه بییِن. وِنُو دِ ری او "بَردی کِه باعثِ وِ زِمی حَردِهنِشُونَه" کُفتِسِنَه وِ زِمی. 33چِنُو کِه دِ کِتُوِ اِشعَیا نبی نیسَنَه بییَه:
«اِیمدال دِ کُوء صهیون بَردی مینیئِم کِه باعثِ زِمی حَردِهنَه،
وَ کَمَری کِه باعثِ اُفتایِهنَه؛
وَ هَر کَه وِ وَه ایمُو بیارَه،
خجالت نِموئَه.»
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company