انجیلِ یوحنا 2
2
معجزَه دِ دُووات
1روزِ سِئِم، دِ آبادی قانا دِ وِلاتِ جلیل دُوواتی بی وَ داآ عیسی هَم اوچِه بی. 2عیسی هَم واردِ شاگردیاش وِ دُووات دعوت بیئی. 3هِه کِه شِرُو خِلاص بی، داآ عیسی وِش گُت: «وِنُو شِرُو نارَن!» 4وَ عیسی وِش گُت: «اِ زَ، مِه نِه وِ ایی کار چی؟ ساعت مِه هَنی نَرَسِسَه.»
5داآش وِ پاکاریا گُت: «هَر چی وِ شِما مُوئَه، بَکیت.» 6دِ اوچِه شَش خمرَه سنگی بی کِه یهودیُو دِ اُوِ وَه سی غسلِ پاکی استفادَه می‌کِردِن، وَ هَر کُوم نِزیکِ صَد وُ بیس لیتر جا داشت. 7عیسی وِ پاکاریا گُت: «ایی خُمرَه‌یا نِه دِ اُو پُر بَکیت.» اوسِه وِنُو نِه لُوبَریز پُر کِردِن. 8اوسِه وِشُو گُت: «ایسِه کمی دِش وِرداریت، بُوریت وِ تِه صِحُو مجلس.» وَ وِنُو بُردِن. 9صِحُو مجلس اُوِ نِه کِه بیئی وِ شِرُو، چَشی، او نُئُونِس وَه نِه دِ کجا اُوِردِنَه، اما پاکاریائی کِه اُوِ نِه کَشیئینی، دُونِسِن. صِحُو مجلس، دُوما نِه هِنا کِرد 10وَ وِش گُت: «همَه اول وا شِرُوِ ناب پذیرایی می‌کَن وَ هِه که مِمُونیا مَس بییِن، شِرُو اَرزُوتِرِ نِه میارَن؛ اما تو شِرُوِ نابِ نِه تا ایسِه نِئَه داشتیَه!»
11یَه اولین معجزَه وَ نِشُونِه‌ای بی کِه عیسی دِ قانایِ جلیل کِرد وَ جِلالِ خُوشِه دیاری کِرد وَ شاگردیاش وِش ایمُو اُوِردِن.
12اوسِه واردِ داآ وَ بِرارُو وَ شاگردیاش رَت وِ شهرِ کَفَرناحوم، وَ چَن روزی دِ اوچِه مَنِن.
عیسی دِ معبد
13هِه کِه عیدِ پِسَخِ یهود نِزیک بی، عیسی رَت وِ اورشلیم. 14دِ صحنِ معبد، قَری نِه دی کِه سرگرمِ فِرُوختِه‌نِ گُو وَ کُوَه وَ کَموتَر اَن، وَ صَرّاف‌یا هَم نِشِسِنَه وِ کاسُوی. 15عیسی شَلاقی دِ چِلَه دُرِس کِرد وَ گِردِ وِنُو نِه واردِ کُوَه‌یا وَ گُویا، دِ معبد وَن وِ دَر. وَ سکَه‌یا صَرّاف‌یا نِه تیچَن وِ ری زِمی وَ تخت‌یاشُو نِه چُوارشَه کِرد، 16وَ وِ کَموتَرفِروش‌یا گُت: «یِنُو نِه دِ ایچِه بُوریت وِ دَر، وَ حُونَه بُوَه مِه نِه نَکیت جا کاسُووی کِردِه !» 17اوسِه شاگردیاش اُوِردِن وِ ویر، کِه دِ نیسَنَه‌یا مقدس نیسَنَه بی‌یَه: «غیرت سی حُونَه تو مِه نِه می‌سوزنَه.» 18اوسِه یهودیُو دِ بِرُووَرِ ایی کارِ او گُتِن: «چِه معجزَه وَ نِشُونِه‌ای وِ اِیما نِشُو مِئی تا دُونِسوئیم اجازَه چِنی کاریائی نِه داری؟» 19عیسی دِ جُئُوِشُو گُت: «ایی معبدِ نِه خِرُو بَکیت کِه مِه سه روزَه او نِه دِ سَر بَرپا می‌کِم.» 20یهودیُو گُتِن: «بنا ایی معبد چل وُ شَش سال طول کَشیَه، وَ ایسِه تو می‌حای سِه روزَه او نِه بَر پا بَکی؟» 21اما معبدی کِه عیسی دِش قِصَه می‌کِرد بدنِ خُوش بی. 22پس هِه کِه دِ مُردَه‌یا زِنَه بی، شاگردیاش ایی قِصَه او نِه اُوِردِن وِ ویر، وَ وِ نیسَنَه‌یا مقدس وَ کلُومِ عیسی ایمُو اُوِردِن.
23دِ مدتی کِه عیسی سی عیدِ پِسَخ دِ اورشلیم بی، خیلی‌یا وا دیئِه‌نِ معجزَه‌یا وَ نِشُونَه‌یائی کِه او می‌کِرد، وِ نُومِ او ایمُو اُوِردِن. 24اما عیسی وِ ایمُونِشُو اعتماد نائاشت، سی یَکِه گِردِ نِه می‌شناخت 25وَ هُوجِه‌ای نائاشت کسی دِبارَه انسان چیئی وِش بُوئَه، سی یَکِه خُوش دُونِس دِ دِلِ انسان چینَه.
လက္ရွိေရြးခ်ယ္ထားမွု
انجیلِ یوحنا 2: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
انجیلِ یوحنا 2
2
معجزَه دِ دُووات
1روزِ سِئِم، دِ آبادی قانا دِ وِلاتِ جلیل دُوواتی بی وَ داآ عیسی هَم اوچِه بی. 2عیسی هَم واردِ شاگردیاش وِ دُووات دعوت بیئی. 3هِه کِه شِرُو خِلاص بی، داآ عیسی وِش گُت: «وِنُو شِرُو نارَن!» 4وَ عیسی وِش گُت: «اِ زَ، مِه نِه وِ ایی کار چی؟ ساعت مِه هَنی نَرَسِسَه.»
5داآش وِ پاکاریا گُت: «هَر چی وِ شِما مُوئَه، بَکیت.» 6دِ اوچِه شَش خمرَه سنگی بی کِه یهودیُو دِ اُوِ وَه سی غسلِ پاکی استفادَه می‌کِردِن، وَ هَر کُوم نِزیکِ صَد وُ بیس لیتر جا داشت. 7عیسی وِ پاکاریا گُت: «ایی خُمرَه‌یا نِه دِ اُو پُر بَکیت.» اوسِه وِنُو نِه لُوبَریز پُر کِردِن. 8اوسِه وِشُو گُت: «ایسِه کمی دِش وِرداریت، بُوریت وِ تِه صِحُو مجلس.» وَ وِنُو بُردِن. 9صِحُو مجلس اُوِ نِه کِه بیئی وِ شِرُو، چَشی، او نُئُونِس وَه نِه دِ کجا اُوِردِنَه، اما پاکاریائی کِه اُوِ نِه کَشیئینی، دُونِسِن. صِحُو مجلس، دُوما نِه هِنا کِرد 10وَ وِش گُت: «همَه اول وا شِرُوِ ناب پذیرایی می‌کَن وَ هِه که مِمُونیا مَس بییِن، شِرُو اَرزُوتِرِ نِه میارَن؛ اما تو شِرُوِ نابِ نِه تا ایسِه نِئَه داشتیَه!»
11یَه اولین معجزَه وَ نِشُونِه‌ای بی کِه عیسی دِ قانایِ جلیل کِرد وَ جِلالِ خُوشِه دیاری کِرد وَ شاگردیاش وِش ایمُو اُوِردِن.
12اوسِه واردِ داآ وَ بِرارُو وَ شاگردیاش رَت وِ شهرِ کَفَرناحوم، وَ چَن روزی دِ اوچِه مَنِن.
عیسی دِ معبد
13هِه کِه عیدِ پِسَخِ یهود نِزیک بی، عیسی رَت وِ اورشلیم. 14دِ صحنِ معبد، قَری نِه دی کِه سرگرمِ فِرُوختِه‌نِ گُو وَ کُوَه وَ کَموتَر اَن، وَ صَرّاف‌یا هَم نِشِسِنَه وِ کاسُوی. 15عیسی شَلاقی دِ چِلَه دُرِس کِرد وَ گِردِ وِنُو نِه واردِ کُوَه‌یا وَ گُویا، دِ معبد وَن وِ دَر. وَ سکَه‌یا صَرّاف‌یا نِه تیچَن وِ ری زِمی وَ تخت‌یاشُو نِه چُوارشَه کِرد، 16وَ وِ کَموتَرفِروش‌یا گُت: «یِنُو نِه دِ ایچِه بُوریت وِ دَر، وَ حُونَه بُوَه مِه نِه نَکیت جا کاسُووی کِردِه !» 17اوسِه شاگردیاش اُوِردِن وِ ویر، کِه دِ نیسَنَه‌یا مقدس نیسَنَه بی‌یَه: «غیرت سی حُونَه تو مِه نِه می‌سوزنَه.» 18اوسِه یهودیُو دِ بِرُووَرِ ایی کارِ او گُتِن: «چِه معجزَه وَ نِشُونِه‌ای وِ اِیما نِشُو مِئی تا دُونِسوئیم اجازَه چِنی کاریائی نِه داری؟» 19عیسی دِ جُئُوِشُو گُت: «ایی معبدِ نِه خِرُو بَکیت کِه مِه سه روزَه او نِه دِ سَر بَرپا می‌کِم.» 20یهودیُو گُتِن: «بنا ایی معبد چل وُ شَش سال طول کَشیَه، وَ ایسِه تو می‌حای سِه روزَه او نِه بَر پا بَکی؟» 21اما معبدی کِه عیسی دِش قِصَه می‌کِرد بدنِ خُوش بی. 22پس هِه کِه دِ مُردَه‌یا زِنَه بی، شاگردیاش ایی قِصَه او نِه اُوِردِن وِ ویر، وَ وِ نیسَنَه‌یا مقدس وَ کلُومِ عیسی ایمُو اُوِردِن.
23دِ مدتی کِه عیسی سی عیدِ پِسَخ دِ اورشلیم بی، خیلی‌یا وا دیئِه‌نِ معجزَه‌یا وَ نِشُونَه‌یائی کِه او می‌کِرد، وِ نُومِ او ایمُو اُوِردِن. 24اما عیسی وِ ایمُونِشُو اعتماد نائاشت، سی یَکِه گِردِ نِه می‌شناخت 25وَ هُوجِه‌ای نائاشت کسی دِبارَه انسان چیئی وِش بُوئَه، سی یَکِه خُوش دُونِس دِ دِلِ انسان چینَه.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company