کاریا رسول‌یا 22
22
1«بِرارُو، بُوَه‌یا، وِ دفاعی کِه هِیسِه وِ عَرضِتُو مِی‌رَسِنِم، گوش بِئیت.»
2هِه کِه اِشنَفتِن کِه وِنُو نِه وِ زِوُونِ عِبرانی‌یا خَطُو می‌کَه، بی‌کِش‌تِر بییِن.
پولُس گُت: 3«مِه پیا یهودی اِم، دِ تَرسوسِ کیلیکیَه اُومامَه وِ دی. اما دِ ایی شهر گَپ بیمَه. شریعتِ اَجدادی خُومِه خو دُرِس‌حِسُوی وِ شاگردی وِ تِه گامالائیل یای گِرِتِمَه وَ سی خدا غیرت داشتِمَه، هِه چی شِما کِه اِیمرو هیسیت. 4مِه مُریدیا، ایی ’طریقتِ‘ نِه تا حدِ مرگ عَذُوِشُو مِی‌دَم وَ وِنُو نِه دِ پیا وُ زَ گرفتار می‌کِردِم، وَ مِی‌وَنِم وِ هُلِفدُو. 5کاهِنِ اعظم وَ گِردِ اعضا شورا یهود دی بارَه تُونَن شاهادَتی بِئَن، سی یَکِه دِشُو نُومَه‌یائی سی بِرارُونِشُو دِ دمشق گِرِتِم تا رُوئِم وِ اوچِه وَ ایی مردِمِ نِه بَکِم دِ بَن، تا سی مجازات بی‌یِه بیارِمِشُو وِ اورشلیم.
6« اما هِه یَکِه دِ رَه وِ دمشق نِزیک مِویم، نِزیکِ ظهر، یِگِلی بِریقَه نیرِ چَشگیری دِ آسمُو اُفتا وِ ریم. 7اُفتام وِ ری زِمی وَ دَنگی اِشنَفتِم کِه وِم می‌گُت: ”شائول! شائول! سی چی مِه نِه عَذُو مِئی؟“
8پُرسیم: ”خداوند، تو کیئی؟“
«جُئُو دَه: ”مِه هِه او عیسی ناصری هیسِم کِه تو او نِه عَذُو مِئی.“ 9هُمرَه‌یام بِریقَه نیرِ نِه دیئِن، اما دَنگِ وَه کِه وام قِصَه می‌کِرد، نَشنَفتِن. 10گُتِم: ”خداوند، چی بَکِم؟“
«خداوند گُت: ”وِری رُو وِ دمشق. دِ اوچِه هَر چیئی کِه بایِس بَکی، وِت مُوئَن.“ 11دوچِه کِه مِه دِ زورِ بِریقَه او نیر، دَ نَتُونِسِم بِئینِم. هُمرَه‌یام دَسِمِه گِرِتِن وُ اُوِردِن وِ دمشق.
12«دِ دمشق، پیائی دیندار وُ پابَن وِ شریعت زِنِه‌ئی می‌کِرد، وِ نُومِ حَنانیا، کِه دِ مینِ گِردِ یهودیُو، خُوش‌نُوم بی. 13حَنانیا اُوما وِ دیئِه‌نِم وَ گُت: “بِرار شائول! چَش‌یات بِئینَن!“ هِه آزِعی، چَش‌یام آزا بی وُ او نِه دیئِم.
14«او گُت: ”خدای اَجدادِ اِیما تو نِه بَرگُزیَه تا اِرادَه‌شِه دُونِسوئی وَ او پاکارِ عادلِ نِه بِئینی وَ حرف‌یائی دِ دَمِش بَشنُوئی. 15سی یَکِه تو دِ بِرُووَرِ گِردِ مردِم، شاهدِ او موئی وَ وِ او چیئی کِه دیئیَه وَ اِشنَفتیَه، شاهادَتی مِی‌ئی. 16ایسِه های دِ تَما چی؟ وِری وُ نُومِ او نِه بیار وُ دِ نُومِ او تعمید بِئیر وُ دِ گُنَه‌یات پاک بو!“
17«هِه کِه وِرگَشتِم وِ اورشلیم، دِ معبد نِئام وِ دعا کِردِه کِه رَتِم وِ حالِ خَلسَه 18وَ خداوندِ نِه دیئِم کِه می‌گُت: ”زی کُو وَ هَرچی زیتِر دِ اورشلیم بَک وِ دَر، سی یَکِه وِنُو شاهادَتی تو نِه دِبارَه مِه قبول نِمی‌کَن.“
19«گُتِم: ”خداوند، وِنُو دُونَن کِه مِه مِی‌رَتِم وِ کنیسَه‌یا وَ وِنُونی کِه وِ تو ایمُو داشتِن نِه، می‌وَنمِشُو وِ هُلِفدُو وُ مِی‌زَمِشُو. 20وَ هِه کِه خینِ او شاهِد تو اِستیفان نِه می‌رِختِن، مِه خُوم اِیساییمی اوچِه وَ او کارِ نِه تایید کِردِم وَ جُومَه‌یا قاتل‌یاشِه نِئَه داشتِم.“
21خداوند وِ مِه گُت: ”رُو، سی یَکِه مِه تو نِه وِ جایا دیر دَس، وِ تِه غیرِیهودیُو کِل می‌کِم.“
پولُس وُ فَرمُوندَه رومی
22مردِم تا ایچِه وِ پولُس گوش مِی‌دَن، اما هِه کِه یَه نِه گُت، دَنگِشُو نِه بُلِن کِردِن، مِی‌قارَنِن: «زِمی نِه دِ وجودِ چِنی کسی پاک بَکیت کِه زِنَه‌مَنِه‌نِش رَوا نی!»
23هِه چِنُو کِه وِنُو می‌قارَنِن رَدایاشُو نِه بالا سَر شَک مِی‌دَن وَ گَرتِ‌توزی دِ هوا بُلِن می‌کِردِن، 24فَرمُوندَه هُد کِرد پولُسِ نِه بُورَن وِ قلعَه، شلاق دِیئَن وَ دِش بازخواست بَکَن تا دیار با سی چی وِ تیشکِش چِنی مِی‌قارنَن. 25اما هِه کِه پولُسِه مِی‌وَستِن تا شلاق دِیئَن، پولُس وِ افسری کِه اوچِه اِیسایی، گُت: «مَه قانون وِ شما ایی اِجازَه نِه مِی‌ئَه کِه یِه نفر تبعَه رومِ نِه دِ حالی کِه هَنی محکوم نِویَه شلاق دِئیت؟»
26افسرِکَه هِه کِه یَه نِه اِشنَفت، رَت وِ تِه فَرمُوندَه وَ وِش گُت: «ها چی می‌کی؟ سی یَکه ایی پیا تبعَه روم اَ!»
27فَرمُوندَه اُوما وِ تِه پولُس وَ دِش پُرسی: «بُو بِئینِم، مَر تو تبعَه رومی؟
جُئُو دَه: «بله، هیسِم.»
28اوسِه فَرمُوندَه گُت: «مِه سی وِ دَس اُوِردِه‌نِ ایی تابعیت، باها گِرُونی دَمَه.»
پولُس دِ جُئُو گُت: «اما مِه دِ گیَه داآم تبعَه رومِم!»
29وِنُونی کِه قِرار بی دِ او بازخواست بَکَن، جَلدی خُوشُو نِه کَشیئِن والائی. فَرمُوندَه هَم کِه فَمِس یِه رومی نِه کِردَه دِ بَن، سخت زَرتِلاق بی.
پولُس دِ شورا یهود
30وا صُوش، هِه کِه فَرمُوندَه می‌حاس خو بَفَمَه کِه سی چی یهودیُو، پولُسِ نِه متهم کِردِنَه، او نِه دِ بَن آزاد کِرد وَ هُد کِرد سَرُونِ کاهِن‌یا وَ گِردِ اعضا شورای یهود جمع بوئَن. اوسِه، پولُسِه اُوِرد وِ هار تا دِ بِرُووَرِشُو حاضر با.
လက္ရွိေရြးခ်ယ္ထားမွု
کاریا رسول‌یا 22: NLB
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company
کاریا رسول‌یا 22
22
1«بِرارُو، بُوَه‌یا، وِ دفاعی کِه هِیسِه وِ عَرضِتُو مِی‌رَسِنِم، گوش بِئیت.»
2هِه کِه اِشنَفتِن کِه وِنُو نِه وِ زِوُونِ عِبرانی‌یا خَطُو می‌کَه، بی‌کِش‌تِر بییِن.
پولُس گُت: 3«مِه پیا یهودی اِم، دِ تَرسوسِ کیلیکیَه اُومامَه وِ دی. اما دِ ایی شهر گَپ بیمَه. شریعتِ اَجدادی خُومِه خو دُرِس‌حِسُوی وِ شاگردی وِ تِه گامالائیل یای گِرِتِمَه وَ سی خدا غیرت داشتِمَه، هِه چی شِما کِه اِیمرو هیسیت. 4مِه مُریدیا، ایی ’طریقتِ‘ نِه تا حدِ مرگ عَذُوِشُو مِی‌دَم وَ وِنُو نِه دِ پیا وُ زَ گرفتار می‌کِردِم، وَ مِی‌وَنِم وِ هُلِفدُو. 5کاهِنِ اعظم وَ گِردِ اعضا شورا یهود دی بارَه تُونَن شاهادَتی بِئَن، سی یَکِه دِشُو نُومَه‌یائی سی بِرارُونِشُو دِ دمشق گِرِتِم تا رُوئِم وِ اوچِه وَ ایی مردِمِ نِه بَکِم دِ بَن، تا سی مجازات بی‌یِه بیارِمِشُو وِ اورشلیم.
6« اما هِه یَکِه دِ رَه وِ دمشق نِزیک مِویم، نِزیکِ ظهر، یِگِلی بِریقَه نیرِ چَشگیری دِ آسمُو اُفتا وِ ریم. 7اُفتام وِ ری زِمی وَ دَنگی اِشنَفتِم کِه وِم می‌گُت: ”شائول! شائول! سی چی مِه نِه عَذُو مِئی؟“
8پُرسیم: ”خداوند، تو کیئی؟“
«جُئُو دَه: ”مِه هِه او عیسی ناصری هیسِم کِه تو او نِه عَذُو مِئی.“ 9هُمرَه‌یام بِریقَه نیرِ نِه دیئِن، اما دَنگِ وَه کِه وام قِصَه می‌کِرد، نَشنَفتِن. 10گُتِم: ”خداوند، چی بَکِم؟“
«خداوند گُت: ”وِری رُو وِ دمشق. دِ اوچِه هَر چیئی کِه بایِس بَکی، وِت مُوئَن.“ 11دوچِه کِه مِه دِ زورِ بِریقَه او نیر، دَ نَتُونِسِم بِئینِم. هُمرَه‌یام دَسِمِه گِرِتِن وُ اُوِردِن وِ دمشق.
12«دِ دمشق، پیائی دیندار وُ پابَن وِ شریعت زِنِه‌ئی می‌کِرد، وِ نُومِ حَنانیا، کِه دِ مینِ گِردِ یهودیُو، خُوش‌نُوم بی. 13حَنانیا اُوما وِ دیئِه‌نِم وَ گُت: “بِرار شائول! چَش‌یات بِئینَن!“ هِه آزِعی، چَش‌یام آزا بی وُ او نِه دیئِم.
14«او گُت: ”خدای اَجدادِ اِیما تو نِه بَرگُزیَه تا اِرادَه‌شِه دُونِسوئی وَ او پاکارِ عادلِ نِه بِئینی وَ حرف‌یائی دِ دَمِش بَشنُوئی. 15سی یَکِه تو دِ بِرُووَرِ گِردِ مردِم، شاهدِ او موئی وَ وِ او چیئی کِه دیئیَه وَ اِشنَفتیَه، شاهادَتی مِی‌ئی. 16ایسِه های دِ تَما چی؟ وِری وُ نُومِ او نِه بیار وُ دِ نُومِ او تعمید بِئیر وُ دِ گُنَه‌یات پاک بو!“
17«هِه کِه وِرگَشتِم وِ اورشلیم، دِ معبد نِئام وِ دعا کِردِه کِه رَتِم وِ حالِ خَلسَه 18وَ خداوندِ نِه دیئِم کِه می‌گُت: ”زی کُو وَ هَرچی زیتِر دِ اورشلیم بَک وِ دَر، سی یَکِه وِنُو شاهادَتی تو نِه دِبارَه مِه قبول نِمی‌کَن.“
19«گُتِم: ”خداوند، وِنُو دُونَن کِه مِه مِی‌رَتِم وِ کنیسَه‌یا وَ وِنُونی کِه وِ تو ایمُو داشتِن نِه، می‌وَنمِشُو وِ هُلِفدُو وُ مِی‌زَمِشُو. 20وَ هِه کِه خینِ او شاهِد تو اِستیفان نِه می‌رِختِن، مِه خُوم اِیساییمی اوچِه وَ او کارِ نِه تایید کِردِم وَ جُومَه‌یا قاتل‌یاشِه نِئَه داشتِم.“
21خداوند وِ مِه گُت: ”رُو، سی یَکِه مِه تو نِه وِ جایا دیر دَس، وِ تِه غیرِیهودیُو کِل می‌کِم.“
پولُس وُ فَرمُوندَه رومی
22مردِم تا ایچِه وِ پولُس گوش مِی‌دَن، اما هِه کِه یَه نِه گُت، دَنگِشُو نِه بُلِن کِردِن، مِی‌قارَنِن: «زِمی نِه دِ وجودِ چِنی کسی پاک بَکیت کِه زِنَه‌مَنِه‌نِش رَوا نی!»
23هِه چِنُو کِه وِنُو می‌قارَنِن رَدایاشُو نِه بالا سَر شَک مِی‌دَن وَ گَرتِ‌توزی دِ هوا بُلِن می‌کِردِن، 24فَرمُوندَه هُد کِرد پولُسِ نِه بُورَن وِ قلعَه، شلاق دِیئَن وَ دِش بازخواست بَکَن تا دیار با سی چی وِ تیشکِش چِنی مِی‌قارنَن. 25اما هِه کِه پولُسِه مِی‌وَستِن تا شلاق دِیئَن، پولُس وِ افسری کِه اوچِه اِیسایی، گُت: «مَه قانون وِ شما ایی اِجازَه نِه مِی‌ئَه کِه یِه نفر تبعَه رومِ نِه دِ حالی کِه هَنی محکوم نِویَه شلاق دِئیت؟»
26افسرِکَه هِه کِه یَه نِه اِشنَفت، رَت وِ تِه فَرمُوندَه وَ وِش گُت: «ها چی می‌کی؟ سی یَکه ایی پیا تبعَه روم اَ!»
27فَرمُوندَه اُوما وِ تِه پولُس وَ دِش پُرسی: «بُو بِئینِم، مَر تو تبعَه رومی؟
جُئُو دَه: «بله، هیسِم.»
28اوسِه فَرمُوندَه گُت: «مِه سی وِ دَس اُوِردِه‌نِ ایی تابعیت، باها گِرُونی دَمَه.»
پولُس دِ جُئُو گُت: «اما مِه دِ گیَه داآم تبعَه رومِم!»
29وِنُونی کِه قِرار بی دِ او بازخواست بَکَن، جَلدی خُوشُو نِه کَشیئِن والائی. فَرمُوندَه هَم کِه فَمِس یِه رومی نِه کِردَه دِ بَن، سخت زَرتِلاق بی.
پولُس دِ شورا یهود
30وا صُوش، هِه کِه فَرمُوندَه می‌حاس خو بَفَمَه کِه سی چی یهودیُو، پولُسِ نِه متهم کِردِنَه، او نِه دِ بَن آزاد کِرد وَ هُد کِرد سَرُونِ کاهِن‌یا وَ گِردِ اعضا شورای یهود جمع بوئَن. اوسِه، پولُسِه اُوِرد وِ هار تا دِ بِرُووَرِشُو حاضر با.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
@ 2024 Korpu Company