Aba Levi 25
25
Umwaka Uwakutuzya
(Ukk. 15.1-11)
1 #
Ukf. 23.10-11
U Mwene akamubuzya u Mozesi pighamba ilya Sinayi akati, 2“Ubalamule aba Izilayeli uti, Bo mukwinjila muchisu chicho nkubapa, ichisu chilachila chibanje nu Mwaka Uwakutuzya mumwaka ghosi uwaseveni, umwakuti mumuchindikaye u Mwene. 3Mumaka sikisi mulimaye amaghunda ghinyu nukubyala imbeyu, sona mupalantilaye amampesya ghinyu nukuyaba ivikomwa vyache. 4Loli umwaka waseveni amaghunda ghinyu ghabanje nu Mwaka Uwakutuzya, Umwaka uwakupaghuliliwa kwa Mwene. Mutakabyalaye imbeyu mumaghunda ghinyu, pamo ukupalantila amampesya ghinyu. 5Mutakinulaye imbeyu zizyo zimelite zyene, sona mutakayabaye amampesya ghagho ghatapalantiliwe. Ichisu chila chibanje nu Mwaka Uwakutuzya. 6Loli ivyakulya vyosi vivyo vimelite Mumwaka Uwakutuzya vibanje vyinyu, amwe na bazya binyu na bambombo sona na bayeni babo bakwikala pakasi papinyu, 7ni vitekwa vyinyu, ni vinyamana ivya muzi ivya muchisu chinyu. Chosi chicho chikumela mumaghunda ghala chibanje chakulya.”
Umwaka uwa lusekelo
8“Mubelengaye Amaka Aghakutuzya seveni nukubalizya akaseveni, umwakuti Amaka Aghakutuzya ghabanje 49. 9Po pisiku ilya 10 ilya mwezi uwaseveni, pisiku ilyakupepesezya imbibi, mulizyanje amapati muchisu chinyu chosi. 10Mughupaghulaye umwaka uwa 50, sona mufumusyanje ubwabuke muchisu chosi pakasi pabantu babo bakwikalamo. Ghubanje mwaka winyu uwa lusekelo, uwakuti umuntu wesi anyokelaye kubaluko lwache, sona umuntu wesi pakasi papinyu anyokelaye ku bamunyumba yache. 11Umwaka uwa 50 ghubanje mwaka winyu uwa lusekelo, sona mutakabyalaye imbeyu mumaghunda ghinyu, pamo ukwinula vivyo vimelite vyene, pamo ukuyaba amampesya ghagho mutapalantiye. 12Umwaka ghunughu gho mwaka uwa lusekelo, po mughupimaye pakuba mwaka muzelu. Mulyanje chene chicho chimelite chene mumaghunda ghinyu.”
13Mumwaka uwa lusekelo ughu, umuntu wesi anyokelaye kubaluko lwache. 14Nanti ukumughulizizya umughunda umu Izilayeli uwamwinyu, pamo ukumughula umughunda, mutakazimbulanaye. 15Umughulaye uwamwinyu ukuyana nu bwinji ubwa maka ukwanda mumwaka uwa lusekelo. Uwamwinyu yula akughulizizye ukuyana nu bwinji ubwa maka aghakwinulila ghagho ghasyalite. 16Nanti amaka minji, umutengo ghubanje wakukwelapo, loli nanti amaka manandi bulo, umutengo ghubanje wakwikapo pachifukwa ichakuti ivintu vivyo akughulizizya bo bwinji ubwa nyinulo. 17Mutakazimbulanaye, loli mumunyilaye u Mwene, u Chala winyu.
Intamyo izya Mwaka Uwakutuzya
18“Mukonkaye amalamulo ghane ni ndaghilo zyane, umwakuti mwikalaye muchisu umwakufwasa. 19Ichisu chope chikwiza pakubapa ivikomwa, po mukwiza pakulya mupaka nukwikuta, sona mukwiza pakwikala muchisu umwakufwasa.” 20Loli mungalalusya ukuti, “Nkimba tukwiza pakulya choni mumwaka uwaseveni, nanti tutakubyala, pamo nanti tutakwinula?” 21Ane nkwiza pakubasaya ni vyakulya ivyinji nkani mumwaka uwasikisi, umwakuti ichakulya chibanje chakubakwana amaka matatu. 22Nanti mukubyala mumwaka uwa eyiti, mukwiza pakulya vivyo mukinula mumwaka uwasikisi, sona ichakulya chila chikwiza pakubakwana mupaka pakabalilo akakwinulila mumwaka uwa nayini.
Nizya kunyosezya papo ukatundu
23“Mutakaghulizizye zila ichisu, pakuti ichisu chane. Amwe mwe bayeni bulo, sona mwe bendazila. 24Muchisu chosi chicho mukwiza pakwikalaghamo, mubitikizyanje abamwinyu pakuchitabula ichisu chicho chikaghuliziwa.”
25Nanti umu Izilayeli uwamwinyu aba mupina, nukughulizyapo bumo ubuzilo bwache, umukamu wache abutabulaye ubuzilo bubo umuntu yula abughulizizye. 26Nanti umuntu yula ate nu mukamu uwakuti angachitabula ichisu chila, loli pisinda pache umwenecho aba mukabi nukuvyagha ivyakukwana ivyakuchitabulila ichisu chache, 27abelengele amaka ukwandila papo akaghulizizya ichisu chila. Amunyosezye umuntu yuyo akamughulizizya, umwakuti anyokele sona kuchisu chache. 28Loli nanti ate ni vyakukwana ivyakubutabulila ubuzilo bubo abughulizizye, po ubuzilo bubo akabughulizya bukwendelelagha pakuba munyobe izya muntu yuyo akabughula, mupaka mumwaka uwa lusekelo. Mumwaka ghulaghula, ubuzilo butabuliwe nukunyokela ku mwenecho.
29“Nanti umuntu akughulizya inyumba mukaya akakulu nkani kako kali nu lupaso, ali nu bwabuke ubwakuyitabula inyumba yache bo umwaka ghuchili pakumala. 30Nanti atakuyitabula inyumba yila, bo nu mwaka ghuchili pakumala, inyumba iya mukaya akakulu nkani aka lupaso yendelelaye pakuba ya muntu yuyo akayighula poka na baluko lwache. Inyumba yila yitakanyosiwanje sona mumwaka uwa lusekelo.” 31Loli inyumba zizyo zite mutwaya utukulu nkani utwa lupaso, zyo muzipimaye pakuba maghunda. Umwenecho uwa nyumba zila musatuke pakuzitabula nukuti zinyokele ku mwenecho mumwaka uwa lusekelo.
32Loli aba Levi bali nu bwabuke akabalilo kosi ubwakuzitabula inyumba zyabo zyosi zizyo zili mutwaya twabo. 33Nanti umu Levi yumo akupotwa pakuyitabula inyumba yiyo yighuliziwe mutwaya twabo, bamunyosezye umwenecho mumwaka uwa lusekelo. Pakuti inyumba zizyo zili mutwaya utukulu nkani utwa ba Levi, zyabo ni zyabo, pakasi paba Izilayeli. 34Loli amakombe ghagho ghazyunguliye utwaya utukulu nkani ghatakaghuliziwanje napo panandi, pakuti gho maghunda ghabo bwila na bwila.
Nizya kubakopezya abapina
35 #
Ukk. 15.7-8
“Nanti umu Izilayeli uwamwinyu aba mupina sona atangisunga mwene, amwe mumwavwanje ukuyana namumo mungamwavwilizizya umuyeni pamo umwendazila, umwakuti endelele pakwikala namwe. 36Mutakapokelaye indalama izyakukabilapo, loli mumunyilaye u Chala winyu, umwakuti umu Izilayeli uwamwinyu endelele pakwikala namwe. 37#Ukf. 22.25; Ukk. 23.19-20Mutakamukopezyanje uwamwinyu indalama umwakuti mupokele indalama izyakukabilapo, pamo pakumughulizizya ichakulya ni ndalama izyakukabilapo. 38Ane ne Mwene u Chala winyu, nkabefya mu Ijiputi, umwakuti imbape ichisu icha Kenani, sona nukuti imbanje ne Chala winyu.”
Ukwabuliwa ukwa bazya
39 #
Ukf. 21.2-6; Ukk. 15.12-18 “Nanti umu Izilayeli uwamwinyu aba mupina nkani nukwighulizya mwene kukwako pakuba muzya, mutakamupimaye pakuba muzya. 40Mumupimaye pakuba waganyu, pamo ngati mwendazila. Ababombelaye imbombo mupaka umwaka uwa lusekelo. 41Pisinda pache abuliwanje poka na bana bache, po anyokelaye kubaluko lwache, kuko kuli ichilingo icha banyenya bache. 42Pakuti aba Izilayeli bo babombi bane, babo nkabefya mu Ijiputi, batakaghuliziwanje pakuba bazya. 43Mutakabayivyanje, loli mumunyilaye u Chala winyu.”
44Nanti mukulonda abazya manyi banavuli manyi bakolo, mungabaghula pakasi pa inko zizyo zikwikala namwe. 45Mungabaghula sona abendazila poka na bamunyumba zyabo, babo bapapiliwe muchisu chinyu. Banaba bangaba binyu na binyu. 46Mungabalekela abana binyu abazya bala pakuba mpyana yabo. Banaba mungabapela pakuba bazya binyu bwila na bwila, loli mutakabayivyanje aba Izilayeli abamwinyu.
47“Nanti umuyeni pamo umwendazila aba mukabi, sona nanti umu Izilayeli uwamwinyu aba mupina nukwighulizya ku muyeni, pamo kubakamu bache, 48ali nu bwabuke ubwakutabuliwa, napapo akighulizya mwene. Weka uwa bakamu bache, 49manyi we wise umunandi manyi muvyala manyi mukamu wache umwenecho, angamutabula. Pamo nanti umuntu yula aba mukabi, angitabula mwene.” 50Abelengelane nu muntu yuyo akamughula ukwandila mumwaka ghugho akighulizya mwene mupaka mumwaka uwa lusekelo. Umutengo wache uwakumutabulila ghuyane na malipilo agha waganyu, sona ukuyana nu bwinji ubwa maka. 51Nanti ghasyalako amaka aminji, alipilaye umutengo uwakukwelapo pa chigaba icha ndalama zyache izyakumutabulila. 52Loli nanti amaka manandi bulo ukuti ghufike umwaka uwa lusekelo, babelengelane nu mwene wache nukunyosya indalama zizyo akamutabulila. 53Amupimaye pakuba waganyu umwaka nu mwaka. Wenelezye ukuti u mwene wache atakumuyivya.
54Nanti atakutabuliwa, umuntu yula abuliwanje poka na bana bache mumwaka uwa lusekelo. 55Pakuti aba Izilayeli bo babombi bane, babo nkabefya mu Ijiputi. Ane ne Mwene u Chala winyu.
လက္ရွိေရြးခ်ယ္ထားမွု
Aba Levi 25: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Levi 25
25
Umwaka Uwakutuzya
(Ukk. 15.1-11)
1 #
Ukf. 23.10-11
U Mwene akamubuzya u Mozesi pighamba ilya Sinayi akati, 2“Ubalamule aba Izilayeli uti, Bo mukwinjila muchisu chicho nkubapa, ichisu chilachila chibanje nu Mwaka Uwakutuzya mumwaka ghosi uwaseveni, umwakuti mumuchindikaye u Mwene. 3Mumaka sikisi mulimaye amaghunda ghinyu nukubyala imbeyu, sona mupalantilaye amampesya ghinyu nukuyaba ivikomwa vyache. 4Loli umwaka waseveni amaghunda ghinyu ghabanje nu Mwaka Uwakutuzya, Umwaka uwakupaghuliliwa kwa Mwene. Mutakabyalaye imbeyu mumaghunda ghinyu, pamo ukupalantila amampesya ghinyu. 5Mutakinulaye imbeyu zizyo zimelite zyene, sona mutakayabaye amampesya ghagho ghatapalantiliwe. Ichisu chila chibanje nu Mwaka Uwakutuzya. 6Loli ivyakulya vyosi vivyo vimelite Mumwaka Uwakutuzya vibanje vyinyu, amwe na bazya binyu na bambombo sona na bayeni babo bakwikala pakasi papinyu, 7ni vitekwa vyinyu, ni vinyamana ivya muzi ivya muchisu chinyu. Chosi chicho chikumela mumaghunda ghala chibanje chakulya.”
Umwaka uwa lusekelo
8“Mubelengaye Amaka Aghakutuzya seveni nukubalizya akaseveni, umwakuti Amaka Aghakutuzya ghabanje 49. 9Po pisiku ilya 10 ilya mwezi uwaseveni, pisiku ilyakupepesezya imbibi, mulizyanje amapati muchisu chinyu chosi. 10Mughupaghulaye umwaka uwa 50, sona mufumusyanje ubwabuke muchisu chosi pakasi pabantu babo bakwikalamo. Ghubanje mwaka winyu uwa lusekelo, uwakuti umuntu wesi anyokelaye kubaluko lwache, sona umuntu wesi pakasi papinyu anyokelaye ku bamunyumba yache. 11Umwaka uwa 50 ghubanje mwaka winyu uwa lusekelo, sona mutakabyalaye imbeyu mumaghunda ghinyu, pamo ukwinula vivyo vimelite vyene, pamo ukuyaba amampesya ghagho mutapalantiye. 12Umwaka ghunughu gho mwaka uwa lusekelo, po mughupimaye pakuba mwaka muzelu. Mulyanje chene chicho chimelite chene mumaghunda ghinyu.”
13Mumwaka uwa lusekelo ughu, umuntu wesi anyokelaye kubaluko lwache. 14Nanti ukumughulizizya umughunda umu Izilayeli uwamwinyu, pamo ukumughula umughunda, mutakazimbulanaye. 15Umughulaye uwamwinyu ukuyana nu bwinji ubwa maka ukwanda mumwaka uwa lusekelo. Uwamwinyu yula akughulizizye ukuyana nu bwinji ubwa maka aghakwinulila ghagho ghasyalite. 16Nanti amaka minji, umutengo ghubanje wakukwelapo, loli nanti amaka manandi bulo, umutengo ghubanje wakwikapo pachifukwa ichakuti ivintu vivyo akughulizizya bo bwinji ubwa nyinulo. 17Mutakazimbulanaye, loli mumunyilaye u Mwene, u Chala winyu.
Intamyo izya Mwaka Uwakutuzya
18“Mukonkaye amalamulo ghane ni ndaghilo zyane, umwakuti mwikalaye muchisu umwakufwasa. 19Ichisu chope chikwiza pakubapa ivikomwa, po mukwiza pakulya mupaka nukwikuta, sona mukwiza pakwikala muchisu umwakufwasa.” 20Loli mungalalusya ukuti, “Nkimba tukwiza pakulya choni mumwaka uwaseveni, nanti tutakubyala, pamo nanti tutakwinula?” 21Ane nkwiza pakubasaya ni vyakulya ivyinji nkani mumwaka uwasikisi, umwakuti ichakulya chibanje chakubakwana amaka matatu. 22Nanti mukubyala mumwaka uwa eyiti, mukwiza pakulya vivyo mukinula mumwaka uwasikisi, sona ichakulya chila chikwiza pakubakwana mupaka pakabalilo akakwinulila mumwaka uwa nayini.
Nizya kunyosezya papo ukatundu
23“Mutakaghulizizye zila ichisu, pakuti ichisu chane. Amwe mwe bayeni bulo, sona mwe bendazila. 24Muchisu chosi chicho mukwiza pakwikalaghamo, mubitikizyanje abamwinyu pakuchitabula ichisu chicho chikaghuliziwa.”
25Nanti umu Izilayeli uwamwinyu aba mupina, nukughulizyapo bumo ubuzilo bwache, umukamu wache abutabulaye ubuzilo bubo umuntu yula abughulizizye. 26Nanti umuntu yula ate nu mukamu uwakuti angachitabula ichisu chila, loli pisinda pache umwenecho aba mukabi nukuvyagha ivyakukwana ivyakuchitabulila ichisu chache, 27abelengele amaka ukwandila papo akaghulizizya ichisu chila. Amunyosezye umuntu yuyo akamughulizizya, umwakuti anyokele sona kuchisu chache. 28Loli nanti ate ni vyakukwana ivyakubutabulila ubuzilo bubo abughulizizye, po ubuzilo bubo akabughulizya bukwendelelagha pakuba munyobe izya muntu yuyo akabughula, mupaka mumwaka uwa lusekelo. Mumwaka ghulaghula, ubuzilo butabuliwe nukunyokela ku mwenecho.
29“Nanti umuntu akughulizya inyumba mukaya akakulu nkani kako kali nu lupaso, ali nu bwabuke ubwakuyitabula inyumba yache bo umwaka ghuchili pakumala. 30Nanti atakuyitabula inyumba yila, bo nu mwaka ghuchili pakumala, inyumba iya mukaya akakulu nkani aka lupaso yendelelaye pakuba ya muntu yuyo akayighula poka na baluko lwache. Inyumba yila yitakanyosiwanje sona mumwaka uwa lusekelo.” 31Loli inyumba zizyo zite mutwaya utukulu nkani utwa lupaso, zyo muzipimaye pakuba maghunda. Umwenecho uwa nyumba zila musatuke pakuzitabula nukuti zinyokele ku mwenecho mumwaka uwa lusekelo.
32Loli aba Levi bali nu bwabuke akabalilo kosi ubwakuzitabula inyumba zyabo zyosi zizyo zili mutwaya twabo. 33Nanti umu Levi yumo akupotwa pakuyitabula inyumba yiyo yighuliziwe mutwaya twabo, bamunyosezye umwenecho mumwaka uwa lusekelo. Pakuti inyumba zizyo zili mutwaya utukulu nkani utwa ba Levi, zyabo ni zyabo, pakasi paba Izilayeli. 34Loli amakombe ghagho ghazyunguliye utwaya utukulu nkani ghatakaghuliziwanje napo panandi, pakuti gho maghunda ghabo bwila na bwila.
Nizya kubakopezya abapina
35 #
Ukk. 15.7-8
“Nanti umu Izilayeli uwamwinyu aba mupina sona atangisunga mwene, amwe mumwavwanje ukuyana namumo mungamwavwilizizya umuyeni pamo umwendazila, umwakuti endelele pakwikala namwe. 36Mutakapokelaye indalama izyakukabilapo, loli mumunyilaye u Chala winyu, umwakuti umu Izilayeli uwamwinyu endelele pakwikala namwe. 37#Ukf. 22.25; Ukk. 23.19-20Mutakamukopezyanje uwamwinyu indalama umwakuti mupokele indalama izyakukabilapo, pamo pakumughulizizya ichakulya ni ndalama izyakukabilapo. 38Ane ne Mwene u Chala winyu, nkabefya mu Ijiputi, umwakuti imbape ichisu icha Kenani, sona nukuti imbanje ne Chala winyu.”
Ukwabuliwa ukwa bazya
39 #
Ukf. 21.2-6; Ukk. 15.12-18 “Nanti umu Izilayeli uwamwinyu aba mupina nkani nukwighulizya mwene kukwako pakuba muzya, mutakamupimaye pakuba muzya. 40Mumupimaye pakuba waganyu, pamo ngati mwendazila. Ababombelaye imbombo mupaka umwaka uwa lusekelo. 41Pisinda pache abuliwanje poka na bana bache, po anyokelaye kubaluko lwache, kuko kuli ichilingo icha banyenya bache. 42Pakuti aba Izilayeli bo babombi bane, babo nkabefya mu Ijiputi, batakaghuliziwanje pakuba bazya. 43Mutakabayivyanje, loli mumunyilaye u Chala winyu.”
44Nanti mukulonda abazya manyi banavuli manyi bakolo, mungabaghula pakasi pa inko zizyo zikwikala namwe. 45Mungabaghula sona abendazila poka na bamunyumba zyabo, babo bapapiliwe muchisu chinyu. Banaba bangaba binyu na binyu. 46Mungabalekela abana binyu abazya bala pakuba mpyana yabo. Banaba mungabapela pakuba bazya binyu bwila na bwila, loli mutakabayivyanje aba Izilayeli abamwinyu.
47“Nanti umuyeni pamo umwendazila aba mukabi, sona nanti umu Izilayeli uwamwinyu aba mupina nukwighulizya ku muyeni, pamo kubakamu bache, 48ali nu bwabuke ubwakutabuliwa, napapo akighulizya mwene. Weka uwa bakamu bache, 49manyi we wise umunandi manyi muvyala manyi mukamu wache umwenecho, angamutabula. Pamo nanti umuntu yula aba mukabi, angitabula mwene.” 50Abelengelane nu muntu yuyo akamughula ukwandila mumwaka ghugho akighulizya mwene mupaka mumwaka uwa lusekelo. Umutengo wache uwakumutabulila ghuyane na malipilo agha waganyu, sona ukuyana nu bwinji ubwa maka. 51Nanti ghasyalako amaka aminji, alipilaye umutengo uwakukwelapo pa chigaba icha ndalama zyache izyakumutabulila. 52Loli nanti amaka manandi bulo ukuti ghufike umwaka uwa lusekelo, babelengelane nu mwene wache nukunyosya indalama zizyo akamutabulila. 53Amupimaye pakuba waganyu umwaka nu mwaka. Wenelezye ukuti u mwene wache atakumuyivya.
54Nanti atakutabuliwa, umuntu yula abuliwanje poka na bana bache mumwaka uwa lusekelo. 55Pakuti aba Izilayeli bo babombi bane, babo nkabefya mu Ijiputi. Ane ne Mwene u Chala winyu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.