Aba Levi 21
21
Nizya ubupaghuliwa ubwa baputi
1U Mwene akamubuzya u Mozesi akati, “Ubabuzye abamunyumba iya Aloni babo baputi uti, ‘Abaputi batakinyazye bene pakupalamasya umuvimba pakasi pa bakamu bache. 2Loli angaghupalamasya umuvimba uwa nyina nuwa wise nuwa mwana wache umulumendo, nuwa mwana wache umulindu nuwa wamwabo 3pamo uwa muyemba wache yuyo atasendiwepo yuyo akwikala poka nawe, pachifukwa ichakuti ate nu mulume. 4Loli atakinyazye mwene nu bufwe ubwa mukoyi wache, pachifukwa ichakusenda munyumba yoka.
5 #
Lev. 19.27-28; Ukk. 14.1 “ ‘Abaputi batakamwanje isisi zyabo pamo ukumwa indevu zyabo pamo ukwibolannya amabili ghabo. 6Abaputi babanje bantu bazelu sona batakalisamulaye itabwa ilya Chala wabo. Babanje bantu bazelu pachifukwa ichakuti abene bo babo bakubika ichakwiyipa ichakocha kwa Mwene, chicho chakulya icha Chala wabo.
7“ ‘Abaputi batakasendaye abamalaya, pamo umukolo yuyo asokite, pakuti abaputi babaghiye pakuba bantu bazelu kwa Chala wabo. 8Mubapimaye abaputi pakuba bantu bazelu, pakuti abene bo babo bakubika ichakwiyipa icha chakulya kwa Chala winyu. Mubapimaye pakuba bantu bazelu, pakuti Ane ne Mwene ne muzelu, sona nkubapela amwe pakuba mwe bazelu.
9“ ‘Nanti umwana umulindu uwa muputi aba we malaya, akumukozya isoni uwise, po umwana yula ochiwanje numoto.
10“ ‘Umuntu yuyo we muputi usongo yuyo apunguliliwe na mafuta pamutu wache, sona yuyo imikiwe pakuvwala amenda agha buputi, atakazilekaye isisi zyache zizyo atapesite pamo ukuzepulannya amenda ghache ukulanjizya ichililo. 11Atakinyazye mwene pakwinjila mubuzilo bubo muli umuvimba, napapo ghungaba muvimba uwa wise pamo uwa nyina. 12Atakepemo Mubuzilo Ubuzelu, pamo ukubunyazya Ubuzilo Ubuzelu ubwa Chala, pakuti akapaghuliliwa kwa Chala wache. Ane ne Mwene.
13“ ‘Asende umulindu yuyo atamumenye nalumo umwanavuli. 14Atakasendaye umukolo umufwilwe, pamo umukolo yuyo asokite, pamo umalaya, loli asende umulindu yuyo atamumenye nalumo umwanavuli pakasi pa baluko lwache, 15umwakuti atakabanyazye abana bache aba pakasi pa bakamu bache. Ane ne Mwene nkumupela pakuba muntu muzelu.’ ”
16U Mwene akamubuzya u Mozesi akati, 17“Umubuzye u Aloni uti, ‘Atakabepo nayumoyumo uwaluko lwinyu mupaka inkulilo izya muntazi yuyo ali ni chilema, uwakubika ichakulya kwa Chala wache. 18Umuntu yuyo ali ni chilema atakapalamilaye papipi manyi mufwamaso pamo umulemazu pamo yuyo icheni chache chinanganikite pamo yuyo chinama choka chipimpa 19pamo umuntu yuyo ulwayo lwachee pamo inyobe yache yilemaye 20pamo umuntu uwa kang'onko pamo umuntu umwakapimpa pamo umuntu yuyo ali ni nchezi pamo umuntu uwa vitufya pamubili wache pamo yuyo amatulu ghache ghananganikite. 21Nayumoyumo umuntu uwaluko ulwa umuputi u Aloni, yuyo ali ni chilema abaghiye pakubika ichakwiyipa ichakocha kwa Chala wache. 22Loli umuntu yunuyu angalya ichakulya ichizelu nkani ichakubikiwa kwa Chala wache, sona ni chakulya ichizelu. 23Loli atakapalamile kumwenda uwakuzighila pamo ku chighemo, pachifukwa ichakuti ali ni chilema, umwakuti angabunyazya ubuzilo bwane ubuzelu. Ane ne Mwene, sona nkuvipela pakuba vizelu.’ ”
24Izi zyo zizyo u Mozesi akamubuzya u Aloni na bana bache, sona naba Izilayeli bosi.
လက္ရွိေရြးခ်ယ္ထားမွု
Aba Levi 21: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Levi 21
21
Nizya ubupaghuliwa ubwa baputi
1U Mwene akamubuzya u Mozesi akati, “Ubabuzye abamunyumba iya Aloni babo baputi uti, ‘Abaputi batakinyazye bene pakupalamasya umuvimba pakasi pa bakamu bache. 2Loli angaghupalamasya umuvimba uwa nyina nuwa wise nuwa mwana wache umulumendo, nuwa mwana wache umulindu nuwa wamwabo 3pamo uwa muyemba wache yuyo atasendiwepo yuyo akwikala poka nawe, pachifukwa ichakuti ate nu mulume. 4Loli atakinyazye mwene nu bufwe ubwa mukoyi wache, pachifukwa ichakusenda munyumba yoka.
5 #
Lev. 19.27-28; Ukk. 14.1 “ ‘Abaputi batakamwanje isisi zyabo pamo ukumwa indevu zyabo pamo ukwibolannya amabili ghabo. 6Abaputi babanje bantu bazelu sona batakalisamulaye itabwa ilya Chala wabo. Babanje bantu bazelu pachifukwa ichakuti abene bo babo bakubika ichakwiyipa ichakocha kwa Mwene, chicho chakulya icha Chala wabo.
7“ ‘Abaputi batakasendaye abamalaya, pamo umukolo yuyo asokite, pakuti abaputi babaghiye pakuba bantu bazelu kwa Chala wabo. 8Mubapimaye abaputi pakuba bantu bazelu, pakuti abene bo babo bakubika ichakwiyipa icha chakulya kwa Chala winyu. Mubapimaye pakuba bantu bazelu, pakuti Ane ne Mwene ne muzelu, sona nkubapela amwe pakuba mwe bazelu.
9“ ‘Nanti umwana umulindu uwa muputi aba we malaya, akumukozya isoni uwise, po umwana yula ochiwanje numoto.
10“ ‘Umuntu yuyo we muputi usongo yuyo apunguliliwe na mafuta pamutu wache, sona yuyo imikiwe pakuvwala amenda agha buputi, atakazilekaye isisi zyache zizyo atapesite pamo ukuzepulannya amenda ghache ukulanjizya ichililo. 11Atakinyazye mwene pakwinjila mubuzilo bubo muli umuvimba, napapo ghungaba muvimba uwa wise pamo uwa nyina. 12Atakepemo Mubuzilo Ubuzelu, pamo ukubunyazya Ubuzilo Ubuzelu ubwa Chala, pakuti akapaghuliliwa kwa Chala wache. Ane ne Mwene.
13“ ‘Asende umulindu yuyo atamumenye nalumo umwanavuli. 14Atakasendaye umukolo umufwilwe, pamo umukolo yuyo asokite, pamo umalaya, loli asende umulindu yuyo atamumenye nalumo umwanavuli pakasi pa baluko lwache, 15umwakuti atakabanyazye abana bache aba pakasi pa bakamu bache. Ane ne Mwene nkumupela pakuba muntu muzelu.’ ”
16U Mwene akamubuzya u Mozesi akati, 17“Umubuzye u Aloni uti, ‘Atakabepo nayumoyumo uwaluko lwinyu mupaka inkulilo izya muntazi yuyo ali ni chilema, uwakubika ichakulya kwa Chala wache. 18Umuntu yuyo ali ni chilema atakapalamilaye papipi manyi mufwamaso pamo umulemazu pamo yuyo icheni chache chinanganikite pamo yuyo chinama choka chipimpa 19pamo umuntu yuyo ulwayo lwachee pamo inyobe yache yilemaye 20pamo umuntu uwa kang'onko pamo umuntu umwakapimpa pamo umuntu yuyo ali ni nchezi pamo umuntu uwa vitufya pamubili wache pamo yuyo amatulu ghache ghananganikite. 21Nayumoyumo umuntu uwaluko ulwa umuputi u Aloni, yuyo ali ni chilema abaghiye pakubika ichakwiyipa ichakocha kwa Chala wache. 22Loli umuntu yunuyu angalya ichakulya ichizelu nkani ichakubikiwa kwa Chala wache, sona ni chakulya ichizelu. 23Loli atakapalamile kumwenda uwakuzighila pamo ku chighemo, pachifukwa ichakuti ali ni chilema, umwakuti angabunyazya ubuzilo bwane ubuzelu. Ane ne Mwene, sona nkuvipela pakuba vizelu.’ ”
24Izi zyo zizyo u Mozesi akamubuzya u Aloni na bana bache, sona naba Izilayeli bosi.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.