Aba Galatiya 6
6
Nizya kunyamulilana ukatundu
1Mwee bakamu bane, nanti umuntu yumo awila mumbibi, amwe mwe mukulongoziwa nu Muzimu Umuzelu, mumwavwe umuntu yunuyu nu moyo umololo. Loli namwe bulo muchebaye ukuti mutakayeliwanje. 2Munyamulilanaye ukatundu, sona pakubomba bunubu mukwiza pakukwanilisya indaghilo izya Kilisitu. 3Pakuti nanti umuntu yumo akwipima mwene ukuti we muntu naloli, po muntu bulo, akwizimbula bulo mwene. 4Umuntu wesi ipime mwene ni mbombo zyache. Po angituvya mwene ni mbombo zyache, ukusita ukwifwanikizya mwene nu muntu yumo. 5Pakuti umuntu wesi anyamulaye ukatundu uwache nu wache.
6Umuntu wesi yuyo akumanyisiwa amazyu agha Chala, agabane nu muntu yuyo ukumumanyisya ivyiza vyosi vivyo ali navyo.
7Mutakizimbulaye mwebene! U Chala atangangaziwa. Umuntu akwiza pakwinula chicho akupesa. 8Pakuti umuntu yuyo akupesa ivinyonywa ivya buntu, chicho akwiza pakwinula bo bufwe. Loli umuntu yuyo akupesa mwa Muzimu Umuzelu, chicho akwiza pakwinula bo bumi ubwa bwila na bwila. 9Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.
10Polelo bo tuli nu lusako, zagha tubabombelaye ivintu ivyiza abantu bosi, nkaninkani abantu babo bali mukabukatila aka bitiki.
Amazyu aghabumalilo
11Ennya ubusimbe ubukulu bubo nkubasimbila ni nyobe iyane ni yane! 12Abantu babo bakwilanjizya ukuti bantu biza, bakuyezya pakubafyenga ukuti musilimuliwe. Bakubomba zinizi ukuti batakavwimiwanje pachifukwa icha chipinjika icha Kilisitu. 13Na bantu babo basilimuliwe, bope batakukonka Indaghilo, loli bakulonda musilimuliwe ukuti chibanje chintu chimo ichakwituvikizyapo. 14Loli ane katalipo nakamo akakwituvikizyapo, loli chene ichipinjika icha Mwene u Yesu Kilisitu. Pakuti u Yesu akakomeliwa pachipinjika, umwakuyana bulo, ivintu ivya muchisu ichapasi vyakomeliwa kukwane, sona nane nkomeliwe ku vintu ivya muchisu ichapasi. 15Manyi kusilimuliwa pamo ukusita ukusilimuliwa vitakung'anamula nachimo. Loli chicho chili ni ching'anamulo chakuti umuntu abanje chipeliwa ichipya. 16Umutende ni chisa ivyakufuma kwa Chala vibanje na bosi babo bakwenda muzila yiniyi, poka na bantu bosi abenecho aba Chala.
17Pabumalilo: Atakabepo nayumo umuntu uwakunjivya, pakuti indi na mabala agha Yesu pamubili wane.
18Mwee bakamu bane, ichisa icha Mwene witu u Yesu Kilisitu chibanje namwe. Ameni.
လက္ရွိေရြးခ်ယ္ထားမွု
Aba Galatiya 6: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
Aba Galatiya 6
6
Nizya kunyamulilana ukatundu
1Mwee bakamu bane, nanti umuntu yumo awila mumbibi, amwe mwe mukulongoziwa nu Muzimu Umuzelu, mumwavwe umuntu yunuyu nu moyo umololo. Loli namwe bulo muchebaye ukuti mutakayeliwanje. 2Munyamulilanaye ukatundu, sona pakubomba bunubu mukwiza pakukwanilisya indaghilo izya Kilisitu. 3Pakuti nanti umuntu yumo akwipima mwene ukuti we muntu naloli, po muntu bulo, akwizimbula bulo mwene. 4Umuntu wesi ipime mwene ni mbombo zyache. Po angituvya mwene ni mbombo zyache, ukusita ukwifwanikizya mwene nu muntu yumo. 5Pakuti umuntu wesi anyamulaye ukatundu uwache nu wache.
6Umuntu wesi yuyo akumanyisiwa amazyu agha Chala, agabane nu muntu yuyo ukumumanyisya ivyiza vyosi vivyo ali navyo.
7Mutakizimbulaye mwebene! U Chala atangangaziwa. Umuntu akwiza pakwinula chicho akupesa. 8Pakuti umuntu yuyo akupesa ivinyonywa ivya buntu, chicho akwiza pakwinula bo bufwe. Loli umuntu yuyo akupesa mwa Muzimu Umuzelu, chicho akwiza pakwinula bo bumi ubwa bwila na bwila. 9Po mutakalitaye pakubomba ivyiza, pakuti pakabalilo kache akiza tukwiza pakwinula nanti tutakuwa amaka.
10Polelo bo tuli nu lusako, zagha tubabombelaye ivintu ivyiza abantu bosi, nkaninkani abantu babo bali mukabukatila aka bitiki.
Amazyu aghabumalilo
11Ennya ubusimbe ubukulu bubo nkubasimbila ni nyobe iyane ni yane! 12Abantu babo bakwilanjizya ukuti bantu biza, bakuyezya pakubafyenga ukuti musilimuliwe. Bakubomba zinizi ukuti batakavwimiwanje pachifukwa icha chipinjika icha Kilisitu. 13Na bantu babo basilimuliwe, bope batakukonka Indaghilo, loli bakulonda musilimuliwe ukuti chibanje chintu chimo ichakwituvikizyapo. 14Loli ane katalipo nakamo akakwituvikizyapo, loli chene ichipinjika icha Mwene u Yesu Kilisitu. Pakuti u Yesu akakomeliwa pachipinjika, umwakuyana bulo, ivintu ivya muchisu ichapasi vyakomeliwa kukwane, sona nane nkomeliwe ku vintu ivya muchisu ichapasi. 15Manyi kusilimuliwa pamo ukusita ukusilimuliwa vitakung'anamula nachimo. Loli chicho chili ni ching'anamulo chakuti umuntu abanje chipeliwa ichipya. 16Umutende ni chisa ivyakufuma kwa Chala vibanje na bosi babo bakwenda muzila yiniyi, poka na bantu bosi abenecho aba Chala.
17Pabumalilo: Atakabepo nayumo umuntu uwakunjivya, pakuti indi na mabala agha Yesu pamubili wane.
18Mwee bakamu bane, ichisa icha Mwene witu u Yesu Kilisitu chibanje namwe. Ameni.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.