2 Aba Kolinti 12
12
Ivisetuka ivya Pabuli nu buvumbuli
1Imbaghiye nendelele pakwituvya, napapo chitalipo nachimochimo chicho ningakabapo. Loli losi ulu nkwiza pakunena nizya visetuka nu buvumbuli ubwa Mwene. 2Imumenye umukilisitu yumo, yuyo amaka 14 ghagho ghamalagha akazompoliwa bulo pakubuka kumwanya nkani. Ntazimenye nanti zinizi zikabombiwa naloli, pamo nanti chikaba chisetuka bulo, u Chala mwene weyuyo azimenye. 3Inzimenye sona ukuti umuntu uyu akazompoliwa bulo pakubuka ku Paladizo. Ntazimenye nanti zinizi zikabombiwa naloli, pamo nanti chikaba chisetuka bulo, u Chala mwene weyuyo azimenye. 4Kulakula umuntu yula akivwa ivintu ivyakusita ukuneniwa, ivintu vivyo umuntu atangavinena nu mulomo. 5Po nkwiza pakwituvya nizya muntu uyu, loli ntakwiza pakwituvya nizya ane nemwene. Ntakwiza pakwituvya ni chintu chimo, loli vyene ivintu vivyo vikulanjizya ubudedebazu bwane. 6Napapo nanti nalondagha ukwituvya, ntakwiza pakuba ne mupunganu, pakuti nkwiza pakunena ubwanaloli. Loli nkwikanizya nemwene ukwituvya, umwakuti umuntu yumo atakampimaye pakuba ne wapamwanya ukulekana na zizyo nkuzibomba pamo nkuzinena.
7Loli pakunyila ukuti ningitutumula pachifukwa icha buvumbuli ubukulu ubu, u Chala akabika umwivwa mu mubili wane pakuba wantumi uwa Satana ukuti ghunjivye nkani ukuti intakitutumulaye. 8Nkiputa kwa Mwene katatu nizya chinichi pakumulaba ukuti efye ichintu chinichi papane. 9Loli u Mwene akambuzya akati, “Ichisa chane chakuyana pakuti amaka ghane ghakuba ghakufikapo mumuntu umudedebazu.” Polelo muvintu vyosi nkwiza pakwituvya umwakuhoboka nizya budedebazu bwane, umwakuti amaka agha Kilisitu ghabanje papane. 10Pachifukwa icha Kilisitu, nhobokite nkani nu budedebazu bwane nu musamu wane, nintamyo zyane, na mayimba ghane, sona nu bupalapala bwane. Pakuti bo indi mudedebazu, popapo indi na maka.
U Pabuli akubapasikizya aba Kolinti
11Nipela nemwene pakuba ne mupunganu, loli amwe mwemwe mumpelite pakuba bunubu. Amwe mwemwe mubaghiye pakunsimikizya ane pakuti ane intakaba ne munandi uwabumalilo pa batumiwa abapamwanya nkani aba, napapo ne wabulo. 12Ivyika poka ni viswigho, sona ni mbombo izyamaka, vivyo vikusimikizya ukuti ne mutumiwa naloli, vikabombiwa mumwinyu mubufisalyoyo. 13Nkimba chintu choni chicho nkachibomba muvipanga ivinji, ukwefyako chene ichakuti ane nemwene intabatamizyepo nalumo? Nalamba, munhobokele imbibi yane iyi!
14Ennya, aka kabutatu ukuti niyanizye pakubendela. Po ntakwiza pakubatamya pakuti chicho nkulonda, vite vintu vivyo muli navyo, awe, loli nkulonda amwe. Pakuti yite mbombo iya bana iyakubasungila abapapi babo ivyuma, awe, loli yo mbombo iya bapapi pakubasungila abana babo ivyuma. 15Nkwiza pakuhoboka nkani pakutagha ivyane vyosi poka nubumi bwane bulo, umwakuti imbavwe. Nanti imbaghanite nkani, nkimba amwe mukwiza pakungana panandi?
16Amwe mukwiza pakwitinkana nane ukuti intabatamizyepo nalumolumo pakubalaba indalama. Loli abantu bamo banganena ukuti ne muchevu, sona nukuti nkabachevya mubuchevu bwane. 17Buli? Nkimba nkabachevya ukwendela mumuntu yumo uwa bantu babo nkabatuma kukwinyu? 18Nkamulaba u Titi ukuti abendele, sona nkamutuma umukamu witu yumo poka nawe. U Titi atakabachevya, nkimba mute momumo? Nkimba umwene poka nane tutakabombagha nu moyo ghoka. Nkimba tutakakonka izila yoka?
19Lumo mukwinong'ona ukuti mosi mumo twandiye pakwiyimila twebene pantazi papinyu. Awe, loli twanenagha pamaso pa Chala ukuti aswe twanenagha zinizi mwitabwa ilya Kilisitu, sona nukuti muvyosi vivyo tukubomba ukuti tubavwe mwemwe bakamu bitu abaghaniwa. 20Pakuti nkunyila ukuti lumo ningiza nukubagha bulo ukulekana namumo nalondelagha, sona nukuti namwe munganyagha bulo ukulekana namumo mwalondelagha. Nkunyila sona ukuti lumo ningagha ukudalinkana, na kabini nukukalala nukwiyighana, ni ntuko, ni yebo nukwitutumula, sona nu buvulunganu. 21Nkunyila ukuti bo niza sona kukwinyu u Chala wane akwiza pakunkozya isoni pantazi papinyu, po nkwiza pakubalilila abantu abinji babo bakananga kale, loli batakapinduka nukuzileka imbibi zyabo, ni vinyonywa vyabo, sona nu bwamalaya bwabo bubo babombagha.
လက္ရွိေရြးခ်ယ္ထားမွု
2 Aba Kolinti 12: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
2 Aba Kolinti 12
12
Ivisetuka ivya Pabuli nu buvumbuli
1Imbaghiye nendelele pakwituvya, napapo chitalipo nachimochimo chicho ningakabapo. Loli losi ulu nkwiza pakunena nizya visetuka nu buvumbuli ubwa Mwene. 2Imumenye umukilisitu yumo, yuyo amaka 14 ghagho ghamalagha akazompoliwa bulo pakubuka kumwanya nkani. Ntazimenye nanti zinizi zikabombiwa naloli, pamo nanti chikaba chisetuka bulo, u Chala mwene weyuyo azimenye. 3Inzimenye sona ukuti umuntu uyu akazompoliwa bulo pakubuka ku Paladizo. Ntazimenye nanti zinizi zikabombiwa naloli, pamo nanti chikaba chisetuka bulo, u Chala mwene weyuyo azimenye. 4Kulakula umuntu yula akivwa ivintu ivyakusita ukuneniwa, ivintu vivyo umuntu atangavinena nu mulomo. 5Po nkwiza pakwituvya nizya muntu uyu, loli ntakwiza pakwituvya nizya ane nemwene. Ntakwiza pakwituvya ni chintu chimo, loli vyene ivintu vivyo vikulanjizya ubudedebazu bwane. 6Napapo nanti nalondagha ukwituvya, ntakwiza pakuba ne mupunganu, pakuti nkwiza pakunena ubwanaloli. Loli nkwikanizya nemwene ukwituvya, umwakuti umuntu yumo atakampimaye pakuba ne wapamwanya ukulekana na zizyo nkuzibomba pamo nkuzinena.
7Loli pakunyila ukuti ningitutumula pachifukwa icha buvumbuli ubukulu ubu, u Chala akabika umwivwa mu mubili wane pakuba wantumi uwa Satana ukuti ghunjivye nkani ukuti intakitutumulaye. 8Nkiputa kwa Mwene katatu nizya chinichi pakumulaba ukuti efye ichintu chinichi papane. 9Loli u Mwene akambuzya akati, “Ichisa chane chakuyana pakuti amaka ghane ghakuba ghakufikapo mumuntu umudedebazu.” Polelo muvintu vyosi nkwiza pakwituvya umwakuhoboka nizya budedebazu bwane, umwakuti amaka agha Kilisitu ghabanje papane. 10Pachifukwa icha Kilisitu, nhobokite nkani nu budedebazu bwane nu musamu wane, nintamyo zyane, na mayimba ghane, sona nu bupalapala bwane. Pakuti bo indi mudedebazu, popapo indi na maka.
U Pabuli akubapasikizya aba Kolinti
11Nipela nemwene pakuba ne mupunganu, loli amwe mwemwe mumpelite pakuba bunubu. Amwe mwemwe mubaghiye pakunsimikizya ane pakuti ane intakaba ne munandi uwabumalilo pa batumiwa abapamwanya nkani aba, napapo ne wabulo. 12Ivyika poka ni viswigho, sona ni mbombo izyamaka, vivyo vikusimikizya ukuti ne mutumiwa naloli, vikabombiwa mumwinyu mubufisalyoyo. 13Nkimba chintu choni chicho nkachibomba muvipanga ivinji, ukwefyako chene ichakuti ane nemwene intabatamizyepo nalumo? Nalamba, munhobokele imbibi yane iyi!
14Ennya, aka kabutatu ukuti niyanizye pakubendela. Po ntakwiza pakubatamya pakuti chicho nkulonda, vite vintu vivyo muli navyo, awe, loli nkulonda amwe. Pakuti yite mbombo iya bana iyakubasungila abapapi babo ivyuma, awe, loli yo mbombo iya bapapi pakubasungila abana babo ivyuma. 15Nkwiza pakuhoboka nkani pakutagha ivyane vyosi poka nubumi bwane bulo, umwakuti imbavwe. Nanti imbaghanite nkani, nkimba amwe mukwiza pakungana panandi?
16Amwe mukwiza pakwitinkana nane ukuti intabatamizyepo nalumolumo pakubalaba indalama. Loli abantu bamo banganena ukuti ne muchevu, sona nukuti nkabachevya mubuchevu bwane. 17Buli? Nkimba nkabachevya ukwendela mumuntu yumo uwa bantu babo nkabatuma kukwinyu? 18Nkamulaba u Titi ukuti abendele, sona nkamutuma umukamu witu yumo poka nawe. U Titi atakabachevya, nkimba mute momumo? Nkimba umwene poka nane tutakabombagha nu moyo ghoka. Nkimba tutakakonka izila yoka?
19Lumo mukwinong'ona ukuti mosi mumo twandiye pakwiyimila twebene pantazi papinyu. Awe, loli twanenagha pamaso pa Chala ukuti aswe twanenagha zinizi mwitabwa ilya Kilisitu, sona nukuti muvyosi vivyo tukubomba ukuti tubavwe mwemwe bakamu bitu abaghaniwa. 20Pakuti nkunyila ukuti lumo ningiza nukubagha bulo ukulekana namumo nalondelagha, sona nukuti namwe munganyagha bulo ukulekana namumo mwalondelagha. Nkunyila sona ukuti lumo ningagha ukudalinkana, na kabini nukukalala nukwiyighana, ni ntuko, ni yebo nukwitutumula, sona nu buvulunganu. 21Nkunyila ukuti bo niza sona kukwinyu u Chala wane akwiza pakunkozya isoni pantazi papinyu, po nkwiza pakubalilila abantu abinji babo bakananga kale, loli batakapinduka nukuzileka imbibi zyabo, ni vinyonywa vyabo, sona nu bwamalaya bwabo bubo babombagha.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.