2 Aba Kolinti 10
10
U Pabuli akuyimila imbombo yache
1Ane ne Pabuli, yuyo abantu bamo bakuti, “Ne mogha, bo indinamwe pamaso na pamaso, loli ne mujivu, bo indikubutali namwe.” Nkubalaba mwitabwa ilya Kilisitu yuyo mololo sona wachisa 2ukuti bo niza kukwinyu intakabe ne mujivu ukuyana namumo ninong'onelagha pakuba pakasi pabantu bamo babo bakwinong'ona ukuti tukwikala ukuyana ni nyinong'ono izya buntu. 3Napapo tukwikala muchisu ichapasi, loli tutakulwa ubwite na maka agha buntu. 4Pakuti ivilwilo vivyo tukulwila navyo ubwite, vite vilwilo ivya buntu, awe, loli maka agha Chala aghakuti tumongolannye nagho amalinga agha balwani. 5Sona tukumongolannya nagho amadali, sona na mituvyo ghosi ghagho ghakukanizya abantu pakumumanya u Chala. Tukuzipela inyinong'ono zyosi ukuti zimwivwile u Kilisitu. 6Po twiyanizye pakumalana nu muntu wesi uwamadinko, bo ukwivwila kwinyu kwafikapo.
7Amwe mukwennya bulo pamwanyamwanya. Nanti umuntu yumo isubiye ukuti wa Kilisitu, mumuleke ikumbuzye mwene ukuti pakuba wa Kilisitu, po naswe bulo twe ba Kilisitu. 8Ntakwiza pakukoziwa nacho isoni, napapo ningituvya mubusatuke nu bulaghili bubo u Mwene akatupa pakubakazya nabo, mubuzilo ubwakubanangannya. 9Intakulonda pakuboneka ngati po nkuboghofya amwe na bakalata bane aba. 10Pakuti bamo bakuti, “Abakalata aba Pabuli bang'wamu sona bakafu, loli bo umwene ali naswe pamaso na pamaso, mudedebazu, sona amazyu ghache ghabulo!” 11Abantu banaba bivwisyanje ukuti patalipo ukulekana pakasi pavivyo tukusimba mubakalata bitu, bo tuli kubutali na vivyo tukwiza pakubomba, bo tuli poka namwe.
12Tutakuyezya pakwibikapo pamo pakwifwanikizya twebene na babo bakwipala bene, awe. Loli bo bakwipima bene na bene, sona bo bakwifwanikizya bene na bene, abene bakwilanjizya ubupunganu bwabo. 13Loli aswe tutakwiza pakwituvya ukuchila impaka. Tukwiza pakuba mukasikasi mumpaka zizyo u Chala akatuyanizya, sona ichi chikongannyapo imbombo yitu mumwinyu. 14Pakuti tutachilite impaka yitu, ngati po tutakiza kukwinyu. Aswe tukaba bakwanda ukufika kukwinyu pakulumbilila Amazyu Amiza aghakunena nizya Kilisitu. 15Sona tutakwituvya ukuchila impaka ni mbombo yiyo abantu abanji babomba, awe. Loli ulusubilo lwitu lwakuti, ulwitiko lwinyu lukonjelelakonjela, imbombo yitu mumwinyu yingonjelela nkani, 16umwakuti tungalumbilila Amazyu Amiza muvigaba ukuchila impaka zyinyu. Tutakulonda ukwituvya ni mbombo yiyo yibombiwe kale mumughunda uwa muntu yumo.
17 #
Yel. 9.24
Loli Amasimbo ghakuti, “Umuntu wesi yuyo akulonda ukwituvya, ituvikizyanje mwa Mwene.” 18Pakuti ate muntu yuyo akwipala mwene itikiziwe pamaso pa Mwene, loli umuntu yuyo u Mwene amwitikizya pantazi papache.
လက္ရွိေရြးခ်ယ္ထားမွု
2 Aba Kolinti 10: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
2 Aba Kolinti 10
10
U Pabuli akuyimila imbombo yache
1Ane ne Pabuli, yuyo abantu bamo bakuti, “Ne mogha, bo indinamwe pamaso na pamaso, loli ne mujivu, bo indikubutali namwe.” Nkubalaba mwitabwa ilya Kilisitu yuyo mololo sona wachisa 2ukuti bo niza kukwinyu intakabe ne mujivu ukuyana namumo ninong'onelagha pakuba pakasi pabantu bamo babo bakwinong'ona ukuti tukwikala ukuyana ni nyinong'ono izya buntu. 3Napapo tukwikala muchisu ichapasi, loli tutakulwa ubwite na maka agha buntu. 4Pakuti ivilwilo vivyo tukulwila navyo ubwite, vite vilwilo ivya buntu, awe, loli maka agha Chala aghakuti tumongolannye nagho amalinga agha balwani. 5Sona tukumongolannya nagho amadali, sona na mituvyo ghosi ghagho ghakukanizya abantu pakumumanya u Chala. Tukuzipela inyinong'ono zyosi ukuti zimwivwile u Kilisitu. 6Po twiyanizye pakumalana nu muntu wesi uwamadinko, bo ukwivwila kwinyu kwafikapo.
7Amwe mukwennya bulo pamwanyamwanya. Nanti umuntu yumo isubiye ukuti wa Kilisitu, mumuleke ikumbuzye mwene ukuti pakuba wa Kilisitu, po naswe bulo twe ba Kilisitu. 8Ntakwiza pakukoziwa nacho isoni, napapo ningituvya mubusatuke nu bulaghili bubo u Mwene akatupa pakubakazya nabo, mubuzilo ubwakubanangannya. 9Intakulonda pakuboneka ngati po nkuboghofya amwe na bakalata bane aba. 10Pakuti bamo bakuti, “Abakalata aba Pabuli bang'wamu sona bakafu, loli bo umwene ali naswe pamaso na pamaso, mudedebazu, sona amazyu ghache ghabulo!” 11Abantu banaba bivwisyanje ukuti patalipo ukulekana pakasi pavivyo tukusimba mubakalata bitu, bo tuli kubutali na vivyo tukwiza pakubomba, bo tuli poka namwe.
12Tutakuyezya pakwibikapo pamo pakwifwanikizya twebene na babo bakwipala bene, awe. Loli bo bakwipima bene na bene, sona bo bakwifwanikizya bene na bene, abene bakwilanjizya ubupunganu bwabo. 13Loli aswe tutakwiza pakwituvya ukuchila impaka. Tukwiza pakuba mukasikasi mumpaka zizyo u Chala akatuyanizya, sona ichi chikongannyapo imbombo yitu mumwinyu. 14Pakuti tutachilite impaka yitu, ngati po tutakiza kukwinyu. Aswe tukaba bakwanda ukufika kukwinyu pakulumbilila Amazyu Amiza aghakunena nizya Kilisitu. 15Sona tutakwituvya ukuchila impaka ni mbombo yiyo abantu abanji babomba, awe. Loli ulusubilo lwitu lwakuti, ulwitiko lwinyu lukonjelelakonjela, imbombo yitu mumwinyu yingonjelela nkani, 16umwakuti tungalumbilila Amazyu Amiza muvigaba ukuchila impaka zyinyu. Tutakulonda ukwituvya ni mbombo yiyo yibombiwe kale mumughunda uwa muntu yumo.
17 #
Yel. 9.24
Loli Amasimbo ghakuti, “Umuntu wesi yuyo akulonda ukwituvya, ituvikizyanje mwa Mwene.” 18Pakuti ate muntu yuyo akwipala mwene itikiziwe pamaso pa Mwene, loli umuntu yuyo u Mwene amwitikizya pantazi papache.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.