2 Aba Kolinti 1
1
1 #
Imbo. 18.1
Ane ne Pabuli, umutumiwa uwa Kilisitu u Yesu ukuyana nu bwighane ubwa Chala, sona indi poka nu mukamu witu u Timoti.
Tukuchisimbila ichipanga icha Chala icha mu Kolinti, sona na bantu bosi abazelu aba Chala aba muchigaba chosi icha Akaya:
2Ichisa nu mutende ivyakufuma kwa Chala Utata witu, sona na kwa Mwene u Yesu Kilisitu vibanje namwe.
U Pabuli akumupalizya u Chala
3U Chala apaliwanje, uwise uwa Mwene witu u Yesu Kilisitu, yuyo we Tata uwa chisa, sona u Chala, umwenecho uwa busangalusu bosi! 4Umwene akutusangalusya aswe muntamyo zyitu zyosi, umwakuti naswe bulo tungabasangalusya babo bali nintamyo izyakulekanalekana nu busangalusu bubo tukapokela kwa Chala. 5Pakuti ukayana namumo tukugabanilana intamyo inyinji izya Kilisitu, po momumo sona tukugabanilana ubusangalusu ubukulu ukwendela mwa Kilisitu. 6Nanti tukuyimba, tukuyimba pachifukwa ichakuti tukulonda ukuti namwe bulo musangalusiwe nukupokiwa. Nanti tukusangalusiwa, pachifukwa ichakuti tukulonda ukuti namwe bulo musangalusiwe nukupokela amaka agha bujivu nkani, bo muli muntamyo ukuyana nintamyo zizyo naswe bulo tukaba nazyo. 7Po ulusubilo lwitu mumwinyu lutakuyingana. Pakuti tuzimenye ukuti ukuyana namumo mukugabanilana naswe amayimba ghitu, po momumo sona mukugabanilana naswe ubusangalusu bwitu.
8 #
1 Kol. 15.32
Ilelo bakamu bitu, tukulonda ukuti mumanye intamyo zizyo tukakomana nazyo muchigaba icha Asiya. Amayimba ghakaba makulu nkani ukuchila amaka ghitu, umwakuti tutakaba nu lusubilo ulwakuti tungaba nubumi. 9Tukinong'ona ngati po kwadumuliwa ukuti tubaghiye pakughoghiwa. Loli izi zikabombiwa ukuti tutakisubilaye twebene, loli ukuti tumusubilaye u Chala, yuyo akubazyusya abantu abafwe. 10Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona, 11bo mukutwavwa nukutwiputila. Abantu abinji bakwiza pakumupalizya u Chala mubuzilo bwitu pachifukwa icha zizyo umwene atubombela ni chisa chache.
U Pabuli andula inyinong'ono zyache nizya bulendo bwache
12Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala. 13Pakuti tutakubasimbila amwe zizyo mutangabelenga pamo ukwivwisya, awe. Nkusubila ukuti mukwiza pakwivwisya akiza nkani 14ukuyana namumo mukutwivwisizya panandi bulo. Nkusubila ukuti napapo mutumenye panandi bulo, umwakuti mungituvya pachifukwa icha sweswe ukuyana namumo tukwiza pakwituvikizya pachifukwa icha mwemwe Pisiku ilya Mwene u Yesu.
15Pakuti naloli nkaba nu lusubilo pa zinizi, nkabatika pakubendela tasi amwe, umwakuti mungaba nu lusayo kabili. 16#Imbo. 19.21Nkabatika pakubendela amwe, pabulendo bwane ubwakubuka ku Makedoniya sona bo nkunyokela, umwakuti munganyavwa pakwendelela nu bulendo bwane ubwakubuka ku Yudeya. 17Nkimba mukwinong'ona ukuti zikaba sunga bulo, bo nabatika pakubomba zinizi? Fwandi, mukwinong'ona ukuti nkubatika imbatiko zyane mumahala agha buntu, umwakuti ninganena ukuti, “Eee, ee”, sona “Awe, awe” pakabalilo koka? 18Naloliloli u Chala we musubiliwa, po amazyu ghitu kukwinyu ghatakaba ghakuti, “Eee” nu “Awe.” 19#Imbo. 18.5Pakuti u Yesu Kilisitu, u Mwana uwa Chala, yuyo ane nu Silivana, sona nu Timoti tukamulumbililagha pakasi papinyu, ate we, “Eee” nu “Awe”, loli akabalilo kosi akabanga “Eee” uwa Chala. 20Pakuti amalayizyo ghosi ghagho u Chala akalayizya ghakabombiwa nu “Eee” uyu. Ichi cho chifukwa ukwendela mwa Yesu Kilisitu tukunena u “Ameni” pakumuchindikilamo u Chala. 21U Chala umwenecho weyuyo akutwikazya poka namwe mwa Kilisitu. Akatupakazya, 22nukutubika chimanyilo ichakulanjizya ukuti twe bantu bache. Akatupa u Muzimu Umuzelu mumoyo ghitu pakuba chikole icha vintu vyosi vivyo atusungiye.
23U Chala abanje we kaboni wane pakuti ichifukwa chicho intakizila mu Kolinti chikaba chakuti intakalondagha pakubapela ukuti mubanje ni chitima. 24Tutakulonda pakubanyamulisya ukatundu uyunji pa lwitiko lwinyu, awe. Loli tukubombelana namwe ukuti muhoboke pakuti tuzimenye ukuti mwimite nkani mulwitiko lwinyu.
လက္ရွိေရြးခ်ယ္ထားမွု
2 Aba Kolinti 1: LMB2024
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.
2 Aba Kolinti 1
1
1 #
Imbo. 18.1
Ane ne Pabuli, umutumiwa uwa Kilisitu u Yesu ukuyana nu bwighane ubwa Chala, sona indi poka nu mukamu witu u Timoti.
Tukuchisimbila ichipanga icha Chala icha mu Kolinti, sona na bantu bosi abazelu aba Chala aba muchigaba chosi icha Akaya:
2Ichisa nu mutende ivyakufuma kwa Chala Utata witu, sona na kwa Mwene u Yesu Kilisitu vibanje namwe.
U Pabuli akumupalizya u Chala
3U Chala apaliwanje, uwise uwa Mwene witu u Yesu Kilisitu, yuyo we Tata uwa chisa, sona u Chala, umwenecho uwa busangalusu bosi! 4Umwene akutusangalusya aswe muntamyo zyitu zyosi, umwakuti naswe bulo tungabasangalusya babo bali nintamyo izyakulekanalekana nu busangalusu bubo tukapokela kwa Chala. 5Pakuti ukayana namumo tukugabanilana intamyo inyinji izya Kilisitu, po momumo sona tukugabanilana ubusangalusu ubukulu ukwendela mwa Kilisitu. 6Nanti tukuyimba, tukuyimba pachifukwa ichakuti tukulonda ukuti namwe bulo musangalusiwe nukupokiwa. Nanti tukusangalusiwa, pachifukwa ichakuti tukulonda ukuti namwe bulo musangalusiwe nukupokela amaka agha bujivu nkani, bo muli muntamyo ukuyana nintamyo zizyo naswe bulo tukaba nazyo. 7Po ulusubilo lwitu mumwinyu lutakuyingana. Pakuti tuzimenye ukuti ukuyana namumo mukugabanilana naswe amayimba ghitu, po momumo sona mukugabanilana naswe ubusangalusu bwitu.
8 #
1 Kol. 15.32
Ilelo bakamu bitu, tukulonda ukuti mumanye intamyo zizyo tukakomana nazyo muchigaba icha Asiya. Amayimba ghakaba makulu nkani ukuchila amaka ghitu, umwakuti tutakaba nu lusubilo ulwakuti tungaba nubumi. 9Tukinong'ona ngati po kwadumuliwa ukuti tubaghiye pakughoghiwa. Loli izi zikabombiwa ukuti tutakisubilaye twebene, loli ukuti tumusubilaye u Chala, yuyo akubazyusya abantu abafwe. 10Umwene akatupoka kubufwe ubwakoghofya ubu, po akwiza pakutupoka. Twabika ulusubilo lwitu mumwache ukuti akwiza pakutupoka sona, 11bo mukutwavwa nukutwiputila. Abantu abinji bakwiza pakumupalizya u Chala mubuzilo bwitu pachifukwa icha zizyo umwene atubombela ni chisa chache.
U Pabuli andula inyinong'ono zyache nizya bulendo bwache
12Chicho tukwituvikizyapo chakuti umabyebye witu akutusimikizizya ukuti inkalo yitu muchisu ichapasi nkaninkani ubukamu bwitu namwe, yikaba zelu, sona yiyo yitakaba nu buzimbuli. Zikabanga bunubu chite chifukwa ichakukonka amahala agha buntu, awe, loli pachifukwa icha chisa icha Chala. 13Pakuti tutakubasimbila amwe zizyo mutangabelenga pamo ukwivwisya, awe. Nkusubila ukuti mukwiza pakwivwisya akiza nkani 14ukuyana namumo mukutwivwisizya panandi bulo. Nkusubila ukuti napapo mutumenye panandi bulo, umwakuti mungituvya pachifukwa icha sweswe ukuyana namumo tukwiza pakwituvikizya pachifukwa icha mwemwe Pisiku ilya Mwene u Yesu.
15Pakuti naloli nkaba nu lusubilo pa zinizi, nkabatika pakubendela tasi amwe, umwakuti mungaba nu lusayo kabili. 16#Imbo. 19.21Nkabatika pakubendela amwe, pabulendo bwane ubwakubuka ku Makedoniya sona bo nkunyokela, umwakuti munganyavwa pakwendelela nu bulendo bwane ubwakubuka ku Yudeya. 17Nkimba mukwinong'ona ukuti zikaba sunga bulo, bo nabatika pakubomba zinizi? Fwandi, mukwinong'ona ukuti nkubatika imbatiko zyane mumahala agha buntu, umwakuti ninganena ukuti, “Eee, ee”, sona “Awe, awe” pakabalilo koka? 18Naloliloli u Chala we musubiliwa, po amazyu ghitu kukwinyu ghatakaba ghakuti, “Eee” nu “Awe.” 19#Imbo. 18.5Pakuti u Yesu Kilisitu, u Mwana uwa Chala, yuyo ane nu Silivana, sona nu Timoti tukamulumbililagha pakasi papinyu, ate we, “Eee” nu “Awe”, loli akabalilo kosi akabanga “Eee” uwa Chala. 20Pakuti amalayizyo ghosi ghagho u Chala akalayizya ghakabombiwa nu “Eee” uyu. Ichi cho chifukwa ukwendela mwa Yesu Kilisitu tukunena u “Ameni” pakumuchindikilamo u Chala. 21U Chala umwenecho weyuyo akutwikazya poka namwe mwa Kilisitu. Akatupakazya, 22nukutubika chimanyilo ichakulanjizya ukuti twe bantu bache. Akatupa u Muzimu Umuzelu mumoyo ghitu pakuba chikole icha vintu vyosi vivyo atusungiye.
23U Chala abanje we kaboni wane pakuti ichifukwa chicho intakizila mu Kolinti chikaba chakuti intakalondagha pakubapela ukuti mubanje ni chitima. 24Tutakulonda pakubanyamulisya ukatundu uyunji pa lwitiko lwinyu, awe. Loli tukubombelana namwe ukuti muhoboke pakuti tuzimenye ukuti mwimite nkani mulwitiko lwinyu.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
Lambya Bible © Bible Society of Malawi, 2024.