Maatoosa 22
22
Zhagana xeege aazize
(Luqa. 14:15-24)
1Yesuusa asuntsis mahi hyannii gaar yaga7i aazize ohida. 2«Xoozze ka7itumo fa na7ays zhagana giigizide kaati aazane. 3Ye kaatize zhagana yo7ode fana ohi gaddide asuntsana xeegodes fa aruntsana kiittida. Yezin asuntsi yo7odes koykaaya. 4Mahi melle aruntsana xeegii, xeeginttide asuntsago hyanggi, ‹Taanii ta sangguntsanan modhdhuntsana shukkida; ubbanna giigida. Ta zhagana diggisago hyankka yo7ote ga7ote› ga7i kiittida. 5Yezin xeeginttiduntsi xeegito ixxii, fa oocha oocha qitida. Fetay fa wootas, hyankkay fa zal77e qitida. 6Mellunts mahi kaat aruntsana aykkii, iissii hyadhdhii wodhida.
7«Kaatize gaama zhilidhdhii, fa wottaddaruntsana dakkii shemppo wodhiduntsana wodhizida, un katamito eetsida. 8Yinnippa suuba, fa aruntsago, ‹Zhagantta giigida, yezin xeeginttiduntsi zhaganas beezze asi baaya. 9Yinnii gisho, dalgga oge hyanggi, denggide asi ubba zhagana yo7ode fana xeegote› yagayda. 10Aruntsin ogella hyanggi faas denggide asi ubba lo77untsanan iituntsana ki7i zhagana daase geltsii kuntsida.
11«Yezin kaatize katstsa ma7ades bettide asuntsana be7ades gelide wode zhagana afula ma77ikaayze fettii asi denggida. 12Eego, ‹Naate, ne zhagana afula ma77ikaayzara wayzi hyanne gelido?› yagayda. Yezin atstse si7i gayda.
13«Kaatize fa aruntsago, ‹Hyay atstse kushiton tohito accii, bale dhuma kessii olote. Ize yeefon achchi garccingge maaqqoda› yagayda.
14«Yinnii fanan, Xoozze ka7itumos xeeginttiduntsi gaama yezin doorinttiduntsi eeratsi» yagayda.#Maato. 8:12; 25:30; Luqa. 13:28
Giira baz
(Mar. 12:13-17; Luqa. 20:20-26)
15Yinnippa suuba, Farisaawuntsi hyanggi, Yesuusa wayzi ohera aykkod yezako zorinttida. 16Fa tamaaruntsanan kaat Heroodisa bagguntsappa feta feta kiittida. Unttin, «Asttamaarzayo, ne turo ohizanno nu erane. Ne asappa as shagoos, asi woyganddes ga7i akkon oochchoos, Xoozze ogito turetitsara tamaarssane. 17Ane nuus oho, nuunii Roome kaatis giira giirodes beezanen beezosa?» yagayda.
18Yezin Yesuusa un iita qoftto erii, «Hyantsi cubbuntso, tana akkos fattanete? 19Giira giirize miishe tana beezote» yagayda. Unttin ees dinaare ki7ida. 20E, «Hyays suntsitan bishshita oodeso?» yagayda.
21Unttin, «Roome kaatays» yagayda.
Yeezako Yesuusa unttago, «Yikke, kaatis beezanno kaatis, Xoozis beezanno Xoozis inggote» yagayda.
22Unttin yinno si7ide wode gaama qoppii E kaleppa ashshii qitida.
Hyayqoppa denddebaz
(Mar. 12:18-27; Luqa. 20:27-40)
23Yinna qammite hyayqoppa denddo baaya yagaaze Saduqaawuntsi Yesuusago yi7i, yaga7i eza oocida. 24«Asttamaarzayo, ‹Muse, fettii asi na7a yelikaayzara hyayqiko, ye hyayqide ishay E machchito ekkii, fa ishays na7a yelo› yaga7i kiittida.#Hawa. 23:8 25Nu erize laappun ishuntsi yene. Anggisse machcho ekkii na7a yelikaayzara hyayqida. E machchito E geeze mahida.#Mahe 25:5 26Yinnii fana, ye lam7antsen, hyaydzantsen, hyanggi laappununtsa yellodes. 27Ubbappa suuba yinna maachita hyayqqida. 28Yeezin, laappununts ubbuntsi izo mahide gisho hyayqoppa denddize qamma, yinna maachita laappununtsappa aaye machcho maaqqade?» yagayda.
29Yesuusa mahi, «Yin Xoozze qaalan E wolqqito eroosse gisho balinttane. 30Asuntsi hyayqoppa denddize wode salo yeze kiitanchchuntsi fana maaqqanep attin ekkosin geloos. 31Mahi hyayqqide asuntsi hyayqoppa denddode baz Xoozii yinttis ohidanno nabbabikate? 32Xoozii, ‹Taanii Abrahama Xooz, Yisaaqa Xooz, Yayqooba Xooz› yagayda. Yinnii gisho, Xoozii faxa yezunts Xoozap attin hyayqqiduntsi Xooz baaya»#22:32 Yesuusa yinna besite ohide Xoozze hyantsi hyayqqide hyaydzdzunsis Xooz maaqqiko un de7o yene gaazanno. yagayda.
33Gaama asunts yinno si7i, E timirttite gaama qoppida.#Keze 3:6
Ubbappa tiinidhize kiita
(Mar. 12:28-34; Luqa. 10:25-28)
34Yesuusa Saduqaawuntsis gawude baz dhabsidanno Farasawuntsi si7ide wode fettilla shiiqida. 35Un giddappa fettii higge asttamaarize Yesuusa faatana ooce oocida. 36«Asttamaarzayo, higge ubbappa aadhize aayya?» yaga7i oocida.
37Yesuusa mahi, Ne Laatstsa, ne Xoozza, ne kumutsi wozinappa, ne kumutsi shemppoppa, ne kumutsi qofappa kadho. 38Ubbappa aadhizen tiino kiita hyanno.#Mahe 6:5 39Lam7intsa ubbappa aadhize kiita, as ubba ne ommito ne kadhizanni fana kadho yagaazanno. 40Muse higgen nabunts timirtte ubba hyanna kiittilla afa katane yagayda.#Luqa. 10:25-28
Kiristtoosa fa baz oocide ooce
(Mar. 12:35-37; Luqa. 20:41-44)
41Farisaawuntsi fettilla shiiqii yezin, Yesuusa unttana, 42«Kiristtoosa baz yin waaga7ete? E oode na7a?» yaga7i oocida.
Un, «E Dawute na7a» yaga7i mahida.
43Yesuusa unttago, «Yeezin, Dawute Geeshi Ayyaanara maaqqii wayzi Kiristtoosa, ‹Laatstso› ga7i xeege? Dawute ga7itera,
44«Laatstsii Xoozii, ta Laatstsego,#22:44 Ta Laatstsego: Yinna besite Dawute ta Laatstso ga7i xeegide Kiristtoosa.
#
Maz. 110:1
ne morkkuntsana ne tohita yedhdhize bessi mahode wontsis,
hyanne taappa mizaqi zalar betto»#22:44 Mizaqi zalar: Adetits wolqqan bonchcho bessi.gayda.
45Yikke, Dawute Kiristtoosa Laatstso ga7i xeegiko, wayzi Kiristtoosa Dawute na7a maaqqe?#Maz. 110:1
yagayda.
46Yesuusas fettii qaala mahodes dandda7ide asi ooden baaya. Mahi yinna qammitippa dentsii melle ooce oocodes ooden dandda7ikaaya.
လက္ရွိေရြးခ်ယ္ထားမွု
Maatoosa 22: OydaNTL
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The word for the World Ethiopia