नेवताळान काम 1
1
लुकान साहरे लिखली दीसरी कितापेन बारामां
1थीयुफीलुस मारु लाटेक्लु! मे मारी पेहली कितापेन तीनुक आखा कामेन बारामां लिखलु छे, च ईसु सुरु कर्यु ने आयन सीकाड़तु रयु। 2ने जीने दाहड़े लग सरग मां नी हाकलायु तेर सी पेहले दाहड़े लग ईसु चुखली-आत्मा सी आपसान नेवाड़ला नेवताळान काम काजे जी वात सीकाड़तु रयु। 3ने ईसु कुरुस पर दुख हाकलीन मर गुयु ने मर्या-सर्याम सी पछु जीवतु हय्न आपसा नेवताळाक बेसका पुरावा सी देखाव पड़्यु की चु जीवतेलु छे। असुत चु चाळीस दाहड़ा लग तीनुक देखाव पड़तु रयु, ने तींद्रे पुठ्ये भगवानेन राजेन बारामां वात करतु रयु। 4ने चु तीनुक भेळु हय्न तीनुक हुकुम आप्यु की, “बास जु वायदु करलु छे चु वायदु पुरु हवणे लग तुहुंं यरुसलेम सहर सी घुण जावु, ने तुहुंं चु वायदु पुरु हवणे लग वाट देखता रवजु। मे तुहुंं काजे तीना वायदान बारामां देखाड़ देदलु छे। 5काहाकी युहन्नु ते पाणी सी बपतीस्मा देदु, बाकुन थुड़ाक दाहड़ान पछेन तुहुंं चुखली-आत्मा मां बपतीस्मा लेसु।”
ईसुन सरगे हाकलायणु
6चे नेवताळान काम बयड़े भेळा हय्न ईसु सी पुछ्या, “ए मालीक, काय तु ईनेत टेमे ईस्रायल देसेन राज काजे बदली देसी काय?” 7ईसु तीनुक कह्यु, “तीनी टेम काजे जाणनेन तुंद्रो काम नी हय तीनाक भगवान खुद आपसा हक सी ठहरावलु छे। 8बाकुन जत्यार चुखली-आत्मा तुंद्रे पर उतरसे, ती तुहुंं ताकत हात करसु; ने तुहुंं यरुसलेम सहर ने आखा यहुदीया जीलाम, ने सामर्या सहरेम ने धरतीन ईनी धड़े सी पली धड़े लग मारा गवा बणसु।” 9ज कय देदु ने अळी ईसु तींद्रे देखते-देखते उपर सरगे मां हाकलाय गुयु, ने वादळो तीनाक ढाक लेदो।
10ईसुक जातलु देखीन चेला सरगे भीणी एक हेट्या देख रवला, तत्यार धवळा पुथल्या पेहरला दुय अदमी तींद्रे धड़े आवीन उबा हय गुया, 11ने तीनुक कह्या, “ए गलील मां रहण्या माणसे, तुहुंं काहा उबा हय्न सरगे भीणी देख रया? हीयुत ईसु, जु तुंद्रे ईचमां सी सरगे मां हाकलाय गुयलु छे, ईनेत रीते अळी पछु आवसे, जसा तुहुंं हीनाक जातलु देखला छे।”
यहुदा ईसकारीयातीन जागे मत्तीयास काजे नेवाड़नु
12तत्यार चेला जेतुन नावेन बयड़े सी यरुसलेम पछा आया, चु बयड़ु यरुसलेम सहर सी धड़ेत एक कीलुमीटर लांबे हतलु। 13जत्यार चे पुगीन घरेन उपरी कमरा पर गुया, जाहां चे थुबी रवला, चे पतरस ने, युहन्नु ने, याकुब ने, अन्दीरीयास ने, फीलीप्पुस ने, थोमास ने, बरतुल्मे ने, मत्ती ने हलफाईन पुर्यु याकुब ने सीमोन ने, याकुबेन पुर्यु यहुदा चां हतला। 14हींद्रे पुठ्ये थुड़ाक बायरा ने ईसुन माय मरीयम ने, ईसुन भाय बी हतलु। चे आखा एक मन हय्न दुवा करने बाजी रवला।
15थुड़ाक दाहड़ा पछेन पतरस ने भुरसु करने वाळा भायसेन मतलब एक सोव वीसेक जणान टुळा मां पतरस उबु हय्न कवणे लाग्यु। 16“ए भायस्यो,” चुखला सास्तुर मां चुखली-आत्मा दावुदेन मुंहडा सी ज काय यहुदान बारामां पेहेल सीत कवलु हतलु, ची वात पुरी हवणुत हतलो। चु यहुदा, ईसुक धरन्यान अगवाय करन्यु हतलु। 17काहाकी यहुदा ते आपणात टुळा मायन हतलु ने हेरु आपणी सेवान काम मां हीस्सु बन्लु।
18चु पापेन कमाय सी एक खेत मुल लेदु, ने चु तीना खेतेन झाड़के जाय्न टांगाय गुयु, ने मुंहडान भुरसे पड़्यु, तेरो पेट फाट गुयो, ने तेरा आखा आतड़ा बाहर नीकळी गुया। 19जी वात यरुसलेम सहर मां आखा रवण्या काजे पतु हय गुयु, तीना खेतेन नाव हकळदमा मतलब लुहीन खेत पड़ गुयो।
20भजनेन किताप मां बी लिखलो छे की,
तेरो घर उजड़ी जाणु चाहे ने;
तेरेमां रहण्या एक बी नी बचणु चाहजे। ने तीना माणसेन,
सेवा कामेन आवजी काहनु दीसरु ली लेय।
21-22तेरेमां ज जरुड़ी छे की जत्यार मालीक ईसु हामरे ईचमां हतलु तत्यार जे माणसे जलम हामरा हतला, तींद्रेम सी काहनाक एक काजे नेवाड़े। मतलब तीनी टेम सी लागाड़ीन जत्यार सी युहन्नु माणसे काजे बपतीस्मा देणु चालु करलु ने जत्यार लग ईसु काजे हामरे ईचमां मां सी हाकलाय गुयलु। ईनु माणसे मां सी काहनाक एक काजे तीनाक मर्या-सर्याम सी जीवतु हवणेन हामरे साते गवा बणनु चाहजे।
23तेरेसी चे दुय अदमी काजे सांबा लाया युसुफ काजे, जु बरसब्बास कवायतेलु ने तेरो नावठ्यो नाव युस्तुस हतलो, दीसरु मत्तीयास काजे, 24ने जे भगवान धड़े असी दुवा कर्या, “ए मालीक! तु आखान मन काजे जाणे। हामुक ज देखाड़, की तु ईनु दुय मायन कुणी काजे नेवाड़्लु छे, 25ने चु एक ईसुन नेवताळान रुप मां यहुदान आवजी पर ईनी सेवा-चाकरीन जागु हात करे तसा। तीना जागा काजे छुड़ीन यहुदा आपसे जागे जाती रयु।” 26तत्यार चे तेरा बारामां चिट्ठी नाख्या ने चिट्ठी ईछा ती ची चिट्ठी मत्तीयासेन नावेन नीकळी। अळतेन चु मत्तीयास ईसुन ग्यारे नेवताळान काम मां भेसकाय गुयु।
လက္ရွိေရြးခ်ယ္ထားမွု
नेवताळान काम 1: BSP25
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bhilali Bible ©The Word for the World International and Bhilali Bhasha Samiti, Warvani, (M.P.) 2025.
नेवताळान काम 1
1
लुकान साहरे लिखली दीसरी कितापेन बारामां
1थीयुफीलुस मारु लाटेक्लु! मे मारी पेहली कितापेन तीनुक आखा कामेन बारामां लिखलु छे, च ईसु सुरु कर्यु ने आयन सीकाड़तु रयु। 2ने जीने दाहड़े लग सरग मां नी हाकलायु तेर सी पेहले दाहड़े लग ईसु चुखली-आत्मा सी आपसान नेवाड़ला नेवताळान काम काजे जी वात सीकाड़तु रयु। 3ने ईसु कुरुस पर दुख हाकलीन मर गुयु ने मर्या-सर्याम सी पछु जीवतु हय्न आपसा नेवताळाक बेसका पुरावा सी देखाव पड़्यु की चु जीवतेलु छे। असुत चु चाळीस दाहड़ा लग तीनुक देखाव पड़तु रयु, ने तींद्रे पुठ्ये भगवानेन राजेन बारामां वात करतु रयु। 4ने चु तीनुक भेळु हय्न तीनुक हुकुम आप्यु की, “बास जु वायदु करलु छे चु वायदु पुरु हवणे लग तुहुंं यरुसलेम सहर सी घुण जावु, ने तुहुंं चु वायदु पुरु हवणे लग वाट देखता रवजु। मे तुहुंं काजे तीना वायदान बारामां देखाड़ देदलु छे। 5काहाकी युहन्नु ते पाणी सी बपतीस्मा देदु, बाकुन थुड़ाक दाहड़ान पछेन तुहुंं चुखली-आत्मा मां बपतीस्मा लेसु।”
ईसुन सरगे हाकलायणु
6चे नेवताळान काम बयड़े भेळा हय्न ईसु सी पुछ्या, “ए मालीक, काय तु ईनेत टेमे ईस्रायल देसेन राज काजे बदली देसी काय?” 7ईसु तीनुक कह्यु, “तीनी टेम काजे जाणनेन तुंद्रो काम नी हय तीनाक भगवान खुद आपसा हक सी ठहरावलु छे। 8बाकुन जत्यार चुखली-आत्मा तुंद्रे पर उतरसे, ती तुहुंं ताकत हात करसु; ने तुहुंं यरुसलेम सहर ने आखा यहुदीया जीलाम, ने सामर्या सहरेम ने धरतीन ईनी धड़े सी पली धड़े लग मारा गवा बणसु।” 9ज कय देदु ने अळी ईसु तींद्रे देखते-देखते उपर सरगे मां हाकलाय गुयु, ने वादळो तीनाक ढाक लेदो।
10ईसुक जातलु देखीन चेला सरगे भीणी एक हेट्या देख रवला, तत्यार धवळा पुथल्या पेहरला दुय अदमी तींद्रे धड़े आवीन उबा हय गुया, 11ने तीनुक कह्या, “ए गलील मां रहण्या माणसे, तुहुंं काहा उबा हय्न सरगे भीणी देख रया? हीयुत ईसु, जु तुंद्रे ईचमां सी सरगे मां हाकलाय गुयलु छे, ईनेत रीते अळी पछु आवसे, जसा तुहुंं हीनाक जातलु देखला छे।”
यहुदा ईसकारीयातीन जागे मत्तीयास काजे नेवाड़नु
12तत्यार चेला जेतुन नावेन बयड़े सी यरुसलेम पछा आया, चु बयड़ु यरुसलेम सहर सी धड़ेत एक कीलुमीटर लांबे हतलु। 13जत्यार चे पुगीन घरेन उपरी कमरा पर गुया, जाहां चे थुबी रवला, चे पतरस ने, युहन्नु ने, याकुब ने, अन्दीरीयास ने, फीलीप्पुस ने, थोमास ने, बरतुल्मे ने, मत्ती ने हलफाईन पुर्यु याकुब ने सीमोन ने, याकुबेन पुर्यु यहुदा चां हतला। 14हींद्रे पुठ्ये थुड़ाक बायरा ने ईसुन माय मरीयम ने, ईसुन भाय बी हतलु। चे आखा एक मन हय्न दुवा करने बाजी रवला।
15थुड़ाक दाहड़ा पछेन पतरस ने भुरसु करने वाळा भायसेन मतलब एक सोव वीसेक जणान टुळा मां पतरस उबु हय्न कवणे लाग्यु। 16“ए भायस्यो,” चुखला सास्तुर मां चुखली-आत्मा दावुदेन मुंहडा सी ज काय यहुदान बारामां पेहेल सीत कवलु हतलु, ची वात पुरी हवणुत हतलो। चु यहुदा, ईसुक धरन्यान अगवाय करन्यु हतलु। 17काहाकी यहुदा ते आपणात टुळा मायन हतलु ने हेरु आपणी सेवान काम मां हीस्सु बन्लु।
18चु पापेन कमाय सी एक खेत मुल लेदु, ने चु तीना खेतेन झाड़के जाय्न टांगाय गुयु, ने मुंहडान भुरसे पड़्यु, तेरो पेट फाट गुयो, ने तेरा आखा आतड़ा बाहर नीकळी गुया। 19जी वात यरुसलेम सहर मां आखा रवण्या काजे पतु हय गुयु, तीना खेतेन नाव हकळदमा मतलब लुहीन खेत पड़ गुयो।
20भजनेन किताप मां बी लिखलो छे की,
तेरो घर उजड़ी जाणु चाहे ने;
तेरेमां रहण्या एक बी नी बचणु चाहजे। ने तीना माणसेन,
सेवा कामेन आवजी काहनु दीसरु ली लेय।
21-22तेरेमां ज जरुड़ी छे की जत्यार मालीक ईसु हामरे ईचमां हतलु तत्यार जे माणसे जलम हामरा हतला, तींद्रेम सी काहनाक एक काजे नेवाड़े। मतलब तीनी टेम सी लागाड़ीन जत्यार सी युहन्नु माणसे काजे बपतीस्मा देणु चालु करलु ने जत्यार लग ईसु काजे हामरे ईचमां मां सी हाकलाय गुयलु। ईनु माणसे मां सी काहनाक एक काजे तीनाक मर्या-सर्याम सी जीवतु हवणेन हामरे साते गवा बणनु चाहजे।
23तेरेसी चे दुय अदमी काजे सांबा लाया युसुफ काजे, जु बरसब्बास कवायतेलु ने तेरो नावठ्यो नाव युस्तुस हतलो, दीसरु मत्तीयास काजे, 24ने जे भगवान धड़े असी दुवा कर्या, “ए मालीक! तु आखान मन काजे जाणे। हामुक ज देखाड़, की तु ईनु दुय मायन कुणी काजे नेवाड़्लु छे, 25ने चु एक ईसुन नेवताळान रुप मां यहुदान आवजी पर ईनी सेवा-चाकरीन जागु हात करे तसा। तीना जागा काजे छुड़ीन यहुदा आपसे जागे जाती रयु।” 26तत्यार चे तेरा बारामां चिट्ठी नाख्या ने चिट्ठी ईछा ती ची चिट्ठी मत्तीयासेन नावेन नीकळी। अळतेन चु मत्तीयास ईसुन ग्यारे नेवताळान काम मां भेसकाय गुयु।
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
The Bhilali Bible ©The Word for the World International and Bhilali Bhasha Samiti, Warvani, (M.P.) 2025.