Lukas 1
1
Lukasti Teofilus pone kibogha
1Teofilus naba nani! Nu wamaba anabiag agha nimi maiknori mome toro palilamongdi, “Allah Yubu sunsunum uro sunup taogne sembe tam wali uro lelekto mome toro pimnun,” aro tobong. 2Mome toro pibong nena, Yesusti alniro ulamogneag agha haingdi ililamek nangdi yubu walinge nene tipto ambarelamsiongba, nuri babe ka'elamobonge sunsunum uro nimi maiknori mome toro pibong. 3Wene aro mome toro pibongba, nari babe Yesusti alniro ni aneko ulamogneag agha lelekto kembanori, nangkae an sembe, “Wali lelekto mome toro pimnun,” sembanori mome toro palilamna. 4Nari mome nene tolamnange, nangkae an samenag ambatkeongba, ka'elamomne sembe, “Andi, ‘Nimiri yubu otsikne agha ambarelamneong,’ aro el wamlulam,” sembanori mome toro palilamna.
Allah arukna imagne malaikat nhondi, “Yohanes mangap talul,” aro ambarogha
5Samenag Yudea mog so'oag nimi sembe nimi nubunge yubu sia lenne Herodes wamog. Herodesti Yudea mog so'o saelba ulamsiog li enekoag memne Allah sembe paliropne si Zakharia wamog. Zakharia ponekona, memne Allah sembe paliropne nubunge Abia ponekori liksiogne agha wamog. Zakharia elkel Elisabet babe memne Allah sembe paliropne samenagne Harundi liksiog nimiri mangaro mangkahiek nimi agha Elisabet kel ene mangkaekpa, Zakharia ponekori kel eneko tobog. 6Ela'angeap elkelap abeneko Allah whingag wana porog nimi wamdek. Sin phende abenekori ulamdek nena, nu Saelba Uhiropneri aruksirop yubuap, irikahiog yubuap sunsunum uro ni to'opto saelba ulamdekti, nimiap se'el neneptan koma wamdek. 7Undo wamdek aghana, Elisabet ibiliri me nhon wamsin koma sin sabal tarek.
8-9Ik nhon sum sin memnang tanekori, “Allahag moloro auk mhong song walinge waelbaleba, Allahri wali sembahilul,” aro Abia sisa nang tanekori Allah whingag aukag tamnep sum taog. Sin memnang Allah sembe palirop nangdi ul palamek nena, kekneba ero toboglamekti, “Nimi sisa ene agha nimi nhonag po'obale tanena, imap so'oap Saelba Uhiropneri Mem Ae lomag awe toro Allah sembe song walia aukag talamleri molbarelamsilul,” aro kekneba toboghaek. Kekneba toboglamekag agha Zakharia ponekoag po'obaogpa, el saeag pibek. El saeag pibekpa, Allahri Mem Aeag wa'ina palirop sum eneko Zakharia ponekori, “Mhong song walinge waelbalul,” aro song walia aukag tamnebag ae lomag wa'iog. 10Zakharia poneko Allahri Mem Ae lomag wa'iogti, Allah sembe song walia aukag tanne talamogpa, nimi maikno Allahri Mem Ae aramag longol yingkina Allahag molona mololamek.
11Zakhariari Allahag song walia aukag aneko talamog abeneko pere, imap so'oap Saelba Uhiropneri arukna imagne malaikat yingkina song walia Allah sembe aukag tamnep hao sin sae sirik sip sekamogha Zakharia whingag lag taog. 12Sekamogpa ibogti, Zakharia lo'om seogti, log sembaog. 13Log sembaog aghana, Allah arukna imagne malaikat anekori yubu lelamogti, “Zakharia log sembaheng kom. Andi Allahag molona mololamlamne ka'ebal. Andi kel Elisabetti me nengabo me mangaro alul. Mangaro aleba, andi me si Yohanes aro engkalulam. 14-15Me eneko sembe an wanaag yeng uaghelul! Imap so'oap Saelba Uhiropneri me eneko sembe, ‘Nubunge,’ sembalul ane sembe, el mangaro anepne sembe nimi orange babe yeng uahilul. Ilindi anam me mangaro an komag, me eneko monag wamle ko'oag babe, Allah Eldamne Yame Walinge elag to'opto wamlul.#Lukas 1:41 Me enekori anggur wana lolterop mag babe, mag yonge tenba nenek nenehirop mag babe telul kom. 16Eldi a'un Israel nimi maikno yeplamsilea wa'anero poa lepsileri, a'un Saelba Uhiropne Allahag samoro poa yahilul. 17Allah Yame Walingeri a'unisag nubunge Elia ponekoag mikipne pibogpa, Elia ponekori Allah yubu tipto ulamog saog uro, me anekoag babe mikipne pipleba, Allah yubu tipto ambarelamsileri, ua ulamlul. Me anekori, ‘Sikini yaboap sikin maboap iriktangtop nimi ma'abahineri, iriktop yubu ingisaptop nimi wembahine andarina ka'eamikpa, wana porog nimiri wana heksirop yubu lelamika salero ka'ebaukang,’ aro Saelba Uhiropne poneko whingag yabalamleri, wero poa tongolamsilul,” aro ambarog.
18Wene aro ambarogpa, Zakhariari Allah arukna imagne malaikat anekoag nen samoro, “Wene aro ambatnelam aghana, na babe nari kel babe sabal tanomo. Ane sembe na welaro, ‘Sik uro yabilul,’ aro el wamnep?” aro Allah arukna anekoag lebog.
19Wene aro lebogpa, Allah arukna imagne malaikat anekori Zakharia ponekoag samoro yubu lelamogti, “Na Allah arukna Allah whingag, ‘Eldi awe tomnun,’ aro sop-sop sekamnange si Gabriel wamna. Nuni Allahri nanag arukto, ‘Yubu walinge nene ambarel yingkilulam,’ aro pogholanelba, yingkina ambarelangken. 20Nari ambarelangkenne nene sunsunup tanep sum eneko taleba, sik uro yabinepneog wamla. Aghana nari ambarelangkenne nene sembe sik sembalam kom ane sembe, pam lepkeleba, yubu lero koma wapmenag nari lemnange nene uro yabilul. Uro yabile sum eneko og nen yubu leplulam,” aro imagne malaikat anekori Zakhariaag ambarog.
21Allah arukna imagne malaikat aneko yaogti, Zakhariaag yubu ambarelamogpa, nimi maikno asag Zakharia lananne sembe nang-nangalamekti, “Map sa'a sembe Allahri Mem Ae lomag agha elem lanalamla kom?” aro lo'om seek.
22Wene senelamekti wamekpa, lambaogti sinag yubu ologha babe lemnep kom. Yubu lemnep komdi, “Undo-undo uro yabil,” aro saeri aghabog sunuro ambarelamsiog. Yubu lero koma saeri sunulamogne agha nimi taneko el taekti, “Allahri Mem Ae lomag wamlaba, haing uamna kwelekamna senenne elag lag talba, iplari ual,” aro el taek.
23Allahri Mem Aeag awe tomnepne sembe elag po'obaog ko'o eneko komopto tobogti, Zakharia poneko elenge aeag piog. 24Eldi aeag piogti, wamogne neneko ik ko'o we uro wamna komag agha, elkel Elisabet memon taog. Elkel Elisabet memon wamogti, asag lamban koma wamogha wal lambare taog. Asag lamban koma aeag purukloptaogti, 25yubu lelamogti, “Wene wamnange na Saelba Ulamnelne ponekori na yepto kemelamnel. Nimiri na, ‘Ibili kel,’ aro san tiliplamneangne neneko kologhal,” seog.
Allah arukna imagne malaikat nhondi, “Yesus mangap talul,” aro Mariaag ambarogha
26Elisabet kel eneko me monag wamogne wal no'opbare wamogpa, Allahri eldi arukna imagne malaikat si Gabriel ponekoag, “As Nazaret kel enekoag ambarel pululam,” aro poghogpa, Galilea so'oag as nhon wamog as nenekoag piog. 27Piogti saren kelabo nhon nengaboap marop kom kel sina Maria kel enekoag piog. Saren kel enekoap, sikinisag yubu sia leropne nubunge Daud sisari mangaroba pone sina Yusupap “Top tanunam,” aro yubu saekag leamdek. 28Allah arukna malaikat aneko Maria kel enekoag yaogti, yubu kipto lelamogti, “Namangkel, wana awi sembae! Imap so'oap Saelba Uhiropneri wana walingeag agha o'ona sembangkeldi, eldi an paiangkel,” aro kibog.
29Allah arukna imagne malaikat ponekori Mariaag wene seog yubu ene ka'ebaogti, wana enhaun seogti, “Sa'a sembe yubu ane lero kipnel?” aro wanaag hail dalamog.
30Wene aro seneragto hail dalamogpa, imagne malaikat anekori Mariaag yubu lelamogti, “Maria, an log sembaheng kom. Allahri wana anag yorolangkel. 31Andi monag me monag tagheleba, me nengabo me mangaro amendi, me si Yesus engkalulam.#1:31 Nimi si “Yesus” Ibrani nimiri yubuag, “Ya'ag Uropne Ponekori nimi taulba uhiropne wamla,” aro lerop. 32El poneko nimi nubunge taleba, nimiri el sembe, ‘El Imag Paliag Sirikne Elme wamla,’ aro lelamukang. Allah imap so'oap Saelba Uhiropne ponekori el yubu sia lenne nembaleba, ilisag Daud yubu sia lero saelbamsiog saog uro el babe nimi saelbamsilul. 33El yubu sia lenne wamleri, Yakubti sisa mangaro likto piroba ya'ag uro saelbamsileri, wamle paghabog wamlul. Eldi yubu sia lero saelbamsilulne neneko orog tan koma wamlea kekman wamle paghabog wamlul,” aro Allah arukna imagne malaikat anekori Mariaag ambarog.
34Wene aro ambarog aghana, Maria kel enekori samoro imagne malaikat anekoag yubu lelamogti, “Wene selam aghana nana nengaboap marop komdi, andi wene selamne nene welaro uro yabinep?” aro haibaog.
35Wene aro haibaogpa, Allah arukna imagne malaikat anekori Maria kel enekoag, “Allah Eldamne Yame Walinge anag yingkileba, Imag Paliag Sirikne poneko mikipne anag talul. Ane sembe me mangaro amen me enekona, ‘Allah Elme Eldamneri mo weptopne,’ aro lelamukang. 36An el uro wame. Ando'el Elisabet ibilia kekman sabal taog alamang aghana, el me monag taoba, me poroamlange wal no'opbare wamla. 37Tam nene sembe nimirina uro yabinep kom sembanep aghana, Allahrina sa'a-sa'a yubu lemnepti, uanepneog wamla,” aro Maria kel eneko ambarog.
38Wene seogpa Maria kel enekori, “Nu Saelba Uhiropne poneko arukna wamna. Andi wene aro yubu leplamne nene nanag uro yaboho,” aro wene seogpa, imagne malaikat anekori Maria kel eneko laploa piog.
Maria kel eneko Elisabetag kemel piogha
39Allah arukna imagne malaikat anekori Maria kel eneko laploa piogpa, Maria kel eneko men phea, “Elisabetag kemel pinun,” aro yim tamag sorop as mog so'o Yudea wamog as nenekoag piog. 40Maria kel eneko Zakharia ponekori aeag wa'al piogti, Elisabetag Maria kel enekori, “Naba naro'el,” aro kibog.
41Mariari, “Naba naro'el,” aro kiplamogha Elisabetti ka'elamog abeneko pere, Elisabet me monag wamog me eneko awiri lopna agha piloa saog uaogti, lebe seog. Me eneko lebe seogpa, Allah Eldamne Yame Walingeri Elisabet nongag to'opto wa'ina uaog. 42Elisabet nongag to'opto wa'ina uaogpa, Elisabetti Mariaag yubu lelamogti, “Naba naipsa'el! Kelabo yogne babe wamang aghana, an agha Imagne ponekori, ‘Walia uaneri tatsinun,’ senelamlange sik tapto tatkelul. Andi me mangaro amen me eneko sembe babe walia aghabog senelamsildi, elag walia ualul. 43Na nimi ologne wamnaba, nu Saelba Uhiropne ilin nanag yingkina kemelamnelam, te? 44Andi na kiplamnelamne ka'elamnaag agha me nari monag wamlange awi loloro sembaldi, lopna agha piloa saog ualdi, lebe sel. 45Nu Saelba Uhiropne ponekori anag ambatkeo yubu sembe andi sik senelamlam ane sembe, an sik uro wana awi uro wali wamlulam,” aro Elisabet kel enekori Mariaag ambarog.
Mariari omektop sepna sipto seplamogha
46Maria kel enekori nu Saelba Uhiropne poneko omeklamogti,
“Nari nong ningkiri nu Saelbamsilne poneko, ‘Nubunge wamla,’ aro lag phoro lelamnari,
47nari wanari yeng loloro ulamnel nena,
Allahri na taluro wali nenelamnelne poneko sembe yeng ulamnel.
48Na eldi arukna nimi ologne yareagne wamnaba, na taluro wali nenelamnelne ponekori kembamneldi, walia ulamnel.
Yo ot sik. Wene wamap nimi babe, wamik nimi babe nimi niri na sembe, ‘Allahri elag walia uaogpa, wana awi urop kel taog,’ alamnukang.
49El Imagne Mikip Sirikne ponekori nanag nubu sirika ulamla, ane sembe kiplamnukang.
Eldi sina, ‘Nhonogne sembenga orogne,’ aro eldi si lelamap.
50Nimi el sembe log uro kiptop nimi yareag senelamsil.
Samen wamekneag agha amik nimi likto-likto palamlengeag agha el sembe log uro kiptop nimi yareag senelamsilul.
51Eldi sae mikipneag agha, ‘Map mane agha ual,’ senenne ulamlari, sindam nimi wanaag omektangtop nimi eldi talupto olamsil.
52Sin nubunang, ‘Yubu sia lero paliag pulamna,’ aro saelba uhirop nang pelengero umag nembamsil aghana,
sin wana mombolag urop nimi paliag nembamsil.
53Sin saeagha orog nimi kwaneng yo wamsiloa saog urop nimi yepto wali-walia maikno tareamsil aghana,
tup uro urop nimi nongog yag lambamsil.
54-55Eldi nunisang yabo Abrahamap, ilisag Israel ponekoap sinag,
‘Andi mangaroba mangarobari mangkahyikne yepsinun,’ aro salag pibogne#Sumbaogha 17:7
kom tanep komne neneko ekon tan koma
nu Israel nimi sembe, ‘Nari arukna yepsinun,’ aro yareag sembamsil,”
aro Maria kel enekori Allah omekaog.
56Wene aro omekaogti, Elisabetap wal wilindi undo wamdeka Maria kel eneko eldi aeag samoro piog.
Yohanes maghag pelengehinne mangap taogha
57Maria kel eneko samoro elenge aeag piogpa, Elisabet kel eneko me mangaro anepne peram taogpa, wamogti me nengabo me mangaro aog. 58Elisabetti me mangaro aogne sembe ae peram wamek nimiap, eldi nimiapti ka'ebaekti, “Nu Saelba Uhiropne ponekori Elisabet sembe yareag sembaori yebo,” aro sinap Elisabetapti awi sembaek.
59Me aneko mangaro yabiogha ik lin sum eneko, “Me aneko kere kon karebaberi, si engero pibukap,” aro nimi longol aek. Yaek nimiri, “Me si aneko ili si kekhaekto Zakharia aro engkaukap,” sembaekti ulamek aghana, 60ilin kel enekori yubu lelamogti, “Kom! Elna si Yohanes engkaukap,” seog.
61Wene seogpa sindina, “Andi nimi sisa nhon sina undo engehirop kom,” seek.
62Wene seekti ili Zakhariaag, “Me ene si etne engkaukap?” aro saeag agha sunuro haibaek. 63Haibaekpa Zakharia ponekori mome tomneba kal la'asi nhon molbahiogti, mome tolamogti, “Me sina Yohanes,” aro mome tobogpa, sin niri kembaekti, lo'om seek. 64“Me sina Yohanes,” aro mome tobog abeneko pere, Zakhariari pam silimu keyagman taogpa, alniro Allah omekto yubu lelamog. 65Allah omeklamogpa, as peramag wamek nimi kembaekti, “Mane agha uro yabil,” aro log sembaek. Sindi ibekti, log sembaek yubu eneko mog so'o Yudea yimag sorop as enekoag ambat tangto sabo taog. 66Ni uro yabiogne ka'ebaek nimiri wanaag hail dalamekne, “Wene nu Saelba Uhiropne ponekori me ene undo paia yeplamla ane sembe, amik me ene wela saogne wamlul?” aro wanaag hail dalamek.
Zakharia ponekori Allah omekaogha
67Yohanes ili Zakharia ponekona, Allah Eldamne Yame Walingeri elag wa'ina to'opto ulamogpa, Zakharia ponekori Allah yubu silimu tipto ambarelamsiog. Allah yubu silimu tipto ambarelamsiogti,
68“Israel nimi paia uhiropne Allah ponekori, ‘Nari nimi yebel pihineri, sae lopsinun,’ aro ulamla,
ane sembe nu Saelba Uhiropne poneko omeklamna.
69-71Eldi samenag nimi mo kopto, ‘Nari yubu silimu tipto ambarelamsukang,’ aro
wepsiog nang pere agha salag pibogti, sunsunum uro ulamla.
Eldi salag pibogne sunsunum uro eldi arukna nunisag Daudti mangaroba agha,
nimi mikipne nhon nu pelepto taulba uhinne elelepto kiliro sekililamla.
Nimi eneko lag taleri, nimi nu sembe karong aro aisa nenep tangtop nimi nhinag agha
nu pelepto taulbahilul.
72-75Eldi nu pelepto taulba uhinepne undo sekililamongena,
Allahri seneraglamogti, ‘Nandamneri
sikini Abrahamag yubu nikne so'opto salag pipsinge
ekon tan koma sunsunum uro yareag sembahineri yepsinun.
Sin aisa nenep tangtop nimi saeag agha taulbahinun,’ aro
nu taulba uhinne sekililamla.
Undo unulamlongeag agha wene nuri log semban koma eldi awe tomnep.
Eldi awe tolamukap nena, nuri seneraglameberi,
‘Eldi wepsiog nimi wamap,’ aro sikne aghabog ulameberi,
eldi awe sop-sop tolamebea kekman tolamukap,”
aro Zakharia ponekori Allah omekaog.
76Wene seogti Zakharia ponekori elme sembe tipto lelamogti,
“Naba name, an nubu tamendi, ‘Nu Saelba Uhiropne poneko ina yanepne sembe yarebanun,’ aro
el whingag yubu ambatto tongolamlulam.
Ane sembe nimiri an sembe, ‘Imag Paliag Sirikne poneko yubu silimu tiptopne wamla,’ sukang.
77Andi Allah omektop nimi el nenelamsimendi,
‘Allahri a'undi malia uropne sembe undo tam wailag nembaleri taulbahilul,’ aro el nenero ambarelamsululam.
78Allahri nuri malia uroba lupto wailag nenerop nena,
eldi nu sembe wanaag agha yareag senelamsildi,
heng lukun heng tingiropne saog uro yebel ahilul.
79El nunag yebel ahilenge ponekona, ‘Sin inibinag tebanep saog urop nimi yepto tibin warebahinun. Warebahineri wa'anero poa ina wana aingniro ma'ap tangto unneag pabahinun,’ aro yebel ahilul,”
aro Zakharia ponekori ambatsiog.
80Wene seogpa, Zakharia elme Yohanes nolamogti, mikip tangto wana khaplamog. Nubu taogti, nimi oroghag pai aldesag ua ulamog paghabog, ot Allahri, “Sumene sum agha Israel nimiag lag nenep taleri, nari yubu tipto ambarelamsilul,” sembaog sum eneko agha, Yohanes poneko Israel nimi whingag ambarelamsiog.
လက္ရွိေရြးခ်ယ္ထားမွု
Lukas 1: kklKOS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.
Lukas 1
1
Lukasti Teofilus pone kibogha
1Teofilus naba nani! Nu wamaba anabiag agha nimi maiknori mome toro palilamongdi, “Allah Yubu sunsunum uro sunup taogne sembe tam wali uro lelekto mome toro pimnun,” aro tobong. 2Mome toro pibong nena, Yesusti alniro ulamogneag agha haingdi ililamek nangdi yubu walinge nene tipto ambarelamsiongba, nuri babe ka'elamobonge sunsunum uro nimi maiknori mome toro pibong. 3Wene aro mome toro pibongba, nari babe Yesusti alniro ni aneko ulamogneag agha lelekto kembanori, nangkae an sembe, “Wali lelekto mome toro pimnun,” sembanori mome toro palilamna. 4Nari mome nene tolamnange, nangkae an samenag ambatkeongba, ka'elamomne sembe, “Andi, ‘Nimiri yubu otsikne agha ambarelamneong,’ aro el wamlulam,” sembanori mome toro palilamna.
Allah arukna imagne malaikat nhondi, “Yohanes mangap talul,” aro ambarogha
5Samenag Yudea mog so'oag nimi sembe nimi nubunge yubu sia lenne Herodes wamog. Herodesti Yudea mog so'o saelba ulamsiog li enekoag memne Allah sembe paliropne si Zakharia wamog. Zakharia ponekona, memne Allah sembe paliropne nubunge Abia ponekori liksiogne agha wamog. Zakharia elkel Elisabet babe memne Allah sembe paliropne samenagne Harundi liksiog nimiri mangaro mangkahiek nimi agha Elisabet kel ene mangkaekpa, Zakharia ponekori kel eneko tobog. 6Ela'angeap elkelap abeneko Allah whingag wana porog nimi wamdek. Sin phende abenekori ulamdek nena, nu Saelba Uhiropneri aruksirop yubuap, irikahiog yubuap sunsunum uro ni to'opto saelba ulamdekti, nimiap se'el neneptan koma wamdek. 7Undo wamdek aghana, Elisabet ibiliri me nhon wamsin koma sin sabal tarek.
8-9Ik nhon sum sin memnang tanekori, “Allahag moloro auk mhong song walinge waelbaleba, Allahri wali sembahilul,” aro Abia sisa nang tanekori Allah whingag aukag tamnep sum taog. Sin memnang Allah sembe palirop nangdi ul palamek nena, kekneba ero toboglamekti, “Nimi sisa ene agha nimi nhonag po'obale tanena, imap so'oap Saelba Uhiropneri Mem Ae lomag awe toro Allah sembe song walia aukag talamleri molbarelamsilul,” aro kekneba toboghaek. Kekneba toboglamekag agha Zakharia ponekoag po'obaogpa, el saeag pibek. El saeag pibekpa, Allahri Mem Aeag wa'ina palirop sum eneko Zakharia ponekori, “Mhong song walinge waelbalul,” aro song walia aukag tamnebag ae lomag wa'iog. 10Zakharia poneko Allahri Mem Ae lomag wa'iogti, Allah sembe song walia aukag tanne talamogpa, nimi maikno Allahri Mem Ae aramag longol yingkina Allahag molona mololamek.
11Zakhariari Allahag song walia aukag aneko talamog abeneko pere, imap so'oap Saelba Uhiropneri arukna imagne malaikat yingkina song walia Allah sembe aukag tamnep hao sin sae sirik sip sekamogha Zakharia whingag lag taog. 12Sekamogpa ibogti, Zakharia lo'om seogti, log sembaog. 13Log sembaog aghana, Allah arukna imagne malaikat anekori yubu lelamogti, “Zakharia log sembaheng kom. Andi Allahag molona mololamlamne ka'ebal. Andi kel Elisabetti me nengabo me mangaro alul. Mangaro aleba, andi me si Yohanes aro engkalulam. 14-15Me eneko sembe an wanaag yeng uaghelul! Imap so'oap Saelba Uhiropneri me eneko sembe, ‘Nubunge,’ sembalul ane sembe, el mangaro anepne sembe nimi orange babe yeng uahilul. Ilindi anam me mangaro an komag, me eneko monag wamle ko'oag babe, Allah Eldamne Yame Walinge elag to'opto wamlul.#Lukas 1:41 Me enekori anggur wana lolterop mag babe, mag yonge tenba nenek nenehirop mag babe telul kom. 16Eldi a'un Israel nimi maikno yeplamsilea wa'anero poa lepsileri, a'un Saelba Uhiropne Allahag samoro poa yahilul. 17Allah Yame Walingeri a'unisag nubunge Elia ponekoag mikipne pibogpa, Elia ponekori Allah yubu tipto ulamog saog uro, me anekoag babe mikipne pipleba, Allah yubu tipto ambarelamsileri, ua ulamlul. Me anekori, ‘Sikini yaboap sikin maboap iriktangtop nimi ma'abahineri, iriktop yubu ingisaptop nimi wembahine andarina ka'eamikpa, wana porog nimiri wana heksirop yubu lelamika salero ka'ebaukang,’ aro Saelba Uhiropne poneko whingag yabalamleri, wero poa tongolamsilul,” aro ambarog.
18Wene aro ambarogpa, Zakhariari Allah arukna imagne malaikat anekoag nen samoro, “Wene aro ambatnelam aghana, na babe nari kel babe sabal tanomo. Ane sembe na welaro, ‘Sik uro yabilul,’ aro el wamnep?” aro Allah arukna anekoag lebog.
19Wene aro lebogpa, Allah arukna imagne malaikat anekori Zakharia ponekoag samoro yubu lelamogti, “Na Allah arukna Allah whingag, ‘Eldi awe tomnun,’ aro sop-sop sekamnange si Gabriel wamna. Nuni Allahri nanag arukto, ‘Yubu walinge nene ambarel yingkilulam,’ aro pogholanelba, yingkina ambarelangken. 20Nari ambarelangkenne nene sunsunup tanep sum eneko taleba, sik uro yabinepneog wamla. Aghana nari ambarelangkenne nene sembe sik sembalam kom ane sembe, pam lepkeleba, yubu lero koma wapmenag nari lemnange nene uro yabilul. Uro yabile sum eneko og nen yubu leplulam,” aro imagne malaikat anekori Zakhariaag ambarog.
21Allah arukna imagne malaikat aneko yaogti, Zakhariaag yubu ambarelamogpa, nimi maikno asag Zakharia lananne sembe nang-nangalamekti, “Map sa'a sembe Allahri Mem Ae lomag agha elem lanalamla kom?” aro lo'om seek.
22Wene senelamekti wamekpa, lambaogti sinag yubu ologha babe lemnep kom. Yubu lemnep komdi, “Undo-undo uro yabil,” aro saeri aghabog sunuro ambarelamsiog. Yubu lero koma saeri sunulamogne agha nimi taneko el taekti, “Allahri Mem Ae lomag wamlaba, haing uamna kwelekamna senenne elag lag talba, iplari ual,” aro el taek.
23Allahri Mem Aeag awe tomnepne sembe elag po'obaog ko'o eneko komopto tobogti, Zakharia poneko elenge aeag piog. 24Eldi aeag piogti, wamogne neneko ik ko'o we uro wamna komag agha, elkel Elisabet memon taog. Elkel Elisabet memon wamogti, asag lamban koma wamogha wal lambare taog. Asag lamban koma aeag purukloptaogti, 25yubu lelamogti, “Wene wamnange na Saelba Ulamnelne ponekori na yepto kemelamnel. Nimiri na, ‘Ibili kel,’ aro san tiliplamneangne neneko kologhal,” seog.
Allah arukna imagne malaikat nhondi, “Yesus mangap talul,” aro Mariaag ambarogha
26Elisabet kel eneko me monag wamogne wal no'opbare wamogpa, Allahri eldi arukna imagne malaikat si Gabriel ponekoag, “As Nazaret kel enekoag ambarel pululam,” aro poghogpa, Galilea so'oag as nhon wamog as nenekoag piog. 27Piogti saren kelabo nhon nengaboap marop kom kel sina Maria kel enekoag piog. Saren kel enekoap, sikinisag yubu sia leropne nubunge Daud sisari mangaroba pone sina Yusupap “Top tanunam,” aro yubu saekag leamdek. 28Allah arukna malaikat aneko Maria kel enekoag yaogti, yubu kipto lelamogti, “Namangkel, wana awi sembae! Imap so'oap Saelba Uhiropneri wana walingeag agha o'ona sembangkeldi, eldi an paiangkel,” aro kibog.
29Allah arukna imagne malaikat ponekori Mariaag wene seog yubu ene ka'ebaogti, wana enhaun seogti, “Sa'a sembe yubu ane lero kipnel?” aro wanaag hail dalamog.
30Wene aro seneragto hail dalamogpa, imagne malaikat anekori Mariaag yubu lelamogti, “Maria, an log sembaheng kom. Allahri wana anag yorolangkel. 31Andi monag me monag tagheleba, me nengabo me mangaro amendi, me si Yesus engkalulam.#1:31 Nimi si “Yesus” Ibrani nimiri yubuag, “Ya'ag Uropne Ponekori nimi taulba uhiropne wamla,” aro lerop. 32El poneko nimi nubunge taleba, nimiri el sembe, ‘El Imag Paliag Sirikne Elme wamla,’ aro lelamukang. Allah imap so'oap Saelba Uhiropne ponekori el yubu sia lenne nembaleba, ilisag Daud yubu sia lero saelbamsiog saog uro el babe nimi saelbamsilul. 33El yubu sia lenne wamleri, Yakubti sisa mangaro likto piroba ya'ag uro saelbamsileri, wamle paghabog wamlul. Eldi yubu sia lero saelbamsilulne neneko orog tan koma wamlea kekman wamle paghabog wamlul,” aro Allah arukna imagne malaikat anekori Mariaag ambarog.
34Wene aro ambarog aghana, Maria kel enekori samoro imagne malaikat anekoag yubu lelamogti, “Wene selam aghana nana nengaboap marop komdi, andi wene selamne nene welaro uro yabinep?” aro haibaog.
35Wene aro haibaogpa, Allah arukna imagne malaikat anekori Maria kel enekoag, “Allah Eldamne Yame Walinge anag yingkileba, Imag Paliag Sirikne poneko mikipne anag talul. Ane sembe me mangaro amen me enekona, ‘Allah Elme Eldamneri mo weptopne,’ aro lelamukang. 36An el uro wame. Ando'el Elisabet ibilia kekman sabal taog alamang aghana, el me monag taoba, me poroamlange wal no'opbare wamla. 37Tam nene sembe nimirina uro yabinep kom sembanep aghana, Allahrina sa'a-sa'a yubu lemnepti, uanepneog wamla,” aro Maria kel eneko ambarog.
38Wene seogpa Maria kel enekori, “Nu Saelba Uhiropne poneko arukna wamna. Andi wene aro yubu leplamne nene nanag uro yaboho,” aro wene seogpa, imagne malaikat anekori Maria kel eneko laploa piog.
Maria kel eneko Elisabetag kemel piogha
39Allah arukna imagne malaikat anekori Maria kel eneko laploa piogpa, Maria kel eneko men phea, “Elisabetag kemel pinun,” aro yim tamag sorop as mog so'o Yudea wamog as nenekoag piog. 40Maria kel eneko Zakharia ponekori aeag wa'al piogti, Elisabetag Maria kel enekori, “Naba naro'el,” aro kibog.
41Mariari, “Naba naro'el,” aro kiplamogha Elisabetti ka'elamog abeneko pere, Elisabet me monag wamog me eneko awiri lopna agha piloa saog uaogti, lebe seog. Me eneko lebe seogpa, Allah Eldamne Yame Walingeri Elisabet nongag to'opto wa'ina uaog. 42Elisabet nongag to'opto wa'ina uaogpa, Elisabetti Mariaag yubu lelamogti, “Naba naipsa'el! Kelabo yogne babe wamang aghana, an agha Imagne ponekori, ‘Walia uaneri tatsinun,’ senelamlange sik tapto tatkelul. Andi me mangaro amen me eneko sembe babe walia aghabog senelamsildi, elag walia ualul. 43Na nimi ologne wamnaba, nu Saelba Uhiropne ilin nanag yingkina kemelamnelam, te? 44Andi na kiplamnelamne ka'elamnaag agha me nari monag wamlange awi loloro sembaldi, lopna agha piloa saog ualdi, lebe sel. 45Nu Saelba Uhiropne ponekori anag ambatkeo yubu sembe andi sik senelamlam ane sembe, an sik uro wana awi uro wali wamlulam,” aro Elisabet kel enekori Mariaag ambarog.
Mariari omektop sepna sipto seplamogha
46Maria kel enekori nu Saelba Uhiropne poneko omeklamogti,
“Nari nong ningkiri nu Saelbamsilne poneko, ‘Nubunge wamla,’ aro lag phoro lelamnari,
47nari wanari yeng loloro ulamnel nena,
Allahri na taluro wali nenelamnelne poneko sembe yeng ulamnel.
48Na eldi arukna nimi ologne yareagne wamnaba, na taluro wali nenelamnelne ponekori kembamneldi, walia ulamnel.
Yo ot sik. Wene wamap nimi babe, wamik nimi babe nimi niri na sembe, ‘Allahri elag walia uaogpa, wana awi urop kel taog,’ alamnukang.
49El Imagne Mikip Sirikne ponekori nanag nubu sirika ulamla, ane sembe kiplamnukang.
Eldi sina, ‘Nhonogne sembenga orogne,’ aro eldi si lelamap.
50Nimi el sembe log uro kiptop nimi yareag senelamsil.
Samen wamekneag agha amik nimi likto-likto palamlengeag agha el sembe log uro kiptop nimi yareag senelamsilul.
51Eldi sae mikipneag agha, ‘Map mane agha ual,’ senenne ulamlari, sindam nimi wanaag omektangtop nimi eldi talupto olamsil.
52Sin nubunang, ‘Yubu sia lero paliag pulamna,’ aro saelba uhirop nang pelengero umag nembamsil aghana,
sin wana mombolag urop nimi paliag nembamsil.
53Sin saeagha orog nimi kwaneng yo wamsiloa saog urop nimi yepto wali-walia maikno tareamsil aghana,
tup uro urop nimi nongog yag lambamsil.
54-55Eldi nunisang yabo Abrahamap, ilisag Israel ponekoap sinag,
‘Andi mangaroba mangarobari mangkahyikne yepsinun,’ aro salag pibogne#Sumbaogha 17:7
kom tanep komne neneko ekon tan koma
nu Israel nimi sembe, ‘Nari arukna yepsinun,’ aro yareag sembamsil,”
aro Maria kel enekori Allah omekaog.
56Wene aro omekaogti, Elisabetap wal wilindi undo wamdeka Maria kel eneko eldi aeag samoro piog.
Yohanes maghag pelengehinne mangap taogha
57Maria kel eneko samoro elenge aeag piogpa, Elisabet kel eneko me mangaro anepne peram taogpa, wamogti me nengabo me mangaro aog. 58Elisabetti me mangaro aogne sembe ae peram wamek nimiap, eldi nimiapti ka'ebaekti, “Nu Saelba Uhiropne ponekori Elisabet sembe yareag sembaori yebo,” aro sinap Elisabetapti awi sembaek.
59Me aneko mangaro yabiogha ik lin sum eneko, “Me aneko kere kon karebaberi, si engero pibukap,” aro nimi longol aek. Yaek nimiri, “Me si aneko ili si kekhaekto Zakharia aro engkaukap,” sembaekti ulamek aghana, 60ilin kel enekori yubu lelamogti, “Kom! Elna si Yohanes engkaukap,” seog.
61Wene seogpa sindina, “Andi nimi sisa nhon sina undo engehirop kom,” seek.
62Wene seekti ili Zakhariaag, “Me ene si etne engkaukap?” aro saeag agha sunuro haibaek. 63Haibaekpa Zakharia ponekori mome tomneba kal la'asi nhon molbahiogti, mome tolamogti, “Me sina Yohanes,” aro mome tobogpa, sin niri kembaekti, lo'om seek. 64“Me sina Yohanes,” aro mome tobog abeneko pere, Zakhariari pam silimu keyagman taogpa, alniro Allah omekto yubu lelamog. 65Allah omeklamogpa, as peramag wamek nimi kembaekti, “Mane agha uro yabil,” aro log sembaek. Sindi ibekti, log sembaek yubu eneko mog so'o Yudea yimag sorop as enekoag ambat tangto sabo taog. 66Ni uro yabiogne ka'ebaek nimiri wanaag hail dalamekne, “Wene nu Saelba Uhiropne ponekori me ene undo paia yeplamla ane sembe, amik me ene wela saogne wamlul?” aro wanaag hail dalamek.
Zakharia ponekori Allah omekaogha
67Yohanes ili Zakharia ponekona, Allah Eldamne Yame Walingeri elag wa'ina to'opto ulamogpa, Zakharia ponekori Allah yubu silimu tipto ambarelamsiog. Allah yubu silimu tipto ambarelamsiogti,
68“Israel nimi paia uhiropne Allah ponekori, ‘Nari nimi yebel pihineri, sae lopsinun,’ aro ulamla,
ane sembe nu Saelba Uhiropne poneko omeklamna.
69-71Eldi samenag nimi mo kopto, ‘Nari yubu silimu tipto ambarelamsukang,’ aro
wepsiog nang pere agha salag pibogti, sunsunum uro ulamla.
Eldi salag pibogne sunsunum uro eldi arukna nunisag Daudti mangaroba agha,
nimi mikipne nhon nu pelepto taulba uhinne elelepto kiliro sekililamla.
Nimi eneko lag taleri, nimi nu sembe karong aro aisa nenep tangtop nimi nhinag agha
nu pelepto taulbahilul.
72-75Eldi nu pelepto taulba uhinepne undo sekililamongena,
Allahri seneraglamogti, ‘Nandamneri
sikini Abrahamag yubu nikne so'opto salag pipsinge
ekon tan koma sunsunum uro yareag sembahineri yepsinun.
Sin aisa nenep tangtop nimi saeag agha taulbahinun,’ aro
nu taulba uhinne sekililamla.
Undo unulamlongeag agha wene nuri log semban koma eldi awe tomnep.
Eldi awe tolamukap nena, nuri seneraglameberi,
‘Eldi wepsiog nimi wamap,’ aro sikne aghabog ulameberi,
eldi awe sop-sop tolamebea kekman tolamukap,”
aro Zakharia ponekori Allah omekaog.
76Wene seogti Zakharia ponekori elme sembe tipto lelamogti,
“Naba name, an nubu tamendi, ‘Nu Saelba Uhiropne poneko ina yanepne sembe yarebanun,’ aro
el whingag yubu ambatto tongolamlulam.
Ane sembe nimiri an sembe, ‘Imag Paliag Sirikne poneko yubu silimu tiptopne wamla,’ sukang.
77Andi Allah omektop nimi el nenelamsimendi,
‘Allahri a'undi malia uropne sembe undo tam wailag nembaleri taulbahilul,’ aro el nenero ambarelamsululam.
78Allahri nuri malia uroba lupto wailag nenerop nena,
eldi nu sembe wanaag agha yareag senelamsildi,
heng lukun heng tingiropne saog uro yebel ahilul.
79El nunag yebel ahilenge ponekona, ‘Sin inibinag tebanep saog urop nimi yepto tibin warebahinun. Warebahineri wa'anero poa ina wana aingniro ma'ap tangto unneag pabahinun,’ aro yebel ahilul,”
aro Zakharia ponekori ambatsiog.
80Wene seogpa, Zakharia elme Yohanes nolamogti, mikip tangto wana khaplamog. Nubu taogti, nimi oroghag pai aldesag ua ulamog paghabog, ot Allahri, “Sumene sum agha Israel nimiag lag nenep taleri, nari yubu tipto ambarelamsilul,” sembaog sum eneko agha, Yohanes poneko Israel nimi whingag ambarelamsiog.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.