Pogsiog Nang 24
24
Mog so'o saelba uropne Feliks whingag tam Paulusag pibekne sembe Tertulusti ambarogha
1Ik lambare wameka memne Allah sembe palirop nang sikini nubunge sina Ananiasap, Yahudi nimi wenehirop nangap tanekori, “Yubu tam Paulusag pibebenge sembe lelekto mog so'o wamabag saelba uropne ambatsilul,” aro nimi nhon sina Tertulus webek. Webekti elap nhon piekti, “Paulusag tam pimnepne mog so'o saelba uropne gubernur Feliks ambarukap,” aro as Kaisarea piek. 2Sin poloro wamekag Feliks ponekori el umag wamek nangag, “Paulus payalulom,” seogpa payaekpa, Tertulus poneko sekelabiog. Sekelabiogti Yahudi nimiri Paulusag tam palilamekne sembe ambarelamsiogti, “Nani nubunge Feliks, an wamlamagna nuringe mog so'o ene aingniamla. An wana hektopne wamlamdi, yubu lelamlamdi, Yahudi sisa nimi mog so'o eneag urop nimi wali uro o'obarelamsilamba, wali uro palamla. 3Nani andi ulamomne nu niri sop-sop ililamapti, ‘Wah, Feliks walinge, nani,’ aro kiplangkeap. 4An nimi nubunge tam maikno kemelamlamdi, ulamlamne na el wamna. Ane sembe nani anag mololangken nena, ‘An walinge wana pail angkalapmendi, nari yubu olog lemnunne nene sembe ka'eame,’ aro mololangken.
5Nimi ene meneng singina salehiropne saog wamlaba, as mog so'o ni abeneko posaplamlaba ililamap. Yahudi nimi as tala-tala wamangne eldi aghabog put-put ana tolongolamla. Nimi ene ekel ina ambatto Nazaretne yubu ka'elamang nimi sembe usog talamla. 6Abene mo kom aghana, Allahri Mem Ae walinge eldi, ‘Yahudi sisa kom nimi pabahineri, Yahudi nang aghabog wamnebag tobongkipsineri, Allahri Mem Ae loba nembanun,’ aro ulamo. Undo ulamoba, kembabori nuri, ‘Musari aruksirop yubu saelba ulamapne sunsunum uro tam karebaukap,’ aro Paulus saelbabo. 7Wene sembabori, Paulus saelbabo aghana, yin salerop nang sikindo Lisias poneko yaori, nu saeag agha yo uro nimi ene tolao. 8Nimi ene pelepto tobori, nunag ambarelamsiori, ‘Mog so'o salehiropne Feliksti tam kemero karebalulne ponekoag pululom,’ aro ambatsioba yaap. Nai andi nimi eneko haibamendi, nuri yubu lebapne sembe, ‘Sik uro lebang,’ aro el talulam,” seog.
9Wene aro ambarogpa, Yahudi nimi taneko wamek nimiri babe “Sik lepla,” aro wene alamek.
Feliks whingag agha Paulusti eldamne sembe pelep tangtop yubu lebogha
10Wene alamekpa, mog so'o Kaisarea saleropne Feliks ponekori Paulusag, “Andi babe yubu leplulam,” aro haing tibu nginikom seog. Haing tibu nginikom seogpa Paulusti, “Nani, na el wamnange, andi nu Yahudi sisa nimi mog so'o eneag wamapne hengkun-kunne saelbamsilamdi, nuri ul palamapne sembe el ua ulamlamdi, tam kemero kareplamlamne na el wamna. Ane sembe sindi nanag tam palilamang aghana, an whingag nandamne pelebel tanepne sembe na wana yeng ulamnel. 11Nani, andi nimiag haibahimenba, sindi lebikne agha el talulam. Na as Yerusalem, ‘Allah omekel pinun,’ aro pinori wamnoba, ik aobare sum taoba, wene wamap. 12Na Yerusalem wamno abeneko Allahri Mem Aeag babe, Allah yubu lero winirop aeag babe, inaag nimi ua urobag babe yabalamnari, nimi nhonap babe yubu wabahin koma nimiag, ‘Yubu talul,’ aro suknunne babe orog. 13Sindi babe, ‘Tamna nene elag palilamap,’ alamang aghana, ‘Malia uao,’ senenne kekneba uanonge nhon babe anag lag nembanep kom saog wamla. 14Ot na an whingag agha lag phoro lemnun nena, nunisa yabori Allah omeklamekne poneko omeklamnange, Yesusti Ina pa'abaog ina toman Allah omeklamna. Ina pa'abaogne neneko sin nimi tanekori, ‘Ekel ina,’ alamang aghana, Musari aruksirop yubuap, Allahri yubu silimu tiplamek nimiri yubuap, ni mome toro pibek yubu enekoag sikne aro wana palilamna. 15Nari seneraglamnange, ‘Wana sengkwanektop nimiap, wana porog nimiap Allahri kamag nembahilul,’ senenneag wana paliro nang-nangaro wamna. Nang-nangaro wamna saog uro sindi babe, ‘Allahri nimi kamag nembahilul,’ aro nang-nangaro wana palilamang. 16Undo nang-nangaro wana palilamna ane sembe, Allah whingag babe, nimi whingag babe nia mangkina ulamnari, nari wanaag seneraglamnari, ‘Malia uan koma walinge aghabog uahane,’ aro ul palamna.
17Na samenag as Yerusalem lambom agha hengkun-kunne yog asag ul tongolamno. Yog asag nimi tanekori wanari, ‘Nungkabo Yahudi nimi saeagha orog nimi yepsukap,’ aro nari saeag pibongba, as Yerusalem payano. As Yerusalem yan komag agha, ‘Allah sembe oro pimnepne babe, Yahudi sisa nimi as Yerusalem wamang nimi yepsinepne babe tarel pihinun,’ aro as Yerusalem samoro yanori payano. 18Yanori, ‘Allah whingag sembenga pabineag,’ aro Musari aruksirop yubu sunsunum uro sembenga wa'epto naghi agha a'alel dalamnori, wamnoa Allahri Mem Aeag wa'ino. Wa'inori unulamnoagna, nimi suknubahin koma wamnori, nimi maikno nanap nhon wamobo kom. Nari yubu suknuna nimiag suknunne babe orog aghana, 19Yahudi nimi mog so'o Asia agha yaong nimiri imneong. Sin Asia nangdi nari samen ul tongolamnoag agha yingkina imneongdi, tam nembaong. Sin Asia so'oag agha Yahudi nimiri tam nembaong nimi taneko an whingag yaheng. Sindi nanag tam nhon pimnepne wamso tanena, an whingag lepseng sembamna. 20Yahudi nimi Asia so'o agha yaong nimi taneko orog wamang aghana, sin wene yaang nimi taneri samenag na enero poa nu Yahudi nimi sembe tam lelekto kemero kareptobag Mahkamah Agama nimi whingag poa pineong nimi wamang. Mahkamah Agama nimi whingag poa pineong sum eneko tam nanag pimnepne nhon ibong to, kom to aro lag nenero ambatsiseng sembamna. 21Ot sin nusamag wamno sum eneko nari yubu kiki nhon lemnonge sembe nanag tam palilamneang to? Sum eneko nari yubu lelamnori, ‘“Nimi teptopne Allahri kamag nembahilul,” senelamnari nang-nangaro ulamnange sembe na enero poa yaneangba, wene tane tam kareptobag wamna ane,’ aro haum seno. Sum eneko yubu lemnonge sembe tam nenero palilamneang to?” aro ambarog.
22Wene aro Paulusti ambarogpa, Feliks poneko Yesusti pa'abaog Ina neleptop nimi sembe el uro wamog aghana, “Amik tam karebanun,” sembaog. Undo senelamogti, “Yin salerop nang sikini Lisias yaleri, yubu ambatnelenge ka'ebaneri, tam nene karebanun,” aro wene seogti pibog.
23Wene seogti, yin salerop nang sikindo nhonag, “Yo uan koma Paulus kop aeag yae paiamlulam. Elag teko uanepne elkabori yebel alamik tanena, yag lambahiseng kom,” aro ambarog.
Feliks elkel Drusilaap whingag Paulusti ambatsiogha
24Ik etpare wameka Feliksap elkel Drusila Yahudi kel enekoap yarek. Yarekpa Feliksti, “Paulus tol pululom,” seogpa payaekpa, Paulusti Kristus Yesus ponekoag sikne aro wana paliropne sembe lelekto Feliks ambarelamog. Ambarelamogpa Feliksti aoag agha ka'eloamog. 25Ka'elobongkia, “El tahane,” aro hailamogne Paulusti Allah yubu tibin nenero ambarelamog. Aghana Paulusti wana porogne ul panneap, iba luknuro seneragtopneap, Allahri amik tam karebalulneap sembe ambarelamogpa, Feliks poneko log sembaog. Log senelamogti, “Ot abene ambatnelamba pululam. Nen amik, ‘Ambatnelul,’ sembane tanena yopkenun,” seog. 26Feliks poneko wanaag seneraglamog nena, “Kamna nanag tatneleba, sae lopto lambanun,” aro nang-nangalamogti, ik sulu Paulus yoplamogti, yubu lelamdek. 27Paulus aneko paiamogne hengkun phende piogpa, Feliks lunumna sina Perkius Festus waelbaog. Aghana Feliksti, “Yahudi nimiri nanag wana yororo senelamnukang,” aro Paulus kop aeag aneko wamogne libog.
လက္ရွိေရြးခ်ယ္ထားမွု
Pogsiog Nang 24: kklKOS
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.
Pogsiog Nang 24
24
Mog so'o saelba uropne Feliks whingag tam Paulusag pibekne sembe Tertulusti ambarogha
1Ik lambare wameka memne Allah sembe palirop nang sikini nubunge sina Ananiasap, Yahudi nimi wenehirop nangap tanekori, “Yubu tam Paulusag pibebenge sembe lelekto mog so'o wamabag saelba uropne ambatsilul,” aro nimi nhon sina Tertulus webek. Webekti elap nhon piekti, “Paulusag tam pimnepne mog so'o saelba uropne gubernur Feliks ambarukap,” aro as Kaisarea piek. 2Sin poloro wamekag Feliks ponekori el umag wamek nangag, “Paulus payalulom,” seogpa payaekpa, Tertulus poneko sekelabiog. Sekelabiogti Yahudi nimiri Paulusag tam palilamekne sembe ambarelamsiogti, “Nani nubunge Feliks, an wamlamagna nuringe mog so'o ene aingniamla. An wana hektopne wamlamdi, yubu lelamlamdi, Yahudi sisa nimi mog so'o eneag urop nimi wali uro o'obarelamsilamba, wali uro palamla. 3Nani andi ulamomne nu niri sop-sop ililamapti, ‘Wah, Feliks walinge, nani,’ aro kiplangkeap. 4An nimi nubunge tam maikno kemelamlamdi, ulamlamne na el wamna. Ane sembe nani anag mololangken nena, ‘An walinge wana pail angkalapmendi, nari yubu olog lemnunne nene sembe ka'eame,’ aro mololangken.
5Nimi ene meneng singina salehiropne saog wamlaba, as mog so'o ni abeneko posaplamlaba ililamap. Yahudi nimi as tala-tala wamangne eldi aghabog put-put ana tolongolamla. Nimi ene ekel ina ambatto Nazaretne yubu ka'elamang nimi sembe usog talamla. 6Abene mo kom aghana, Allahri Mem Ae walinge eldi, ‘Yahudi sisa kom nimi pabahineri, Yahudi nang aghabog wamnebag tobongkipsineri, Allahri Mem Ae loba nembanun,’ aro ulamo. Undo ulamoba, kembabori nuri, ‘Musari aruksirop yubu saelba ulamapne sunsunum uro tam karebaukap,’ aro Paulus saelbabo. 7Wene sembabori, Paulus saelbabo aghana, yin salerop nang sikindo Lisias poneko yaori, nu saeag agha yo uro nimi ene tolao. 8Nimi ene pelepto tobori, nunag ambarelamsiori, ‘Mog so'o salehiropne Feliksti tam kemero karebalulne ponekoag pululom,’ aro ambatsioba yaap. Nai andi nimi eneko haibamendi, nuri yubu lebapne sembe, ‘Sik uro lebang,’ aro el talulam,” seog.
9Wene aro ambarogpa, Yahudi nimi taneko wamek nimiri babe “Sik lepla,” aro wene alamek.
Feliks whingag agha Paulusti eldamne sembe pelep tangtop yubu lebogha
10Wene alamekpa, mog so'o Kaisarea saleropne Feliks ponekori Paulusag, “Andi babe yubu leplulam,” aro haing tibu nginikom seog. Haing tibu nginikom seogpa Paulusti, “Nani, na el wamnange, andi nu Yahudi sisa nimi mog so'o eneag wamapne hengkun-kunne saelbamsilamdi, nuri ul palamapne sembe el ua ulamlamdi, tam kemero kareplamlamne na el wamna. Ane sembe sindi nanag tam palilamang aghana, an whingag nandamne pelebel tanepne sembe na wana yeng ulamnel. 11Nani, andi nimiag haibahimenba, sindi lebikne agha el talulam. Na as Yerusalem, ‘Allah omekel pinun,’ aro pinori wamnoba, ik aobare sum taoba, wene wamap. 12Na Yerusalem wamno abeneko Allahri Mem Aeag babe, Allah yubu lero winirop aeag babe, inaag nimi ua urobag babe yabalamnari, nimi nhonap babe yubu wabahin koma nimiag, ‘Yubu talul,’ aro suknunne babe orog. 13Sindi babe, ‘Tamna nene elag palilamap,’ alamang aghana, ‘Malia uao,’ senenne kekneba uanonge nhon babe anag lag nembanep kom saog wamla. 14Ot na an whingag agha lag phoro lemnun nena, nunisa yabori Allah omeklamekne poneko omeklamnange, Yesusti Ina pa'abaog ina toman Allah omeklamna. Ina pa'abaogne neneko sin nimi tanekori, ‘Ekel ina,’ alamang aghana, Musari aruksirop yubuap, Allahri yubu silimu tiplamek nimiri yubuap, ni mome toro pibek yubu enekoag sikne aro wana palilamna. 15Nari seneraglamnange, ‘Wana sengkwanektop nimiap, wana porog nimiap Allahri kamag nembahilul,’ senenneag wana paliro nang-nangaro wamna. Nang-nangaro wamna saog uro sindi babe, ‘Allahri nimi kamag nembahilul,’ aro nang-nangaro wana palilamang. 16Undo nang-nangaro wana palilamna ane sembe, Allah whingag babe, nimi whingag babe nia mangkina ulamnari, nari wanaag seneraglamnari, ‘Malia uan koma walinge aghabog uahane,’ aro ul palamna.
17Na samenag as Yerusalem lambom agha hengkun-kunne yog asag ul tongolamno. Yog asag nimi tanekori wanari, ‘Nungkabo Yahudi nimi saeagha orog nimi yepsukap,’ aro nari saeag pibongba, as Yerusalem payano. As Yerusalem yan komag agha, ‘Allah sembe oro pimnepne babe, Yahudi sisa nimi as Yerusalem wamang nimi yepsinepne babe tarel pihinun,’ aro as Yerusalem samoro yanori payano. 18Yanori, ‘Allah whingag sembenga pabineag,’ aro Musari aruksirop yubu sunsunum uro sembenga wa'epto naghi agha a'alel dalamnori, wamnoa Allahri Mem Aeag wa'ino. Wa'inori unulamnoagna, nimi suknubahin koma wamnori, nimi maikno nanap nhon wamobo kom. Nari yubu suknuna nimiag suknunne babe orog aghana, 19Yahudi nimi mog so'o Asia agha yaong nimiri imneong. Sin Asia nangdi nari samen ul tongolamnoag agha yingkina imneongdi, tam nembaong. Sin Asia so'oag agha Yahudi nimiri tam nembaong nimi taneko an whingag yaheng. Sindi nanag tam nhon pimnepne wamso tanena, an whingag lepseng sembamna. 20Yahudi nimi Asia so'o agha yaong nimi taneko orog wamang aghana, sin wene yaang nimi taneri samenag na enero poa nu Yahudi nimi sembe tam lelekto kemero kareptobag Mahkamah Agama nimi whingag poa pineong nimi wamang. Mahkamah Agama nimi whingag poa pineong sum eneko tam nanag pimnepne nhon ibong to, kom to aro lag nenero ambatsiseng sembamna. 21Ot sin nusamag wamno sum eneko nari yubu kiki nhon lemnonge sembe nanag tam palilamneang to? Sum eneko nari yubu lelamnori, ‘“Nimi teptopne Allahri kamag nembahilul,” senelamnari nang-nangaro ulamnange sembe na enero poa yaneangba, wene tane tam kareptobag wamna ane,’ aro haum seno. Sum eneko yubu lemnonge sembe tam nenero palilamneang to?” aro ambarog.
22Wene aro Paulusti ambarogpa, Feliks poneko Yesusti pa'abaog Ina neleptop nimi sembe el uro wamog aghana, “Amik tam karebanun,” sembaog. Undo senelamogti, “Yin salerop nang sikini Lisias yaleri, yubu ambatnelenge ka'ebaneri, tam nene karebanun,” aro wene seogti pibog.
23Wene seogti, yin salerop nang sikindo nhonag, “Yo uan koma Paulus kop aeag yae paiamlulam. Elag teko uanepne elkabori yebel alamik tanena, yag lambahiseng kom,” aro ambarog.
Feliks elkel Drusilaap whingag Paulusti ambatsiogha
24Ik etpare wameka Feliksap elkel Drusila Yahudi kel enekoap yarek. Yarekpa Feliksti, “Paulus tol pululom,” seogpa payaekpa, Paulusti Kristus Yesus ponekoag sikne aro wana paliropne sembe lelekto Feliks ambarelamog. Ambarelamogpa Feliksti aoag agha ka'eloamog. 25Ka'elobongkia, “El tahane,” aro hailamogne Paulusti Allah yubu tibin nenero ambarelamog. Aghana Paulusti wana porogne ul panneap, iba luknuro seneragtopneap, Allahri amik tam karebalulneap sembe ambarelamogpa, Feliks poneko log sembaog. Log senelamogti, “Ot abene ambatnelamba pululam. Nen amik, ‘Ambatnelul,’ sembane tanena yopkenun,” seog. 26Feliks poneko wanaag seneraglamog nena, “Kamna nanag tatneleba, sae lopto lambanun,” aro nang-nangalamogti, ik sulu Paulus yoplamogti, yubu lelamdek. 27Paulus aneko paiamogne hengkun phende piogpa, Feliks lunumna sina Perkius Festus waelbaog. Aghana Feliksti, “Yahudi nimiri nanag wana yororo senelamnukang,” aro Paulus kop aeag aneko wamogne libog.
လက္ရွိေရြးခ်ယ္ထားမွု
:
အေရာင္မွတ္ခ်က္
မၽွေဝရန္
ကူးယူ
မိမိစက္ကိရိယာအားလုံးတြင္ မိမိအေရာင္ခ်ယ္ေသာအရာမ်ားကို သိမ္းဆည္းထားလိုပါသလား။ စာရင္းသြင္းပါ (သို႔) အေကာင့္ဝင္လိုက္ပါ
© 2023 (Active), Wycliffe Bible Translators, Inc. All rights reserved.